#رمضاني_في_صور

تحدي جديد عايزين الكل يشاركنا بيه في بوست على الجروب

روتينك اليومي في رمضان .. طقوس معينة بتعملوها .. فكرة أول مرة تطبقها .. سلاسل وبرامج متابعها .. ركن الصلاة أو المسجد اللي بتصلي فيه .. عادات بتعملها انت وأصحابك

شاركونا مجموعة من الصور الملهمة لرمضانكم خلينا ناخد أفكار وطاقة إيجابية من بعض 🧡

فيديو اليوم :
ماذا يحدث في الدنيا بعد موتك ؟

لينك الفيديو :
https://youtu.be/4Ebu2ztnVZM?si=yf66jr4s2FqXCtFU

سُنة اليوم ☘️
دعاء بعد التشهد

النبي عليه الصلاة والسلام كان بيدعي بعد ما يخلص التشهد "اللهم إني أعوذ بك من عذاب جهنم، ومن عذاب ‏القبر ومن فتنة المحيا والممات، ومن فتنة المسيح الدجال"

٤ دعوات كلنا محتاجينهم وبشدة
اتعود عليهم في صلاتك دايماً لعلها المُنجية 🧡

#امتنان

تحدي جديد هيفرق مع كل اللي هينفذه معانا ان شاء الله لإننا عايزين نعمله بشكل مختلف

كلنا غرقانين في نعم الله
لكن أغلبنا لما يجي يقرأ جملة زي دي أول حاجة بتيجي في باله النعم الكبيرة الواضحة في حياته

ومش بيجي في باله كم هائل من النعم هو غرقان فيها ومش بياخد باله منها إلا لما لا قدر الله يحصله مشكلة فيها .. وساعتها بيحس إن التفصيلة الصغيرة اللي كان مش واخد باله منها دي كانت نعمة كبيييرة أوي في حياته تستحق الحمد

لذلك المطلوب إنك تكلمنا في بوست عن نعمة مش كتير بياخد باله منها .. كلمنا عنها شوية وليه اختارت النعمة دي تحديداً ولو ليك موقف معين سواء لنفسك أو لحد تعرفه مرتبط بالنعمة دي ياريت تحكيه

عايزين يوم مليان امتنان وشكر لله على نعم كتير في حياتنا مقصرين في شكر ربنا عليها

فيديو اليوم :
الذاكرين الله كثيراً والذاكرات

لينك الفيديو :
https://youtu.be/iVw6i_llqHY?si=aT8VSKS9vCOHLQel

سُنة اليوم ☘️
التيامن
(يعني تبدأ باليمين دايماً)

عن عائشة رضى الله عنها قالت : كان رسول الله صلى الله عليه وسلم يحب التيامن في شأنه كله، في نعليه وترجله وطهوره

تخيل سُنة بسيطة زي دي تبدأ تعود نفسك عليها من النهاردة خلال يومك وتنويها إنها اقتداءً بالنبي عليه الصلاة والسلام فتاخد ثواب في كل تصرف عادي بتعمله وبركة انت محتاجها 🧡

#مكتسبات_العشر

تحدي جديد جميل إنك تشاركنا بيه بعد انتهاء أول ١٠ أيام من رمضان

احكيلنا في بوست على الجروب عن مكتسباتك في ال ١٠ أيام دي مهما كانت بسيطة (معلومة جديدة عرفتها - تجربة أول مرة تعملها - شعور معين حسيته مع عبادة معينة - سلسلة أو برنامج تابعته - موقف معين اثر فيك - وهكذا)

سرد الحاجات دي مشجع ليك انت شخصياً إنك تكمل وتعلي أكتر في اللي جاي وملهم ومشجع لينا إننا نقلدك وطاقة إيجابية إننا نكمل 🧡

فيديو اليوم :
اسم الله الودود

لينك الفيديو :
https://youtu.be/mcbxAkPi04w?si=Lkzu5rTPlssayvPy

سُنة اليوم ☘️
قراءة آخر آيتين من سورة البقرة قبل النوم

قال رسول الله صلى الله عليه وسلم : "من قرأ بالآيتين من آخر سورة البقرة في ليلةٍ كفتاه"

تخيل آيتين هتقولهم في دقيقة وانت داخل تنام ممكن يكفوك عن قيام الليل أو يدفعوا عنك شر الشيطان أو أي سوء عموماً .. مين ممكن يفوتهم بعد النهاردة ؟!

