☘️شهر رمضان المبارك☘️


كل الهلا برمضان ياهلا بخيره
من هل علينه وبان فرحت الديره

❥ـــــ❁ــــ❁ــــ❁ــــ❥

شهر الكرم والجود شهر العباده
كلمن زرع طيبات فاز بحصاده
والمؤمن باخلاص حصل شهاده
واليعمل الزينات ضمهن ذخيره

✍️☘️ام فراس الساعدي ☘️

❥ـــــ❁ــــ❁ــــ❁ــــ❥

بهذا الشهر رمضان فاتح ابوابه
واليـعمل الزينات ياخذ ثوابه
يقرا على المظلوم يذكر مصابه
ويرتل القران يضمن مصيره

أم صــ✍️ــادق المنصوري


❥ـــــ❁ــــ❁ــــ❁ــــ❥

شهر وحصاد البيه غفران الذنوب
ولو تقرا القرآن تمحيها العيوب
رحلة بقطار البيه تطهير الگلوب
والعتق من النار رحمه جبيره

العلوية الموسوية 🏴

❥ـــــ❁ــــ❁ــــ❁ــــ❥

هذا شهر  رمضان افضل الشهور
بيه النفس تسبيح بيه العمل نور
للمؤمن اطمئنان كل سعيه مشكور
العنده بخت اينول بيه البصيره

✍️الخادمة زينة الگريشاوية

❥ـــــ❁ــــ❁ــــ❁ــــ❥

ياجرنه ربي كون يقبل صيامه
ويختم لنه الاعمال باحسن ختامه
وليلة قدر بي خير واكبر علامه
بيها الجليل يگول تخمد سعيره

✍ام اسعد الشمري

❥ـــــ❁ــــ❁ــــ❁ــــ❥

شهر الصيام وبيه تفرح الشيعة
بمولد كريم الال حبنه نذيعة
تفرح بهالمولود كل الوسيعه
وانختمة بالدعوه لصاحب الغيره

العلوية الموسوية 🏴

❥ـــــ❁ــــ❁ــــ❁ــــ❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه


https://www.tgoop.com/omFeras2
https://www.tgoop.com/alalimalzenby313

☘قصيده لشهر الخير☘

وزن/ خدري

بشهر الخير انه ادعيت عند الله ورسوله
اشوفن ابو صالح واسمع اليگوله

✿┈•ⴄ••❀❀❀••ⴅ•┈✿

دعيت بشهر الصيام عد رب البريه
يعم الامن عالناس ونتعايد سويه
محد يسأل منين انته والهويه
كل الي يهمنه حب ابو البتوله

الخــ✍️ـادمه ام زيد الشمري

✿┈•ⴄ••❀❀❀••ⴅ•┈✿

ادعي بشهر الصيام ظهور بن الميامين
عشت ابلهفة الشوك ابملكاه تهجع العين
حب النبي واله يشفع للمحبين
حقق ربي المراد والمطلب انوله

✍ام اسعد الشمري

✿┈•ⴄ••❀❀❀••ⴅ•┈✿

ارفع چـــفي كل يوم بتحقيق الاماني
أشــوف المنـتظر كون وبهذا زماني
كـــل عـــام وبالصيام احسبله واتاني
يعشگه زغار واكبار كل مجلس دعوله

أم صــ✍️ــادق المنصوري

✿┈•ⴄ••❀❀❀••ⴅ•┈✿

دعيت الله بهليام يغفر كل الذنوب
يقضي الحاجة للناس يسترهن العيوب
برحمته العدل والمات
يكشفهن الكروب
ويحقق الاماني بديه بكل سهوله

✍️☘️ام فراس الساعدي ☘️

✿┈•ⴄ••❀❀❀••ⴅ•┈✿

ادعي لبو صالح الله يعجل امره
بجاه الله ورسوله والمحزوز نحره
اتمنى اشوفه نسل فاطمه الزهره
يوجهنه على الحق وللدين واصوله

✍️الخادمة زينة الگريشاوية

✿┈•ⴄ••❀❀❀••ⴅ•┈✿

من شوفة المهدي يروح العطش كله
وتزهي كل الايام وليلة قدر سهله
هو يصير ابونه واحنه نصير اهله
وتحيا اعوامنة بيه ونتهنا بفصوله

