هذه ليلةٌ ونيسة!♥️

هذا وقت دَفعِ حسابٍ سابق، لسعدٍ لاحق
تدفع الآن ثمنًا حِلوًا، طيّبًا، زكيًا لكل يُسر في أسبوعك القادم، لكل خير، لكل تجاوز عقبات، لكل نصرٍ على الصعوبات، لكل ظفرٍ بالمكرمات، لكل سعد وبشرى، لكل أُنسٍ وكرامة، مع غفران ذنب، وتوفيق، وكفاية هم، وانشراح صدر، وفتوحات عظيمة
كل هذا، وأكثر، بل أكثر مما تتصور بكثرة الصلاة والسلام على رسول الله صلى الله عليه وسلم

اللهم صلِ وسلم على نبينا محمد وعلى آله وصحبه أجمعين.

-مريم أحمد سكاف

لك أن تتخيل إن الورقة اللي إنت شايفها دي
كانت كل ما أملك في حياتي حرفيًا في نفس المكان ده بالظبط
والشنطة اللي جنبها دي كان فيها كل حاجة تخصني بالمعنى الحرفي
وبفضل الله ورحمته على عبده الفقير
وبكثرة " لا حول ولا قوة إلا بالله " والصلاة على النبي صلى الله عليه وسلم ( الصلاة الإبراهيمية )
وبتيسير الله لي بمساندة أخٍ لم أكن أعرفه اسمه أحمد
فرج الله عني ما نزل بي

يوم الأربعاء 13/11/2024 - من الساعة 11:30 مساء إلى الساعة 3:30 فجرًا
المكان: الحرم المكي الشريف - باب رقم 72

كنت رايح أعمل عمرة بليل بعد شغلي وكنت نازل مصر بعدها بيوم لظرف مؤقت
خلصت عمرتي ولله الحمد وقبل ما أحلق شعري أو أتحلل من إحرامي
كنت جايب معايا قزايز صغيرة أملاها مية زمزم لأهلي

وأثناء تعبئة المياه، عمال الحرم كانوا بينظفوا وطلبوا مني أطلع دقيقتين وأرجع
طلعت وللأسف نسيت الشنطة الصغيرة دي عند مبردات المياه بتاعت زمزم

الشنطة كانت تحتوي على:
موبايلي الشخصي - موبايل الشغل - محفظتي ( اللي فيها إقامتي ورخصتي والفيزا بتاعتي ) - ومفتاح عربيتي
وحتى لبسي مكانش معايا

يعني حرفيًا بضياعها.. أنا اعتبرت نفسي ضايع
واقف كل أملكه هو إحرامي اللي عليا والشبشب اللي في رجلي
غير إني في بلد تانية ومش حافظ رقم أي حد فيها لأن الأرقام كلها مسجلة على الموبايلات

