tgoop.com/proarmenian/3315
Last Update:
Կարմիր բերետավորների երեկվա դաժանագույն ծեծի կադրերը ուղղակի սարսափելի են: Բացարձակ անընդունելի է լկտի հայհոյանքներ հնչեցնելը, մեծ խմբով մեկի վրա հարձակվելը, ձեռքով և ոտքով բազմակի հարվածներ հասցնելը:
Կարմիր բերետավորների իրականացրած գործողությունները ամենևին չեն համապատասխանում պատշաճ ծառայություն իրականցնող հատուկ գումարտակի ներկայացուցիչների վարքագծին:
Հիմա կասեք երկուստեք հայհոյում էին, դա ինձ ամենևին չի հետաքրքրում, թե ինչ է արել քաղաքացին, մի փորձեք հավասարի նշան դնել ցուցարարների ու ոստիկանների միջև:
Ի դեպ, այժմ նույնիսկ իրավապաշտպանական հանրույթում կա մոտեցում, որ հավասարության նշան են դնում ոստիկանության ներկայացուցիչների և ցույցերին մասնակցող քաղաքացիների միջև:
Ես ոչ միայն հավասարության նշան չեմ դնի, այլև կհիմնավորեմ, քանի որ մի դեպքում մենք գործ ունենք ուղղակի քաղաքացու հետ, մյուս դեպքում, մասնագիտական ծառայություն իրականացնող հատուկ ստորաբաժանման: Իրականում, քաղաքացին իրավունք ունի փակել փողոց, եթե ունի պահանջ և քաղաքական իշխանության ուշադրությունը ցանկանում է հրավիրել այդ կարևոր խնդիրների վրա, և այդ իրավունքը գերակա է այլոց տեղաշարժի իրավունքի նկատմամբ՝ ըստ իրավունքների հիերարխիայի, հիշեցնեմ, որ նույն մեթոդով է իշխանության եկել այսօրվա ղեկավարությունը:
Ինչ վերաբերում է ոստիկանությանը, ապա ոստիկանը պետք է կատարի օրենքով սահմանված իր գործառույթները՝ պահպանելով ոստիկանական էթիկայի կանոնները: Դրա համար նրանք կրթվում են ոստիկանության ակադեմիայում, ստանում աշխատավարձ՝ հանրության հարկերից, բայց, ցավոք սրտի, ցույց տալիս անվերապահ հավատարմություն այդ պահի ղեկավարությանը:
Հեղինակ.Իրավապաշտպան Զառա (Զարուհի) Հովհաննիսյան
@ProArmenian
BY ProArmenian
Share with your friend now:
tgoop.com/proarmenian/3315