یالانچی دوستلاریم
ایناندیم سیزلره قلبیمی وئردیم
دوغرو آختاریردیم، مین یالان گؤردوم
سیزه آرخالاندیم، چوخالدی دردیم
یالانچی دوستلاریم، نه دئییم سیزه!؟
شام کیمی یاندینیز، پروانه اولدوم
قیش تک سویوندونوز، گول کیمی سولدوم
سیزی دردلی گؤروب دیوانه اولدوم
یالانچی دوستلاریم، نه دئییم سیزه!؟
گودازا نه قدر مردی وئردینیز!
سئوینج ایسته‌ییردیم، دردی وئردینیز
منه درد چکیلمیش سرگی وئردینیز
یالانچی دوستلاریم، نه دئییم سیزه!؟
ملَک گؤرکمینده نادان اولدونوز
«قادان آلیم» دئدیم، قادام اولدونوز
من ائله بیلیردیم آدام اولدونوز
یالانچی دوستلاریم، نه دئییم سیزه!؟
بیر مئیوه وئرمه‌دی بار آغاجینیز
یاغدیردی اوستومه قار، آغاجینیز
منیمچون حاضیرمیش دار آغاجینیز
یالانچی دوستلاریم، نه دئییم سیزه...!؟
#نوصرت_کسمنلی
@qanadli_duyqular
ایناندیم سیزلره قلبیمی وئردیم
دوغرو آختاریردیم، مین یالان گؤردوم
سیزه آرخالاندیم، چوخالدی دردیم
یالانچی دوستلاریم، نه دئییم سیزه!؟
شام کیمی یاندینیز، پروانه اولدوم
قیش تک سویوندونوز، گول کیمی سولدوم
سیزی دردلی گؤروب دیوانه اولدوم
یالانچی دوستلاریم، نه دئییم سیزه!؟
گودازا نه قدر مردی وئردینیز!
سئوینج ایسته‌ییردیم، دردی وئردینیز
منه درد چکیلمیش سرگی وئردینیز
یالانچی دوستلاریم، نه دئییم سیزه!؟
ملَک گؤرکمینده نادان اولدونوز
«قادان آلیم» دئدیم، قادام اولدونوز
من ائله بیلیردیم آدام اولدونوز
یالانچی دوستلاریم، نه دئییم سیزه!؟
بیر مئیوه وئرمه‌دی بار آغاجینیز
یاغدیردی اوستومه قار، آغاجینیز
منیمچون حاضیرمیش دار آغاجینیز
یالانچی دوستلاریم، نه دئییم سیزه...!؟
#نوصرت_کسمنلی
@qanadli_duyqular
سنی سندن داها آرتیق سئوه‌نین وار، بیلیسن؟
سنی گؤرجک توتولور دیل،قولاغیم کار، بیلیسن؟
نه‌قَدَر تانری گؤزللیک سنه پای وئرمیش آخی!
سپیلیب یال-یاماجا سانکی بایاز قار، بیلیسن؟
یئریشین یئرلری یاخمیش، باخیشین گؤیده آیی
یئرله گؤی اورتاسی حئیرانی، گناه‌کار بیلیسن؟
گئجه‌لر یادین اولورسا آجی ایچگیم شیرینی
منی فرهاد کی تؤکور گؤز یاشی زار-زار بیلیسن؟
بو گئنیش دونیادا هئچ بیر اوره‌ییم گولمه‌دیکی
گؤزونو سوزدوروسن، دونیام اولور دار، بیلیسن؟
سانما سایمازجا آلیرسان سلامیم گؤینه‌میرم
داها توختاق وئره بیلمیر منه سیگار، بیلیسن؟
گئدیرم ساز-سؤز اولان مجلیسه یولداشلاری‌لان
سینم اوسته سنی سسلیر سوزالان تار، بیلیسن؟
کورسومون اوسته بیر ایدم بئله یوخ‌کن، دالیرام،
خایالا، دیز-دیزه سن‌له، کسیلن نار، بیلیسن؟
اوقدر سؤز اوره‌ییم‌دن داشاجاق دفتریمه
یئتر آرتیق دئیه‌جک! بیتمه‌دی تومار؟ بیلیسن؟
بیلمیرم بلکه ده بوشدان-بوشا سؤزلر یازیرام
کاش بیلم سن‌ده اورک‌دن، منی هئچ یار بیلیسن؟
#مهدی_سربازی_علمداری
@qanadli_duyqular
سنی گؤرجک توتولور دیل،قولاغیم کار، بیلیسن؟
نه‌قَدَر تانری گؤزللیک سنه پای وئرمیش آخی!