بدأت أدور وأعلي صوتي وأسأل كل اللي حواليا زي المجنون ومش لاقيها
لحد ما ربنا وقفلي رجل اسمه أحمد.. يعلم الله أني أحبه في الله وأتمنى له من الخير أكثر مما أتمناه لنفسي
الراجل ده بصلي وسمعني وأنا بقول: أنا الشنطة دي فيها كل حاجة
أنا كده ضيعت خلاص
لقيته رد وقالي: ضيعت؟ متقولش ضيعت دي
إنت راجل مسلم وفي بيت ربنا.. ربنا معاك مستحيل تضيع
=== وده .... كان أول درس اتعلمته: مفيش حد معاه ربنا بيضيع
———————————————————————————
وبدأ يعرض عليا المساعدة
وطلع من جيبه 75 ريال ( كانوا كل اللي معاه وهو جاي من مصر أصلًا والمفروض إني أنا اللي مقيم في السعودية ) وقالي خليهم معاك انت هتلاقيك معكش فلوس خالص
ويدور معايا على حلول ويسأل معايا كل اللي حواليا من عساكر وعمال ومشرفين الأبواب
وطلبنا من واحد منهم الموبايل عشان نرن على الموبايلات.. بيرن بس محدش بيرد طبعًا
وطلبنا منهم حد يفتحلنا نت لأنه مكانش معاه نت
وخلاني أفتح فيس من عنده والرقم الوحيد اللي لحقت أجيبه هو رقم زميل شغل معايا اسمه ( شادي ) وزي ما انت شايف اسمه متسجل في الورقة
بعد كده لما لقاني بقالي كتير بدور في نفس المكان قالي بلاش نفضل قاعدين كده تعالى نقوم نسعى ونسأل في كل حتة
=== وده.... كان تاني درس اتعلمته: المصيبة حصلت خلاص يلا نشوف حلول
———————————————————————————
سجلت رقم مشرف الباب اللي قاعد عند باب 72 في الورقة اللي قدامك
وقلتله هلف وأسأل في المفقودات وأجيلك وهرن عليك لو عرفت
بدأ أحمد ربنا يباركله يدور معايا على حلول زي: هتعرف تطلع بدل فاقد للإقامة
العربية أكيد ليها مفتاح سبير
الموبايلات ممكن تشتري غيرها
لحد ما وصل للفيزا: قالي فيها فلوس كتير؟
قلتله: آه طبعا
قالي يلا نوقفها بسرعة
وبالفعل وقفنا عسكري أمن وطلبنا منه نتصل على البنك.. طبعًا البنك في البداية مصدقنيش لأني مش فاكر أي بيانات للبطاقة بس أنا فضلت أحلفلها إنه أنا وكل حاجة ضايعة مني حتى الموبايل.. وبالفعل وقفت الفيزا الحمدلله
لقيت أحمد.. بيسجد لله شكر!!!
المنظر ده كان أول مرة أشوفه في حياتي.. إنه حد يكون شايل همي كأنه همه هو!
وده.... تالت درس اتعلمته: إن أخوة الإسلام الحقيقية.. أن تفرح لفرح أخيك، وتحزن لحزنه
———————————————————————————
دخلنا الحرم عشان نوصل لمكتب المفقودات وقسم الشرطة لأنه الناحية التانية من الحرم عند باب اسمه باب المروة ومسافة كبيرة جدًا عشان نوصلها
عدينا من قدام الكعبة لقيت أحمد وقف استقبلها عشان يدعيلي
كان المشهد أشد هيبة في نفسي من مشهد سجوده شكرًا لله من أجلي
وفضل يذكرني إني أستعين بالله وأذكر الله وأدعي أن يرد الله علي ضالتي
ودخلنا المسعى.. وعند مكان الجري قالي تعالى نجري اتباعًا لسنة النبي صلى الله عليه وسلم ( مع إننا كنا خلصنا عمرتنا خلاص )
لحد ما وصلنا أخيرًا عند مكتب المفقودات وسألنا فيه قالنا روحوا للمخفر ( الشرطة ) وسألنا هناك وسألنا في كل حتة وللأسف ملهاش أي أثر ومفيش حد قدر يساعدنا
مشيت من هناك فاقد للأمل خلاص
لقيت أحمد بيثبتني وبيقولي: إنت فاكر إن أنا جاي لحد هنا عشان مستني عبد من عباد الله يساعدنا ؟
لا إحنا جايين هنا عشان ربنا أمرنا بالسعي.. إحنا ربنا شايفنا وشايف سعينا
توكلنا عليه وسعينا في الأمر وهو سبحانه قدّر إننا لحد دلوقتي منلاقيهاش

والمهم دلوقتي إن ربنا يشوفنا في مكان السبب، ومش مهم النتيجة
وسواء لقيتها أو لا.. إنت عبد لله سلم لأمر الله وخليك عارف إنه هو ده الخير ليك
وده... كان رابع درس اتعلمته: اتوكل على الله واسعى ولو استحالت الأسباب
———————————————————————————
رجعنا لنفس المكان اللي ضاعت فيه.. باب 72
وسألنا تاني ولفينا تاني وملهاش أي أثر
ومن التعب ( مشينا كتير جدًا يجي 3 ساعات ده غير إن العمرة نفسها متعبة ) قعدنا وسندنا ضهرنا على حيطان الحرم .. ويعتبر فقدنا الأمل
لقيته بيكسر الصمت وبيقولي: إنت مش قلتلي إن موبايلك نوعه آيفون؟
قلتله آه.. قالي طيب ما فيه خاصية اسمها البحث عن آيفون ما تيجي نشوفها
وبالفعل قمنا واستأذنت عسكري في الآيفون بتاعه عشان أسجل حسابي وأشوف موقع الموبايل
وسبحان الله لقيت الموبايل قريب جدًا من مكاني.. بس لسة مش عارفين نوصله بالظبط

ربنا وقتها سخرلي غير العسكري ده 2 تانيين يساعدوني وفتحولي موبايلاتهم ويدوروا معايا
لحد ما لقينا موقعه بالظبط عند عربيات الزبالة اللي بتكبس الزبالة في وش باب 72 مباشرةً

يعني كل ده كان قدامي
بدأ الأمل يرجعلي.. وفضلنا نرن عليه وندور عند عربيات الزبالة لحد ما سمعنا صوت.. وأخيرًا لقينا الشنطة!!!!!