العلوية الموسوية 🏴

✿┈•ⴄ••❀❀❀••ⴅ•┈✿

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tgoop.com/omFeras2

https://www.tgoop.com/alalimalzenby313

السلام عليكم ✋
الى كل المشتركين في قناتي..خادمة البتول
☘ام فراس الساعدي ☘
سيتم اعادة نشر👆👆 السيد ابوطالب ع بتاريخ ٧ رمضان
كل ماهو قديم وجديد حتى يتسنى لكم المشاهده
بدون كلل اوملل في البحث
متمنين لكم التوفيق في خدمة الرسول واله عليهم الصلاة و السلام وسيصلكم كل ماهو جديد ان شاءالله 🤲
☘ولكم الاجر والثواب☘
https://www.tgoop.com/omFeras2

☘️قصيده لوفاة ابوطالب ع☘️


يابو طالب..ياحظن دافي وامان
يابو طالب دنيه انته من الحنان
يابوطالب...يابوطالب

+++++++++++++++

كل وجودك سيدي ايفسر الروايه
الرسول الله جنت سور وحمايه
الرساله تنام عندك هاي غايه
الله راد ايوضح الكل البرايه
انته شخص شكد كبير
واعلنت موقف خطير
جوشن انته الكل زمان
دنيه انته من الحنان
يابو طالب /٢
بقلم العلويه ام رقيه
  فيض الطف
+++++++++++++++

يلكفلته وجنت والد كله طيبه
كل طباع الحلوه شايلها غريبه
تفتديه بروحك اشيطلب تجيبه
شهل حنان الشايله العندك عجيبه
انت حددت المصير
واعلنت موقف خطير
ل طه وفّرت الامان
انت بيتك بالجنان

يابو طالب /٢
✍️☘️ام فراس الساعدي ☘️
+++++++++++++++

جاه  الك مهيوب  وتلوگ الفراضه
يمك المضلوم وي خصمه يتقاضه
يلعشت وي ناس ماتسوى فضاضه
وبمصابك  سيدي  تحله   العراضه
اختارك الباري القدير
واعلنت موقف خطير
بالعلم  عندك  بيان
تخدمك انس وجان
يابو طالب/٢
✍☘ام فراس الساعدي ☘
+++++++++++++++

انت شيخ اواكرمك الله برسوله
تعاهدت بحمايته ابمعنى الرجوله
وگلت هذا الدين خط محد ينوله
الك عالي الشان ياشيخ الحموله
ولليخاف انت تجير
واعلنت موقف خطير
تحملت  ضيم وعنان
دنيه انته من الحنان

يابو طالب/٢
✍🏻ام سجاد الشهيد
+++++++++++++++

يبو طالب يلصنت سيد البريه
يلي شاهر سيفك باسم القضيه
تحارب بكل وكت لجل الهاشميه
صار يتنومس ببو النفس الأبيه
ابد  مثلك  ما يصير
وأعلنت موقف خطير
للرسول انطيت امان
بكلب واسع من حنان
يبو طالب /٢
✍️ ام عمار العبودي
+++++++++++++++


تمت بحول الله وقوته باقلام شاعرات رابطة ساقي عطاشا كربلاء
https://www.tgoop.com/omFeras2
https://www.tgoop.com/saghiatashaalkarbala

☘قصيده لعم النبي ابو طالب ع☘

موشح//

ابو طالب ياأبي
      اتكفل يربّي النبي
گضه عمره ابد ماعابد وثن
🏴🏴🏴🏴🏴

اتكفّل  ايشيله  ويصون  ارعايته
ايوفي دينه ايجازي ابوه وغايته
گال  اصونه  ودوم  اعز تربايته
بروحي احبه بكثر  امه  الشالته
واحد من اولادي صار
بحضني ظل ليل ونهار
انعجن دمه وياي وي دمي عجن

🏴🏴🏴🏴🏴

كفو والله والنعم من هلخليل
وين  مادار  النبي  عمّه  يميل
جان  مرصاد ويرد عنه اليعيل
والحمل لوطاح منه العَم يشيل
عمه لكن صار ابوه
يعادي كلمن يبغضوه
وينتقم منهم وكل ظالم عَفِن
🏴🏴🏴🏴🏴

اتكفله من عمره جان اثمن سنين
وآزره  لحد  عمره ما صار  اربعين
كفو  من هذا البطل  بافعاله  زين
غيمه  ويضلل   محمدنه  الامين
يناصره بكل الامور
شهم بي غيره وجسور
مايعوفه ابد كل لحضه يحِن
🏴🏴🏴🏴🏴