سپیلیب یال-یاماجا سانکی بایاز قار، بیلیسن؟
یئریشین یئرلری یاخمیش، باخیشین گؤیده آیی
یئرله گؤی اورتاسی حئیرانی، گناه‌کار بیلیسن؟
گئجه‌لر یادین اولورسا آجی ایچگیم شیرینی
منی فرهاد کی تؤکور گؤز یاشی زار-زار بیلیسن؟
بو گئنیش دونیادا هئچ بیر اوره‌ییم گولمه‌دیکی
گؤزونو سوزدوروسن، دونیام اولور دار، بیلیسن؟
سانما سایمازجا آلیرسان سلامیم گؤینه‌میرم
داها توختاق وئره بیلمیر منه سیگار، بیلیسن؟
گئدیرم ساز-سؤز اولان مجلیسه یولداشلاری‌لان
سینم اوسته سنی سسلیر سوزالان تار، بیلیسن؟
کورسومون اوسته بیر ایدم بئله یوخ‌کن، دالیرام،
خایالا، دیز-دیزه سن‌له، کسیلن نار، بیلیسن؟
اوقدر سؤز اوره‌ییم‌دن داشاجاق دفتریمه
یئتر آرتیق دئیه‌جک! بیتمه‌دی تومار؟ بیلیسن؟
بیلمیرم بلکه ده بوشدان-بوشا سؤزلر یازیرام
کاش بیلم سن‌ده اورک‌دن، منی هئچ یار بیلیسن؟
#مهدی_سربازی_علمداری
@qanadli_duyqular
بیر ویداع هاواسی
واخت تامام؛
سنی ترک ائدیرم؛
او بوتون آلیشقانلیقلاردان
و بوتون سیرادانلیقلاردان اؤته یه،
یورومسوز بیر حیاتی سئچیرم.
آما دویمادیم اینان!
قانامادیم سئوگییه.
قورخولو گئجه لری سایار کیمی،
دئپرم گئجه سینده بیر اولدوز بیردن بیره قایار کیمی،
اللریم قورتولاجاق اللریندن،
بیر قورو دال، آغاجیندان چاتیرداییب قوپار کیمی.
عشق سه بیتدی؛
گول ایسه هئچ درمه دیک.
سنینله بیر بوتون اولا بیلردیک
خوشجا قال جانیمین ایچی!
خوشجا قال گؤزومون نورو!
خوشجا قال بیتانم!
خوشجا قال...!
واخت تامام؛
سنی ترک ائدیرم؛
بو، قیریق و اینجه جیک بیر ویداع هاواسیدیر.
توتوشان اللریمدن،
بارماق اوجلارینا دَیَن سیجاقلیق،
اینجینن بیر حیاتین یاراسی دیر.
قالاجاق توم ایزلرین حیاتیمدا.
گؤزومدن بیر داملا یاش سیزلاییب رسمینه آخدیغیندا.
بیر یئر تاپا بیلسم کئشکه،
بیر یئر سنی خاطیرلاتمایان.
قان تارلاسی، گلینجیک شافاغیندا.
اؤلومسه، قورخدون؛
ساواشسا، هئپ قاچدین؛
سن بیر سو ایدین اویسا؛
سن بیر عیلاج ایدین.
خوشجا قال جانیمین ایچی!
خوشجا قال گوزومون نورو!
خوشجا قال...!
#یوسوف_خیال_اوغلو
@qanadli_duyqular
واخت تامام؛
سنی ترک ائدیرم؛
او بوتون آلیشقانلیقلاردان
و بوتون سیرادانلیقلاردان اؤته یه،
یورومسوز بیر حیاتی سئچیرم.
آما دویمادیم اینان!
قانامادیم سئوگییه.
قورخولو گئجه لری سایار کیمی،
دئپرم گئجه سینده بیر اولدوز بیردن بیره قایار کیمی،
اللریم قورتولاجاق اللریندن،
بیر قورو دال، آغاجیندان چاتیرداییب قوپار کیمی.
عشق سه بیتدی؛
گول ایسه هئچ درمه دیک.
