فزاعيه للسبي على طور تعور ضهر اخيتي

تعور كلب اختكم طبت الشام
وياعباس خويه امشي ويا ضلام
*
ترضه ام الخدر تدخل بديوان
راحت هيبتي ويا الجان ماجان
صدك حاليلكم نومه التربان

(الون والنوح/اعليهم عليهه)

يلوعنه الشمر من يضرب الراس
يكلهن مايجي عمجن العباس
ماضلجن بعد بالزلم حراس
(يكلهه الكافل/غرب يسكينه)

بقيتن بس حرم ماعدجن ازلام
وسفه يالكفيل عيونك تنام
وعفتوني يخويه ابين ضلام
(اكعد ليهه/مسبيه الحره)
******
وسفه يبو فاظل طمك تراب
وانت الدنيا كلهه منك تهاب
يحلو الطول والمابيك كل عيب
(شال وسدد بيبانه/ابن البدويه)


لخادمه الزهراء /نور الهدى الشويلي
https://www.tgoop.com/nnosha9

فزاعيه مع هوسات لوفاه رقيه


اخبروه على بنته خل يجي ليها
زينب موتت رقيه تاذيها
****
طفله وفرفحت من شافت الوالي
يتيمه صفيت عكبك بويه يالغالي
اضلن بالهضم والضيم ؛ياحالي
*والضيم/اخلافك يلفيني*

*
تكله بويه عكبك من يباريني
ماريدنه عمري يابعد عيني
خليني اعله خدك اغفه خليني
*السوط يأذي /واني متوني صغيرونه*
**

ساعه ولن رقيه خفتت الونه
والسجاد صاح اتحضري ياعمه
ماعدنه جفن جابيش تتغطه
*وتراب الحار/ يغطيهه*
***
لخادمه الزهراء /نور الهدى الشويلي
https://www.tgoop.com/nnosha9

نعي

تعنيت للوالي بهيده
اخوي شو طول الغيبه
حنين اخيي لو نخيته
****
اعاتبك يا ماي عيني
وادري العتب بيك ياذي
اريدك تجي ياخال بزري
****
شسوي يخويه السوط ياذي
واعداك ما رحمت عباتي
من الضيم شيب حتى راسي
****
هنا جواب العباس

* يكلهه خوويه لا تعتبين *

يم عون خويه لا تعتبين
شبيدي تره وانتي تشوفين
موذر ع الثرى والراس نصين
****
بهيده يزينب من تونين
تاذين كلبي من تعتبين
تمنيت بس لو عندي جفين
****
لمن سمعت الخيل هجمت
مديت اديه وكلت بلكت
الزم خيلهم لو علّي عدت
*
تدرين اخيج حيل مابيه
ومكطعه عباس جفيه
لجن غيرته لا ما تخليه

***


لخادمه الزهراء /«نور الهدى الشويلي
https://www.tgoop.com/nnosha9

فزاعيه للاخوه
بعد شالت الخويه. وفاركيناها
وازلام الهيابه. وين نلكاها
-----------------------
فلت وياابو السجاد خوتنه
ماترجع بعد ياذيج لمتنه
ويااخواتنه شمحلاها كعدتنه
ماترجع بعدهم ضيعيناها
(البيرغ الهم/بالميدان ترفعينه)
---------------------------
ابد متلوك هالنومه يخواني
وانا بديره الغربه تخلوني
اصيحن ياهلي شو ماتسمعوني
زينب زينب والكفيل اليوم ماجاها
(اتحشم زينب/يربات الهيبه)
---------------------------
ياذيها المتن والسطره توجعهه
بموتتهه رقيه زيدت ونهه
محد من اهلهه كام ويزتهه
شيب راسها والعين طفاها
(محلاها/العشره وياكم)
---------------------------

لخادمه الزهراء/نور الهدى الشويلي
https://www.tgoop.com/nnosha9

قصيده للسيده رقيه على طور (ياروحي الاحبهم )


