علشان كده خطة العشر الأواخر كالعادة بتكون خطة مختلفة ومش مجرد مهام مقترحة .. إنما مخطط كامل لكل ليلة منهم تعرف منها هتعمل فيها إيه بالظبط 👌

ولو واظبت على المخطط ده كل ليلة منهم يبقى 100% هتكون أدركت ليلة القدر إن شاء الله وهيتكتبلك إنك كررت عبادات المخطط ده 1000 شهر كاملين .. انت متخيل ؟!

خطة ٢٠ رمضان
(ليلة ٢١)

درس اليوم :
فتوحات ال ١٠ الأواخر من رمضان

لينك الفيديو :
https://youtu.be/ujiohaZCZ4M?si=YxOnupYv2Gw8MSCd

ملحوظات سريعة عن المخطط :

1- المخطط بيبدأ من وقت صلاة العشاء وبعدها هتكمل بجدول العبادات سواء صلاة أو قراءة قرآن أو أوراد استغفار وصلاة على النبي (والرقم من باب التشجيع وليس التخصيص يعني لو قدرت تعمل أكتر يبقى أجمل وأجمل) .. وتكثر من دعاء "اللهم إنك عفو تحب العفو فاعفُ عني" لإنه وصية النبي عليه الصلاة والسلام

2- هتلاقي من ضمن المطلوب درس تتفرج عليه كل يوم .. خليك حريص إنك تتفرج عليه وتشجع أهلك إنهم يتفرجوا معاك .. هيفرق معاكم بشكل كبير وهتضمن إنك أخدت ثواب حضور درس علم 1000 شهر بإذن الله .. (وكالعادة هتلاقي لينك الدرس بينزل يومياً هنا على قناتنا على التليجرام ان شاء الله)

3- بعد صلاة الفجر وجلسة الضحى اللي هتعملها للشروق بإذن الله علشان تاخد ثواب حجة وعمرة تامة كل يوم (ثواب عظيم) .. هيكون قدامك حوالي 20 دقيقة بعد الشروق علشان تقدر تصلي صلاة الضحى .. الـ 20 دقيقة دي هيكونوا تدبر لآية علمت معاك في الورد بتاعك .. هتدخل تعرف تفسيرها الاول وسبب نزولها وبعدها تشوف الوقفات التدبرية والدروس العملية المستفادة منها (وكل المصادر اللي ممكن تحتاجها هتلاقيها في موقع الباحث القرانى)

وهتلخص كل ده بأسلوبك في بوست على الجروب بشكل يومي مع هاشتاج #استوقفتني_آية علشان تشارك بيها غيرك وتاخد ثواب نشر العلم بإذن الله

لينك موقع الباحث القرآني :

https://tafsir.app

4- في أعلى الزاوية الشمال من كل صورة هتلاقي مربع "تحدي اليوم 💪" وده عبارة عن مهمة صغيرة مطلوبة منك تعملها خلال اليوم وتشاركنا نتيجتها في بوست على جروب الفيسبوك

5- وفي أسفل الزاوية الشمال من كل صورة هتلاقي مربع "سُنة اليوم" وده بنكمل فيه إلتزامنا اليومي بُسنة من سنن النبي عليه الصلاة والسلام وكل يوم هينزل تذكير بيها هنا على قناتنا على التليجرام ان شاء الله 🧡

6- الدال على الخير كفاعله ده أولاً
ثانياً واحدة من المعايير الأساسية في اختيار المجموعة اللي هيكسبوا معانا هدايا العيد إن شاء الله 🎁🔥 هو التفاعل على بوست الخطة وعمل Share ليه علشان ده شخص إيجابي بيحاول يفيد غيره ❤️