سنینله بیر بوتون اولا بیلردیک
خوشجا قال جانیمین ایچی!
خوشجا قال گؤزومون نورو!
خوشجا قال بیتانم!
خوشجا قال...!
واخت تامام؛
سنی ترک ائدیرم؛
بو، قیریق و اینجه جیک بیر ویداع هاواسیدیر.
توتوشان اللریمدن،
بارماق اوجلارینا دَیَن سیجاقلیق،
اینجینن بیر حیاتین یاراسی دیر.
قالاجاق توم ایزلرین حیاتیمدا.
گؤزومدن بیر داملا یاش سیزلاییب رسمینه آخدیغیندا.
بیر یئر تاپا بیلسم کئشکه،
بیر یئر سنی خاطیرلاتمایان.
قان تارلاسی، گلینجیک شافاغیندا.
اؤلومسه، قورخدون؛
ساواشسا، هئپ قاچدین؛
سن بیر سو ایدین اویسا؛
سن بیر عیلاج ایدین.
خوشجا قال جانیمین ایچی!
خوشجا قال گوزومون نورو!
خوشجا قال...!
#یوسوف_خیال_اوغلو
@qanadli_duyqular
اؤنونده دورورام، باخیرام یئره.
قورخورام ارییَم گؤزونه باخسام.
ائله یانمالی‌یام، اریمه‌لی‌یم
کوله دؤنمه‌لی‌یم، دوزونه باخسام.
یاساق یول قاپیسین آچیب گئدرم
سوچدا قویلانمامیش قاچیب گئدرم
ذیروه‌دن ذیروه‌یه اوچوب گئدرم،
بو دلی کؤنلومون سؤزونه باخسام.
بیر باخدیم، آلداندیم گؤزل‌لییینه
بولبولون سسینه، گولون اییینه.
وارلیغیم دؤنه‌جک تویا، دویونه،
بیرداها دونیانین اوزونه باخسام.
یوخولو گؤزلریم اویانا بلکه
گؤی‌لرین رنگینه بویانا بلکه
بو گئدیش بیر یئرده دایانا بلکه
اؤلوم کاروانینین ایزینه باخسام.
آچ یولومو، چاغیر، گلیرم آخی!
آل، قایتار سسیمی، ملیرم آخی!
یئنه دیریله‌رم، بیلیرم آخی-
موقدّس اوجاغین کؤزونه باخسام....
#عقیل_مرادی
@qanadli_duyqular
قورخورام ارییَم گؤزونه باخسام.
ائله یانمالی‌یام، اریمه‌لی‌یم
کوله دؤنمه‌لی‌یم، دوزونه باخسام.
یاساق یول قاپیسین آچیب گئدرم
سوچدا قویلانمامیش قاچیب گئدرم
ذیروه‌دن ذیروه‌یه اوچوب گئدرم،
بو دلی کؤنلومون سؤزونه باخسام.
بیر باخدیم، آلداندیم گؤزل‌لییینه
بولبولون سسینه، گولون اییینه.
وارلیغیم دؤنه‌جک تویا، دویونه،
بیرداها دونیانین اوزونه باخسام.
یوخولو گؤزلریم اویانا بلکه
گؤی‌لرین رنگینه بویانا بلکه
بو گئدیش بیر یئرده دایانا بلکه
اؤلوم کاروانینین ایزینه باخسام.
آچ یولومو، چاغیر، گلیرم آخی!
آل، قایتار سسیمی، ملیرم آخی!
یئنه دیریله‌رم، بیلیرم آخی-
موقدّس اوجاغین کؤزونه باخسام....
#عقیل_مرادی
@qanadli_duyqular
یئنه ده بیر منم، بیر سس‌سیز شهر
دولدورور چئوره‌می سس‌سیز قبیرلر
هویوخوب قالمیشام اؤلودن بتر
گؤزلریم قارالیر، هرله‌نیر باشیم
روحومو یانینا چکیر یولداشیم.
بوردا وئریبدیلر داش‌لار باش-باشا
باش، داشا دؤنوب‌مو؟ یوخسا داش، باشا؟
من تکم، قارالان قبیرلر قوشا
گؤزومون یاشی‌دیر اله‌نیب گئدن
اورک‌دیر شهرده دیله‌نیب گئدن.
