Мушфиқ отадан фарзандига мактуб:

"Уғлим агар жонингни арзон билиб, тезликни шу рақамгача оширган бўлсанг, ёдингда тут, жонинг биз учун қадрлидир.
Отанг Зайд”.


📿 Дўст томонга | @nurli_yol

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

#Ҳадис_434

БАВЛДАН САҚЛАНМАСЛИК ҚАБР АЗОБИГА САБАБ БЎЛАДИ

عَنِ ابْنِ عَبَّاسٍ رَضِي اللهُ عَنْهُ قَالَ: مَرَّ النَّبِيُّ صَلَّى اللهُ عَلَيْهِ وَسَلَّمَ بِقَبْرَيْنِ فَقَالَ: إِنَّهُمَا لَيُعَذَّبَانِ وَمَا يُعَذَّبَانِ فِي كَبِيرٍ، أَمَّا أَحَدُهُمَا فَكَانَ لَا يَسْتَتِرُ مِنْ الْبَوْلِ، وَأَمَّا الْآخَرُ فَكَانَ يَمْشِي بِالنَّمِيمَةِ ثُمَّ أَخَذَ جَرِيدَةً رَطْبَةً فَشَقَّهَا نِصْفَيْنِ فَغَرَزَ فيِ كُلِّ قَبْرٍ وَاحِدَةً، قَالُوا: يَا رَسُولَ اللهِ لِمَ فَعَلْتَ هَذَا؟ قَالَ: لَعَلَّهُ يُخَفَّفُ عَنْهُمَا مَا لَمْ يَيْبَسَا

Ибн Аббос розияллоҳу анҳудан ривоят қилинади:

📗«Набий ﷺ икки қабр ёнидан ўтдилар ва:
«Албатта, икковлари азобланмоқдалар. Улар катта нарсада азобланмаяптилар. Улардан бири пешобидан сақланмас эди. Бошқаси бўлса чақимчилик қилиб юрар эди», дедилар. Сўнгра бир ҳўл шохни олиб, иккига айирдилар ва ҳар бир қабрга биттадан суқиб қўйдилар. Одамлар: «Эй Аллоҳнинг Расули, буни нима учун қилдингиз?» дейишди.
У зот ﷺ: «Шоядки, булар қуригунча икковларидан (азоб) енгиллатилса», дедилар».


📜 Шарҳ: Бу ҳадиси шарифда мусулмон инсон нажас нарсалардан, ҳатто бавл қилганида сачраши мумкин бўлган томчилардан ҳам ўзини жуда эҳтиёт қилиши зарурлиги ҳақида сўз бормоқда.

Пайғамбаримиз ﷺ бир куни саҳобалар билан кетаётиб, иккита қабр ёнидан ўтдилар ва ҳаммага эшиттириб, дедилар:
«Албатта, икковлари азобланмоқдалар».
Яъни, ушбу икки қабрда ётган икки одам азобланмоқда.
«Улар катта нарсада азобланмаяптилар».
Яъни, икковларининг қабрда азобланишларига сабаб бўлган нарса одамлар назарида катта нарса эмас. Кишилар уларга эътибор бермай, одатланиб қолганлар.
«Улардан бири пешобидан сақланмас эди».
Яъни, бавл қилганда ўзига сачраса, бавл қилиб бўлгандан сўнг пешобдан қолса, эътибор бермай кетаверар эди. Қолган пешоб баданига ёки кийимига томадими, иши йўқ эди.
«Бошқаси бўлса чақимчилик қилиб юрар эди».
Яъни, одамларнинг гапини бир-бирига ташиб, уларнинг орасида низо чиқишига сабаб бўлар эди.