رافع  ايده  النبي یدعي الامته
واجا  الكافر  يمنعه  كل  غايته
صُبَغ وجهه بدم رفث حد هامته
الف  لعنه  اعله  النفوس العادته
هناك عد الله الحساب
نار مستعره وعقاب
هاي اخرتك بعد بيها استچن
🏴🏴🏴🏴🏴

بلمدينه    النبي   ماعنده   نصير
يجي يشكي لعمّه  عنده يستشير
لو  اجته  العيله من  واحد حقير
يفزع  العم  فزعته  ماله   نضير
العمّه قدّم شكوته
من الحثاله الأذته
شال سيفه العم مشه گلّه اطمئن
🏴🏴🏴🏴🏴

نزل  جبرائيل  ويخبر  الرسول
مات عمك گلّه الشخصك كفول
مااخذ راحه محمد ظل  يجول
سافر ابعيد وتره السفرة تطول
حمل كلشي لخاطرك
مات جان يناصرك
الامر بيد الله بعد صار بحزن
🏴🏴🏴🏴🏴


✍بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tgoop.com/omFeras2

https://www.tgoop.com/alkalm313

☘قصيده لوفاة ابو طالب ع☘

مات ابو طالب بهاي الليله
الشيعه كلها محزنه وتبجيله
🏴🏴🏴🏴🏴

اليوم  شايل  كافله  وعم  الرسول
عازي ابو الحملات بي فحل الفحول
حرنه ياهل ناس بيه احنه شنكول
جان صاحب للنبي واخليله.....
مات ابو طالب بهاي الليله
🏴🏴🏴🏴🏴

بالشدايد  يحضر   بكل   موزمه
واليضد شخص النبي ايخاصمه
ميتوانه   يفزع   ايرشه   بدمه
جان من ايطيح حمله يشيله.....
مات ابو طالب بهاي الليله
🏴🏴🏴🏴🏴

صايم  برمضان من حان الاجل
بليلة الثامن وسف نعشه انحمل
والنبي المختار ظل دمعه ايهمل
اليوم ننصب ماتمه وننعیله.....
مات ابو طالب بهاي الليله
🏴🏴🏴🏴🏴

بمثل هذا اليوم وبشهر الصيام
مات ابو حيدر علي وبچّه الانام
ناحت اعليه الخلگ حتى الحمام
مودمع  علخد دمه و انسيله
مات ابو طالب بهاي الليله
🏴🏴🏴🏴🏴


ماحضر حيف النبي او ماودعه
بيدي گال احفر حفرته واندعه
استغفر العّمه  والباري  يسمعه
يبچي ابن عمه علي يشكيله....
مات ابو طالب بهاي الليله
🏴🏴🏴🏴🏴


✍بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tgoop.com/omFeras2

https://www.tgoop.com/alkalm313

✍☘قصيده لابو طالب ع☘

ياكشخه زلم يارفعت الهامه
ياناصر رسول الله واسلامه
✨🔹🔹✨✨🔹🔹✨
عليك الدين محزن لابس انگابه
فقد خير الزلم واحد امن اصحابه
ابوطالب يخالي اليوم محرابه
  من عگبك صفينه كلنه ايتامه
زهره الكناني✍🏻
✨🔹🔹✨✨🔹🔹✨
محرابك خلا ويلاه يبو حيدر
عليك اليوم طه محـزن امگدر
رك حيله ويريد يگوم ما يگدر
يالچنت انت عمه وانت احزامه

✍️ام محمد التميميه
✨🔹🔹✨✨🔹🔹✨
حزامه وبالشدايد تهد وملثم
وبكل نايبه اتمر بيه تتحكم
متنومس نبينه بيك ومعلم
بجالك  وبدلالك تزهي ايامه...

✍☘ام فراس الساعدي ☘
✨🔹🔹✨✨🔹🔹✨
متنومس الهادي وحیدر الکرار
وذو الجنحین ابنك جعفر الطیار
وامهم بت اسد مـن نسل هل اطهار
ملــــوك  الاخـــره بالوصف وهامه

ام مهدی مجدم✍🏻
✨🔹🔹✨✨🔹🔹✨
يتاريخ المناقب قلمي ضل يرثيك
يحتار الشعر وشيبدي يكتب ليك
وكل رادود واجب سيدي ينعيك

ياعم النبي والطاف بااجدامه

✍🏻 #_بنت العباس ع ام ✍🏻منتظر الجابري
✨🔹🔹✨✨🔹🔹✨
عام احزان يوم الي فكد عمه
ظهره انحنه لجله يا نبي الرحمه
موحد جان باالله صاحب الهمه