باشین قالدیران کیم، باشین ایَن کیم؟
تورپاغا دؤنن کیم، تورپاق یئین کیم؟
بیری سوروشماز کی «قاپی دؤین کیم؟»
اورک دولانسادا باشدان، آیاقدان،
آییرد اولمایاجاق یاتمیش، اویاقدان.
ینه ده بیر منم، بیر سس‌سیز شهر
توتور ال‌لریمی چوروموش ال‌لر
نه‌دیر بو اوغلانین یاناغیندا تر؟
حیاتین سونونجو اؤپوش یئری می؟
یوخسا اینتیحارین قورخو تری می؟
یئنه ده بیر منم...
یئنه بیر منم...
#عقیل_مرادی
@qanadli_duyqular
دولدورور چئوره‌می سس‌سیز قبیرلر
هویوخوب قالمیشام اؤلودن بتر
گؤزلریم قارالیر، هرله‌نیر باشیم
روحومو یانینا چکیر یولداشیم.
بوردا وئریبدیلر داش‌لار باش-باشا
باش، داشا دؤنوب‌مو؟ یوخسا داش، باشا؟
من تکم، قارالان قبیرلر قوشا
گؤزومون یاشی‌دیر اله‌نیب گئدن
اورک‌دیر شهرده دیله‌نیب گئدن.
باشین قالدیران کیم، باشین ایَن کیم؟
تورپاغا دؤنن کیم، تورپاق یئین کیم؟
بیری سوروشماز کی «قاپی دؤین کیم؟»
اورک دولانسادا باشدان، آیاقدان،
آییرد اولمایاجاق یاتمیش، اویاقدان.
ینه ده بیر منم، بیر سس‌سیز شهر
توتور ال‌لریمی چوروموش ال‌لر
نه‌دیر بو اوغلانین یاناغیندا تر؟
حیاتین سونونجو اؤپوش یئری می؟
یوخسا اینتیحارین قورخو تری می؟
یئنه ده بیر منم...
یئنه بیر منم...
#عقیل_مرادی
@qanadli_duyqular
او یار گلمز.
یازیق گؤزوم، نه باخارسان یولا؟! او یار گلمز.
سنی بولودلار ایچینده یاغار قویار، گلمز.
بو یولدا گؤر نه قدر گول-چیچک لئشی قالانیب!
گلن، سولوق چیچه‌یین عطرینی دویار، گلمز.
اورک قوشون اوچورا بیلمه‌رم دنیز ساریدان
اوزَن بالیقلارا، آزادلیغا اویار؛ گلمز.
یاریم یوز ایل آرامیزدان آخان سو، سئللشمیش
اوجالمیش آیریلیق ایندی دووار-دووار؛ گلمز.
اؤلَنمه‌دیم گئجه‌نین جایناغیندا، دان چیخدی
منه ایشیق گؤزو جان وئرمه‌یی قییار، گلمز.
اتک-اتک یئنه یازلیق چیچک چیخار یولونا،
سازاق گلر، ساری نرگیز گؤزون اویار؛ گلمز.
«دؤزوم» دئیه، بولاغین بؤیرونه چینار تیکدیم،
فیریق-فیریق او چیناردان قابیق سویار، گلمز.
قیریق-قیریق سؤزه سورگونله‌دیم آیاقلاریمی
آیاق دا سؤزلره بیر گون دویار؛ او یار گلمز...
#عقیل_مرادی
@qanadli_duyqular
یازیق گؤزوم، نه باخارسان یولا؟! او یار گلمز.
سنی بولودلار ایچینده یاغار قویار، گلمز.
بو یولدا گؤر نه قدر گول-چیچک لئشی قالانیب!
گلن، سولوق چیچه‌یین عطرینی دویار، گلمز.
اورک قوشون اوچورا بیلمه‌رم دنیز ساریدان
اوزَن بالیقلارا، آزادلیغا اویار؛ گلمز.
یاریم یوز ایل آرامیزدان آخان سو، سئللشمیش
اوجالمیش آیریلیق ایندی دووار-دووار؛ گلمز.
اؤلَنمه‌دیم گئجه‌نین جایناغیندا، دان چیخدی
منه ایشیق گؤزو جان وئرمه‌یی قییار، گلمز.
اتک-اتک یئنه یازلیق چیچک چیخار یولونا،
سازاق گلر، ساری نرگیز گؤزون اویار؛ گلمز.
