tgoop.com/pwvhj/12518
Last Update:
نعي للشباب
شبان مثل البدر يزهون
وسفة علة الذاري تنامون
بيكم ييمة الگلب مرهون
ناديت ماجنكم تسمعون
بفراككم لعميهة لعيون
ولبيوتكم ماضن تردون
عميه على الشبان عيني
ام سجاد العسكري
❤️❤️❤️❤️❤️❤
شبان بيهم ما معرسين
والتوه عرس نام بالطين
ليش بعجل وبساع ماشين
لعميها عالشبان هالعين
اعليهم لزيد اليوم الونين
كلهم ترافه وحيل حلوين
عميه على الشبان عيني
✍ ام حسين العسكري ناصريه
❤️❤️❤️❤️❤️❤️
شبان موش الكم النومه
عاف العرس عايف اهدومه
ماجاني الجتني علومه
كالو وكع وسطت الحومه
دمه الولد غيير ارسومه
اليبجي علولد لحد يلومه
عميه على الشبان عيني
✍الحجيه ام علي البصره
❤️❤️❤️❤️❤️❤️
امك تون بالدار ظلّت
والدمع من العين هلّت
بصوت الحزن هاليوم علّت
ايد التصوبه ريت شلّت
شيلتك علّه بكلبي خلّت
روحي على الشبان سلّت
عميه على الشبان عيني
✍بقلمي ام حسين العسكري
❤️❤️❤️❤️❤️❤️
عاف العرس عايف الكلة
متهني بنومك تكلة
شال الولد بيية شخلة
لبوعين الوسيعه النوم يحلة
طوله حلو امسرح الكذلة
فراش الولد كلساعه اعدلة
عميه على الشبان عيني
✍ام سجاد العسكري
❤️❤️❤️❤️❤️❤️
شبان يامحله كذلهم
نوم الترابه موش الهم
ياموت وك شتريد منهم
تحت الترايب ودفنتهم
ترست المكابر من جثثهم
خليت الكلب والروح عدهم
عميه على الشبان عيني
✍ الحجيه ام علي البصره
❤️❤️❤️❤️❤️❤️
شبان يامحله حجيهم
اسباع ونكحل العين بيهم
بعد اليجونه والنجيهم
شلون المنيه تجي ليهم
كون بوسط كلبي اخليهم
وبرمش عيني لغطيهم
عميه على الشبان عيني
✍أم حسين عباد التميمي
❤️❤️❤️❤️❤️❤️
شبان يكتل حر الصواب
حلوين شالو عن االحباب
وبعمرالورد نامو بالتراب
ماينفع وياهم هلعتاب
يردون ندري حلم چذاب
عميه على الشبان عيني
زمن حاتمـ الربيعي
❤️❤️❤️❤️❤️❤️
شمحلة الولد لو كعد بالباب
مروا عصاري اعليه االصحاب
بعدك يجرحي ابد ما طاب
عاتبت بس مارد العتاب
نار الولد بالكلب لهاب
والهيبة نايم حدر التراب
عميه على الشبان عيني
✍ ام سجاد العسكري
♦️♦️♦️♦️♦️♦️♦️♦️♦️♦️♦️
الناشر // عالي مقامي
غير مبري الذمه يحذف اسم الناشر
BY ♥️قنآة نعي للشعراء♥️
Share with your friend now:
tgoop.com/pwvhj/12518