لطميه للشهداء

اجو ربع الولد عنه يسألون
شكلهم باللحد ياناس مدفون
****************
اجو ربعك اوكعدو يمه بالباب
وكلبي م̷ـــِْن نظرهم صار عطاب
صحت شيجيبكم يمه يالاحباب
لطولك ولله اخلي العمر مرهون
****************
شيردك بعد يمه عليه
كون اكدر اسومك لْـۆ بديه
عمت عين الزمان شلعب بيه
شلتو وكلبي يمه صار محزون
****************
يمه البيت يوحشني بلياك
شمحلاه الحلك لْـۆ حجه بطرواك
يحلو الطول يايمه شمحلاك
نمت وسفه بلحد ومبجي العيون
****************
يمه وداعتك مانايمه الليل
موبس روحي خلصت خلص الحيل
انعي بكل وكت ودموعي تسيل
شيهيد الكلب وينيم الجفون
****************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

لطميه فزاعيه للشباب

يالعريس. عوف النوم ميفيد
وسفه زفتك بالكَبر ياحيد
************************
عوف النوم ميفيدك يالوليد
خايب يادهر من عندي شتريد
خذيت احباب كلبي وسكنو البيد
نامو ع التراب وسبلو الايد

************************
حنتك يالولد صارت بالدموم
وكلب امك يجاسم بيك ملجوم
عفتني بالهضم يمه والهموم
ردتك للنعش زاتوت ياحيد
************************
ييمه وين كلي تريد منواك
تعوف شلون امك والتعب ذاك
وتجازيها بهجر وتضيع ارباك
وتخلي امك ييمه تصفك الايد
*********************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

لطميه لعبدالله الرضيع.


شلون احمل فراكك. يالزغيرون
نايم يالولد. ومغمض العيون
*********************
نمت شلون وتوسدت التراب
جرح كليبي يمه ابد ما طاب
يالعندي اعز من الهوه الهاب
بعدك ما هدت يايمه الجفون
*********************
يمه وداعتك كلبي كسرته
مهدك فارغ وضليت اهزه
نام اعله الترب عاف المخده
يكاع وليدي بيج شلون مدفون
*********************
يكاع شلون ضميتي الصغير
وانه مناطره كل يوم يكبر
ضوكتيني تالي بموتته المر
وضيعتي رباي وسهر العيون
*********************
شلي بالعمر ووليدي موبي
سهم النايبه خافن يأذي
شنو ذنبه انذبح والدم يغطي
لو يرجع اخلي العمر مرهون
********************

لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

فزاعيه

اكعدو ياهلي. بسكم من النومه
مالومه يهلنه. وجيت للحومه
*****************
يضربني الشمر كلساع بسياطه
يكلي ها يزينب ماتو الساده
ازامط بيكم العدوان يحياده
العايل/بسمك رديته
*****************
ياعباس ابجي ومانمت ليلي
اشلون الشمر خويه بالضعن يحدي
اخافن لورحت انت تعاتبني
اختك يالكافل/ضلت محتاره
*****************
عثرت ناكتي وبيه الزلم صاحت
اخت عباس هاي العثره طاحت
صاحت ياكفيلي ندبته وناحت
الكافل يغضب/لوعالو بيهه
*****************
دارت عينهه وتحاجي كافلهه
لو موجود اخوي الكاع يخسفهه
مايقبل على اخته الشمر يضربهه
يكص اركاب العالو/بيجن علويه
*****************
تصيح بصوت خويه كون تسمعني
كلساع الشمر بسياطه يضربني
اكعد يالولي وللدار رجعني
اكعد خويه اكعد/رد العياله
*****************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له
https://www.tgoop.com/nnosha9

