لطميه فزاعيه للشباب

يالعريس. عوف النوم ميفيد
وسفه زفتك بالكَبر ياحيد
************************
عوف النوم ميفيدك يالوليد
خايب يادهر من عندي شتريد
خذيت احباب كلبي وسكنو البيد
نامو ع التراب وسبلو الايد

************************
حنتك يالولد صارت بالدموم
وكلب امك يجاسم بيك ملجوم
عفتني بالهضم يمه والهموم
ردتك للنعش زاتوت ياحيد
************************
ييمه وين كلي تريد منواك
تعوف شلون امك والتعب ذاك
وتجازيها بهجر وتضيع ارباك
وتخلي امك ييمه تصفك الايد
*********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

نَادِ عَلِيّاً مَظْهَرَ الْعَجَائِبِ .. تَجِدْهُ عَوْناً لَكَ فِي النَّـوَائِبِ

#ياعلي

لطميه لعبدالله الرضيع.


شلون احمل فراكك. يالزغيرون
نايم يالولد. ومغمض العيون
*************************
نمت شلون وتوسدت التراب
جرح كليبي يمه ابد ما طاب
يالعندي اعز من الهوه الهاب
بعدك ما هدت يايمه الجفون
*************************
يمه وداعتك كلبي كسرته
مهدك فارغ وضليت اهزه
نام اعله الترب عاف المخده
يكاع وليدي بيج شلون مدفون
*************************
يكاع شلون ضميتي الصغير
وانه مناطره كل يوم يكبر
ضوكتيني تالي بموتته المر
وضيعتي رباي وسهر العيون
*************************
شلي بالعمر ووليدي موبي
سهم النايبه خافن يأذي
شنو ذنبه انذبح والدم يغطي
لو يرجع اخلي العمر مرهون
************************

لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

‏اللهم إنا نستغفرك إستغفاراً يطِّهر النفوس من أوزارها ، ونشهد لك شهادة نُحشر تحت ظلالها ، فارزقنا حمداً يملأ الميزان ، وشكراً يزيدنا في اﻻحسان ، وتوبةً صادقةً تدخلنا بها الجنان ، ونوراً وهدايةً بالإيمان ، وصحةً وعافيةً في الأبدان ، برحمتك ياعزيز يارحمن💛🌧.

❤🌙❤🌙❤🌙❤🌙❤🌙❤🌙❤ 🌙❤
🌟 ❤ ﷽ ❤ 🌟
🎊🌿 "تهنئة خاصة" 🌿🎊
🎊🌿يسرني ان اتقدم إليكم🌿🎊
🎊🌿باصدق التهاني بمناسبة 🌿🎊
🎊🌿ولادة الامام الحسين عليه السلام 🌿🎊
🎊🌿"سائلا المولى العلي القدير "🌿🎊
🎊🌿ان يجعل ايامكم كلها افراح وان يبعد عنكم الوباء 🌿🎊
🎊🌿 "وأن يعيد عليكم أعواما"🌿🎊
🎊🌿 "عديدة وازمنة مديدة"🌿🎊
🎊🌿"انه سميع مجيب"🌿🎊
🎊🌿 الدعاء 🌿🎊
🌺مبروك علیکم ولادة الامام الحسين عليه السلام 🌺

هوسات ولاده الإمام العباس(عليه السلام)

انخه الماكدر واحد يكمطه
يكضي الحاجه لو بأخته تحلفه
ماتصعب عليه سموه ابو الكلفه
يكظيهه/بس حلفه بزينب

*****************************

اريد اندب ابو فاضل واحلفنه
وادري الحاجه تكضي لو اجت يمه
كثرت هالنوايب على هالامه
وتكضيهه/ هالشده انريدك

*****************************

مولولد السبط والكون فرحان
نهني ام البنين بمولد كمر عدنان
طشو الورد والجكليت والريحان
بميلاده/ فرحان الكون

*****************************

لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

انجمعنه باسمك بهاليوم وبحبك توحدنه
نهني فاطمه الزهراء والمرتضى يتهنه
يامولاي ضاكت حيل ونريدك تخلصنه
النار الشعلت/ بيدك طفيهه

*****************************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

لطميه لاستشهاد الامام علي (عليه السلام)