Дарҳақиқат, Пайғамбаримиз ﷺ айтганларидек, мазкур икки нарса одамлар назарида арзимас нарсага ўхшайди. Ҳолбуки, Аллоҳнинг ҳузурида улар жуда ҳам катта гуноҳ ҳисобланади. Шунинг учун ҳам бу икки ишга мубтало бўлган икки киши қабрида азоб чекмоқда.
«Сўнгра бир ҳўл шохни олиб, иккига айирдилар ва ҳар бир қабрга биттадан суқиб қўйдилар».
Яъни, Пайғамбаримиз ﷺ юқоридаги гапларни айтиб бўлганларидан сўнг хурмо дарахтининг ҳўл шохини олиб, иккига бўлиб, қабрларга биттадан суқиб қўйдилар. Бу ишни кўриб турган саҳобалар:
«Эй Аллоҳнинг Расули, буни нима учун қилдингиз?» дейишди.
Расулуллоҳ ﷺ бу каби ишларни бир ҳикмат ила қилишларини саҳобаи киромлар яхши билар эдилар. Қабрнинг устига ҳўл шохни суқиб қўйиш биринчи марта бўлаётганидан бу иш нима ҳикмат юзасидан қилинганини тушуна олмай, сўрашди.
«У зот ﷺ:
«Шоядки, булар қуригунча икковларидан (азоб) енгиллатилса», дедилар.
Яъни, шоядки, ушбу ҳўл шохлар қуригунча икки қабрдаги азобланаётган икки бандадан азоб енгиллаштирилса, деб айтдилар.

☝️ Бу ҳадисдан олинадиган фойдалар:
1. Пайғамбаримиз ﷺнинг қабрда бўлаётган нарсани ҳам билишлари.
2. Қабр азобининг ҳақлиги.
3. Пешобнинг нажас эканлиги.
4. Чақимчиликнинг ҳаромлиги.
5. Пешобдан тўла тозаланмаслик каби гуноҳларга ҳам ўлимдан кейин азоб бўлиши.
6. Баъзи уламолар бу ҳадисни далил қилиб, «Қабрда хўл ўсимлик турса, тасбеҳ айтиб туради, қабр эгасига фойдаси етади», деганлар.
Имом Бухорийнинг ривоят қилишларича, саҳобалардан Бурайда ибн ал-Ҳусойн ўз қабрларига хурмонинг иккита ҳўл шохини суқиб қўйишни васият қилган эканлар.
7. Баъзи уламолар яна шу ҳадисни далил қилиб: «Қабр устида Қуръон тиловати мустаҳабдир, чунки ҳўл шохнинг тасбеҳи туфайли азоб енгиллашганда, Қуръон қироати ила енгиллашмайдими?!» деганлар.
8. Баданга ва кийимга теккан нажосатни дар¬ҳол кетказиш лозимлиги.
9. Ўлганларнинг азоби тирикларнинг баъзи амаллари ила бир оз енгиллашиши мумкинлиги.

📌 Бу ҳадиси шарифга доимо амал қилишимиз зарур. Қазои ҳожат вақтида эҳтиётлик билан пухта тозаланиш лозим. Қабр азобига сабаб бўлувчи чақимчиликдан ҳазар қилайлик. Қабр азоби борлигини ўйлайлик, доимо пок бўлишга интилайлик!


📚 KУНЛИК ҲАДИС | “Ҳадис ва Ҳаёт” китобидан

#суннат_рўза #Тошкент_вақти

ЭРТАГА САҲАРЛИК

☝️Агар қодир бўлсангиз рўзани ният қилинг. Агар қодир бўла олмасангиз - бошқа диндошларимизга эслатинг ...
Бу хабарни эшитганлар ўзлари рўзани ният қилиб, яқинларига ҳам эслатиб қӯйишса, икки карра кӯпроқ савобга эга бӯладилар, ин шаа Аллоҳ.

Расулуллоҳ соллаллоҳу алайҳи васаллам душанба ва пайшанба кунлари рўза тутганлар ва бошқаларни ҳам бу кунларда рўза тутишга ундаганлар.

📌 Ният: Ният қилдим холис Аллоҳ учун нафл рўзасини тутмоқликни. (қазо бўлган фарз рўзалар нияти ҳам жоиз).
📌 Саҳарликка ухлаб қолса нима қилиш керак?