خفه على الناس ابو طالب اسلامه

✍ام مرتضى الخزرجي

✨🔹🔹✨✨🔹🔹✨
تمت بااقلام رابطت كفيل زينب
https://www.tgoop.com/omFeras2
https://www.tgoop.com/alkfoofalskea

☘️لاستشهاد الامام الكاظم ع ☘️

بحر الرمل
الوزن /هجري
فاعلاتن فاعلاتن فاعلاتن فاعلن

لسان حال الشاعر 👉

على ابو طلبه واه ويلاه
على ابو طلبه واه ويلاه
🏴🏴🏴🏴🏴

ليش نعشك يامامي    منشمر فوك الجسر
اليله تنعى الكاضميه تصرخ وجانه الخبر
نطلب بثاراته كلنه ننتضر طول العمر

ماجور كلمن اجه وعازاه
علی ابو طلبه واه ويلاه
🏴🏴🏴🏴🏴

ليش نعشك ياأمامي
وحّده وماكو اهَل
شخصك الغالي علينه ياحسافات ارترحَل
مايفيد اللوم كافي بالحچي ماكو امَل

ملعون هارون الي سمّاه
علی ابو طلبه واه ويلاه
🏴🏴🏴🏴🏴

جينه مشايه اعله دربه والدمع يجري دمه
بالسلاسل حاملينه
هذا ابن حامي الحمه
ارتجت الاكوان كلها بچت املاك السمه

حتی الوحوش اليوم تنعاه
علی ابو طلبه واه ويلاه
🏴🏴🏴🏴🏴

نلبس اسواد بمصابه بكل سنه بشهر الرَجَب
نترس الشارع مواكب نلطم نسوي العَجَب
والي ميشارك عزانه
لاميستاهل عَتَب

المايريده لامردناه
علی ابو طلبه واه ويلاه
🏴🏴🏴🏴🏴

سممه ابن الدعيه بلاحيه وكلش صَلِف
صعب يوم ابن الزجيه يل مصابه شكد كَلِف
ابد مانتعب بمشيه حتى لو جينا زَحِف

روحي واولادي  فداه
علی ابو طلبه واه ويلاه
🏴🏴🏴🏴🏴

تمت باقلام شاعرات اهل البيت عليهم السلام
✍️☘️ام فراس الساعدي ☘️
✍️ام روكان الشمري
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tgoop.com/omFeras2

☘☘لوفاة ابوطالب ع☘☘

نعي// گرناوي

نعيتك يابو طالب وكت الاذان
وذكرت ايامك بهاي المسيه

شهم يمعدل احجايتك ميزان
أمأصّل  والنسب  للطالبيه

ادري اربات خيّر وابن ديوان
عشت ويه النبي انواع الاذيه

تكفّلت الرسول وصرت عنوان
وابنك  حيدره هم صار اخيّه

بطل صنديد ياهيبة الفرسان
الك هدّات يل نفسك أبيّه

يحيف ايام مُرّه وكلها احزان
يبغضوك بحقد هل ناصبيه

المربّيه  حُفَر  لِحدك  اودفان
ويهيل اترابك بدمعه جريه

حريمه تنام يمنومس بتربان
وتضل اخلافك ازلام الرديه

محمد ناح منفگدك او وجعان
يذكره امصابك بكل مغربيه

نظل للدوم كل ثامن برمضان
نسوي المجلس وننصب عزيه


✍بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tgoop.com/omFeras2

https://www.tgoop.com/alkalm313

☘وفاة مولاتی خدیجه(ع) ☘


اجینه الیوم لاام الحسن نقره
علی امها خدیجه نبچی ابعبره
٪٪٪٪٪٪٪٪٪٪٪٪٪^٪٪٪٪٪٪٪٪٪٪٪

جینه الیوم بلونه نعازیها
ماجوره الذی حضرت تواسیها
على امها الطاهرة کثرت بواچیها
شالت بالونين وعافت الزهرا

✍ #علویه ام فاضل
٪٪٪٪٪٪٪٪٪٪٪٪٪^٪٪٪٪٪٪٪٪٪٪٪

محنتين المصيبة بالكلب حلت
لفاطم وحدة بدموع الجفن هلت
اوحدة للجلية بالهظم رحلت
عن بيت الرسالة ماهي الكبرا

✍ #اسيرة الأحزان 💔
مريم العبوديه
٪٪٪٪٪٪٪٪٪٪٪٪٪^٪٪٪٪٪٪٪٪٪٪٪

شالت و ابعدت والزهره خلتها
بلونه تون یا ویل محنتها
صاحت بلحزن وین الربتها
رسول الله ینوح ویجذب الحسره