«دؤزوم» دئیه، بولاغین بؤیرونه چینار تیکدیم،
فیریق-فیریق او چیناردان قابیق سویار، گلمز.
قیریق-قیریق سؤزه سورگونله‌دیم آیاقلاریمی
آیاق دا سؤزلره بیر گون دویار؛ او یار گلمز...
#عقیل_مرادی
@qanadli_duyqular
قاریشدیقدا باشیمیز،
گزیب_دولاشماقلارا
اوره ییمیز یول اولدو،
پالچیقلی باشماقلارا
دوست بیلدیک، یاد سانمادیق
سئوگیسینی دانمادیق
گولدو، قوشقولانمادیق
آلداندیق یاشماقلارا
تیکانلارا گول دئدیک
عوصیانکارا قول دئدیک
دار کئچیده یول دئدیک
توش گلدیک چاشماقلارا
چاش_باشلیقدان اوساندیق
آچیلمادی او صاندیق
یومدوق گؤزو؛ ایناندیق_
دالغاسیز داشماقلارا
باتدیق آیین اونوندا
چیخدیق شاعیر دونوندا
پئشمان اولدوق سونوندا
ایچدن بوش قوشماقلارا
#عقیل_مرادی_ائلدار
@qanadli_duyqular
گزیب_دولاشماقلارا
اوره ییمیز یول اولدو،
پالچیقلی باشماقلارا
دوست بیلدیک، یاد سانمادیق
سئوگیسینی دانمادیق
گولدو، قوشقولانمادیق
آلداندیق یاشماقلارا
تیکانلارا گول دئدیک
عوصیانکارا قول دئدیک
دار کئچیده یول دئدیک
توش گلدیک چاشماقلارا
چاش_باشلیقدان اوساندیق
آچیلمادی او صاندیق
یومدوق گؤزو؛ ایناندیق_
دالغاسیز داشماقلارا
باتدیق آیین اونوندا
چیخدیق شاعیر دونوندا
پئشمان اولدوق سونوندا
ایچدن بوش قوشماقلارا
#عقیل_مرادی_ائلدار
@qanadli_duyqular
جهنّمه!...
گئت، آغلاییم دالینجا، اؤلوم قوی، جهنّمه!
بیتسین تین ایچره سئوگی یولوم قوی، جهنّمه!
یالوارماغین نه فایداسی وار ایندیدن بئله؟
دردین قابار قینیندا قالیم قوی، جهنّمه!
سنسیزلیک اولدو طالئعیمین دونیادان پایی،
وصل آختاریم، فراقی بولوم قوی، جهنّمه!
«یاز-یاز» دئدیم، یاشیللیغا دولدوم، گؤرم سنی،
گوز گلدی چاتدی، بیر ده سولوم قوی، جهنّمه!
هؤنکورتوده آچیلدی بوغازدان دویونلریم،
مین یول یئنه، قهرله دولوم قوی، جهنّمه!
سنسیز سؤنور اودوم، اوجاغیم توستودن دوشور،
هئچ قالماسین یئرینده کولوم قوی، جهنّمه!
سن اولمادیقدا نئیله‌ییرم چرخی-چئوره‌نی؟
باتسین بوغازدا بم‌له زیلیم قوی، جهنّمه!
تورپاق منه اؤگئیلیک ائدیر، آچماییر قوجاق،
خور باخسین آرتیغینجا ائلیم قوی، جهنّمه!...
#عقیل_مرادی
@qanadli_duyqular
گئت، آغلاییم دالینجا، اؤلوم قوی، جهنّمه!
بیتسین تین ایچره سئوگی یولوم قوی، جهنّمه!
یالوارماغین نه فایداسی وار ایندیدن بئله؟
دردین قابار قینیندا قالیم قوی، جهنّمه!
سنسیزلیک اولدو طالئعیمین دونیادان پایی،
وصل آختاریم، فراقی بولوم قوی، جهنّمه!
«یاز-یاز» دئدیم، یاشیللیغا دولدوم، گؤرم سنی،
گوز گلدی چاتدی، بیر ده سولوم قوی، جهنّمه!
هؤنکورتوده آچیلدی بوغازدان دویونلریم،
مین یول یئنه، قهرله دولوم قوی، جهنّمه!
سنسیز سؤنور اودوم، اوجاغیم توستودن دوشور،
هئچ قالماسین یئرینده کولوم قوی، جهنّمه!
