خطة الأسبوع الثالث 🧡🧡

وادخل اثبت حضورك معانا
واكتب "قد التحدي 💪" في كومنت 👇👇

https://www.facebook.com/share/p/VcYWcUPh4i8gjDbv/?mibextid=K35XfP

#معلومة_فرقت_معايا

تحدي جديد عايزين الكل يشاركنا فيه 🧡

هتدخل تشاركنا في بوست على الجروب أي معلومة عرفتها مؤخراً وفرقت معاك أو علقت في دماغك أو اتبسطت إنك عرفتها مهما كانت بسيطة (لكن لازم تكون متأكد 100% إنها صحيحة)

فيديو اليوم :
كيف تصفو لنا العبادة في رمضان !!

لينك الفيديو :
https://youtu.be/ODGyyljTvZY?si=jlFdV0tW1pykQ4KN

سُنة اليوم ☘️
مسح أثر النوم عن الوجه باليدين

لقول ابن العبّاس:
‏ "فاستيقظ رسول الله ﷺ فجلس يمسح النوم من وجهه"

عادة بسيطة تتعود عليها كل ما تصحى من النوم وتاخد بركة الاقتداء بالنبي عليه الصلاة والسلام 🧡

#لُطف_الله

من التحديات اللي بتفرق معانا كلنا لما بنشارك فيها .. فجميل لو تحكيلنا في بوست على الجروب موقف أو مجموعة مواقف حصلت معاك واستشعرت فيها فعلاً لُطف الله ورحمته

أكيد لُطف ربنا ملازم لينا في كل أقدارنا لكن جميل لو نفكر بعض بمواقف زي دي تشحنا إيجابي وتعمل شعور دافي في أيام مباركة زي دي 🧡

فيديو اليوم :
أمّن يجيب المضطر إذا دعاه

لينك الفيديو :
https://youtu.be/VwO8xN_-sF4?si=3a09JGewz-UQNLcs

سُنة اليوم ☘️
الجلوس بعد الصلاة

وهو إنك بعد ما تسلم من الصلاة تقعد شوية تستغفر وتقرأ آية الكرسي وأذكار الصلاة (بيسموه الجلوس الثمين)

لإن الرسول عليه الصلاة والسلام قال "الملائكةُ تصلي على أحدِكم ما دام في مُصلاه، ما لم يحدثْ: اللهمَّ اغفرْ له، اللهم ارحمْه"

تخيل كم الرحمات اللي هتتنزل عليك وكم الذنوب اللي هتتمسحلك بسبب دعاء الملائكة ليك طول ما انت قاعد .. واحنا بنستعجل نقوم بعد ما نصلي علطول ؟!

من النهاردة ان شاء الله هنتعود نقعد ولو ٥ دقايق بعد كل صلاة ناخد فيها البركة الجميلة دي 🧡🧡

#تتبروز

تحدي سهل وبسيط وفي نفس الوقت أثره بيكون كبير 🧡

وهيكون مطلوب منك إنك تشاركنا في بوست على الجروب نصيحة أو مقولة أو بوست أو screenshot أو جزء من مقالة أو كتاب أو اقتباس أو حوار من حلقة أو بودكاست وانت شايف انها تستحق تتبروز ويتسلط عليها الضوء

فيديو اليوم :
هود عليه السلام يتحدى قومه الجبابرة

لينك الفيديو :
https://youtu.be/DdPCewixmUk?si=1G_Y9HBtnnL6oAkU

سُنة اليوم ☘️
البسملة قبل الوضوء وقول الشهادتين بعده

هتبدأ وضوء تقول "بسم الله"
خلصت وضوء تقول "أشهد أن لا إله إلا الله وأن محمداً عبد الله ورسوله"

ثوابك إيه بقى ؟ تخيل ؟
يقول النبي صلى الله عليه وسلم : "ما منكم من أحد يتوضأ فيبلغ -أو فيسبغ- الوضوء، ثم يقول: أشهد أن لا إله إلا الله، وأن محمدا عبد الله ورسوله؛ إلا فتحت له أبواب الجنة الثمانية، يدخل من أيها شاء"

هي ازاي التفاصيل البسيطة دي مش بنعملها ؟؟ 🙈 ومضيعين كم الثواب ده على نفسنا ! الشيطان كان عامل عمايله معانا 🙃

