tgoop.com/noorAlhseenn/40339
Last Update:
•«﷽»•
#قصائد 1446 هـ
ــــــــــــــــ❀○•○•○☆○•○•○❀ــــــــــــــــ
باجر يجي العيد ،، ما بيه ابونه
يا روحي الاحباب ،، بس لا نسونه
1-
الماعنده ابوي ما عنده كل راي ،، بويه
تمطر حزن وهموم دنياي ،، بويه
يصعب عليه افراكك اهواي ،، بويه
ليليه انوح وحمره عيناي ،، بويه
راحو والعزاز ،، ما ودعونه
يا روحي الاحباب ،، بس لا نسونه
2-
الدافن ابو بتراب الكبور ،، ويلي
من البجي لو مات معذور ،، ويلي
ما يغفه ساعه الظهره مكسور ،، ويلي
يومك أحسبه بيوم عاشور ،، ويلي
فاركنه الافراح ،، من فاركونه
يا روحي الاحباب ،، بس لا نسونه
3-
رمضان اجانه وردنه ملكاك ،، بويه
يالغربت بس ظال طرواك ،، بويه
جوه التراب اتمدد اوياك ،، بويه
شفنه الهلال وكمنه ننعاك ،، بويه
عن هذا الاغياب ،، ما عودونه
يا روحي الاحباب ،، بس لا نسونه
4-
كونك تشوف اشلون الغروب ،، حالي
مثل المضيف وشيخه منهوب ،، حالي
ابقه انتظرهم بالله جندوب ،، حالي
والله بجفاكم انه متعوب ،، حالي
راحو للكبور ،، بس ما خذونه
يا روحي الاحباب ،، بس لا نسونه
5-
لمتنه راحت لا متنعاد ،، غربه
فارغ مكانك ماصخ الزاد ،، غربه
بويه النحبهم كلهم بعاد ،، غربه
والدنيا بعدك لا متنراد ،، غربه
ياهوه من الدموع ،، طاحت عيونه
يا روحي الاحلاب ،، بس لا نسونه
6-
عيد اليجينه بليه الاحباب ،، بلوه
يا روحي واهل العيد غياب ،، بلوه
وحبابي نامو جوه الاتراب ،، بلوه
ثاري الدهر دولبني دولاب ،، بلوه
شكد عدنه غالين ،، كلهم جفونه
يا روحي الاحباب ،، بس لا نسونه
7-
تشيل الصور مدري انته تنشال ،، صعبه
منا لحد متصير تمثال ،، صعبه
حزن العليه بثكل الاجبال ،، صعبه
عيد المبارك يمي تنكال ،، صعبه
يا دنيا العزاز ،، شكد عذبونه
يا روحي الاحباب ،، بس لا نسونه
---------------------------
حسين عبد الجليل المالكي
BY قناة الرادود والملحن محمد الدبي
Share with your friend now:
tgoop.com/noorAlhseenn/40339