لطميه ثكيله او مربوعه للعليله
عجيبهہ شـلون بفرآگي تقبلون
وآنهہ آعلهہ فرآگمـ ماضلت عيون
،،،،،،،،،،،،،،،،،،،،،،،،،،،،،،،،،،،،،،،،،،،،
اذا ماجابكم عتبي يهلنه
اسد باب العتب واكطع الضنه
اضل بغيابهم اجذب الونه
ابوي بهالضعون مغرب شلون
عجيبه شلون
،،،،،،،،،،،،،،،،،،،،،،،،،،،،،،،،،،،،،،،،،،
اجذب بالونين انهار والليل
واتذكر خواتي ودمعي يسيل
خلوني عليله وجسمي انحيل
واصيح وياج اريدن عمه يام عون
عجيبه شلون
،،،،،،،،،،،،،،،،،،،،،،،،،،،،،،،،،،،،،،،،،،
ارجعو بالضعن يامن حديتو
مكسوره الخاطر مادريتو
ماتت روحي من يوم المشيتو
معقوله عليكم بتكم تهون
عجيبه شلون
،،،،،،،،،،،،،،،،،،،،،،،،،،،،،،،،،،،،،،،
ماتت روحي لمن فاركتكم
ماكلتو خطيه تموت بتكم
ارجعو الخاطر الله افراك بسكم
عفتوني عليله وانتو تدرون
عجيبه شلون
،،،،،،،،،،،،،،،،،،،،،،،،،،،،،،،،،،،،،،
لخادمه الزهراء/نور الهدى الشويلي
غير مبري الذمه م‌ـــِْن يحذف الاسماء وياخذ الكلام وينسبه له
https://www.tgoop.com/nnosha9

كربلا ياكربلا. جتي ليج مدلله
جايبه وياها الاهل. والمدامع هامله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جابت وياها الفحول وجايه لارض الكرب
تدري تفكد كل اهلهه وما يضللها محب
وتنضرب بسياط اميه تمشي اسيره ويالغرب
كربلا وكل اخوتي. عالرماح معلكه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لازمه كلبي اعله خيي ادري ما يرجع بعد
ونبقى بس نسوان احنه وما يضللنه سند
خلي اشبع شوف منكم خاف مايرجع احد
كربلا ومن حملو النزل خالي بقه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خاليه الديران كلهه بس عليلتكم بقت
ضلت تباوع علينه والدمع منهه يكت
صغيره ماتحمل فركتك تموت لو عنهه رحت
كربلا وبس الحزن رافكاني من مشه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لخادمه الزهراء/نور الهدى الشويلي
غير مبري الذمه م‌ـــِْن يحذف الاسماء وياخذ الكلام وينسبه له
https://www.tgoop.com/nnosha9

لطميه للقاسم

شايل يالولد وامك مخليهه
تبجي عليك مانامت لياليهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شايل يالولد والدار عايفهه
وكلب الوالده بالنار شاعلهه
فراكك يالولد كلش متعبهه
ضلت بالحزن وتريد واليهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انه اخلاف عينك مانمت ليلي
يمه من رحت ولله نهدم حيلي
مكسوره كلب بعدك مخليني
بالون والحزن امك تجازيهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شلون تنام ع التربه وتخليني
ردتك للكبر لو خلصت سنيني
تاليهه بقهر يمه تجازيني
شموع العرس يمه منهو يطفيهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لخادمه الزهراء/نور الهدى الشويلي
غير مبري الذمه م‌ـــِْن يحذف الاسماء وياخذ الكلام وينسبه له
https://www.tgoop.com/nnosha9

أحاديث في فضل البكاء على الحسين(منقول)
نقل عن رسول الله صلى الله عليه وآله وسلم أنه قال : كل عين باكية يوم القيامة إلا عين بكت على مصاب الحسين ، فإنها ضاحكة مستبشرة.
عن محمد بن مسلم، عن أبي جعفر(ع)، قال: كان علي بن الحسين (ع) يقول: أيما مؤمن دمعت عيناه لقتل الحسين بن علي(ع) دمعة حتى تسيل على خده بوأه الله بها في الجنة غرفا يسكنها أحقابا، وأيما مؤمن دمعت عيناه حتى تسيل على خده فينا لأذى مسنا من عدونا في الدنيا بوأه الله بها في الجنة مبوأ صدق، وأيما مؤمن مسه أذى فينا فدمعت عيناه حتى تسيل على خده من مضاضة ما أوذي فينا صرف الله، عن وجهه الأذى وآمنه يوم القيامة من سخطه والنار.عن أبي حمزة، عن أبي عبد الله (ع)، قال: سمعته يقول: إن البكاء والجزع مكروه للعبد في كل ما جزع، ما خلا البكاء والجزع على الحسين بن علي (ع)، فإنه فيه مأجور.
عن أبي هارون المكفوف، قال: قال أبو عبد الله (ع) في حديث طويل له: ومن ذكر الحسين (ع) عنده فخرج من عينيه من الدموع مقدار جناح ذباب كان ثوابه على الله عز وجل، ولم يرض له بدون الجنة.عن أبي عمارة المنشد، قال: ما ذكر الحسين بن علي(ع) عند أبي عبد الله جعفر بن محمد(ع) في يوم قط فرؤى أبو عبد الله(ع) في ذلك اليوم متبسماً إلى الليل

