tgoop.com/oykumuz/2839
Last Update:
#یازارلیق درسلیکلری
آنا قونولاردا حیکایه یازماق...
بوتون حیکایه‌لر، بیری‌لرینی بیر شئی‌لره ایناندیرماق اوچون یازیلیر. بوتون خیالی حادیثه‌لرین اؤنمینی بلیرله‌ین شئی ایسه یازارین اینانجی‌دیر.
بو، بئله اولدوغو اوچون، حیاتین بؤیوک پرابلئم‌لری حاققیندا سیزین نه‌یه ایناندیغینیزی بیلمه‌یینیز اؤنم قازانماقدادیر.
سیزه، اؤزونوزو سیناماغیز اوچون، هر کسین سوروشابیله‌جه‌یی بیر نئچه سؤال.
البته بو سوال‌لار محدود ائدیجی دئییلدیر، بونلارا بنزر و سیزه اویغون گله‌جک باشقا سوال‌لار تاپیب اؤزونوزدن سوروشابیلر، بو یول‌لا حیات فلسفه‌نیز حاققیندا اولدوقجا آچیق بیر فیکیر صاحیبی اولابیلرسینیز:
-- تانری‌یا اینانیرمیسینیز؟ اینانیرسانیز بو قونودا گؤروشونوز ندیر؟ تانری قاورامینیز نجوردور؟
-- تقدیره اینانیرمیسینیز؟ یوخسا ایراده‌چی‌میسینیز؟
-- اینسان‌لاری سئویرمیسینیز؟
-- ائولی‌لیک قونوسوندا نه دوشونورسونوز؟
--رومانتیک عشقی بیر آلدانما، بیر دوزاق اولاراق می گؤرورسونوز؟
-- «نجور اولسا دا، یوز ایل ایچینده هر شئی عئینی اولاجاق» حؤکمو سیزجه ساغلام بیرحؤکم مودور؟ بو حؤکم دوغرو مودور، یانلیش می؟
-- خیال ائده‌بیله‌جه‌یینیز ان بؤیوک خوشبختلیک ندیر؛ ان بؤیوک فلاکت ندیر؟
بونلار کیمی سوال‌لار، بونلار کیمی قاپساملی سوال‌لارا کسین جواب‌لار وئرمکده شککینیز وارسا، آنا قونولارلا ایلگیلی حیکایه‌لر قلمه آلماغا هله حاضیر دئییلسینیز دئمکدیر.
🔹کؤچوردو: اؤیکوموز کانالی
🔸قایناق: یازار اولماق کیتابی
✍️یازار: دوروتا براندا
⭕ اؤیکوموز، آذربایجان مودئرن ادبیات و حیکایه کانالی
📚 @Oykumuz
BY اؤیکوموز
Share with your friend now:
tgoop.com/oykumuz/2839