يزينب الحكيلي ماتت رقيه
طفله وزغيره بخرابه شلون بيه
متعلمه اعلى ابوهه. طفله ويسروهه
*
ماتت اعله الراس اخيتي
واني ياعمه شبيديه
يلجم جروحي يعمتي
من اشوفنج سبيه
وزيدت هسه ونيني
موتت الطفله رقيه
زادت هسه مبجاي. طفله وماتت احذاي
يزينب الحكيلي ماتت رقيه
*
ياكثرهه اجروحي ولله
راس ابويه كبالي يمشي
وانضر العمتي اعله ناكه
تميل بيهه وهيه تبجي
عمه رحمي بحالي عمه
ونتج ولله تاذي
عمه وني بهداي ونتج تجرح اعضاي
يزينب الحكيلي ماتت رقيه
*
ادري مجروحه يعمه
وياكثرهن هالمصايب
لاكن شبيدي عليجن
وانتن بديره غرايب
وهسه شيب راسي منهه
موتت الطفله بخرايب
ونهه يهدم الحيل. طفله وماتت بليل
يزينب الحكيلي ماتت رقيه
*
عزيزه الوالد رقيه
شلون ندفنهه ونسافر
شنهو اكله لونشدنه
وضلت عيونه تناظر
بويه خلينه الزغيره
نايمه فوك الحراير
بويه بالخرابه. نامت ع الترابه
يزينب الحكيلي ماتت رقيه
****



لخادمه الزهراء /نور الهدى الشويلي

غير مبري الذمه من يحذف الاسماء ويأخذ الكلام وينسبه له
https://www.tgoop.com/nnosha9

شور


يازينب يازينب. يازينب يازينب

عمه اذاني الشمر
لوعاني باليسر
طفله جاليش انسطر
عمه وانتي ام الخدر

يازينب يازينب. يازينب يازينب
*
راسمن هذا اليدير
عمه خلاني احير
ينظر اعليه من اسير
مني احسه يعتذر


يازينب يازينب. يازينب يازينب

طفله مااعرف سبي
بالعبايه احتمي
الخيل لو هجمت علّي
ابقه اصيحن ياعلي

يازينب يازينب. يازينب يازينب

نمشي وكلنه حفات
وبالخرابه احنه نبات
ريت ميته وماعشت
وراسه بحضني شفت


يازينب يازينب. يازينب يازينب
*

لخادمه الزهراء /نور الهدى الشويلي
غير مبري الذمه من يحذف الاسماء ويأخذ الكلام وينسبه له
https://www.tgoop.com/nnosha9

قصيده خطاب بين السيده زينب والامام الحسين عندما رجعت السيده زينب 'ع' من السبي
*******
ها يم عون. خويه وين تردين
فرفح كلبج. ومحنيه تمشين
*
هايم عون شومحتاره جنج
ضهرج منحني وكثران ونج
ثكل جدمج احس وزاد همج
وكلساعه يخويه انتي تعثرين
*
تعبني السبي واليوم رديت
على كبرك اجيت وحيل ونيت
خلاف عيونكم ياخويه ذليت
وجبت وياي خويه هالنساوين
*
خويه ليش متغيره رسومج
راسج شيب ومنخطف لونج
وين رقيه مو ويه ضعونج
ليش اتخنكج العبره وتحنين
*
خويه بنيتك نامت على الكاع
وكلبي منكسر من يوم الوداع
اذكر من بجت والروح تلتاع
وعلى راسك غفت ياخويه العين

*
لخادمه الزهراء /نور الهدى الشويلي
غير مبري الذمه من يحذف الاسماء ويأخذ الكلام وينسبه له
https://www.tgoop.com/nnosha9

ابوذيات


زينب وين وداها وكتها
بالبجي والنوح يخلص كل وكتها
اريد اجمع انه ادموعي واكتها
اعله كبر المنذبح بالغاظريه

----------------------------

وين الجان الي كافل ورواي
اريد اكصد لبن حيدر واراوي
متوني شلون ضربوهن واراواي
اثر سطراتهم ولد الدعيه
-----------------------------
لخادمه الزهراء /نور الهدى الشويلي
غير مبري الذمه من يحذف الاسماء ويأخذ الكلام وينسبه له
https://www.tgoop.com/nnosha9

مجلس السيده رقيه(عليخا السلام)