📚 KУНЛИК ҲАДИС

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

ФАРЗАНД ТАРБИЯЛАШДАГИ ХАТОЛАР

📌 Ота-онанинг болага: “Лапашанг”, “Аҳмоқ”, “Одобсиз”  каби  ёқимсиз  сўзлар билан мурожаат қилиши энг катта хатодир. Аслида камчилик фарзанднинг ўзида эмас, ишида;
📌 уриб-сўкиб тарбиялаш. Фарзанд  нотўғри  иш қилганида танбеҳ бериш,  уриш-сўкишдан кўра яхши кўрган нарсаларидан маҳрум қилиш, гапирмаслик ёки қовоқ уйиш самарали бўлади;
📌 нотўғри рағбатлантириш. Ота-она болалаларининг  яхши ишларини мукофотлашда ширинлик  ёки пул бериш билан бирга савоб бўлишини, эвазига жаннатга эришишини ҳам уқтирсин;
📌 болаларни бир-бирига қарама-қарши ўстириш. Бир оилада туғилиб ўсган болаларнинг ҳам шахсияти турлича бўлади. Уларни зеҳни, қобилияти  паст-баландига қараб йўналтириш лозим.  Акс ҳолда бир-бирига солиштириш билан оралари бузилиши мумкин;
📌 ёмон дуо қилиш. Фарзанди жаҳлини чиқарса, айрим оналар дарров қарғашга тушади. Бунинг оқибати жуда ёмон;
📌 ваъда бериб бажармаслик. Ота-она ваъдасида турмаса, ишончини йўқотади. Масалан, “Кел, урмайман”, дейди. Аммо келганида уради. “Бундай қилсанг, уни олиб бераман”, дейди, лекин сўзида турмайди.
📌 фарзандини ёмон ҳолатларга гувоҳ қилиши. Шаънини юксалтириш, ботирликка ўргатиш
ўрнига таҳқирлайдиган манзараларни кўрсатиш бола қалбини синдиради;
📌 ёқтирмаган нарсасини совға қилиш;
📌 ёлғон гапириш. Одатларнинг энг ёмони ёлғон сўзлашдир. Бола ўрнак оладиган кишилар ёлғон гапириб турса, у ҳам шунга одатланади.

©️ Зиёвуддин Раҳим (“Бахтли ҳаёт сари” китобидан)


📿 Дўст томонга | @nurli_yol

#Эълон

"МАВЛУДУН НАБИЙ"ГА МАРҲАМАТ!!!

📌 Эртага «Юнусобод Оқ-тепа» жомеъ масжидида, жума намозида мавлуд ўқилади.

Меҳмонимиз Устоз Ҳасанхон Яҳё Абдулмажид ўғли қори жаноблари, масжидимиз имом хатиби Нуруллоҳ қори Обидов ва имом ноиби Муҳаммадамин қорилар
билан бирга "Мавлудун Набий"га марҳамат!

📿 Дўст томонга | @nurli_yol

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

#Жума_муборак

Ассалому алайкум ва роҳматуллоҳи ва барокатуҳ!!!

Жума айёми муборак бўлсин!!!

✨ Дўст томонга | @nurli_yol

#Эслатма

🕌 «Юнусобод Оқ-тепа» жомеъ масжиди имом-хатиби ва жамоаси номидан таъкидлаб ўтмоқчимиз. Телеграм тармоғидаги каналларимиз барчаси расмий фаолият олиб боради:

📌1. Нурли йўл (www.tgoop.com/nurli_yol)
📌2. Кунлик Ҳадис (www.tgoop.com/nurli_yol_hadis)
📌3. Ибодат Масалалари (www.tgoop.com/nurli_yol_fiqh)
📌4. Қуръон (www.tgoop.com/nurli_yol_quron)
📌5. Масжид (www.tgoop.com/oqtepamasjid)

☝️ Биздаги маълумотлар фақат расмий ва текширилган манбалардан олинади. Каналларимизни бехавотир кузатиб боринг.
🌷 Бирга эканлигингиз учун ташаккур!

© Ҳурмат билан, НУРЛИ ЙЎЛ жамоаси.

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

АССАЛОМУ АЛАЙКУМ!

Янги бир кун эзгу ният, яхши тилаклар билан бошланиши лозим. Чунки тилаклар дуоларга айланади. Ихлосла қилинган дуолар эса ижобат бўлади, иншааллоҳ!..

Аллоҳим хайрли дуоларингизни мустажоб қилсин, кунингиз файзу баракотли ўтсин!!!


📿 Дўст томонга | @nurli_yol

Булбул қори устоз Рахматуллох қори Обидов.