✍ #ايمان ناصر الزهيري
٪٪٪٪٪٪٪٪٪٪٪٪٪^٪٪٪٪٪٪٪٪٪٪٪

يا ام الزجيه وزوجة المختار
يل خليتي ونه بالكلب واحتار
يوم الرحتي ون عليج حتى الجار
نارج بالكلب ليهسه مستعره

✍ ☘ام فراس الساعدي☘
٪٪٪٪٪٪٪٪٪٪٪٪٪^٪٪٪٪٪٪٪٪٪٪٪

نساعد فاطمه الليله على امها
تره غياب الحنينه حيل هاظمها
وسفه ياخديجه المكبره تطمها
يافركاج خله بلكلب جمره

✍ #الحجيه ام علي بصره
٪٪٪٪٪٪٪٪٪٪٪٪٪^٪٪٪٪٪٪٪٪٪٪٪

تمت بعون الله تعالى
بـ✍ــاقـ✍ــلام خـادمـات أهل البيت ع
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/omFeras2

☘لاستشهاد الزهراء ع ☘

كأني بلسان مولاتي زينب ع ترثي امها الزهراء في ليالي رمضان

الوزن //نصاري

اجا الشهر الفضيل وصار الفطور
دارج خاليه ومهدّم السور

───⊱◈◈◈⊰───

چهبنه الدار وحشه وما لگيناچ
حسافه يم حسن ظلمه بلياج
سفرتنه خليه خلاف عيناج
تذكرنه المضى والگلب مفطور

✍☘ام فراس الساعدي ☘

───⊱◈◈◈⊰───

تذكرنه المضى يمه اوبجينه
تسامرنه اشكثر زهوه ابحجينه
الف ياحيف رحتي من ايدينه
سفره ماتلذ بعدج ولا سحور

✍ام اسعد الشمري

───⊱◈◈◈⊰───

ذكرنه ايامچ اوهلينه الدموع
على امصابچ يزهره اگلوبنه اتلوع
نضل يمه ابمكانچ نعلگ اشموع
اسمچ بالگلب يحبيبه محفور

✍️ام محمد تقي الموسوي

───⊱◈◈◈⊰───

دوم عيونه تبچي وحزينه
وماننساچ ياامنه الحنينه
نتمنه شكثر بلچي تجينه
عنّْه من مشيتي الگلب مكسور

✍️ام علي المالكي

───⊱◈◈◈⊰───

چنه بالفجر صوتج نسمعه
تقرين ادعيه ويمچ الشمعه
بقت بعيونه يايــمه دمــعه
مكانج هالشهر منه يشع نور

أم صـــ✍️ــــادق المنصوري

───⊱◈◈◈⊰───

#تمت باقلام شاعرات رابطة خادمات سيد الشهداء"ع"
https://www.tgoop.com/omFeras2
https://www.tgoop.com/alalimalzenby313

☘ لوفاة السيدة خديجة ☘

بشهر الصوم شالت جدة حسين
تنحب فاطمة وتجر بالونين
✨❃❥❍✨❍❥❃ ✨.❃❥❍

بشهر الصوم فارگنة النجيبه
اعظم فاجعه واعظم مصيبه
فاطم تصرخ اعله امها الحبيبه
تگول آنه زغيرة وطگني البين
✨❃❥❍✨❍❥❃ ✨.❃❥❍

حزنانة عليها والدمع سال
من شافت نعشها غرب وشال
بغياب الحنينة كل حمل مال
گلبها من الحزن منجسم نصين

✍️الخادمه ام زيد الشمري
✨❃❥❍✨❍❥❃ ✨.❃❥❍

زغيرة وعاشت اللوعة بفگدها
أمها الچانت الها اهيه سندها
خذاها الموت منها وش يردها
تنعاها بقت ست النساوين

✍🏻#ولائـية_وافتـخر (دعاء العامري)
✨❃❥❍✨❍❥❃ ✨.❃❥❍

تنعاها وتون ونة على ونة
وتصيح بصوت وين ام المحنة
من يوم المشت أظلم نزلنة
وعليها امكدرة وتهمل العينين

✍🏻العلويه ام اسامه البطاط
✨❃❥❍✨❍❥❃ ✨.❃❥❍

حزنت فاطمة وتسچب الدمعه
بحجرتها اگعدت  تبچي وتنعه
عافت  بيتها  وعافت  البضعه
تظل محيرة وتنطي الوجه وين