آه على الدنيا كم فيها مصائب
الموت علينا حقٌ ولكن
يعز على الخليل ان يفارق خليله


*
زينب
لمن هجمت العدوان اعله اخوهه
وزينب يخويه مارعوهه
بالسوط گامو يضربوهه
واعتابهه كله اعله اخوهه
تعتب واهلهه مااجوهه
للشام عگبه يودوهه
وتعذر الغالي اخوهه
****
تگله خووويه:
شنهو العذر ياخوي مني
وشلون بالهيمه تذبني
وانا الغاليه ليش ارخصتني
****
تدري تراها تعيل بيه
العدوان من امشي سبيه
وانا غريبه شلون بيه
**
ياهو اليجي ويشوف حالي
مهضومه وحزينه بغير والي
ياهو اليجي ويگلي تعالي
*
خايب يدهري شعمل بيه
خلاني وحيده واجنبيه
هلبت يگوم الحيد ليه
**
كأني بلسان حال الحسين:

يگلها خوويه بعالي الصوت:

لمن سمعهه بعالي الصوت
ناده يزينب وني بسكوت
يمج يتيمه وخايف تموت


تدرين بيهه زغيره بنتي
خافن تشوف اعداي اجتني
وبسيفه الشمر من يحز نحري

***
ضميهه ياخويه بعباتج
اوصيج وانا ادري بمصابج
يبجن بناتي ورايداتج
*


لخادمه الزهراء /نور الهدى الشويلي
غير مبري الذمه من يحذف الاسماء ويأخذ الكلام وينسبه له
https://www.tgoop.com/nnosha9

لطميه للسبي

اريد الطم وادك حيل
ع الراح وجفاني
رقيه تهدم الحيل
ومصابك عماني

------------------------
اريد انحب على الزينين بهداي
ع المذبوح والما شارب الماي
وين الفاكده خل تلطم وياي

وي زينب تدك حيل
ع المذبوح ضامي
اريد الطم وادك حيل
ع الراح وجفاني
------------------------
ياهم الجرعته والله يهدم اجبال
ماخلوني ابجي اعله الي عالثره ضال
صعدوني على النوك ومجتفيني بحبال

يزمخ لو نخيتك
وبسوطه اضرباني
اريد الطم وادك حيل
ع الراح وجفاني
------------------------
شحمل يامصيبه مصايبكم تره هواي
والزيد عليه رقيه تبجي بهداي
تريد احسين ابوهه ومني تايه الراي

ياعملاته البين
والله عذباني
اريد الطم وادك حيل
ع الراح وجفاني
------------------------
من جابولهه الراس حَضْنَّتَه وبجت حيل
تكله اشلون ترضه اعداكم بيه تعيل
بويه منهو خله دم من عينك يسيل
وسفه البين اخذكم
بويه ويتماني
اريد الطم وادك حيل
ع الراح وجفاني
------------------------
لخادمه الزهراء /نور الهدى الشويلي
غير مبري الذمه من يحذف الاسماء ويأخذ الكلام وينسبه له
https://www.tgoop.com/nnosha9

لطميه مربوعه للزهراء

فراكج يم حسن.      ماينحمل يومه
وزينب عكب عينج.     بقت مهضومه
************************
بدت بيج النوايب من رحل عودج
غصبو حقج وما رحمو بحالج
خلف الباب صرتي وانكسر ضلعج
من البسمار صدرج سالت دمومه
********************
يم حسين يومج حيل ياذيني
مااحمل فراكج يمه تدريني
بحضنج اغفه متعوده تخليني
هسه بحضني يمه صارت النومه
*******************
يمه حسين يمج يجذب الونه
خلافج يالزجيه احنه تيتمنه
جاليش الزمن يمه ابعدج عنه
خلافج يالزجيه حيل مالوَمه
*******************
لخادمه الزهراء /نور الهدى الشويلي
غير مبري الذمه من يحذف الاسماء ويأخذ الكلام وينسبه له
https://www.tgoop.com/nnosha9