سجدت لله شكر ومصدقتش إني لقيتها.. وحضنت كل اللي ساعدوني وبوستهم ودعيت للعساكر

ولقيت أحمد بعدها بيقولي: ياخي سبحان الله.. أحسب أنك عزيز عند الله!
قلتله: أنا؟ ياعم متقولش كده بالله عليك
قالي: لما ربنا يسخرلك كل الأسباب دي تعرف إنها رسالة من ربنا إنك عزيز عنده
ربنا سخرلك كام واحد من عباده وسخرلك غباء السارق إنه مقفلش الموبايلات ولا قفل النت
وغيرها حاجات كتير كل ده عشان تعرف قيمتك عنده
وما يعلم جنود ربك إلا هو
ولقيته قال دعاء:" اللهم يامن فرجت عن عبدك هذا في الحرم فرج عني "
وعرفت منه إنه بيدعي الدعاء ده على طول من ساعة ما سابني

وبعد أربع ساعات بحث.. في تمام الساعة 3:30 جه وقت إني أودع الراجل اللي مشي معايا 4 ساعات من غير ما أعرف اسمه حتى
سألته عن اسمه وطلبت منه رقمه وسجلته في الورقة فوق زي ما انت شايف وأصبحنا أصدقاء ولله الحمد وهو موجود عندي وهيشوف البوست ده

وأهم درس استفدته من الموضوع ده
إني حرفيًا مليش غير ربنا
ضاع مني كل حاجة حرفيًا وكان ممكن أترفد من شغلي، وكان ممكن تضيع عليا تذكرتي، وتضيع مني فلوسي وكنت مش عارف أي حد حواليا حرفيًا
لكني.. لقيت إني فعلًا مقداميش ملجأ غير ربنا
فـ لجأت له سبحانه..
وحسيت إنه الحكمة من الموضوع ده إن ربنا بيعلمني بالعافية إني مليش غيره وإنه مالك أمري أوله وآخره من رزق وزواج وغيره

أكيد فيه دروس أكتر من كده بكتيييير
ولكن أنا قلت الحاجات اللي حسيتها من وجهة نظري لوحدي

بس صدقني: لازم تعرف وتتأكد.. إن مهما عظم البلاء ولو حتى لا قدر الله سُجنت ولا اتعزلت في أقصى الأرض لوحدك ومفيش مخلوق حواليك
مش هيبقالك ومش هيآنس وحشتك ولا هيطمنك غير رب العالمين
إحنا ملناش فعلًا غير ربنا
فاللهم لا تعلق قلبي إلا بك.. ولا تجعل حاجتي ودعائي وذلي وافتقاري إلا إليك

-كريم هشام

ياربّ، لك الحمد ملءَ ما أنعمْتَ وأجزلت وأعطيتَ، لك الحمد مُذلّل الصِّعاب وغامِر الهِبات، لك الحمد شكرًا وامتنانًا، لك الحمدُ أفضالك لم تزل تَتْرى، لك الحمد إقرارًا بفضلك، واعترافًا بعظيم كرمك

" إنّ الله يُحِبُ أن يُحَمد " ♥️

..

البداية اليوم إن شاء الله

من كان عنده متسع وقت فليلحق 🌸

وبرامج القرآن بركة ونور ونفع عظيم بإذن الله♥️

«وإنِّي كما أدعو الله لكِ بالشفاء فإنِّي أدعوه لك بالثبات، بدوام الرضا والحمد، أدعوه أن لا يخفت إيمانك ولايضعف يقينك، وأن يبقى قلبك معلقًا به سبحانه؛ لا بحذق طبيب أو تطور آلة، أدعوه دائمًا أن يهبَك الله وإيَّانا قوةً من عنده تعينك على مواصلة الطريق رغم وعورته!

