tgoop.com/pianorhas/15544
Last Update:
كنت قاعد بغرفتي من وقت ما رجعت من شغلي
فاتح نت وغرقان بهالأخبار حتى قبل ما آكل لسا
من حدث لحدث ومن بوست ل بوست وهيك قاطب جبيني العبوس بتركيز واحيانا غضب وزعل ..
فجأة بسمع أصوات و بلاحظ أنو عم تروح العبسة وعم يرتاح جبيني ببتسم من قلبي بطفي شاشة الموبايل وبرجع كرستي لورا ..
ضحكة أمي هيي وعم تقول وهي باسرة
أبوي بقلها عم تغشي بالورق! وينا عشرة الطيبة مانا معك؟!
بتردلو لا والله مارح اعطيك ياها هلق بزتا اخر ورقة وبشيلا بالقاشوش ..
وهي جويزة الطيبة (ضحكة بعدها)
كم آص معك بالله ما معك آص ؟!
إمي وأبي على ضوء الليد صوت ضحكتهم خلاني طفي شاشة الموبايل واسمع صوت الحياة الحقيقي ..
إذا انت متوتر طفي شاشة موبايلك واسمع شي غنية أو احكي عن أيّا شي ما الو علاقة بالسياسة مع حدا من اهلك ..
وإذا خايف اسمع قرآن كريم بصوت مصطفى اسماعيل أو محمد عمران انا هيك بعمل
محمد علي 💚
BY بيانو-piano
Share with your friend now:
tgoop.com/pianorhas/15544