لطميه للعليله تقرا بطور فزاعي او مربوعه

دار اهلي تناشدني. هلج وين
مهضومه تره واجهر. بالونين
********************
شالو بالضعن وانه تركوني
ويه ضعونهم ماحملوني
مشو كلهم فرد سَـآعــهْْ وجفوني
واصيح وياك اريدن بويه يحسين
********************
صبح خالي النزل واني غريبه
وكلبي م̷ـــِْن الهضم زايد نحيبه
بعد راح الابو ومنين اجيبه
غرب بالضعينه وشال كل زين
********************
ولج يادار بسج لٱ تنشدين
عليهم مو دمع دم تجري العين
احس فراكهم جن حسبت سنين
وسهم فراكهم طر كلبي نصين
********************
اريد اعتب عليهم لَيــِْش. ماجوني
موكالو ايام وياخذوني
لٱ طارش اجه ولاخبروني
خلص حتى الصبر وانطفت هالعين
********************
بويه لاهديت ولااجه النوم
واكول اهلي يجوني باجر الًيَوُمًِ
اسلي الروح بيش وكلبي مهموم
ويتراوالي طولك بويه يحسين
********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

ثكيله للعليله

م̷ـــِْن ودعتهم خلصت بروحي امنياتي
وذكره ضلت شوفه اهلي وكل خواتي
طفله مااعرف هجر. صغيره بويه بالعمر
بويه بويه. بويه بويه
********************
سَـآعــهْْ الحمل ضعنهم كمت ادعي الباري
روحي عجل بيهه تدري شنهو صار بحالي
بيوم وادعتك يبويه ميته جان اشوالي
م̷ـــِْن البجي عيوني حمر** صغيره بويه بالعمر
بويه بويه
**********************
بويه وحشه دياركم منكم خليه
منين اجت يابويه كلي الغاضريه
وشوفتك يابويه هالعنت عليه
خفت م̷ـــِْن عيني النضر**صغيره بويه بالعمر
بويه بويه
********************
بويه كل يوم انتظركم هلبت ترجعولي
لا اجو يمي اخوتي ولا خبر وصلولي
انكطعت الضنه يهلنه وبعد متردولي
ذبّل عيوني السهر***صغيره بويه بالعمر
بويه بويه
********************
فاركت عيني المنام وذابله م̷ـــِْن البجي
گاعده يم كبر جدي وانتخي هلبت تجي
اعتاب عِنـديّ هواي بويه وعندي هوايه حجي
بيه نارك تستعر***صغيره بويه بالعمر
بويه بويه
********************
نار فركاكم جوتني وخلت بكلبي اثر
زمن طشرنه يهلنه وعايف عِيوني تجر
نص على التربان ضلت ونص حده بيهه الشمر
يمشن حفات اعلى الجمر**صغيره بويه بالعمر
بويه بويه
********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

قصيده للزهراء


الناس تلوم بيه.     م̷ن ابجي اعله الزجيه
شلون احمل هجرهه بيه انا شلون
بعدهه الدنيا ضلمه وباهته اللون
الناس تلوم بيه
****************
الناس اتلومني م̷ن ابجي على امي
حزنهه بكلبي خله النار تغلي
يمه البيت يوحش وانتي مو بي
ترد الروح ليه * لْـۆ تلفي عليه
فركاها هضمني وبجه العيون
بعدهه الدنيه ضلمه وباهته اللون
******************
بفركاها انقسم دلالي نصين
لضل ابجي عليهه طول السنين
يمه خلاف عينج يبجي الحسين
يكول شلون بيه * من عكب الزجيه
مايردون كلشي وياها يردون
بعدهه الدنيا ضلمه وباهته اللون
******************
تسولف على الطف والمدمع يسيل
زينب عكب اخوهه تنسبي بليل
لايمهه اخو ولا حامي الدخيل
بس انَـْتي غريبه * حملج م̷ن يشيله
يام الحزن اهلج مايردون
بعدهه الدنيا ضلمه وباهته اللون
********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

نعي مع ابوذيه للزهراء


متى. ترجع ليالينا والايام
وترد كعداتنا الحلوه والايام
عكبج ما شفت راحه ولا يوم
وعنت شوفتج هاي المسيه
********************
المصايب زهره يا يمه عمني
وشلت هموم يمه بزغر سني
وعنت عليه شوفه امي
********************
فراك الوالده ولله عمانه
زيد بجينه وتلوهانه
عكب امي الفرح ولله جفانه
********************
زهره ييمه شلون تمشين
ومن الوجع يمه تونين
اصيحن ييمه لٱ ترحلين
********************
لْـۆ رحتي يمه شلون بيه
بحضنج جنت اغفه المسيه
طشرنه الزمان وهايهيه
********************
اولادج يم حسن ضلو يونون
مانحمل فراكج يمه يبجون
لشخصج يام حسن يمه ويريدون
********************
شيريد العدو يمه شيطلبج
حركو بابج وكسروه ضلعج
وبالليل ابونه شال نعشج
********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

