tgoop.com/oykumuz/2833
Last Update:
💃کافکا و بالاجا قیزین کوکلاسی....
هئچ ائولنمه‌میش و اوشاغی اولمایان فرانتس کافکا، بئرلین‌ده بیر پارکدا یئرییرکن، چوخ سئودییی کوکلاسینی• ایتیردییی اوچون آغلایان بالاجا بیر قیز اوشاغی ایله راستلاشیر.
کافکا اوشاق‌لا بیرلیکده کوکلانی اوزون مودت آختاریر و باشاریسیز اولور.
صاباحی گون اونونلا، کوکلاسینی آختارماق اوچون یئنی‌دن گؤروشمک ایسته‌دییینی سؤیلر.
فقط گئنه کوکلانی تاپابیلمزلر. کافکا ، قیزا کوکلا طرفیندن یازیلمیش بیر مکتوب وئریر.
مکتوبدا «لوطفن آغلاما، دونیانی گؤرمک اوچون بیر گزی‌یه چیخدیم. سنه ماجرالاریم حاققیندا یازاجییام،» دئییردی.
بئله‌جه، کافکانین یاشامی‌نین سونونا قده‌ر دوام ائده‌جک بیر حیکایه باشلار.
کافکا بالاجا قیزلا هر گؤروشمه‌سینده اویونجاغین ماجرالارینین یازیلمیش اولدوغو مکتوبلاری اوخویور و اوشاغین چوخ سئویندییینی گؤرور.
کافکا بئرلینه دؤنمه‌دن اؤنجه اویونجاق توکانینا گئدر و بیر دنه کوکلا آلار. سونرا قیز اوشاغی ایله گؤروشمه‌یه گئدر.
اویونجاغی اوشاغا طرف توتار. «آمما هئچ منیم کوکلاما بنزه‌میر،» دئیر قیز. کافکا کوکلانین یازدیغی بیر باشقا مکتوبو اوشاغا وئریر.
مکتوبدا «سیاحت‌لریم منی دییشدیردی،» یازماقدادیر.
بالاجا قیز یئنی کوکلانی قوجاقلار و اونونلا موتلو بیر شکیلده ائوینه گئدر.
بیر ایل سونرا کافکا اؤلور. ایل‌لر سونرا بیر یئتیشکین اولان قیز، کوکلانین ایچینده بیر مکتوب تاپیر. مکتوبدا بئله یازماقدادیر:
«سئودییین هر شئی محتملا آرادان گئده‌جک، آنجاق سونوندا سئوگی باشقا شکیلده گئری دؤنه‌جک. فرانتس کافکا»
🔸•کوکلا: قیز فیقورو شکلینده اوشاق اویونجاغی
🔹کؤچورن: اؤیکوموز کانالی
⭕ اؤیکوموز، آذربایجان مودئرن ادبیات و حیکایه کانالی
📚 @Oykumuz
BY اؤیکوموز
Share with your friend now:
tgoop.com/oykumuz/2833