لكن من النهاردة هنحطها قدامنا ان شاء الله وهنفتكرها .. دي أبواب الجنة الثمانية 🧡🧡

في حب الناس اللي معانا هنا على التليجرام 🧡🧡

عايزين نفرح أكبر عدد منكم ان شاء الله 🎁
فادخلوا اعملوا شرط المسابقة دلوقتي واكتبوا كومنت على البوست👇 إنكم جايين من قناة التليجرام وهيكون ليكم أولوية بإذن الله في المكسب 🧡🧡

https://www.facebook.com/share/p/cPP4i7k7ncmdFPP2/?mibextid=K35XfP

#ملخص

وده تحدي للناس اللي بتحب تلخص كورس حضرته أو محاضرة أو بودكاست سمعته أو كتاب أو مقالة قرأته

فجميل إنك تشاركنا أي ملخص عندك ممكن تفيدنا بيه .. الحاجات دي بتكون مفيدة جداً لأي حد وبتركز على أهم النقط من الآخر وبتشجع على الاستزادة بعد كده ويبقى ثواب كبير ليك 🧡

فيديو اليوم :
رحلة واقعية إلى يوم القيامة والجنة والنار !

لينك الفيديو :
https://youtu.be/Vl59NJLihUo?si=jS6rHDpUsVAwE9xs

سُنة اليوم ☘️
دعاء كفارة المجلس

قاعد قعدة مع أهلك أو أصحابك تتعود إنك تختمها دايماً بدعاء كفارة المجلس (سبحانك اللهم وبحمدك أشهد أن لا إله إلا أنت أستغفرك وأتوب إليك)

يقول النبي عليه الصلاة والسلام "من جلس في مجلس فكثر فيه لغطه، فقال قبل أن يقوم من مجلسه ذلك: سبحانك اللهم وبحمدك، أشهد أن لا إله إلا أنت أستغفرك وأتوب إليك، إلا غفر له ما كان في مجلسه ذلك"

احنا عايزين كل أوقاتنا تشهد لينا مش علينا .. والدعاء ده لو اتعودت عليه هتفرح بيه يوم القيامة لما تلاقي نفسك اترحمت من أوقات كتير كانت هتتحسب عليك

اكتبه في ورقة وعلقها في الأماكن اللي بتقعدوا فيها كتير 🧡

#صورة_وحكاية

تحدي جديد هتشاركنا بيه في بوست على الجروب لصورة وتحكيلنا الحكاية بتاعتها

ممكن تكون صورة لدورة أو محاضرة وتحكيلنا فرقت معاك ازاي .. أو صورة لإنجاز معين عملته وتحكيلنا عنه شويه .. أو صورة لذكرى أو موقف معين وعلّم معاك .. أو صورة لحاجة اشتريتها وكانت مفيدة بالنسبالك .. أو صورة لتطبيق بتستخدمه علطول وتحكيلنا عنه .. أو صورة من كواليس تجربة معينة عملتها

الحكايات المرتبطة بالصور بتكون ملهمة مهما كانت بسيطة 🧡

فيديو اليوم :
جنة الدعاء

لينك الفيديو :
https://youtu.be/si994Z9BAr8?si=eZzk08GPhihiazZ8

سُنة اليوم ☘️
زي ما اتعودنا
قراءة سورة الكهف يوم الجمعة

"من قرأ سورة الكهف يوم الجمعة أضاء له من النور ما بين الجمعتين"

عايز أسبوع بركة ابدأه بسورة الكهف 🧡

خطة العشر الأواخر 🧡🧡

خلاص كل اللي فات كوم واللي جاي كوم تاني
ربنا بيجددلك الفرصة إنك تعوض كل اللي فاتك وتسبق وتختم الشهر بأجمل ختام "إنما الأعمال بالخواتيم" 💪

"كان رسول الله صلى الله عليه وسلم إذا دخل العشر أحيا الليل وأيقظ أهله وجدَّ وشدَّ المئزر" .. يعني الرسول كان بيميز الليالي دي تحديداًَ عن باقي رمضان بإحياء الليل كله بمزيد من العبادة والذكر والصلاة والقرآن

ده غير الكنز اللي فيها وهو ليلة القدر ❤️
اللي العبادة فيها بتعادل عبادة 84 سنة .. يعني عبادة ليلة واحدة بعبادة العمر كله ويمكن أكتر ! ثواب مهول في عبادة ساعات قليلة !!