tgoop.com/ooo313h/4727
Last Update:
#استشهاد_ فاطمة الزهراء عليها السلام
قصيدة بعنوان( باب الزهراء )النص الشيعتي +الموشح
باب الطهر بيها جمر وبيها حطبهم مستعر
من العصر بيد الكفر ظلع الزجيه منكسر
نار او حطب يبدي الشرح وبهل المصيبه وكل جرح
ظلع الزجيه منكسر
●●●●●■■■■■●●●●●{{{1}}
شرد اكلك يالموالي انه وابدي بالمصيبه
من( وان ) بالبيت فاطم لوا فدك يجعل نصيبه
لوا حطب لوا نار فعله لوا عصر ظلع النحيبه
لوا متن اثاره حمره لعنة الله اعله الصحيبه
اسمع احداث الجرت من السقيفه
موا علي نصبوا ابو بكر الخليفه
تركوا الحق والوصيه وأذوا الزهره الزجيه
وكيدوا حامي الحميه
ظلت دمع بيها وجع مهظومه اذوها الربع
من الدفع من الصفع مألومه وبهذا الوضع
وبالعتبه محسنها انطرح وبهل المصيبه وكل جرح
ظلع الزجيه منكسر
●●●●●■■■■■●●●●●{{{2}}
من بعد ما تركوا الحق والوصيه بيها كفروا
اسسوا جور او ظليمه وبايعوا شيطان او ردوا
ويه مرسول الرساله بس حجي وبالكلب نفروا
ما وفوا تركوا كلامه وبعلي والزهره غدروا
راسه بحضان الولي وظهروا كفرهم
(( وفوك صوته اصواتهم تعله ابنكرهم ))
باخر انفاسه وخطابه عافوا الدينه وكتابه
(( وللنبي اتسموا صحابه ))
بعد الرحل ظهروا جهل ونصبوا حقدهم بالعجل
والبي خلل ياخذ محل حيدر علي ذاكه الفحل
وينكث غديره المتضح وبهل المصيبه وكل جرح
ظلع الزجيه منكسر
■■■■■●●●●●■■■■■{{3}}
خططوا اهل السقيفه واسسوا نهج المظالم
هوه والقاتل محمد قاصد البيت المعالم
وبالحطب وجيوشه كاصد وبالمكر للزهره قادم
بناره حركوا بابه حيدر ورايد ايأذيها فاطم
يغضب الباري الغضبها مارعوها
ويرضه الباري الرضاها ويأذوها
وعصرته كسرت ظلعها وناره رهبتها ابوضعها
ومن المها اتصب دمعها
شنهوا السبب حكها سلب وحقده يظهره ياعجب
نار او حطب جمره لهب وبسياطه للزهره ضرب
وعالخد دمعها دم سفح وبهل المصيبه وكل جرح
ظلع الزجيه منكسر
■■■■■●●●●●■■■■■{{4}}
من فعلهم والجريمه فاطمه طاحت حزينه
وطاح ابنها من عصرهم تنظره نازع سنينه
والظلع دامي وتخضب ويلي بيها امهشمينه
والجمر حارك جلدها وجفها مجوي امخضبينه
فضه نادت موا علي بت الرساله
لوا علي نادت فلا يوصل محاله
للرساله والشريعه تحملت هايه الفجيعه
وفضحت اصحاب الخديعه
تنزف دمه ومتألمه بيا حاله تنعه فاطمه
وبلا حمه ولا سالمه من الرجال الهاجمه
والطاغي بفعاله فرح وبهل المصيبه وكل جرح
ظلع الزجيه منكسر
■■■■■●●●●●■■■■■{{5}}
ما كفاهم هذه كله وردوا اعليهه الرذيله
بالسياط الي ضربها عالمتن دمها ويسيله
من خذوا حيدر بسرهم طلعت اتضحي وعليله
بالسياط انوبه ردوا وعالوجه يضرب يويله
من ضربهم والشتم ردت جريحه
وتنتظر يرجع علي الداره وتصيحه
بلايه محسن لا عليها ومنكسر خاطرها بيها
وتندعي عالظالميها
فكدت ابن ظلت تون من المصايب والفتن
بلوعت حزن ودمع الجفن ظلت تنوح ام الحسن
وبكل مسه تنعه وصبح وبهل المصيبه وكل جرح
ظلع الزجيه منكسر
الشاعر الحسيني حسن جاسم الطائي
BY قصائِد حُسينية 🇮🇶
Share with your friend now:
tgoop.com/ooo313h/4727