سن اولمادیقدا نئیله‌ییرم چرخی-چئوره‌نی؟
باتسین بوغازدا بم‌له زیلیم قوی، جهنّمه!
تورپاق منه اؤگئیلیک ائدیر، آچماییر قوجاق،
خور باخسین آرتیغینجا ائلیم قوی، جهنّمه!...
#عقیل_مرادی
@qanadli_duyqular
کیم دئیر شادلیقدان آجیغیم گلیر؟
بؤیودوب دردمنی آغلاماق منی
مظلوما ظولم اولسا منی یاندیرار
یاندیرماز شیش باسیب داغلاماق منی
هرچاتما قورولسا منه دار کیمی
ترلانام قونمارام کولا سار کیمی
قیرا بیلمز بو اوجا داغلار کیمی
هرتوپا توفنگه باغلاماق منی
وفاسی اولماییر دؤولتین وارین
اینسان اولان ساخلار ناموسون عارین
محبتین صداقتین ایلقارین
یاشادیر بحرینده چاغلاماق منی
دوستوم دوشمانیمی منه گولدورور
نئشتر ووروب اوره یمی بؤلدورور
موغان اوغلو دئیر:ایندی اؤلدورور
بوسیری گیزله دیب ساخلاماق منی
#بختیار_علی_مرادی_موغان_اوغلو
@qanadli_duyqular
بؤیودوب دردمنی آغلاماق منی
مظلوما ظولم اولسا منی یاندیرار
یاندیرماز شیش باسیب داغلاماق منی
هرچاتما قورولسا منه دار کیمی
ترلانام قونمارام کولا سار کیمی
قیرا بیلمز بو اوجا داغلار کیمی
هرتوپا توفنگه باغلاماق منی
وفاسی اولماییر دؤولتین وارین
اینسان اولان ساخلار ناموسون عارین
محبتین صداقتین ایلقارین
یاشادیر بحرینده چاغلاماق منی
دوستوم دوشمانیمی منه گولدورور
نئشتر ووروب اوره یمی بؤلدورور
موغان اوغلو دئیر:ایندی اؤلدورور
بوسیری گیزله دیب ساخلاماق منی
#بختیار_علی_مرادی_موغان_اوغلو
@qanadli_duyqular
ای قیلان شیدا منی، مندن بو استغنا نه‌دیر؟!
نیشه سورمازسان کی احوال دل شیدا نه‌دیر؟
گر منه خلق ایچره پروا قیلمادین، معذورسان،
بؤیله تنهالیقدا قیلمازسان منه پروا، نه‌دیر؟
سهل‌دیر گر بیلمه‌ییب حالیم، ترحّم قیلماماق،
حالیمی بیلمک، ترحّم قیلماماق عمدا نه‌دیر؟
گول تمنّاسیندا دئرلر بولبولون غوغالارین،
چون گولو گؤردوکده گولمز، بیلمه‌زم غوغا نه‌دیر.
اول پری، مطلق منِ رسوایا قیلماز التفات،
ای «فضولی» بیلمه‌زم جُرمِ منِ رسوا نه‌دیر...
#حکیم_ملامحمد_فضولی
@qanadli_duyqular
نیشه سورمازسان کی احوال دل شیدا نه‌دیر؟
گر منه خلق ایچره پروا قیلمادین، معذورسان،
بؤیله تنهالیقدا قیلمازسان منه پروا، نه‌دیر؟
سهل‌دیر گر بیلمه‌ییب حالیم، ترحّم قیلماماق،
حالیمی بیلمک، ترحّم قیلماماق عمدا نه‌دیر؟
گول تمنّاسیندا دئرلر بولبولون غوغالارین،
چون گولو گؤردوکده گولمز، بیلمه‌زم غوغا نه‌دیر.
اول پری، مطلق منِ رسوایا قیلماز التفات،
ای «فضولی» بیلمه‌زم جُرمِ منِ رسوا نه‌دیر...
#حکیم_ملامحمد_فضولی
@qanadli_duyqular
گلدی فغانه جان یئنه،
نئی کیمی، سوزو درد ایله
کیم نه بیلیر بو خسته نین،
دردی نه-دیر دواسی نه؟!
#عمادالدین_نسیمی
@qanadli_duyqular
نئی کیمی، سوزو درد ایله
کیم نه بیلیر بو خسته نین،
دردی نه-دیر دواسی نه؟!
