tgoop.com/odamlar_orasida_dastur/24429
Last Update:
⚡️Яшил иқтисодиёт йилида дарахтларнинг ноқонуний кесилиши давом этмоқда
2025 йилнинг биринчи чорагида республикада 848 туп дарахт ноқонуний кесилиб, табиатга зиён етказилган. Айбдорларга қонунга мувофиқ жазо чоралари қўлланилган. Бу ҳақда Бош прокуратура хабар берди.
"13 февралда Фарғона вилояти Қўқон шаҳридаги чинор дарахтига қасддан шикаст етказилди. Икки нафар киши дарахтни йўқ қилишга уриниш жараёнида экологик ва ички ишлар ходимларига қаршилик кўрсатиб, уларни ҳақоратлашган. Бу ҳолат бўйича жиноят иши қўзғатилди" дейилади хабарда.
Маълумот учун, республикамизда эълон қилинган мораторий ҳануз амал қилиб, дарахтларни нобуд қилиш ёки шикастлаш учун жиноий жавобгарликкача бўлган жазо чоралари белгиланган.
“Атроф-муҳитни асраш ва “яшил" иқтисодиёт йили”да экологик ҳолатни барқарорлаштириш учун президент қарори билан кўпроқ дарахт кўчатлари экилиши буюрилган бир пайтда бу каби ҳолатлар ҳам кўп кузатиляпти.
Шунингдек, аҳоли орасида ҳатто уй қуриш учун неча йиллик дарахтларини кесолмаса-ю, баъзи ўзбошимчалар табиатга қасддан зиён етказишда давом этмоқда. Ёки баъзиларнинг қўллаб-қувватловчилари борми?
ROST24.uz | Telegram | Facebook
Instagram | YouTube | Tezkor
BY Одамлар Орасида
Share with your friend now:
tgoop.com/odamlar_orasida_dastur/24429