احا يادار شايل وين واليج
اريد اكعد انا ابابج واحاجيج
*************************
احا يادار شايل وين ابو حسين
بعد منشوف ابونه ايام واسنين
راح الجان خيمتنه وضوه العين
بعد هيهات كعدتنه ويه راعيج
*************************
بعد هيهات ترجع ذيج الاياَم
وسنين العشتهن جنهن احلاَم
شال اليوم ابوي الجانلي احزام
بعد افراك ابونه شلون نلفيج
*************************
شايل وين ابوي ورفعه الراس
وشيسوه العمره بعدك ينوماس
اجو بالباب يابويه تره الناس
يادار المحنه وين اهاليج
*************************
يستاهل ابو الحسنين هوسات
ولطمي ع الصدر عليّ الونات
عازيهه العقيلهه ببو الحملات
بحيدر يالعقيله احنه نعازيج
*************************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

شلون انام وعيني تغفه. بويه ومفاركني انته
بويه ضليت بحزن. بداركم بس انه اون
بويه بويه
...............
بويه من يوم المشيتو ظلمه صارت داركم
خاليه وتوحش عليه وماسمعت اخباركم
لايمر طيفي اعله بالك بويه واتراوالكم
بدارك بنيتك عفتهه شلوون انام وعيني تغفه
.............
كلمات نور الهدى👆👆👆👆


بويه هنيال الينام اوعينه تغمض ساعه
فكري مشغول ابحجيكم شوفني ملتاعه
ياحناني الراح مني اوصعبه حيل اوداعه
ابنيتك شو ماشفتهه
اشلون انام اوعيني تغفه



بويه مشتاگه الحنانك اوگعدت العصريه
انته هم مشتاگ اليه تحن تره البنيه
ضلمه هالدنيا ابغيابك بويه سير اشويه
دنيتي وحشه اعرفتهه
اشلون انام اوعيني تغفه



دنيتي يابو المحنه مره والله ابدونك
ياعزيزي واغله غالي اي وحگ اعيونك
اهلك. او انه يبويه كل مسه يذكرونك
بسمتي الدنيا خفتهه
اشلون انام اوعيني تغفه

ام غيث الذبحاوي باقي النصوص.
https://www.tgoop.com/nnosha9

لطميه للعليله تقرا بطور فزاعي او مربوعه

دار اهلي تناشدني. هلج وين
مهضومه تره واجهر. بالونين
********************
شالو بالضعن وانه تركوني
ويه ضعونهم ماحملوني
مشو كلهم فرد سَـآعــهْْ وجفوني
واصيح وياك اريدن بويه يحسين
********************
صبح خالي النزل واني غريبه
وكلبي م̷ـــِْن الهضم زايد نحيبه
بعد راح الابو ومنين اجيبه
غرب بالضعينه وشال كل زين
********************
ولج يادار بسج لٱ تنشدين
عليهم مو دمع دم تجري العين
احس فراكهم جن حسبت سنين
وسهم فراكهم طر كلبي نصين
********************
اريد اعتب عليهم لَيــِْش. ماجوني
موكالو ايام وياخذوني
لٱ طارش اجه ولاخبروني
خلص حتى الصبر وانطفت هالعين
********************
بويه لاهديت ولااجه النوم
واكول اهلي يجوني باجر الًيَوُمًِ
اسلي الروح بيش وكلبي مهموم
ويتراوالي طولك بويه يحسين
********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

ثكيله للعليله

م̷ـــِْن ودعتهم خلصت بروحي امنياتي
وذكره ضلت شوفه اهلي وكل خواتي
طفله مااعرف هجر. صغيره بويه بالعمر
بويه بويه. بويه بويه
********************
سَـآعــهْْ الحمل ضعنهم كمت ادعي الباري
روحي عجل بيهه تدري شنهو صار بحالي
بيوم وادعتك يبويه ميته جان اشوالي
م̷ـــِْن البجي عيوني حمر** صغيره بويه بالعمر
بويه بويه
**********************
بويه وحشه دياركم منكم خليه
منين اجت يابويه كلي الغاضريه
وشوفتك يابويه هالعنت عليه
خفت م̷ـــِْن عيني النضر**صغيره بويه بالعمر
بويه بويه
********************
بويه كل يوم انتظركم هلبت ترجعولي
لا اجو يمي اخوتي ولا خبر وصلولي
انكطعت الضنه يهلنه وبعد متردولي
ذبّل عيوني السهر***صغيره بويه بالعمر
بويه بويه
********************
فاركت عيني المنام وذابله م̷ـــِْن البجي
گاعده يم كبر جدي وانتخي هلبت تجي
اعتاب عِنـديّ هواي بويه وعندي هوايه حجي
بيه نارك تستعر***صغيره بويه بالعمر
بويه بويه
********************
نار فركاكم جوتني وخلت بكلبي اثر
زمن طشرنه يهلنه وعايف عِيوني تجر
نص على التربان ضلت ونص حده بيهه الشمر
يمشن حفات اعلى الجمر**صغيره بويه بالعمر
بويه بويه
********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