لذلك لو وصلت لهنا يبقى اخبطنا واحدة "قد التحدي 💪" في كومنت على البوست ده 👇واعمل شير علشان تشجع نفسك وتشجع غيرك

https://www.facebook.com/share/p/KHhFxisiWDvELm5L/?mibextid=WC7FNe

وربنا يتقبل من الجميع
ولا تنسونا من صالح دعائكم في الليالي الجميلة دي ❤️

سُنة اليوم ☘️
الدعاء بين الأذان والإقامة

شوف الحديث ده :
يقول النبي صلى الله عليه وسلم "الدعاء بين الأذان والإقامة لا يُرد"

طيب انت مستني إيه تاني ؟؟
ده النبي الذي لا ينطق عن الهوى بيقولك انك دعائك مُستجاب دايماً بين الأذان والإقامة .. يعني عندك ٥ توقيتات في اليوم انت عارف ومتأكد ان دعوتك فيهم مُستجابة

يبقى مش هنسيبهم من النهاردة وبعد كده لما نسمع الأذان نردد ونقول الدعاء بعده وبعدها ندعي بكل اللي احنا عايزينه .. احنا بندعي رب كريم 🧡

فكرة سريعة 💡

وانت قاعد دلوقتي اقرأ سورة الإخلاص على قد ما تقدر فهي لوحدها كما قال الرسول عليه الصلاة والسلام تعدل ثُلث القرآن

لعلها ليلة القدر
فيتحسب ليك أجر ختمات كاملة للقرآن لمدة ٨٤ سنة 🧡

خطة ٢١ رمضان
(ليلة ٢٢)

درس اليوم :
أهل الجنة

لينك الفيديو :
https://youtu.be/37mIgxr1nbQ?si=dBdMt-jMM8qVYNwW

سُنة اليوم ☘️
قراءة سورة المُلك قبل النوم

تخيل سورة يقول النبي عليه الصلاة والسلام في فضلها مش حديث واحد إنما أكتر من حديث لدرجة تخليك تتعجب من كل الفضل ده ويكون للسورة دي مكانة خاصة في حياتك

"إن سورة في القرآن ثلاثون آية شفعت لرجل حتى غفر له، وهي: تبارك الذي بيده الملك"

"من قرأ تبارك الذي بيده الملك كل ليلة منعه الله عز وجل بها من عذاب القبر"

"سورة من قرأ بها في كل ليلة فقد أكثر وأطاب"

تخيل سورة تشفع ليك لغاية ما يتغفر ذنوبك وتمنع عنك عذاب القبر ومداومتك عليها يومياً كل ليلة كأنك عملت خير كبير

تضيعها إزاي من إيدك ؟!
اظبط منبه يفكرك بيها ⏰ أو علقها في ورقة قدامك 📝

وقراءتها مش هتاخد منك دقايق كل ليلة
لكن تحميك وتكون سبب في نعيمك بإذن الله 🧡

خطة ٢٢ رمضان
(ليلة ٢٣)

درس اليوم :
وفي السماء رزقكم وما توعدون

لينك الفيديو :
https://youtu.be/9HAf5xt-0v4?si=efnCrhHKWv9Mw8bU

سُنة اليوم ☘️
الأكل بثلاث أصابع

عن كعب بن مالك - رضي الله عنه - قال: رأيت رسول الله - صلى الله عليه وسلم - يأكل بثلاث أصابع، فإذا فرغ لعقها

سُنة سهلة تنويها وانت بتاكل وتاخد أجر وبركة اقتدائك بالنبي عليه الصلاة والسلام مع كل مرة هتاكل فيها 🧡

فكرة سريعة 💡

وانت قاعد دلوقتي ادعي "اللهم اغفر للمسلمين والمسلمات والمؤمنين والمؤمنات الأحياء منهم والأموات"

يقول النبي صلى الله عليه وسلم "من استغفر للمؤمنين والمؤمنات كتب الله له بكل مؤمن ومؤمنة حسنة"

يعني تاخد حسنة على كل مسلم ولو كانت ليلة القدر تبقى ضربت هذا الكم من الحسنات في ٨٤ سنة ! 🧡