Litsenziyasi taxnik nosozlik sababli shakllangan "Abu Rayhon Beruniy universiteti" MCHJning faoliyatini cheklash bo'yicha kiritilgan vazirlik da'vo arizasi rad etildi.

O'zbekiston Respublikasining “Litsenziyalash, ruxsat berish va xabardor qilish tartib tamoyillari to'g'risida”gi Qonunining 28-moddasiga asosan vakolatli organ tomonidan ariza belgilangan muddatlarda ko'rib chiqilmagan taqdirda tizim tomonidan ijobiy xulosa avtomatik ravishda shakllanadi va talabgor belgilangan davlat bojini yoki yig'imini to'laganidan keyin maxsus elektron tizim vositasida unga litsenziya yoki ruxsat etish xususiyatiga ega hujjat beriladi. Bunda talabgor litsenziyasiz va ruxsat etish xususiyatiga ega hujjatsiz faoliyat bilan shug'illanganlik uchun javobgarlikka tortilishi mumkin emas hamda vakolatli organlar ehtimol tutilgan barcha oqibatlar uchun javobgar bo'lishi belgilangan.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Digital universiteti apelyatsiya shikoyati qanoatlantirildi

Bugun Toshkent shahar sudi “Digital university” MCHJ kiritgan appelyatsiya shikoyatini ko'rib chiqdi. Sud javobgar MCHJ foydasiga qaror chiqarib, birinchi instansiya qarorini bekor qildi.

Avvalroq Oliy ta'lim, fan va innovatsiyalar vazirligi birinchi instansiyada yutib, litsenziya bekor qilingani haqida bayonot bergan edi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

“Xususiy oliygohlar qisqa vaqt ichida davlat OTMlaridan o‘tib ketishni boshladi” — Bektosh Hotamov

“Xususiy oliygohlar qisqa vaqtning ichida davlat OTMlaridan o‘tib ketishni boshladi. Chunki xususiy ta’limda yuzaki narsalar yo‘q. Ya’ni komissiya keladi deb ochiq dars qilmaysiz. Sizning komissiyangiz ham, sizni rag‘batlantiradigan odam ham, jazo beradigan odam ham — bu sizning mijozingiz hisoblanadi. Xususiy ta’limda mana shu mijoz uchun ishlashadi”, dedi tadbirkor Bektosh Hotamov.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

Ikki talaba bilan suhbatlashdim, biri darsga faqat oraliq nazoratlarni yozib berish uchun borishini aytdi, ikkinchisi o'zi talaba emasligini, ayrim zarur (tekshiruv) vaqtlarda akasi o'rniga odam soniga auditoriyada o'tirishini aytdi, bundan o'qituvchilar ham xabardor ekan.

So'nggi paytlar xususiy oliygohlar ichidagi ba'zi (noo'rin) ishlarni ko'rib ko'ngil g'ijir edi, ammo davlat OTMlari ham qolishmayotgan ekan, aniqrog'i ancha oldinda ekan (tizimning qulashi bo'yicha).

Aslida davlatmi nodavlatmi o'zimizning xalqni o'qityapti. Jamiyat isloh bo'lmas ekan, islohsiz rahbarlar kelaveradi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

Chin shoirlar bari otilgan,
Qolganlari bari sotilgan.
Mard so‘zim shu - hammasi qo‘rqoq!
O‘zim kimman? So‘ramang biroq.
Men ismimni aytmasman zinhor,
Zamon nozik, bola-chaqam bor.

© Erkin Vohidov

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Sud qarorlari yashirilyaptimi?

Xabaringiz bor oxirgi vaqtlar bir nechta xususiy OTMlar va vazirlik o'rtasi sud mojarolari bo'lib o'tdi. Oliy sudning ochiq manbalaridan sud natijalarini bilish mumkin, lekin qarorlarni topib bo'lmaydi.

Masalan, "Digital university" MCHJning ikki marta ishi ko'rib chiqilsa ham-ki qaror yuklanmagan. Mayli oxirgi sudga 3 kun bo'ldi endi yuklasa kerak dersiz, ammo birinchi sud 10-oktabrda bo'lib o'tgandi, qaror hech qaysi manbaga yuklamagan.

Sud qarorlari yashirilyaptimi yoki loqaydlik sabab manbalarga yuklamay qo'yildimi? Axr avval sudga berilgan xususiy oliygoh qarorlari ochiq e'lon qilib borilayotgan edi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

#qonunchilikdagi_yangiliklar

⚡️Nodavlat taʼlim muassasalari uchun berilgan imtiyozlar muddati uzaytiriladi

2030-yil 1-yanvargacha:

🔹xususiy bolalar bog'chasi va maktablar barcha soliq va yig'imlardan ozod qilinadi (ijtimoiy soliq bundan mustasno);

🔹xususiy bog'cha va maktablarda faoliyat yuritayotgan xorijiy o'qituvchilar va mutaxassislar jismoniy shaxslardan olinadigan daromad solig'i va ijtimoiy soliqdan ozod qilinadi.