وما زالت تلك دعواي التي ألهج بها،ورجاءاتي التي لا تنفك عن خاطري..
اللهم بدِّد مواجعها،ونضِّر شحوبها، وزدها يقينًا وصبرًا ورضا،اللهم بدِّل آهاتها استبشارًا وآلامها صحة، وأوجاعها عافيةً تامة، ورجاءنا فرجًا يا كريم..»♥️

‏"أتمُّ الناسِ عقلًا مَن تراهُ
عن الأقوامِ مشغولًا بنفسه"

" نورين بيقرأ بي قلبو..
لكن نحنا بنقرأ بي لسانا!"

- شيخ الزّين

تلاوة رائعة لسورة الحشر
شيخ نورين رحمه الله رحمة واسعة ورفع درجته في الجنان

قَالَ رسُول اللَّهِ ﷺ :"إِذَا مَاتَ الإنسَانُ انقطَعَ عمَلُهُ إلاَّ مِنْ ثَلاثٍ: صَدقَةٍ جاريَةٍ، أوْ عِلم يُنْتَفَعُ بِهِ، أَوْ وَلَدٍ صَالحٍ يَدعُو لَهُ"

🔻وقف المغفور لها بإذن الله ريان أحمد.

-يعد الوقف صدقة لروح المغفور لها بإذن الله ريان أحمد، طالبة كلية الطب جامعة الخرطوم الدفعة ٩٩، والتي وافتها المنية بعد معاناة مع المرض.

🔷أهداف الوقف:

-يركز الوقف على عددٍ من المشاريع المختلفة والتي تضمَّن: سقيا الماء، إطعام النازحين، والجهود الدعوية وغيرها من الأعمال الخيرية.

-الناس ماتستخسر حاجة للوقف من شير أو تبرعات، قال تعالى:"وَمَاۤ أَنفَقۡتُم مِّن شَیۡءࣲ فَهُوَ یُخۡلِفُهُ" كلنا حنكون في الموقف دا يوم من الأيام ونحتاج البعملينا من بعدنا ونسأل الله أن يرحمنا إذا صرنا إلى ما صاروا إليه ويتغمدنا برحمته وجزى الله الجميع خير الجزاء.


🔸للتبرعات:
-حساب بنكك:3347952 باسم عمرو مبشر.

-حساب فوري:51385195 باسم عبدالرحمن أسامة.

-رقم فودافون كاش:01150214242

-لإرسال الإشعار:+249111690414

أنا مذهول من امبارح، كمية الحب والدعم اللي لقيته، حاجة مش طبيعي، كمية حب تكفي الواحد بقيت حياته، الحمد لله.

ولو حضرتك أو حضرتك ماتعرفوش، فأخوكم العبدلله (أحمد أبوزيد) تم اختياره من ١٦ ألف متقدم لجائزة المليون دولار المقدمة من قمة المليار متابع، وصلت لأخر ١٠.

المسابقة عايزين يختاروا المحتوى اللي له أثر ايجابي على المجتمع.

ومحتاجين تصويتكم عشان نتأهل للمرحلة النهائية.
والتصويت سهل جداً، بتدخل على اللنك دا: https://vote.1billionsummit.com/

وتنزل لحد ما تلاقي الشاب اللي لابس أحمر
Ahmed AbuZaid (Droos Online)

وتختار vote ثم submit vote.

أنا بمثل نفسي ودروس أونلاين ومصر كلها في المسابقة دي. فعايزين همتكم معانا يا أخواتي.

ومش بس صوتك، لا لا لا، كل واحد مسؤول على الأقل عن ٥ أصوات في محيط البيت وأكتر من ٥٠ صوت على الأقل في دائرة القرايب والأصدقاء والمعارف وزملاء الشغل و زملاء القهوة.

عرفهم وخليهم يدعمونا ويصوتوا عشان نتأهل للمرحلة الأخيرة.

وشكراً بجد من القلب، والله ما قصرتم. ❤️❤️❤️❤️
#1billionsummit


- أحمد أبوزيد

" لا معنى لإنجازك اليومي وإن كان شيئًا فلكيًا؛ إن لم يكن ضمنه تلاوة القرآن، سماع القرآن، تدارس القرآن "

نسأل الله أن يصلح حالنا ويشغلنا بالقرآن ويجعله ربيع قلوبنا ومؤنسنا ورفيقنا في الدنيا ونورا في القبور وشفيعا يوم القيامة 🙌❤️‍🩹

-‏ثلاثةٌ تُشرِق مَعهنّ الأروَاح: «صَلاة الفَجر، وأذكار الصَباح، وتِلاوة وِرد القرآن».

