tgoop.com/proarmenian/3308
Last Update:
Հայ առաքելական եկեղեցին հարկատու է որոշակի տեսակների գծով, եւ հարկերից ազատված է մի քանի այլ ուղղություններով:
Բայց, եկեղեցու հարկային «կարգավիճակի» թեման բացարձակկապես հարկա-բյուջետային թեմա չէ:
Թող չթվա չափազանցություն, բայց դա պետական-ազգային քաղաքական ու քաղաքակրթական ինքնության թեմա է:
Օրերս ընդունելով Սուրբ Աթոռում Հայաստանի դեսպանի հավատարմագրերը, Հռոմմի Պապ Ֆրանցիսկոսն ասել էր՝ Հայաստանը, լինելով առաջին քրիստոնյա երկիր, ունի իր ուրույն տեղն ու դերը համաշխարհային քրիստոնեության ու քաղաքակրթության մեջ:
Կարծում եմ համաշխարհային հարաբերությունների պատմությանն ու միջազգային գործերի ընթացքին շատ, թե քիչ հետեւող որեւէ մեկի համար կասկածի ենթակա չէ Վատիկանի խոշորագույն դերը այդ հարաբերություններում ու գործերում, որքան էլ այն չունի «դիվիզիաներ»:
Հայաստանի պետական քաղաքական ինքնության կառուցվածքում քրիստոնեությունը առանցքային բաղադրիչ է, ընդ որում՝ միջազգայնորեն ճանաչվող բաղադրիչ:
Իսկ դավանաքաղաքական բաղադրիչն ընդհանրապես, միջազգային հարաբերությունների կառուցվածքի հիմնարար տարրերից է, եւ այդպիսին է առավել եւս համաշխարհային անցումային պատմա-քաղաքական շրջափուլերում, երբ աշխարհում վճռվում են ճակատագրական հարցեր տասնամյակների հեռանկարի համար:
Հայկական պետականության դավանաքաղաքական բաղադրիչի կրողը Հայ Առաքելական Եկեղեցին է:
Սա շատ բարդ հարց է, պետության հետ եկեղեցու փոխհարաբերության հարցը նույնպես:
Բայց այդ բարդությունը առավել եւս պահանջում է լրջմտություն եւ խորագիտություն՝ հարկա-բյուջետայինմ թեթեւամտության փոխարեն:
Քաղաքագետ Հակոբ Բադալյան
BY ProArmenian
Share with your friend now:
tgoop.com/proarmenian/3308