نعي للاحباب

م̷ـــِْن حملو يمه بالضعون
ناوين اهلنه وين يردون
اخافن عليهم مايرجعون
********************
صار الوداع اودعتهم
غربو كل اهلي شفتهم
هلبت يشوفوني الحكتهم
********************
عليه تره مادارو العين
لضل طول الوكت اجهر بالونين
وابجي وانوح اعلى المبعدين
********************
اخذهم البين وفرقانه
بفراك اهلنه عذبانه
ريت الموت يحبيبه لفانه
********************
لضل طول الدهر اسجب العبرات
واصيح احاه لجل العالثره مات
ونيشن اصوابه وابد مافات
احبابنه يرجعون هيهات
********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

#جديد

لطميه للعليله تقرأ بطور مربوعه و ثكيله

شايل يالولي ومحمل الضعون
عن ديره اهلنه وين تردون

************************
شايل يالولي ومسدد الدار
وبكلب البنيه مشتعل نار
محمل بالضعون صغار وكبار
وماخذ يالولي حتى الصغيرون
************************
عفت بداركم طفله عليله
تصيح فراكم مابيه حيله
عافاني الولي وحمل العيله
وبععد للدار اهلنه ما يرجعون
************************
بويه الفركه صعبه وحيل توجع
وأعد ايامي اكولن هسه يرجع
كَلبي بفركَتك ببويه تصدع
يبويه شلون هانت عني تمشون
************************
كلي شلون هانت رحت عني
وانه صغيره بويه المرض هدني
منو بعدك يغالي يشيل حملي
وافرح بشوفته كل يوم العيون
************************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

#جديد
قصيده ثكيله للعليله (ع)

مسافرين. مسافرين
كل اهلنه مسافرين
ماتجين. ماتجين
وانتي كالو ما تجين
لديره غربه حملو. بالضعن لمن مشو
والونين. الونين
روحي ذبلها الونين
********************
مااجو ليش الغوالي اتعذروني
وانه طفله ع الهجر ماعودوني
كالو ايام ونجي شو مااجوني
وحدي بديار الغرب اهلي جفوني
السنين. السنين
بغربه اعيشنهه السنين
********************
بويه امصلايتك تسالني عنك
ثنينه اشتاكينه يابويه نشمك
حيل اذاني الهجر محتاجه حضنك
ولله ضلمه البيت جان النور وجهك
يالحنين. يالحنين
يمته اشوفك يالحنين

********************
لاهدت روحي بعدكم لاشفت نوم
تبجي ليل انهار عيني وكلبي مهضوم
افرش مصلايتك جنت كل يوم
هسه بس الحزن ضل وياي للدوم
رايحين. رايحين
اعزاز كلبي رايحين
*********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

#جديد
لطميه للعباس

يابو فاضل لا تشيل. تكسر كليبي العليل
شلون تقبل غيرتك. امشي انه اعله الهزيل
*****************
خويه انهض يالبطل
الشمر مايقبل اضل
اركبت كوه ع الهزل
ودمعي من عيني يسيل
*****************
خويه محد يمي ضل
وانه انوح اعله الهزل
مجتفه ايدي بالحبل
والشمر بيه يعيل
*****************
امشي مكسوره جناح
خدري خويه مني راح
شوكت اموتن واستراح
الغربه توجع خويه حيل
*****************
خويه يمك كون اموت
اجي كمت بلايه صوت
الناكه كلساعه هوت
وصحت وينك يالكفيل
*****************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

اعداك شسوت بزينب يعباس
عكب ذاك الخدر يسبوهه الارجاس
.......
من ديره لعد ديره خذوني
من احجي يخويه يضربوني
صحت زينب يخويه انه السبوني
اعلى شط العلكمي نايم النوماس
...............
وين الخوه ياعباس ناديت
معقوله عفتني وعشرتي نسيت
وهاي الكوم ما خلتني ابيت
بخرابه نومتنه هاي الارجاس
..........
هاي ام عون تالي بين الاجناب
وماعدهه يخويه بس الحجاب
اميرات بوكتكم هسه الاغراب
الخدر ويا الصدر بالحافر انداس
...........
خويه شلون اختك عايفيهه
مشت مغصوبه خويه بلا وليهه
عايفهه الولي ومايدري بيهه
وتالي بالمعاره الغرب حراس