❗️Ushbu tartib Soliq kodeksiga tegishli oʻzgartirishlar kiritilgandan soʻng amaliyotga joriy etiladi.
👉Soliq kodeksi 2- va 75-moddalari

Ma'lumot uchun: Imtiyoz dastlab 2021-yil 1-yanvargacha berilgan edi, keyin 2025-yil 1-yanvarga qadar uzaytirildi.

Joriy yilning 9 oyi davomida 679 ta xususiy bog‘cha va maktablar 113,5 mlrd so‘mlik soliq imtiyozlaridan foydalandi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

#qabul2025
#akademik_litsey

⚡️2025/2026-oʻquv yili uchun akademik litseylarning ta’lim yo‘nalishlariga mos test sinovi o‘tkaziladigan FANLAR MAJMUASI, TEST TOPSHIRIQLARI SONI hamda BAHOLASH MEZONLARI

👉 Barcha test topshiruvchilar uchun topshiriqlar soni jami 60 ta bo‘lib, shundan 20 tasi o‘quvchining intellektual qobiliyat darajasi (IQ)ni aniqlash bo‘yicha hamda ta’lim yo‘nalishlariga mos ikkita fan bo‘yicha jami 40 ta test savollari tushadi.

📌 To‘plash mumkin bo‘lgan maksimal ball — 146:

➖ 1-fan — 3.1*20=62;
➖ 2-fan — 3.1*20=62;
➖ IQ — 1.1*20 =22.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Suiqasd ayblanuvchilaridan biri nodavlat universitetning ta'sischisi ekanligi aytilmoqda

Prezident administratsiyasi sobiq mulozimi Komil Allamjonovga suiqasd tashkilotchilaridan biri sifatida ko‘rilayotgan Javlon Yunusov O‘zbekistonda o‘nlab biznes loyihalarda ishtirok etib kelgan. Kun.uz ma'lum qilishicha, Yunusov Toshkent shahridagi "EMU-UNIVERSITY" MCHJ muassislaridan biri sifatida 50 foiz ulushga egalik qilmoqda.

Orginfo.uz saytida ham bu shaxs mazkur MCHJ muassisi sifatida ko'rsatilgan.

Bir necha kun avval Bosh prokuratura qidiruvda boʻlgan ayblanuvchi Javlon Yunusov Janubiy Koreya Respublikasida qoʻlga olinib, Oʻzbekistonga ekstraditsiya qilingani haqida xabar bergan edi.

Kun.uz surishtiruvida "U ta’sis etgan firmalar qurayotgan ko‘p qavatli turar-joy majmualari mijozlarga kelishilgan muddatda topshirilmagani ma’lum bo‘ldi. Mijozlarga va’da qilingan kvartiralar qurilmagan, ular to‘lagan “pulni qaytarishni va’da berayotgan” sotuv ofislari ayni paytda yopiq." deyiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Kontrakt pulidan 12% qaytarib olish bo'yicha to'liq videoqo'llanma

Nodavlat oliy ta'lim muassasasi talabalari to'lagan kontraktidan 12% miqdorida daromad soligʻini masofadan qaytarib olish huquqiga ega.

🔰 Soliq chegirmasi to‘lov quyidagilar hisobidan amalga oshirilganda taqdim etiladi:
➖ o‘z mablag‘lari;
➖ jismoniy shaxsga tijorat banklari tomonidan berilgan ta’lim kreditlari;
➖ yuridik shaxslar tomonidan jismoniy shaxslarga qaytarish sharti bilan berilgan mablag‘lari (ssudalar).

Manba: Soliq Kodeksi 378-modda, 16-bandi.