- «هَؤلاء الثّلاث؛ احرص عليهٍن غَاية الحرص، فهنّ مِيزانُ سعَادة يَومك ورَاحة بالِك».

من الفجر لبداية الصباح في الساعات الأولى ما بعد الفجر، نعيم الدنيا والله..

كونٌ ساكن تمامًا في معيّة الله..
عالم خالٍ من الصراعات والبشر وكُل ما يُفسد العيش..
فقط إنسان حالم مُتأمل.. ونسمات هواء لطيفة تبعث بالسلام.
وأمنية دائمة تُرسَل للسماء بأن يُمنَح المرء نصيبًا من الهدوء والأملٍ كصباحات الأيام! ♥️

- هدير علاء.

قبل فترة قريبة ضجّت وسائل التواصل الاجتماعي بخبر وفاة معلمة قرآن سعودية ، والجميع يحكي عن طِيب خاتمتها وحُسنها وطِيب أثرها ..

قدّر الله لي أن أحضر محفل قرآني جاءت فيه شيخة هي من نفس مركز الشيخة المتوفاة رحمها الله
وحكت عنها عجبا سبحان الله

حكت عن هدوءها الشديد وتعاملها الطيّب ومراعاتها للإحسان في دقائق تفاصيل تعاملها وهم عاشروها لسنين..

أخبرت عن يوم وفاتها تحديدا قالت كان يفترض في هذا اليوم أن تحضر للمركز في الساعة الحادية عشر صباحا ولكنها جاءت للمركز منذ السابعة صباحا
كان عندهم تنظيم لرحلة للطالبات تقريبا ، اجتمعت بالمعلمات
ومرّت على فصول الطالبات فصلا فصلا توصيهنّ وتشدد عليهن في أمر الحجاب
ودخلت فصلا هو ليس من الفصول التي كانت ضمن الرحلة لكنها دخلت وأوصتهم كذلك بالحجاب
خرجت من هذا الفصل سقطت وبعد الإسعاف والمستشفى توفيت رحمها الله في يومها هذا!

قالت كانوا يقولون لها أذهبي معنا للرحلة فكانت تقول لهم : " لا أنا بكرة ح أرتاح "
ونحسبها قد أرتاحت ونسأل الله أن تكون في خير حال..

العجيب قيل أنها في الفترة الأخيرة قبل موتها جاءت بمجموعة كبيرة من الكتب للمركز وقالت لهم هذه ضعوها في المركز صدقة!

قيل كانت تُطيل صلاتها جدا حتى مرة
أعابوا عليها ذلك بسبب شغل معين
فكانت تقول لهم فيما معناه الصلاة هي كل شيء..

في يوم قرآني سابق قريب تختار المعلمات سورة للتدبر ، كان آخر برنامج وآخر سورة اختارتها سورة القيامة!

كل تفاصيل الحديث عنها كانت تدور حول معنى الإحسان ، حول شخص عرف هدفه وعرف لماذا جاء لهذه الدنيا ،
وتحرّك في اتجاه هذا الهدف بهدوء ،
شخص كان يمضى في طريقه لله ، وكما قيل عنها كانت هادئة جدا وسبحان من جعل هذه الضجة تحدث بعد موتها
ضجّت المجالس والوسائل بطِيب ذِكرها
وإحسانها وسعيها للنفع وحرصها على غيرها كحرصها على نفسها تقبل الله منها
وتحكي هذه الشيخة أن طالبات الصفوف الصغيرة تأثرن بعد وفاتها ، وقالوا سنعمل بنصيحة معلمتنا عن الحجاب
فسبحان من طيّب أثرها حية وميتة!



وتوالت الرؤى الطيبة عنها فسبحان ربنا الشكور الذي يُجازي بالإحسان إحسانا ..

ما تأثرت بموت أحد مؤخرا كمثل تأثري بعد معرفتي لتفاصيل وفاة هذه الشيخة رحمها الله رحمة واسعة!