🌐 Расмий саҳифаларимиз:
Telegram | Insta | Facebook | Youtube

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

ЮРТИМИЗДАГИ БИДЪАТЛАР
#бидъат

❓CАВОЛ: Ассалому алайкум! Устозлар, яхши биламиз юртимизда бидъат маросимлар талайгина. Уларга қарши курашилаяпти, фатволар бор, лекин шунга қарамасдан давом этаяпти. Масалан уч, етти, йигирма, қирқ ва йил каби маракалар. Энди оми халқ тушунарлику, лекин уларнинг ичида тақводор кўринган, соқоли узун улар асосан Тожикистонга бориб пирга қўл берганлар хам қатнашишади. Улардан сўралса баъзи бирлари домла Ҳиндистонийни фатволар бор бунга дейишади. Бу қанчалик тўғри? Домла Ҳиндистоний шу маракалар рухсат берганларми?

💬 ЖАВОБ: Ваалайкум ассалом! Ҳожи Ҳиндистоний домла раҳматуллоҳи алайҳ коммунистлар тазъйиқи жуда кучли бўлган даврларда ҳаёт кечирганлар. Бир неча бор қамалганлар, умр бўйи кўчиб ҳаёт кечирганлар. У киши асосий эътиборларини ихтилоф чиқмайдиган иймон ва фарз ибодатларига қаратганлар. Халқ тарк қилиши узоқ тушинтирув ва маълум муддат керак бўладиган урф-одатларга кўз юмишга мажбур бўлганлар. Ўзбекистон янги мустақил бўлган вақтларда бидъатга қарши чиқилганда келиб чиққан низо, бир-бирини куфр ва фосиққа чиқариш зараридан кўра уни бироз кечиктиришни маъқул кўрганлар. Чунки устозимиз ёш бола сутдан ажраганда бир неча кун сутнинг ишқида бақириб чақириб йиғлаганидек халқ ўзи ўрганган нарсадан ажралиши қийин бўлишини, бундан манфаат кўрганларни ҳам воз кечиши қийин бўлишини билганлар.

Ҳозирги кунга келиб илм кенг тарқалди, тафсирлар ёзилди, халқ Қуръон нима ва у нима учун Аллоҳ таоло тарафидан юборилганини тушуниб ета бошлади. Ватанимиз фарзандларидан ақийда, тафсир, ҳадис, фиқҳ ва қироат соҳасида мутахассис бўлган кишилар етишиб чиқишди. Халқ ҳам бидъатни нима эканлигини тушуна бошлади. Натижада шариатда йўқ бидъатлар халқнинг бошига бало эканлиги, савоб ўрнига гуноҳ эканлиги, раҳмат ўрнига Аллоҳ таолонинг ғазаби ёғилишига сабабчи эканлиги тушунчаси пайдо бўлди. Ўлганлар ичида етим меросхўрлар қолса уларни молини ейиш дўзахнинг ўтини қоринларига ейиш эканлигини тушиндилар. Марҳумлар учун энг улкан савоб биринчи ўринда уларни қарзларини тўлаш, намоз рўзадан фидяларини адо қилиш, имкони борича, махсус кунларгагина чегаралаб қўймай, ҳар доим, бериё, ҳолис Аллоҳнинг розилигини талаб қилиб, қодир бўлганича эҳсонларни қилиш эканлигини тушундилар.

Шу ўринда бидъат нима эканлиги ҳақида қисқача тўхталиб ўтсак. Бидъат сўзи араб тилида луғавий жиҳатдан янгилик маъносини билдиради. Дин истилоҳида эса дин ичида бўлмаган ва кейин пайдо бўлиб халқ “уни савобли” иш деб олган янгиликка айтилади. Бидъат борасида сўз юритувчилар кўп ўринларда луғавий бидъат билан истилоҳий бадъатни чалкаштириб қўядилар. Луғавий бидъат деб ҳар бир янгиликка айтилаверади. Масалан кийинишдаги, еб ичишдаги, электр жиҳозлардаги олдин бўлмаган янгиликлар кабилар. Буларнинг ҳаммаси араб тилида луғавий жиҳатдан бидъат дейилади. Буни динга ҳеч қандай алоқаси йўқ. иккинчи бидъат истилоҳий бўлиб, у икки қисмга бўлинади:

📌 Биринчиси “Ал бидъату лиддиин” яъни динни қўллаб қувватлаш ва тараққиёти учун пайдо қилинган бидъатлар. Масалан дин илмларини олиш учун мадрасалар қурилиши, илмларни турли йўналишларга бўлиб чиқилиниши, азон айтишда овоз кучайтиргичлардан фойдаланиш, илмни тарғиб қилиш учун турли мусобақалар уюштириш кабилар. Баъзилар буни “Бидъати ҳасана” ҳам дейишади. Муҳаққиқ уламолар “Ал бидъату лиддиин”ни бидъати ҳасана деб номлашнинг ўрнига “Маа юнаалу биҳии илалваажиби фа ҳува ваажибун” яъни қайси бир иш билан вожибни адо қилишга етиладиган бўлса ўша ишни қилиш вожибдир деган қоида остига киритадилар.