Buning uchun soliq organi yoki qaysidir tashkilotga borish shart emas, uyda o'tirib ham buni bajarish mumkin)

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Talaba va o‘quvchilar uchun qishki ta’til 25-dekabrdan boshlanadi

Oliy taʼlim, fan va innovatsiyalar vazirligining tegishli buyrugʻi bilan oliy taʼlim tashkilotlari talabalari, texnikum, kollej, kasb-hunar maktabi va akademik litseylar oʻquvchilariga joriy oʻquv yili uchun beriladigan qishki taʼtil 2024-yilning 25-dekabridan 2025-yilning 7-yanvariga qadar (shu kuni ham) etib belgilandi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Xususiy oliygoh talabalari 3-kursdan boshlab qonuniy tarzda ishlashi mumkin

Hukumatning "Taʼlim darajasi yuqori bo‘lmagan maktablarga malakali o‘qituvchi-pedagoglarni jalb qilish chora-tadbirlari to‘g‘risida"gi (15.10.2021 646-son) qaroriga binoan, pedagogika yo‘nalishlarida kunduzgi kechki, sirtqi bo‘limlarining 3-kursida tahsil olayotgan talabalarga maktablarda dars berish huquqi berilgan.

Ushbu tartib davlat va nodavlat OTM talabalari uchun birdek amal qiladi.

Avvalgi tartibga binoan talabalar 4-kursdan boshlab, maktablarda dars berishlari mumkin edi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Guruh nazoratchiligiga tanlov

‼️ Bilimni baholash agentligi tomonidan tashkil etiladigan test sinovlarida guruh nazorachisi sifatida ishtirok etish uchun birinchi tanlovga ro‘yxatga olish boshlandi.

📆 Ro‘yxatdan o‘tish 6-dekabrdan 15-dekabrga qadar davom etadi.

👍 Mazkur tanlovda 2024–2025-o‘quv yilida oliy ta'lim muassasalariga qabul imtihonlarida guruh nazoratchisi sifatida ishtirok etgan va bino rahbari tomonidan faoliyati ijobiy baholangan talabgorlar ishtirok eta oladi.

🔗 Tanlovda ishtirok etish uchun agentlikning my.uzbmb.uz saytida ro‘yxatdan o‘tish lozim.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

“Ta’lim sohasidagi dasturlarimiz doirasida yaqin yillarda oliygohlarda qamrov 50 foizga yetkaziladi. Birgina 2025-yilda bog‘cha va maktablarni ta’mirlash va yangilarini qurish uchun davlat budjetidan 4 trillion so‘m mablag‘ ajratiladi.”

Prezidentning Konstitutsiya kuni munosabati bilan O‘zbekiston xalqiga bayram tabrigidan

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

#MUROJAAT

⚡️2454 nafar xorijiy til sertifikatga ega talabgorlar doktoranturaga o'qishga kira olmagan – yana bir qancha kvotalar bo'sh qolgan!

2025-yil uchun tayanch doktorantura va doktoranturaga hujjat topshirgan talabgorlarning 2454 nafari xorijiy til sertifikatiga ega bo'lsada, ammo mutaxassislik imtihonidan yetarli ball to'play olmay, o'qishga kira olmagan.

Bu yil doktorantura uchun talabgorlarning soni kvotaga nisbatan yuqoriligi sababli ayrim yo'nalishlarda o'qishga qabul qilinmaganlar bo'lgan. Yana ayrim yo'nalishlarda esa yetarli arizalar mavjud emasligi sababli kvotalar to'lmay qolgan.

📈 Umumiy hisobda respublika bo'yicha jami yo'nalishlar kesimida 2454 nafar xorijiy sertifikatga ega talabgorlar o'qishga qabul qilinmay qolib ketgan.

Avvalgi yillarda doktorantura va tayanch doktorantura uchun ajratilgan kvotalar sertifikatga ega bo'lgan talabgorlarning soni yetarli bo'lmagani sababli to'lmay kelayotgan edi. Bu yil esa aksincha talabgorlar soni ortgan.

Bu albatta talabgorlarni bir necha yillardan beri sertifikati mavjud bo'lmagani sababli hujjat topshira olmay, xorijiy til o'rganishga majbur qilgan. Ammo, lekin, biroq... Adolatli yoki "adolatsiz" imtihon o'tkazilishi yoxud taqdirning hazili bilan mana shunday kadrlar o'qishga qabul qilinmay qolgan.

O'qishga qabul qilinganlarning hammasi ham salohiyatli yoxud aksincha qabul qilinmaganlarning hammasi ham salohiyatsiz kadr bo'lishi mumkin emas.

Shu sababli doktorantura va tayanch doktorantura uchun hujjat topshirgan, biroq yetarli ball to'play olmagan tegishli xorijiy til bilish sertifikatiga ega talabgorlarning barchasini shuncha yillik mehnatlarini inobatga olib, ularni qo'llab-quvvatlagan holda hamda bir necha yildan beri bo'sh qolgan kvotalar o'rnini qoplash maqsadida o'qishga qabul qilishlarini so'raymiz!

