tgoop.com/noutbuk_dunyosi_notebook_laptop/4946
Last Update:
Китоблар ҳозирги авлод учун узунлик қиладими?
Атлантик журналида муаллиф АҚШнинг нуфузли университетларига кирган ёшлар китоб ўқий олмаслиги ҳақида ёзибти Яъни, гап Коламбия ёки Принстон каби машҳур университетлар талабалари ҳақида. Талаба бўлгандаям, китоб ўқиш муҳим бўлган, масалан адабиёт ё тарих йўналишларида ўқиётган талабалар ҳақида.
Шахсан мен учун бу ҳолат қанчалик аянчли бўлмасин, аммо ҳайратланарли эмас. Ёшлар узун текст ўқий олмаслигини анчадан бери кузатиб келаман. Қалин китоб уёқда турсин, 30-40 бетлик мақолани ўқиб тугата олишмайди. Ваҳоланки кўп университетларда ҳафтада ўртача бир китоб узунлигидаги материални ўзлаштириш талаб қилинади.
Нима учун китоб ўқиш ошилмас довонга айланди? Бунинг сабаби кўп, аммо болаларнинг диққатини бўладиган нарсалар кўпайиб кетгани асосий сабаб менимча. Ўсмирлар кўрадиган контент ҳақида ўйлаб кўринг—кўпчилиги бир дақиқага ҳам етмайди. Бундай шароитда узоқ ва сабр билан ўқиш, чуқур мулоҳаза қилиш анқонинг уруғидек ноёб малакаларга айланиши тайин.
@Noutbuk_Dunyosi
BY Ноутбук дунёси
Share with your friend now:
tgoop.com/noutbuk_dunyosi_notebook_laptop/4946