tgoop.com/pogrankg/1467
Last Update:
ПРЕСС-РЕЛИЗ
«10» январь 2025-ж.
♻️Маалымат жана коммуникация башкармалыгы Баткен облусунун Лейлек районунда Лейлек чек ара отрядынын чек арачылары эки күндүн аралыгында баасы болжол менен 1 900 000 сомду түзгөн аткезчилик жүктү кармашты.
♻️2025-жылдын 9-январында Баткен облусунун Лейлек районунун Курук-Сай жергесинде чек ара кезмети Mercedes-Benz үлгүсүндөгү автоунааны кармашып, анын айдоочусу Кыгрызстандан Тажикстанга 3 тонна майдаланган тоок этин жана болжол менен 300 кг. куйрук майын алып өтүүгө аракет кылган.
♻️Айдоочуда – 2003-ж.т. Ж .уулу Т. аттуу Кыргызстандын жаранында, алып өтүп бараткан жүгүнө тийиштүү документтер болгон эмес.
⚠️Бүгүн, 2025-жылдын 10-январында, Достук-Мурас автожолунун тилкесинде Лейлек чек ара отрядынын чек арачылары Лейлек ИИРБнын кызматкерлери менен биргеликте “Toyota Corolla” үлгүсүндөгү автоунааны токтотуп, анда Тажикстандан Кыргызстанга алынып келинген аткезчилик жүктү кармашкан.
⚠️Автоунаанын айдоочусу - 1994-ж.т. С.Р. аттуу Кыргызстандын жараны Кыргызстандын аймагына болжолдуу баасы 1 500 000 сомду түзгөн сегиз куту электрондук тамекини документи жок алып кирген.
⚠️Тийиштүү протоколдор түзүлгөн соң кармалган жарандар жана аткезчилик жүктөр тийиштүү органдардын кызматкерлерине андан аркы териштирүү иштерин жүргүзүү үчүн өткөрүлүп берилди.
Маалымат жана коммуникация башкармалыгы
BY Пограничная служба ГКНБ КР
Share with your friend now:
tgoop.com/pogrankg/1467