tgoop.com/ooo313h/4729
Last Update:
#استشهاد _الزهراء عليها السلام
قصيدة بعنوان( ثارات الظلع )النص وزن حسيناوي +تفعيله
واويلاه واويلاه
■■■■■□□□□□■■■■■{{1}}
تنعه الزجيه المهدي بالروح
يمه تكله أبيومك اجروح
ظلعي التكسر دمه مسفوح
وينعه الثار أمه ودموعه اتسيل
يومي والطلعه أمن الله التسهيل
ايكلهه ادعيلي اخذلج ثار
اقتص من عدهم كل لحظة ويل ويلاه
ادري ابحالتج يايمه والجره
بابج من حطبهم ناره اموجره
وظلعج من تكسر طحتي امعفره
ثاري طالبه من الناصبه
صبري والفرج ظلعج حاسبه
واويلاه واويلاه
■■■■■□□□□□■■■■■{{2}}
انتظره يومي ويمتى هاليوم
اطلع وحاسب يمه الكوم
والحك ارجعه من الخصوم
ونصب محكمتي وبدي ابأصرار
من ياجريمه ابدي ويا نار
من السقيفه ودفعة الباب
وابدي المصيبه ويه الكفار ويلاه
افتح للسجل وحقق بالأمر
يمه كل ظلم اقتصه من كفر
ابدي من ادينه وحطبه والجمر
وجفه الدافعه وحطبه جامعه
وبابج كاسره وسطره طابعه
واويلاه واويلاه
■■■■■□□□□□■■■■■{{3}}
كل هذا تسمع منه الاحكام
ويجري دمعها ويه الالام
يمه تكله وخابت احلام
بابي كسروها وحركوها الباب
وعصروني يمه ذوله الاجناب
وبسمار ابظلعي جارحني حيل
ومحسن بالعتبه طايح منصاب ويلاه
واني شفته ينزف يمه منجرح
ما شاف الحناني ما صبح صبح
جسمه عالارض متعفر منطرح
جسمه عالترب مجوي ومنخضب
شلته بالحضن وجرحه بالكلب
واويلاه واويلاه
■■■■■□□□□□■■■■■{{4}}
ويدخل عليه ابسوطه ملعون
وبسوطه يضرب يمه المتون
ويسطرني بيده والاثر لون
يدريني اني بت المختار
وحدي وبداري ويحركلي الدار
وكالوله الزهره موجوده اشلون
(وأن ) موجوده شبوها النار ويلاه
وبرمحه ضربني ويرجع بالشتم
والبين فعلهم فعله والظلم
يمه ما رحمني وخلاني ابهظم
والمهدي يون بفعاله وب( أن )
ودموعه دمه لمه من جرن
واويلاه واويلاه
■■■■■□□□□□■■■■■{{5}}
يومي ييمه لعنه وحساب
للي حرك بفعاله الباب
وكلمن عذابه عندي واسباب
الطاغي من كبره والثاني اوياه
يمه اصلبهم وفضح منواه
اجمع للعالم كل حق او دين
من عدهم اقتص وابدي ابمجراه ويلاه
جاني اشجم فعل البابج والحطب
ومحسن والأثر لمتونج من ضرب
وسوطه واليتبعه والضدج نصب
وحيرت حيدره ونوح المكبره
ويتامج تون خاطر كاسره
واويلاه واويلاه
●●●●●●●●●●●●●●●
الشاعر الحسيني حسن جاسم الطائي
https://www.tgoop.com/dkvaertunxxdd
BY قصائِد حُسينية 🇮🇶
Share with your friend now:
tgoop.com/ooo313h/4729