tgoop.com/pogrankg/1466
Last Update:
Арка-2 айылындагы окуя
Кыргыз Республикасынын УКМКнын чек ара кызматынын маалымат жана коммуникация башкармалыгы Баткен облусунун Лейлек районунун Арка-2 айылында 2025-жылдын 5-январында турмуш-тиричилик мүнөздөгү жарылуу болгондугун маалымдайт.
Жарылуудан улам бир үй-бүлөнүн эки мүчөсү: А.Н. аттуу аял жана анын өспүрүм кызы жабыркаган.
Алдын ала алынган маалыматтар боюнча, жарылуунун себеби А.Н. аттуу жаран эски курулуш материалдарынын арасынан тапкан аныкталбаган жарылгыч зат (снаряд) болгон.
2022-жылы А.Н.дын үйү ок атуунун кесепетинен өрттөнүп кеткен.
Алдын ала алынган маалыматтар боюнча, үй ээси бастырманын астындагы эски курулуш материалдары менен темир буюмдарды жыйнап жатып, белгисиз жарылгыч зат (снаряд) таап алып ал жарылып кеткен. Жарылуунун жыйынтыгында Н.А. жана андан алыс эмес турган12 жашар кызы жаракат алышкан.
Учурда жабыркагандар ооруканада, аларга зарыл болгон медициналык жардам көрсөтүлдү.
Алардын акыбалы туруктуу деп мүнөздөлүүдө.
Жарылуу болгон жерди Кыргыз Республикасынын УКМКнын Чек ара кызматынын инженерлери дароо курчоого алышкан.
Окуя болгон жерде бардык жагдайды аныктоо үчүн укук коргоо органдарынын кызматкерлери комплекстүү тергөө иш-чараларын жүргүзүп жатышат.
Мындан тышкары, ошол эле күнү Кыргыз Республикасынын жана Тажикстан Республикасынын укук коргоо органдарынын өкүлдөрүнүн жолугушуусу өтүп, тажик тарап болгон окуя тууралуу кабардар болду.
Кыргыз Республикасынын УКМКнын Чек ара кызматы чек ара аймактарынын тургундарын сак болууга жана шектүү буюмдар табылган учурда аларга тийбөөгө, алар тууралуу дароо чек ара тарамдарына же укук коргоо органдарына кабарлоого чакырат.
BY Пограничная служба ГКНБ КР
Share with your friend now:
tgoop.com/pogrankg/1466