📌 Иккинчиси “Ал бидъату фиддиин” яъни динда Расулуллоҳ соллаллоҳу алайҳи васаллам, саҳобалар, тобеъин ва табаъ тобеъинлар замонасида савоб бериладиган ибодат деб билинмаган ишларни савоб бериладиган иш деб динга киритиш. Бунга сиз айтган 3-7-20-40 ва йил, ҳайт кунлари савоб бўлади деб мусибатхоналарга эшикма-эшик кириб чиқиши, шариат мутлоқ суннат деб белгилаган амалларни ўзлари тарафидан қайсидир кунларга, қайсидир амалларга қайдлаб олиши. Масалан зиёрат қилиш мутлоқ суннат амал, халқ эса “чоршанба ва шанба куни касал зиёрат қилиш макруҳ” дейди. Ҳатто мубоҳ ишларга ҳам чегара қўйиб олишган. Яъни кечқурунда кир ювиб бўлмайди, оз-моз пули борлар кечқурунда қарз бериб бўлмайди, ёки сут сотиб бўлмайди ва ҳоказо. Буларни санаб адоғига етиб бўлмайди. Буларнинг барчаси Расулуллоҳ соллаллоҳу алайҳи васаллам қайтарган бидъатлар остига киради.

Энди тафсирлар ўқийлик, ҳадислар ўқийлик ва фуқаҳоларимиз улардан ижтиҳод қилган масалаларини ўқийлик ва уларга амал қилайлик. Валлоҳу аълам!

(https://savollar.islom.uz/s/57639)

«Зикр аҳлидан сўранг» ҳайъати

•┈┈┈┈•❈•┈┈┈┈•
📚 KУНЛИК ҲАДИС

🫖 ЧОЙ ҚУЙИШ
#бидъат

❓CАВОЛ: Ассалому алайкум! Азиз устозлар, катталаримизга чойни чап қўлимизда қуйиб пиёлага, ўнг қўлимизда узатсак, чап қўлда қуйиб бўлмайди дeйишади, қайтариб бeришади. Шариатимизда шу ҳақида нима дeйилган?

💬 ЖАВОБ: Ва алайкум ассалом! Уларнинг гапи шариатга зиддир. Чап қўлда еб-ичиш жоиз эмас. Ўзлари ҳам айтган гапларига зид иш қиладилар. Обдастада таҳорат қилаётиб, чап қўли билан ўнг қўлига қуйиб оғзиларига сув оладилар. Шариат бунақа бемазагарчиликка буюрмайди. Валлоҳу аълам!

(https://savollar.islom.uz/s/39931)

«Зикр аҳлидан сўранг» ҳайъати

•┈┈┈┈•❈••✾••❈•┈┈┈┈•
🔸 Ибодат Масалалари 🔸

#суннат_рўза #Тошкент_вақти

ЭРТАГА САҲАРЛИК

☝️Агар қодир бўлсангиз рўзани ният қилинг. Агар қодир бўла олмасангиз - бошқа диндошларимизга эслатинг ...
Бу хабарни эшитганлар ўзлари рўзани ният қилиб, яқинларига ҳам эслатиб қӯйишса, икки карра кӯпроқ савобга эга бӯладилар, ин шаа Аллоҳ.

Расулуллоҳ соллаллоҳу алайҳи васаллам душанба ва пайшанба кунлари рўза тутганлар ва бошқаларни ҳам бу кунларда рўза тутишга ундаганлар.

📌 Ният: Ният қилдим холис Аллоҳ учун нафл рўзасини тутмоқликни. (қазо бўлган фарз рўзалар нияти ҳам жоиз).
📌 Саҳарликка ухлаб қолса нима қилиш керак?

📚 KУНЛИК ҲАДИС

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol