tgoop.com/oloxsuola/18143
Last Update:
«Хаҥалас хапсаҕайа»: бүлүүлэр икки боруонса мэтээллээхтэр
✅ Бүгүн, олунньу 2 күнүгэр түмүктэммит «Хаҥалас хапсаҕайа» I норуоттар икки ардыларынааҕы хапсаҕай Гран-при турнирыгар 🤼♂🤼♂🤼♂Бүлүү хапсаҕайдьыттара хайдах кыттыбыттарын туһунан хамаанда тириэньэрэ, спорт маастара Дмитрий Акимов билиһиннэрдэ:
- ✅ Бэҕэһээ биллэр хапсаҕайдьыппыт, аан дойду чемпиона, өрөспүүбүлүкэ үс төгүллээх кыайыылааҕа Николай Николаев ыйааһыныгар 🥉 үһүс бочуоттаах миэстэни ылбыта.👏👏👏 Биир күүстээх хапсаҕайдьыппыт Юрий Сергин турнир полуфиналыгар тиийэ тустубута.🙌
✅ Бүгүн спорт маастара Федор Харлампьев 57 киилэҕэ элбэх утарсааччытын - 60 хапсаҕайдьыты кэннигэр хаалларан 🥉 боруонса мэтээли ылары ситистэ. 👍 Кини үһүс миэстэ иһин тустууга 🤼♂ аан дойду икки төгүллээх призерун, былырыыҥҥы өрөспүүбүлүкэ чемпионун Егор Находкины кыайда.✊
✅ Ньургустан Брощев бэйэтин ыйааһыныгар 9 эргииргэ тустубута элбэҕи этэр, үһүс миэстэни былдьаһа тахсар киирсиигэ хоттордо.
✅ Бэтэрээннэргэ 70 киилэҕэ Максим Иннокентьев 6 эргиир туһунна, эмиэ үһүс миэстэни былдьаһа тахсар киирсиигэ хоттордо. Николай Верховцев эмиэ ити ыйааһыҥҥа 10 иһигэр киирдэ.
👏👏👏
@oloxsuola
@ulusmedia
BY Газета «Олох суола» Вилюйского улуса
Share with your friend now:
tgoop.com/oloxsuola/18143