✍☘ام فراس الساعدي ☘
✨❃❥❍✨❍❥❃ ✨.❃❥❍

بنت خير البشر أفگدت جنة
دفنو بالحـد ذيچ الـمحـنة
يالتنشد عـليها بـدون منـة
تصد للدار ظلمة وتصفگ ايدين

✍🏻خـادمـة الزهـراءام احمد العبوديه زبير
✨❃❥❍✨❍❥❃ ✨.❃❥❍
#تمت_✍🏻_
_بأقـــلام#شــاعـرات_
#خــادمــات-الــزهـراء_ع_
#من_رابطة_جمـعـتنه_حســينـيه_
https://www.tgoop.com/omFeras2

.
☘لوفاة السيده  خديجه ع ☘


نعي//
كأني بلسان حال السيده فاطمه الزهراء ع
😭
فراگ الحبابب مااحمله
ويامن بعد  اگعد  اتسله
الگعده ويه غيرج عيب تحله

✍️ام محمد التميميه
😭
هلا  بيج يايمه هلا بيج
يفرح  گليبي من الاگيج
روحي  ييمه معلمه اعليج

✍️ام احمد بلد
😭
هلا بطبتج یا یـــمه عليه
ينزاح الهم من نكعد سويه
يم هلا تردين لوهاي  هيه

✍ام زين العابدين لمحمداويه
😭
عل موت يمه ستعجليتي
وشگال گلبج من مشيتي
من عفتي البنيه تعذريتي

✍🏻 #علويه ام منتظر الجابري

😭

خلافج علي وحشه البنيه
شمحلاها وياج المسيه
ترجعين الي لو هاي هيه

✍🏻 ام زينب الأسدي
😭
همي  لغيرج  ماشكيته
گعدت يم گبرچ نادبيته
بس  الج يمه  سولفيته

✍️☘️ام فراس الساعدي ☘️


تمت بحول الله وقوته باقلام شاعرات
قناة ساقي عطاشي کربلاء
لنشر القصايد الحسینیة
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tgoop.com/omFeras2


https://www.tgoop.com/alkalm313

☘لوفاة السيدة خديجة الكبرى ع☘


عظم الله اجرك نبينه بهل مصاب
عل عفيفه الطاهره وام الحجاب...


جينه انعازيك ياسيد الرسل
شايله ام البيت وافاها الاجل
شما حجينه عن وصفها مانمل

ياخديجه اعليج والله گلبي ذاب....

✍️☘️ام فراس الساعدي ☘️
................
شالت احزام وسند للمصطفى
ضاكت الوسعه وعلى الدنيه العفى
بالحزن والاه هادينه صفى
من بعدها دمعه نيرانه لهاب

✍ام اسعد الشمري
................
تظل عنوان الفــخر للتــــالي
ضحــت ابموالهه وکــل غالی
الــدین الله ورسوله الـــوالی
هذا يومج ياعظم هذا المصاب
✍️العلوية ام احمد بصرة
................

يا حسافه مات غصنك والورد
عطرك الفواح دفنوه  باللحد
و اللي يدخل للگبر لا مايرد
الحبيبه ارحلت غلگت الباب

✍️أم علي دمعة لقاء
〰️〰️〰️〰️〰️
موحشه هلدار بعد ام الوفه
فراك هجرج ياخديجه ماغفه
عفتي فاطم تنعه وبلايه دفه
اعتب وصار العتب مابيه جواب

بقلم العلويه زهراء🍃✍️

〰️〰️〰️〰️〰️
تمت بحمد الله تعالى بلرابطه شاقي عطاشه كربلاء

قناة ساقي عطاشي کربلاء
لنشر القصايد الحسینیة !
https://www.tgoop.com/omFeras2

https://www.tgoop.com/saghiatashaalkarbala

☘لوفاة السيده خديجه ع☘

وكأني بلسان حال مولاتي السيده الزهراء عليها السلام
تنعه امها)) وزن النعي
يقرأ نعي مجاريد-عاشوري وغيرها
ــــــــــــــــــــــــــــــــــــــــــــــــ💔


تگلها ييمه وين تردين
چنچ مرحله يا ضوه العين
اعلينه ييمه موش تبطين

حلفچ انه بالله ورسله
يومچ انه مابيه احمله
غيبتچ يمه موش سهله

ام ✍🏻رحمه الگاظميه
""""""""""""""""""""""