(الحك ليهه /مسبيه الحره)

*لخادمه الحسين /نور الهدى الشويليه

https://www.tgoop.com/nnosha9

الشمر طكني،،سوطه ألمني،،يعباس
شوفني شبيه،،خويه مسبيه،،يعباس

******
خويه بعدك لاهدت لاغفت عيني
م̷ـــِْن مصايب كربله زايد ونيني
تنظر بيا حال انه ماتجيني
تنظر الحالي،،خويه يالوالي،،يعباس
شوفني شبيه،،خويه مسبيه،،يعباس
*****
خويه بس نسوان احنه وماكو رجال
بس عليل مربطينه خويه بحبال
خويه الحكلي تره بيه الشمر عال
يضرب العيله،،خويه كل حيله،،يعباس
شوفني شبيه،، خويه مسبيه،، يعباس
****
خويه تبجي رقيه تسالني على حسين
خويه وتاذيني بس تجهر بالونين
شنهو اكلهه ع الرمح راسه الحنين
فركته صعبه،، وانه بس انعه،، يعباس
شوفني شبيه،، خويه مسبيه،، يعباس



لخادمه الزهراء /نور الهدى الشويلي
https://www.tgoop.com/nnosha9

فزاعيه للسبي

اختكم من مشت. عباس ماجاها
وعلى النوك صار اليوم ممشاها
****
دارت للنهر بلكت يكوملها
عباس الكفلها غاب شو عنها
وسفه الشمر ياخويه يركبها
*ولارض الشام صار اليوم مسراها*
*
ياعباس ترضاها الشمر يحدي
تروح ميسره ماكلت عمت ابني
هاي ام الخدر ويا الغرب تمشي
*وكلساع اللعين بسوطه ضرباها*
***
سلبونه البواشي من بعد عينك
خويه انت كفلتني هسه جاوينك
تمنيتك تجي وترده بيمينك
*لو موجود حيدر جان رداها*
**
خويه الناس تنشد وينهه زينب
وانه مجتفه والدمع مني يصب
اكله البطل لو موجود جاعصب
*شون ام الخدر للشام وداها*
**

لخادمه الزهراء /نور الهدى الشويلي
https://www.tgoop.com/nnosha9

فزاعيه للسبي على طور تعور ضهر اخيتي

تعور كلب اختكم طبت الشام
وياعباس خويه امشي ويا ضلام
*
ترضه ام الخدر تدخل بديوان
راحت هيبتي ويا الجان ماجان
صدك حاليلكم نومه التربان

(الون والنوح/اعليهم عليهه)

يلوعنه الشمر من يضرب الراس
يكلهن مايجي عمجن العباس
ماضلجن بعد بالزلم حراس
(يكلهه الكافل/غرب يسكينه)

بقيتن بس حرم ماعدجن ازلام
وسفه يالكفيل عيونك تنام
وعفتوني يخويه ابين ضلام
(اكعد ليهه/مسبيه الحره)
******
وسفه يبو فاظل طمك تراب
وانت الدنيا كلهه منك تهاب
يحلو الطول والمابيك كل عيب
(شال وسدد بيبانه/ابن البدويه)


لخادمه الزهراء /نور الهدى الشويلي
https://www.tgoop.com/nnosha9

نعي

تعنيت للوالي بهيده
اخوي شو طول الغيبه
حنين اخيي لو نخيته
****
اعاتبك يا ماي عيني
وادري العتب بيك ياذي
اريدك تجي ياخال بزري
****
شسوي يخويه السوط ياذي
واعداك ما رحمت عباتي
من الضيم شيب حتى راسي
****
هنا جواب العباس

* يكلهه خوويه لا تعتبين *

يم عون خويه لا تعتبين
شبيدي تره وانتي تشوفين
موذر ع الثرى والراس نصين
****
بهيده يزينب من تونين
تاذين كلبي من تعتبين
تمنيت بس لو عندي جفين
****
لمن سمعت الخيل هجمت
مديت اديه وكلت بلكت
الزم خيلهم لو علّي عدت
*
تدرين اخيج حيل مابيه
ومكطعه عباس جفيه
لجن غيرته لا ما تخليه

***


لخادمه الزهراء /«نور الهدى الشويلي
https://www.tgoop.com/nnosha9