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

❗️❗️❗️📣📣📣

⚡️Qishki o‘qishni ko‘chirish uchun arizalar qabuli 20-dekabrdan boshlanadi

🖊 Qishki perevodda faqatgina Davlat OTMlariaro faqat 2 ta uzrli sababga asosan qishda o‘qishni ko‘chirsa bo‘ladi.

➖ talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish istagidagilarga;
➖ davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirmoqchi bo‘lganlarga (tegishli vazirlik (idora) rahbarining tavsiyasi asosida).

🗂 Talabalar tomonidan hududiy ishchi guruhlarga quyidagi hujjatlar 20-yanvargacha offlayn shaklda taqdim etiladi:

➡️ o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
➡️ talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
➡️ pasport nusxasi;
➡️ yuqorida qayd etilgan uzrli sabablarni asoslovchi tegishli hujjatlar.

Qishki perevodda arizalar onlayn shaklda sayt orqali to'ldirilmaydi. Kerakli hujjatlar har bir OTMda tashkil etilgan ishchi guruhga talaba yoki uning yaqin qarindoshlari tomonidan shaxsan topshirilishi shart.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Work and Travel kabi dasturlar doirasida talabalarning yoʻlkira xarajatlari uchun ssuda ajratiladi

Prezident topshirigʻiga koʻra, Tashqi ishlar vazirligi Buyuk Britaniya, Germaniya, Kanada, Slovakiya, Avstraliya, Yangi Zelandiya kabi mamlakatlarda oʻqish va malaka oshirish, zamonaviy korxonalarda ishlash istagida boʻlgan fuqarolarga yengillik boʻlishi uchun viza tartibini soddalashtirish boʻyicha zarur choralar koʻradi.

Kelgusi yildan Yoshlar ishlari agentligi tomonidan “Work and Travel” kabi dasturlar doirasida talabalarning yoʻlkira xarajatlari uchun ssuda ajratish yoʻlga qoʻyiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️"Qishki perevod"da nima mumkin-u, nimalar mumkin emas?

✅ Quyidagilar mumkin:

➖ Boshqa viloyatga turmushga chiqqani sababli o'sha hududga o'qishini ko'chirishi (o'zining yo'nalishiga yoki mos va turdosh yo'nalishga ko'chirishi, xoxlasa ta'lim shaklini ham o'zgartirib ko'chirishi ham mumkin);
➖ Ota-onasi yoki turmush o'rtog'i davlat xizmatchisi bo'lib, ularning doimiy ish koyi boshqa viloyatga ko'chirilgani sababli (bunda ham yuqoridagi singari shakllarda perevod qilish mumkin);
➖ Faqatgina davlat oliygohidan boshqa davlat oliygohiga uzrli sababga ko'ra tegishli tartibda ko'chira olish.

❌ Quyidagilar mumkin emas:

➖ Ichki perevod (bir oliygoh ichida ta'lim yo'nalishini yoki ta'lim shaklini o'zgartirish);
➖ Bir hudud doirasida boshqa oliygohga ko'chirish (masalan bir viloyatdagi boshqa oliygohga o'qishni ko'chirish);
➖ Xorijiy yoki respublika hududidagi ularning filiallaridan o'qishni ko'chirish;
➖ Davlat oliygohlaridan xususiy oliygohlarga o'qishni ko'chirish;
➖ Xususiy oliygohlardan davlat oliygohlariga o'qishni ko'chirish;
➖ Xususiy oliygohlar o'rtasida o'zaro o'qishni ko'chirish harakatlari;
➖ Xususiy oliygoh bilan bog'liq har qanday o'qishni ko'chirish jarayonlari;
➖Xorijdan davlat yoki xususiy oliygohlarga o'qishni ko'chirish.

❕ IZOH: Qishki qabul jarayonlarida o'qishni ko'chirish hech qanday maxsus imtihonlariz o'tkaziladi. Taqdim etilgan hujjatlar vazirlik komissiyasi tomonidan ko'rib chiqilib, shunga asosan xulosa beriladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Uzbekistan Airways talabalar uchun 50 foizgacha chegirma e’lon qildi

Aviakompaniya o‘rta maxsus, kasb-hunar va oliy ta’lim muassasalari talabalari uchun 23-dekabrdan 7-yanvarga qadar barcha mahalliy aviaqatnovlar ekonom-klass aviachiptalari uchun 50% gacha chegirma taqdim etadi.  

Chegirmali chiptalarni davlat muassasasida o‘qishni tasdiqlovchi hujjat asosida Toshkentdagi Uzbekistan Airways Sales filialida, uning agentlaridan O‘zbekiston hududida va booking.uzairways.com saytida xarid qilish mumkin.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!