بـ رآحتك حبني بـ هدآوه و عقل
مآ اريد حب نزوه ابـ برد ينتهي
و عن المضو لآ تحچي بيهم أبد
بـ عيونك و بـ عيوني خل نلتهي ♥️

- بآسم لبديري

معقوله عينك لگت واحد يحبها بكثر ماچنت احبها اني ؟!
بنص گلبي حط خنجرك
اذيني واني احتمل بس لا تحب ثاني ..

ابمسيّة رب

تلملم كل حچي العذّال عالشرفة

واجيت انتَ ....

و غفه ابروحي نجم سهران ما اعرفه

و توسّلت العذر گاعين ما غسلن حچي الفطرة

اليمد روحه نهر چذاب ما يوصل ولا گطرة

و اليشرب سمار الغير خد محبوبته ايعثره

اليتيه ابدين الولايات إمام اولايته ايحضره

مو فقرة ...

لچن حلوة طواري العوز ...

من يكبر درب عاشگ ، جدم تنورنا ايعبره

وانت او لا خذت عِبرة !

تبدّيت إعله شمس الناس طاسة فيْ !

و صليب اذنوب بيه علّگوا كل ضحكة لبنات الحيْ !

وآنه او كل مطر روحي عثرنا ابرغبة الشفّة

و دوّرنا إعله بوسة صلح تمسح چذبة الشباچ والعفّة

يعطر النوم ، مر بيّه غصن ريتي انذبح بسوالف الرغبة

شممني وسن يا ليل ...

ولو أدري ...

الوجه يطفى اعله باب إحچاية الطِلبة

و لو أدري ...

الشمس تتشظى من اتغيب تنطي لكل گمر شبگة

و لو أدري ...

النهر مرّات يعطش ساعة الملگه

عبد الوهاب الحمداني

حَتى لو نِگعد بشَارع
ع الرصَيف
وأنتِ يمي والله احَس
عايش بجنه
گلشي بالدنيا حلو
انتي احَلى منه ♥️