عن فضيل بن يسار، عن أبي عبد الله(ع)، قال: من ذكرنا عنده ففاضت عيناه ولو مثل جناح الذباب غفر له ذنوبه ولو كانت مثل زبد البحر.

عن أبي يحيى الحذاء، عن بعض أصحابنا، عن أبي عبد الله(ع)، قال: نظر أمير المؤمنين(ع) إلى الحسين فقال: يا عبرة كل مؤمن، فقال: أنا يا أبتاه، قال: نعم يا بني.عن أبي بصير، قال: قال أبو عبد الله(ع): قال الحسين بن علي(ع): أنا قتيل العبرة، لا يذكرني مؤمن إلا استعبر. عن هارون بن خارجة، عن أبي عبد الله(ع)، قال: قال الحسين(ع): أنا قتيل العبرة، قتلت مكروباً، وحقيق علي أن لا يأتيني مكروب قط إلا رده الله وأقلبه إلى أهله مسروراً.
قال الرضا (ع) :”يا بن شبيب !.. إن كنت باكيا لشيء فابك للحسين بن علي بن أبي طالب (ع) فإنه ذُبح كما يُذبح الكبش ، وقُتل معه من أهل بيته ثمانية عشر رجلا ، ما لهم في الأرض شبيهون ، ولقد بكت السماوات السبع والأرضون لقتله ، ولقد نزل إلى الأرض من الملائكة أربعة آلاف لنصره ، فوجدوه قد قُتل ، فهم عند قبره شعثٌ غبْرٌ إلى أن يقوم القائم ، فيكونون من أنصاره ، وشعارهم : يا لثارات الحسين ..
يا بن شبيب !.. لقد حدثني أبي ، عن أبيه ، عن جده : أنه لما قُتل جدّي الحسين أمطرت السماء دما وترابا أحمر.
يا بن شبيب !.. إن بكيتَ على الحسين حتى تصير دموعك على خديك ، غفر الله لك كل ذنب أذنبته صغيرا كان أو كبيرا ، قليلا كان أو كثيرا ..
يا بن شبيب !.. إن سرك أن تلقى الله عز وجل ولا ذنب عليك فزر الحسين “ع”
يا بن شبيب !.. إن سرّك أن تسكن الغرف المبنية في الجنة مع النبي (ص) فالعن قَتَلة الحسين .
يا بن شبيب !.. إن سرّك أن يكون لك من الثواب مثلُ ما لمن استشهد مع الحسين ، فقل متى ما ذكرته : يا ليتني كنت معهم فأفوز فوزا عظيما . يا بن شبيب !.. إن سرّك أن تكون معنا في الدرجات العلى من الجنان ، فاحزن لحزننا ، وافرح لفرحنا ، وعليك بولايتنا ، فلو أن رجلا تولّى حجراً لحشره الله معه يوم القيامة.

على الخوان. عينني يذرعان
على الهشمو صدره. ونام عريان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اريد انصب على ابن امي عزيه
واخلي الناعي يحجي الصار بيه
اضل ابجي اعله اخوتي للمنيه
ادري من خذوني بقيت حيران
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جنه مفاركج يازينب اليوم
اضل المن يخويه للضعن كوم
اضلن للهضم خويه والهموم
تنهان المره الماعدها وليان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اخوي الجابته امي منين اجيبه
يشوف احوالي ماينهض عجيبه
سبيه ام الخدر ولله هضيمه
نايم ضل اخيي بلايه اكفان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لخادمه الزهراء/نور الهدى الشويلي
غير مبري الذمه م‌ـــِْن يحذف الاسماء وياخذ الكلام وينسبه له
https://www.tgoop.com/nnosha9