ردي عَلَّي ياسلوة الروح
داويها ليّه يمه لجروح
عگبچ صفيت بدمع وبنوح

أگعد وسط دارچ واناديچ
واتذكر الگعدة ومحاچيچ
تمنيت انه بالروح أفديچ

✍🏻#ولائـية_وافتـخر (دعاء العامري)
"""""""""""""""""""""""

استعجلتي يمه ليش للموت
ميلوگلچ لا لاسمه تابوت
وحتى الگبر حيف امي اتفوت

✍🏻#ام علي المالكي
""""""""""""""""""""""""""

ياضوى اعيوني وشمعه البيت
اگضي حياتي وياچ ياريت
الطولچ وصوتچ يمه حنيت
ـــــــــــــــــــــــ
ردي علي يانور عيناي
بعدچ ييمه وين منواي
اخلافچ يتيمه ايصيبني داي

✍#ام مرتضى الخزرجي
""""""""""""""""""""""
يالشايله عنه ومبعده
ومامش بعد لدار رده
وجرح الگلب ياهو يالضمده

✍🏻#ام مهدي الفرطوسي
""""""""""""""""""""""""""

نمتي وسكنتي بعيد بلحود
ليالي الفرح راحت فلاتعود
اعليج بحزن ظل گلبي ممرود

✍️☘️ام فراس الساعدي ☘️
""""""""""""""""""""""""""

تمت باقلام شاعرات رابطة كفيل زينب عليهما السلام

https://www.tgoop.com/omFeras2
https://www.tgoop.com/alkfoofalskea

☘لوفاة السيده خديجه ع☘

كسر الخواطر بالگلب// چامنهو ليجبره🍃
اليفگد امه من الصغرماينجبر
كسره🍃

عافتني الوحدي //آيازماني /٢

❥❍❥❃ 🥀꧁꧂🥀❃❥❍❥

اليفگد امه من الصغر  يبقى يلوذ بهمه
چنها خليه دنيته صحراء  ياهو يلمه
نعش اليشيل امه يريد وياها كون يضمه
ياعيني لتشوف الدرب ظلت اخلافج ظلمه

يايمه چود النايبه ليها آنه متحضره🍃
كسر الخواطر بالگلب چا منهو ليجبره🍃

عافتني الوحدي //آيازماني/٢

✍️ ام حسين المحمداويه

❥❍❥❃ 🥀꧁꧂🥀❃❥❍❥

راحت خديجه ام الوفه وهدت ركن كل حيلي
عيني عليها امساهره ماغفت ساعه بليلي
تدرون المفارگ كلف من عنده ذاب دليلي
وشالت اليوم الطاهره يادمعتي دم سيلي

والله الهجر ماينحمل نيرانه مستعره🍃
كسر الخواطر بالكلب جامنهو ليجبره🍃

عافتني الوحدي//آيازماني/٢

✍️ العلويه ام اسامه البطاط

❥❍❥❃ 🥀꧁꧂🥀❃❥❍❥

الدار لو بي ام تره جن شمس تزهي بيها
غابت وبجفاها النزل ظلمه الترب غاطيها
الدنيه بعدج جنتي خـلافج طـعم  مابيها
اليفكد بلـيله اميمته عـمره يـون
  عليها

الورده تذبل ياخلك لو فاركت
مطره🍃
كسر الخواطر بالگلب جامنهو
ليجبره🍃

عافتني الوحدي //آ يازماني٢

✍🏻خـادمـة الزهـراءام احمد العبوديه زبير

❥❍❥❃ 🥀꧁꧂🥀❃❥❍❥

وسفه الحنينه بالگبر والبيت اصبح خالي
اعليها اون صبح ومسى الدمعه عله خدي تلالي
ابقى انوحن كل وكت والرسم باقي اگبالي
امي واعز من الهوه ماغيرها يحلالي

ريتج ييمه حاضره من صارت العصره🍃
كسر الخواطر بالگلب چا منهو ليجبره🍃

عافتني الوحدي //آيازماني /٢

✍️الخادمه ام زيد الشمري

❥❍❥❃ 🥀꧁꧂🥀❃❥❍❥

خلتني وحدي بهلوكت ماعندي بعد احبيبه
مشتاگه مااحمل هجر ياغاليه يالطيبه
مجروحه اون بغيابها والجرح چا شيطيبه
محزون ظل طه النبي يشكي الحال لربه

واليفگد امه ياخلك چاشلّه بعمره🍃
كسر الخواطر بالگلب چا منهو ليجبره🍃

عافتني الوحدي// آيازماني٢

✍☘ام فراس الساعدي ☘

❥❍❥❃ 🥀꧁꧂🥀❃❥❍❥

#تمت_✍🏻_
_بااقـــلام#شــاعـرات_
#خــادمــات-الــزهـراء_ع_
#من_رابطة_جمـعـتنه_حســينـيه_
https://www.tgoop.com/omFeras2

☘لاستشهاد السيده خديجه ع☘

لاترحين ....عدمن ودعيتيني
چنت الغاليه ليش ارخصيتيني
🏴🏴🏴🏴🏴🏴🏴🏴

ماگلتي وحيده شلون اعوفنهه
الليالي  الخاليه  خافن  يأذنهه
ولا  عدهه  اخيات  اليواسنهه
غير الوالده  ياهي التشكيني....