ما لنا عمل يبلغنا هذه الدرجات ولكننا نطمع أن يدخلنا ربنا مع القوم الصالحين💔


بركات القرآن والصدق في صحبته وآثاره تظهر في الحياة بركة ونورا وتوفيقا وطِيب أثر
ويكون سببا - بعد فضل الله - في مثل هذه الخواتيم العجيبة
ويكون مؤنسا ونورا في القبر ورِفعة يوم تكون الآية بدرجة في الجنة!

لمثل هذه الخواتيم فلنعمل!

وكما قيل :

" الخواتيم ميراث السَّوابق
والعمر زرعٌ: أوَّله غرسٌ وآخره ثمرةٌ، والموت حصاده، فمن طاب غرسًا طاب ثمرًا، ومن خبث غرسًا خبث ثمرًا ... اللَّهمَّ اجعل خير أعمالنا خواتمها، وخير أعمارنا أواخرها، وخير أيَّامنا يوم نلقاك "

اللهم أرحمها واغفر لها وعافها وأعفُ عنها
اللهم إنها كانت مُحسنة وهي الآن في ضيافتك فأكرم نُزلها ووسع مدخلها وأجعل قبرها روضة من رياض الجنة
آنسها بالقرآن ونوّر قبرها بالقرآن وارفع درجاتها بالقرآن
يا ربنا شهد لها عبادك بالخير فأرحمها وأكرمها
وأصلح حالنا وقلوبنا وارزقنا حسن العمل والختام وارزقنا صحبة صادقة لكتابك وأرحمنا إذا صرنا إلى ما صارت إليه..

#فأحييناه

خواتيم الكبار

العظماء يموتون واقفين! حب القرآن والاهتمام بتعليمه يجعل راحتهم في الجد والعمل.
القلب يتصل بالسماء فقط، فلا شهرة ولا منصب ولا مال.. ومن يعرف ابنة قديم! الله تعالى يعرفها، وكفى به معرفة واتصالاً وحباً.
وحين تمتلئ الجونة بالمسك فلا بد أن يفوح ريحه في الأرجاء، فبالرغم من كونها امرأة عادية! مغمورة مشغولة بتعليم القرآن إلا أن "جدة" انشغلت بها عند موتها وبجنازتها وبالحديث عنها.
ماتت معلمة القرآن في مدرسة القرآن.
نعم المكان، ونعم العمل ونعم الصاحبات.
وجه ضاحك مستبشر يعلوه البهاء والنور.. هكذا قالوا عنها بعد موتها.

وبقدر ما نحزن على فقد ملائك الأرض الذين يملؤونها أنواراً وطمأنينة وسلاماً نبكي على أنفسنا أن جعل الله تعالى حجة من أنفسنا علينا..
فماذا قدمنا؟
وما حال قلوبنا؟
وكيف هي علاقتنا واتصالنا بالله تعالى؟
فاللهم مغفرتك وسترك، وهيء لنا من أمرنا رشداً.

رحمها الله وغفر لها ورفع درجتها في المهديين ورزقها في قبرها نور الطاعة وأُنس القرآن وفي القيامة منازل الصديقين وأهل القرآن..


- الشيخ فائز الزهراني

‏"فَسَلْهُ العونَ إِدمانًا مُلِحًّا..
يحبُّ اللَّه مِلحاحَ السؤالِ"

تبدو لي الصلاة على النبي طوق النجاة!♥️

كل ليلة جمعة انتظرها بفارغ الصبر وأقول لا بأس سأترك كل شيء وأي شيء وأجلس فقط لأصلي على النبي ؛ لإصلاح كل الأعطاب ما أفسدته أنا بيدي
وما أفسده الناس والدنيا فيّ!

هذه حيلتي من الدنيا الآن يا ربِّ وبضاعتي، لا أملك من عمري سواها!

هُنا ليلة الجمعة، من دخلها بالصلاة على النبي آمن.

والله لا يرد الله ولا يُخيب من دخل عليه بالصلاة على حبيبه ورسوله صلى الله عليه وسلم.

إن الصلاة على النبي وآلهِ
تنجي الفتى من بأسه وتقيه!

-رانيا حسن

يوم الجمعة يوم للصلاة على النبي صل الله عليه وسلم ويوم للدعاء والمناجاة!♥️


ادعُ في ساعة الإجابة باستماتة المضطر، ومسكنة الممسوس بالضُّر، ولجوء الخائف، وعجزِ القاصرِ الضعيف
واللهُ كريم مُطَّلعٌ مُجيب! ♥️


أذكرونا في دعاءكم إن شاء الله 🙌