عينيهه بلطمتج. يالتعزين
اخت عباس اجت. وسعي الميادين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ام عون اجت وتريد عوان
بجت وتصيح راحو كل الاخوان
الماعدها ولي ياناس تنهان
زينب لو ونت/ عينيهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تلكي زينب ووسعي الميادين
نخسفله الصدر يستاهل حسين
عينيهه بلطمتج لا تفترين
بيش انجازيهه/الضحت لجل الشيعه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تعبانه اجت والراس شايب
الطمن ساعدنهه يالحبايب
عباس الكفلهه الليله غايب
نون ع الضلت /محتاره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لخادمه الزهراء/نور الهدى الشويلي
غير مبري الذمه م‌ـــِْن يحذف الاسماء وياخذ الكلام وينسبه له
https://www.tgoop.com/nnosha9

بويه صعبه من رحت
روحي وسنيني كضت
يالاعز من الهوه. والجراحاتي دوه
===========
تدري صعبه بدونكم ولله هضيمه
داركم وحشه عليه وحيل اليمه
خاليه من الاحبهم يا هضيمه
بعدك احساسي برد. بروحتك كلبي نمرد
ردلي يابويه صحت
روحي وسنيني كضت
===========
بويه متعوده عليك بكل مسيه
نكعد انا وياك نتسامر سويه
افرش مصلايتك كل مغربيه
بويه احلف لو ترد. افرش الدنيا ورد
اذكرتك وعيني جرت
روحي وسنيني كضت
===========
بويه كلساعه اناديلك تعال
شبعت ذله من عكب ذاك الدلال
خلاف عينك تعبوني وحالي حال
ريحتك بثيابي اشم. الشوك يلجمني لجم
فدوة لعيونك رحت
روحي وسنيني كضت
===========
لخادمه الزهراء/نور الهدى الشويلي
غير مبري الذمه م‌ـــِْن يحذف الاسماء وياخذ الكلام وينسبه له
https://www.tgoop.com/nnosha9

قصيده للطفله رقيه (عليها السلام)


بجفوفي باوع بويه دم
طفله انا. مااحمل هضم
دلوني بيكم ارد اجي. واترس عيوني من البجي
ملييت الفراك. 2
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عجب شايل يبن كلبي وتفاركني
وعينك غمضتهه وحرت انا بامري
يالجنت بوجودك غاليه ادري
ارخصوني اعداك وتأذيت ياستري
اسحك كمت فوك الجمر. ماترحم سياط الشمر
جرحي ابد ما يلتئم
طفله انا ما احمل هضم
مليت الفراك 2
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه ارجع حنانك مشبعت منه
صغيره اعله الهضم مكدر احملنه
احلمت بيك وتكلي الكاج بالجنه
فزيت وكمت هاليوم انطرنه
جابولي راسك بالطشت. متغيره رسومك صحت
خافن ابوسه وينلجم
طفله انا مااحمل هضم
مليت الفراك 2
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تلاكينه وكعدت اشكيلك احوالي
ترجيتي وعباتي ومتني واهاتي
محد باليسر بويه رحم حالي
اسولف واستمع بويه معاناتي
بالشام شتموني العدو. يكلولي ماعدج ابو
فركاك يلجمني لجم
طفله انا مااحمل هضم
مليت الفراك 2
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شبكته وكمت اكله بابا مشتاكه
مخضب بالدمه ياحيف شيباته
ينتظرن يجيهن كل ابنياته
هسه خل يأيسن ماكو ملاكه
منهو الي يتمهه البنات. بعدك ردت بويه الممات
جن كلبي صابوه بسهم
طفله انا ما احمل هضم
مليت الفراك 2
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لخادمه الزهراء/نور الهدى الشويلي
غير مبري الذمه م‌ـــِْن يحذف الاسماء وياخذ الكلام وينسبه له
https://www.tgoop.com/nnosha9

