tgoop.com/pianorhas/15437
Last Update:
قرأت من فترة مقولة كانت بما معنى :
"أهلك أيضاً يعيشون الحياة لأول مرة مثلما تعيشها أنت لأول مرة .. خفف أحكامك عليهم "
بالغالب لمّا كنا بعمر أصغر ..
كنا دائما حاطين أهلنا بقالب المثالية وكلما كبرنا منكتشف أنو مانن مثالين
بيغلطوا ومنرد نحكم عليهن
لكن لو قلبنا الأدوار شوي وصرنا نحنا الاهل ..
رح نتجرد من المثالية ونحب كتير تنشاف أفعال الحب يلي عم نسويها لأولادنا
رح نغمرهم بالحب بالطريقة يلي متعودين نعبر فيها سواء فهموها او لا ..
رح نغلط
وما نعرف نتصرف ببعض المواقف
وما رح يكون عنا حلول فورية لكلشي
ولا رح نقدر نمنع الألم عن قلوب أولادنا ..
تماما متل ما أهلنا بيصير فيهن
كلنا ، سواء نحنا أهل أو حابين نصير
منفكر أنو رح نساعد أطفالنا ونحبهم ونفتحلهم أحضانا وفعلاً هي الانسانية يلي رح يحتاجوها مننا أولادنا
بس يا ترى رح نعرف نقدملن ياها متل ما بيحتاجوها ولا متل ما نحنا منعرف نعبر ؟
لا تقسوا عأهلكم واتذكروا أنو هنن بشر
بكتير مرات مارح يكونو صح
ومتل ما نحنا منحتاج دعمن
هنن كمان ..
بيحتاجوا منا كتير تقدير ودعم وامتنان ♥️
BY بيانو-piano
Share with your friend now:
tgoop.com/pianorhas/15437