لاترحين ....عدمن ودعيتيني
چنت الغاليه ليش ارخصيتيني
🏴🏴🏴🏴🏴🏴🏴🏴

خربان  النزل  يايمه  مندونج
أحبابج  أجو  للبيت   يردونج
تركتيني ونمتي بگبر خيعونج
بهذا السفر يمه حيريتيني....

لاترحين ....عدمن ودعيتيني
چنت الغاليه ليش ارخصيتيني
🏴🏴🏴🏴🏴🏴🏴🏴

شلي  بدنيتي  من غير الحبيبه
كون الموت الي وتبقين يلطيبه
فرگاچ الهضمني وراسي مشيبه
ثكيل الحمل وانتي كلفيتيني....

لاترحين ....عدمن ودعيتيني
چنت الغاليه ليش ارخصيتيني
🏴🏴🏴🏴🏴🏴🏴🏴

ردي وخل اسولفج على حالي
مهضوم ويون خليتي الوالي
يكون وياچ ميته يمه اشوالي
مامرجيه شو چنچ نسيتيني....

لاترحين ....عدمن ودعيتيني
چنت الغاليه ليش ارخصيتيني
🏴🏴🏴🏴🏴🏴🏴🏴

يمه وداعتچ لا ما شفت راحه
دلالي انجرح شيطيب اجراحه
اون بلدار خالي وطفه مصباحه
طوّلتي بنومج ما ذكرتيني....

لاترحين ....عدمن ودعيتيني
چنت الغاليه ليش ارخصيتيني
🏴🏴🏴🏴🏴🏴🏴🏴


١٠/رمضان
✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://www.tgoop.com/omFeras2

☘وفاة مولاتنا خديجه ع☘


ما مات اليخلف هيج گالوها
وبتها فاطمة الزهراء تدروها

❥━──➸➽🦋❂❥━─➸➽❥❂

خلودج ياخديجة بالدهر اية
زهية وهيبتج كَد معنى لحجاية
الج للدين صولة وبالمجد راية

وبحظرة خلود السيرة لفوها
مامات اليخلف هيج گالوها

❥━──➸➽🦋❂❥━─➸➽❥❂

انه بتج ييمة الطاهرة الزهرة
موتج تارك بدلالي الف حسرة
ردتج ياخديجة لساعة العصرة

بين الباب والحايط يدفعوها
مامات اليخلف هيج گالوها

#✍اسيرة الأحزان 💔مريم العبوديه

❥━──➸➽🦋❂❥━─➸➽❥❂

نساعد بالحزن هالطاهرة البضعه
تحن للوالده هاليوم بس تنعه
مثل ون التكسر بالألم ضلعه

تصيح من الكلب والونة علوها
مامات اليخلف هيج گالوها

خادمة الزهراء /ليلى زغيب

❥━──➸➽🦋❂❥━─➸➽❥❂

هاي معدله وكل لوله مابيهه
وحجاياتهه للجرح تشفيهه
اليوم نعازي الزهره ونواسيهه

حسافه بليل بالتابوت شالوها....
ما مات اليخلف هيج گالوها

✍☘ام فراس الساعدي☘

❥━──➸➽🦋❂❥━─➸➽❥❂

ياسور النبي يانعمه ورحمه
يل حضنج دفو للعايله يلمه
على فراكج ييمه العين خل تعمه

ياحيف الحنينه اليوم دفنوهه
مامات اليخلف هيج گالوها
✍ #علویه ام فاضل
❥━──➸➽🦋❂❥━─➸➽❥❂

تمت بعون الله تعالى

بـ✍ــاقـ✍ــلام خـادمـات أهل البيت ع

✍مريم العبوديه
✍ليلى زغيب
✍علويه ام فاضل
✍ ام فراس الساعدي ☘

https://www.tgoop.com/omFeras2

‏فيديو من مضيف الزهراء ع