tgoop.com/nnosha9/21
Last Update:
لطميه للسبي
اريد الطم وادك حيل
ع الراح وجفاني
رقيه تهدم الحيل
ومصابك عماني
------------------------
اريد انحب على الزينين بهداي
ع المذبوح والما شارب الماي
وين الفاكده خل تلطم وياي
وي زينب تدك حيل
ع المذبوح ضامي
اريد الطم وادك حيل
ع الراح وجفاني
------------------------
ياهم الجرعته والله يهدم اجبال
ماخلوني ابجي اعله الي عالثره ضال
صعدوني على النوك ومجتفيني بحبال
يزمخ لو نخيتك
وبسوطه اضرباني
اريد الطم وادك حيل
ع الراح وجفاني
------------------------
شحمل يامصيبه مصايبكم تره هواي
والزيد عليه رقيه تبجي بهداي
تريد احسين ابوهه ومني تايه الراي
ياعملاته البين
والله عذباني
اريد الطم وادك حيل
ع الراح وجفاني
------------------------
من جابولهه الراس حَضْنَّتَه وبجت حيل
تكله اشلون ترضه اعداكم بيه تعيل
بويه منهو خله دم من عينك يسيل
وسفه البين اخذكم
بويه ويتماني
اريد الطم وادك حيل
ع الراح وجفاني
------------------------
لخادمه الزهراء /نور الهدى الشويلي
غير مبري الذمه من يحذف الاسماء ويأخذ الكلام وينسبه له
https://www.tgoop.com/nnosha9
BY آݪــَشـَِاعـِرَهْ ڼۨـِوࢪِ آݪــۿٖـِــدى الـشـويـلـي♡↯
Share with your friend now:
tgoop.com/nnosha9/21