tgoop.com/pharmacistswh/4145
Last Update:
سرطان الرئة من أخطر انواع الأمراض السرطانية خصوصا اذا جان بالمرحلة الرابعة المنتشر ....
طرق العلاج الجديدة غيرت هواي من مصير ذولة المرضى لان دخلت هسة هواي علاجات استهدافية ممتازة قليلة التأثيرات الجانبية وممتازة من حيث الاستجابة للمرضى....
من هاي العلاجات مثلا علاج التارسيفا البايلوجي واللي هو عبارة عن حبوب بتاثيرات جانبية قليلة وممكن تنطيه للمرضى حتى لو كانوا عدهم امراض مزمنة ووضعهم ما يتحمل العلاج الكيمياوي...
العلاج الاخر الممتاز هو العلاج المناعي الكترودا ... هذا العلاج سوة طفرة لمرضى سرطان الرئة وغير من مصيرهم ... هذا العلاج يعطى بالوريد كل ٢١ يوم واعراضه الجانبية قليلة جدا ....
هاي العلاجات الاستهدافية الجديدة ما نكدر ننطيهة الا بعد ما نسوي تحليل جيني خاص على عينة المريض وحاليا هذا التحليل موجود بمدينة الطب والحمد لله...
اهم شي هو انه لازم ينتبه المدخنين لأي اعراض جديدة تصير عدهم لان همة المرشحين الاقوى انه يصير عدهم هذا المرض كفاكم الله وايانا شره
BY صيدلانية 👑💎 Pharmaceutical
Share with your friend now:
tgoop.com/pharmacistswh/4145