نخوه للزهراء

يازهراء دخيلج يازهراء دخيلج
****************
يم الحسن نخيتج
وبلهفه اعتنيتج
هالليله اجيتج
يازهراء2
****************
كثرانه المصايب
وفكدنه حبايب
احتلونا الغرايب
يازهراء2
****************
ابجاه الغريبه
والضل ع التريبه
والمات م̷ـــِْن نحيبه
يازهراء2
****************
بجفوف الكفاله
والي سبوها اطفاله
وداست عليه خّياله
يازهراء2
****************
تحميهه الشباب
بالضال ع التراب
والمشت وي غرب
يازهراء2
********************

لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

نعي للاحباب

م̷ـــِْن حملو يمه بالضعون
ناوين اهلنه وين يردون
اخافن عليهم مايرجعون
********************
صار الوداع اودعتهم
غربو كل اهلي شفتهم
هلبت يشوفوني الحكتهم
********************
عليه تره مادارو العين
لضل طول الوكت اجهر بالونين
وابجي وانوح اعلى المبعدين
********************
اخذهم البين وفرقانه
بفراك اهلنه عذبانه
ريت الموت يحبيبه لفانه
********************
لضل طول الدهر اسجب العبرات
واصيح احاه لجل العالثره مات
ونيشن اصوابه وابد مافات
احبابنه يرجعون هيهات
********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

يستاهل بيارغ. مجلس ام عون
وانعي للذبيح. ومات محزون
****************
يستاهل لطمنه ودك الصدور
ع المسبيه اخيته وراسه منحور
لجله ارواحنه نقدمهه انذور
راسه ع الرمح وياهن يدور
(عليهه/الهوسه عليهم)
****************
تلكي الزاجيه اوسعيه الماتم
نتكابل سويه وياها نلطم
نساعدهه بلطمنه ويمهه نلتم
(عينيهه/ع الداسو صدره)
****************
نكسر ضلعين مِڼـّي وحيل مالومه
•اللّـہ̣̥ يساعد حسين شحمل يومه
وزينب لجل اخوهه حيل مهضومه
(بلطمج زينب/عينيهه)
****************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

لطميه للشهداء

اجو ربع الولد عنه يسألون
شكلهم باللحد ياناس مدفون
****************
اجو ربعك اوكعدو يمه بالباب
وكلبي م̷ـــِْن نظرهم صار عطاب
صحت شيجيبكم يمه يالاحباب
لطولك ولله اخلي العمر مرهون
****************
شيردك بعد يمه عليه
كون اكدر اسومك لْـۆ بديه
عمت عين الزمان شلعب بيه
شلتو وكلبي يمه صار محزون
****************
يمه البيت يوحشني بلياك
شمحلاه الحلك لْـۆ حجه بطرواك
يحلو الطول يايمه شمحلاك
نمت وسفه بلحد ومبجي العيون
****************
يمه وداعتك مانايمه الليل
موبس روحي خلصت خلص الحيل
انعي بكل وكت ودموعي تسيل
شيهيد الكلب وينيم الجفون
****************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

#جديد

لطميه للعليله تقرأ بطور مربوعه و ثكيله

شايل يالولي ومحمل الضعون
عن ديره اهلنه وين تردون

************************
شايل يالولي ومسدد الدار
وبكلب البنيه مشتعل نار
محمل بالضعون صغار وكبار
وماخذ يالولي حتى الصغيرون
************************
عفت بداركم طفله عليله
تصيح فراكم مابيه حيله
عافاني الولي وحمل العيله
وبععد للدار اهلنه ما يرجعون
************************
بويه الفركه صعبه وحيل توجع
وأعد ايامي اكولن هسه يرجع
كَلبي بفركَتك ببويه تصدع
يبويه شلون هانت عني تمشون
************************
كلي شلون هانت رحت عني
وانه صغيره بويه المرض هدني
منو بعدك يغالي يشيل حملي
وافرح بشوفته كل يوم العيون
************************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9