tgoop.com/omeralfki/1996
Last Update:
اسي يعني خلاااص صبحنا ؟😏
والشمس شرقت فرحنا ؟😒
في شنو اسي هنا البفرح ؟!😠
قال صباح الخير كمان قال
قبل ماتعرفو بتصرح ؟
اسي يمكن ماصباح خير 😒
اسمع الطير
انت قاللوك قاعد يغرد ؟؟
قاعد يمنح فوقنا نحن
والشدر قاللوك مفرهد ؟
ها
الشمس زعلانة شان صحوها وللا ماعارف هي مالا
والشدر رتيان في حالا
دا الشدر بي طبعو اخدر
انت في شنو بفرحك كان ما جهالة
دي اسي يارب ياتو حالة
دي ياتو محنة ؟؟
ونحن فرحانيييين صبحنا 😒
قوم كدي النبي من سريرك 😁
قمت ؟😂
مرتاح من ضميرك ؟ 😡
البس البس اها
استحميت ؟
يللا سرح
وبابتسامة عريييضة خش في جوهر اليوم المعتق بالسخانة
دا لو لقيت ليك نص مكان شماعة في بص والي
أو لأ للأمانة
دا لو لقيت ليك نص مكانة
دا لو لقيت في معجم الإنسانية خانة
خلي قال قال قال صباح ال
ياخ صباح الخير دي اسع ما اهانة ؟😡😠
تاني ماتقعد تجرح
قوووم عليك اللعنة ماتفتق جرحنا
هو الصباح دا نلاقي ليك بي ياتو سحنة ؟! 😯😢
خلي قال شرقت فرحنا 😒😒
#عزام_عبد_العاطي طبعا
BY سر البوح
Share with your friend now:
tgoop.com/omeralfki/1996