💔

#علــــــي_الأڪـــــبر🏴
........
نحن نسمع ڪلمة "علي راح"
وتتفطر قلوبنا
فـ ڪيف بحال سيد الشهداء💔!
........
‏جميع الإنصار الامام رآهم نظرة اخيره إلّا
علي الاكبر لما وصل
رآه أعضاء مقطعة و أشلاء موزعة اهات
الحسين في صدرة وعبرته تختنق
والحسرات محبوسة يڪفڪف بقايا دموعه
محتسباً صابراً ..
......
‏يُقالُ إن الإمام نام بقربه و ضمّه
بعد ذلك رفع الإمام رأسه يختنق يشهق !!
فارق ابنه حبيبه و فلذة كبده و أشبه الناس
برسول الله بل كانو إذا اشتاقوا إلى الرسول
نظروا لعلي الأكبر !
.......
‏لو نتصوّر المشهد في يوم عاشوراء
أول ما سقط علي الأكبر ما قال أدركني،
همس بصوت خافت :
"السلام عليك يا أبا عبدالله"..
فالمسافة ما بين المخيم وسقوط علي
الاكبر كبيرة ، و العطشان المليء بالجراحات
عنده قدرة يصرخ ؟!
اسرع الإمام لعزيز قلبه
.......
السَّلامُ علىٰ مَن كَسّرَ قلبَ أبيهِ.

يوم #علــــــي_الأڪـــــبر 💔🏴
.......
‏اليوم يُقتل أشبهُ الناس خَلقاً وخُلقاً برسول الله🕊️💔
.......
بڪُل خطوة ڪان يخطيها ⁧علي الأڪبر ⁩
في المعرڪة ڪان يشعر بها الحُسين
ڪرمح بقلبه ، ومَا أڪثر خطوات الأڪبر
ومَا أعظم رِماح الحُسين المغروسة بقلبه😔💔

الليلة زينب چم جرح .... يگعد بديها
الليلة نوح، الليلة روس بلا جسمها.... تمر عليها

شلون تحمل؟
والاطفال بلا أبو يعور بچيها.💔

اللهم خفف ثقل هذا اليوم على قلب صاحب الزمان 💔

#جديد

لطميه فزاعيه للامام العباس (عليه السلام)

الزينب خل. ابو الغيره يحشموه
راس حسين. بالصيوان ضربوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الزينب خل يجي العباس يحضر
راس حسين بالصيوان يفتر
ضكت بروحتك خويه تره المره
كلساع الولي كبالي يشتموه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تره انذليت ياخويه انا هواي
لاضلي خدر لاضال حماي
بس زين العباد بمحنتي هاي
يون بهداي خافن لايسمعوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اختكم ياوكت تدخل دواوين
يضربها الشمر ويشتم حسين
حسافه يخوتي طشركم البين
خدركم يالهواشم خويه شافوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لخادمه الزهراء/نور الهدى الشويلي
غير مبري الذمه م‌ـــِْن يحذف الاسماء وياخذ الكلام وينسبه له
https://www.tgoop.com/nnosha9

نعي للاهل

بعد وين نلكاكم يهلنه
وياكم مشت ذيج المحنه
كضت هالعشره واطشر شملنه
===========
تبرو اهلنه اليوم منه
وراح الكفيل وغاب عنه
شمحلاتنه وياه جنه
===========
مايرجعون بعيد شالو
وعلى ام الخدر زينب شكالو
العده بينه يهلنه اليوم عالو
===========
هيهات نرجع يازماني
وترد كعداتنه وياخواني
من غرب الوالي جفاني
===========
جيتك مشي وبعيد دربي
ماكمت ليه وكتلي ردي
وسفه العدو بالضعن يحدي
===========
جيتك يخويه مشدوهه البال
من بعدك يخويه تغير الحال
اكعد. ترا بينه الشمر عال
===========
مليت من حجي الشماته
ذبحوه المدلل خواته
ع الترب نايم عايفاته
===========
يكولون ضليتي وحيده
اخيج ع النهر مكطوعه ايده
وعضيده ذبحوه من وريده
===========
لخادمه الزهراء/نور الهدى الشويلي
غير مبري الذمه م‌ـــِْن يحذف الاسماء وياخذ الكلام وينسبه له
https://www.tgoop.com/nnosha9