واجب النهاردة انك تحفظهم وتعلق ورقة جنب سريرك تفكرك بيهم وانت داخل تنام وتوصي أهلك كمان .. ثواب عظيم في دقيقة واحدة 🧡

#قدوة

عايزين كل واحد يكلمنا في بوست على الجروب عن شخص بيعتبره قدوة ليه سواء بشكل عام أو في جانب معين في حياته (شخص من دايرة معارفك أو شخصية عامة)

احكلينا عنه شوية وقولنا ليه بتعتبره قدوة وبيمثل ليك قدوة في إيه بالظبط ويبقى جميل لو تقولنا الحاجات اللي اتأثرت بيها بسببه واتغيرت فيك للأحسن أو خطوة عملتها وهو كان السبب فيها بعد توفيق ربنا ليك

عايزين يوم مليان نماذج تفرح نقولهم فيه شكراً على أي حاجة عملتوها وانتفعنا بيها 🧡

فيديو اليوم :
كيف أصلح قلبي ؟

لينك الفيديو :
https://youtu.be/Gp6NWBmxrHg?si=pPlIJpTkI64z7DkD

سُنة اليوم ☘️
خلاص اتعودنا عليها
قراءة سورة الكهف يوم الجمعة

"من قرأ سورة الكهف يوم الجمعة أضاء له من النور ما بين الجمعتين"

خلاص حطينها قدامنا 👇
الأسبوع الصح بيبدأ بسورة الكهف 🧡

دخول مفاجئ ⛔️⛔️

انتظروا بكره ان شاء الله على جروب No Zero Days (2024) الإعلان عن مهرجان هدايا رمضان والعيد

ونوعدكم إنكم هتشوفوا حاجة ما شاء الله مش هتلاقوها غير عندنا علشان ناويين نفرح عدد محصلش قبل كده بإذن الله 🔥🎁

كل اللي مكنش ليه نصيب في المهرجانات اللي فاتت .. أبششششر المهرجان ده بإذن الله يكون ليك نصيب 🧡🧡

#قصة_وعبرة

تحدي جديد حابين إنك تحكيلنا في بوست على الجروب أي قصة بأسلوبك يكون فيها عبرة وإفادة (سواء من قصص القرآن - قصص الأنبياء - قصص الصحابة أو التابعين - قصة من التراث - قصة سمعتها أو قرأتها مؤخراً - أو حتى قصة شخصية ليك أو لحد تعرفه) وتقولنا العبرة أو الدروس المستفادة منها 🧡

فيديو اليوم :
أبو هريرة

لينك الفيديو :
https://youtu.be/Op4PVZnnqxU?si=wZVT6FkFlJdz9E8R

سُنة اليوم ☘️
إفشاء السلام

يقول النبي صلى الله عليه وسلم "يا أيها الناس، أفشوا السلام، وأطعموا الطعام، وصلوا الأرحام، وصلوا والناس نيام - تدخلوا الجنة بسلام"

روشتة من ٤ خطوات وأولهم إفشاء السلام
سُنة سهلة وبتعمل ود وألفة جميلة بين الناس
خلينا نتعود تكون على لسانا من النهاردة 🧡

بسم الله
نعلن عن المهرجان الأضخم في تاريخ No Zero Days 🧡🧡

ادخلوا شوفوا الصور وحققوا الشرط وأبشروا ان يكون ليكم نصيب تفرحوا معانا في العيد بإذن الله 👇😍

https://www.facebook.com/share/p/cPP4i7k7ncmdFPP2/?mibextid=K35XfP

فيديو اليوم :
واصطبر لعبادته

لينك الفيديو :
https://youtu.be/d93oCr3iMXk?si=G2gi-2th081ImfcT

سُنة اليوم ☘️
دعاء الخروج من المنزل

شوف الحديث ده كده 👇

يقول النبي عليه الصلاة والسلام "إذا خرج الرجل من بيته فقال: بسم الله توكلت على الله ولا حول ولا قوة إلا بالله قال: يقال حينئذ: هُديت وكُفيت ووُقيت فتتنحى له الشياطين، فيقول له شيطان آخر: كيف لك برجل قد هُدي وكُفي ووُقي"

يعني كلمتين تقولهم وانت خارج من بيتك الشيطان يفقد الأمل انه يعمل معاك أي حاجة .. اللي هو ده اتحصن خلاص هنعمل معاه ايه !

علقها على باب البيت وابدأ اتعود عليها من النهاردة 🧡