#عمادالدین_نسیمی
@qanadli_duyqular
پاییز
حسرتین اؤلچوسو پاییزمیش ائله
قاریش‌لا، آرشین‌لا اؤلچولمز، دئمک
آیریلیغین رنگینی گؤرمک ایسته‌یه‌ن
سارالان یارپاغا توخونسون گرک
آغاجام بو پاییز، داغ سینه سینده
بو پاییز ، دویولماز سئوینجیم، دردیم
روحومو دومانا، یاغیشا بوکون
باهار قاییداندا، بلکه گویه‌ردیم
#سونا_ولی‌یئوا
@qanadli_duyqular
حسرتین اؤلچوسو پاییزمیش ائله
قاریش‌لا، آرشین‌لا اؤلچولمز، دئمک
آیریلیغین رنگینی گؤرمک ایسته‌یه‌ن
سارالان یارپاغا توخونسون گرک
آغاجام بو پاییز، داغ سینه سینده
بو پاییز ، دویولماز سئوینجیم، دردیم
روحومو دومانا، یاغیشا بوکون
باهار قاییداندا، بلکه گویه‌ردیم
#سونا_ولی‌یئوا
@qanadli_duyqular
من یئنه ده همن منم،
حسرتیندن گؤینه‌ر سینه‌م،
گرک یانام کوله دؤنه‌م،
هله بیر آز کؤزوم قالیب.
#شوجاعت_احمدلی
@qanadli_duyqular
حسرتیندن گؤینه‌ر سینه‌م،
گرک یانام کوله دؤنه‌م،
هله بیر آز کؤزوم قالیب.
#شوجاعت_احمدلی
@qanadli_duyqular
"بولود"ام،
ساللانسا قاشیم-قاباغیم
آغلارام
عالمی سئللر آپارار....
#بولود_قارا_چورلو_سهند
@qanadli_duyqular
ساللانسا قاشیم-قاباغیم
آغلارام
عالمی سئللر آپارار....
#بولود_قارا_چورلو_سهند
@qanadli_duyqular
باهار گزدیم یای دالینجا یویوردوم
بیردن گلیب قیشا چاتدیم، آی ائللر!
نه اوشاغام،نه جاوانام، نه قوجا
بیر گوُلمه‌لی یاشا چاتدیم، آی ائللر!
یار کوسنده، یولداش یاندان اوُتنده،
تکجه قالدیم غریب اولدوم وطنده.
یاشیدلاریم گول-چیچکده ایتنده،
من اوز اوسته داشا چاتدیم، آی ائللر!
«شوجاعت»م، غمده یووا سالمیشام
بو دونیادان بیر بئله پای آلمیشام
کرم کیمی یانماق اوچون قالمیشام
عوُمور کیمی باشا چاتدیم آی ائللر...!
#شوجاعت_کلبجرلی
@qanadli_duyqular
بیردن گلیب قیشا چاتدیم، آی ائللر!
نه اوشاغام،نه جاوانام، نه قوجا
بیر گوُلمه‌لی یاشا چاتدیم، آی ائللر!
یار کوسنده، یولداش یاندان اوُتنده،
تکجه قالدیم غریب اولدوم وطنده.
یاشیدلاریم گول-چیچکده ایتنده،
من اوز اوسته داشا چاتدیم، آی ائللر!
«شوجاعت»م، غمده یووا سالمیشام
بو دونیادان بیر بئله پای آلمیشام
کرم کیمی یانماق اوچون قالمیشام
عوُمور کیمی باشا چاتدیم آی ائللر...!
#شوجاعت_کلبجرلی
@qanadli_duyqular
گل بیر بئله آچما آرا،
ایتیررسن بیردن منی.
من دئمیرم هرگون آرا،
یوخلا گولوم هردن منی.
سنسیز، یانیب یاخیلیرام،
گونو گوندن، یوخ اولورام،
دوروب یئنه ییخیلیرام،
گل ییغیشدیر یئردن منی.
سن گله‌نه ، چتین قالیم،
حسرتیندن پوزقون حالیم،
یوبانما چوخ آغرین آلیم،
بلکه سون کز، گؤردون منی!
بو سئوگینین ، پایی , ایزی،
سول دؤشومده سانجان سیزی،
بئله گئتسه گئجی - تئزی،
اؤلدوره‌جک دردین منی.
#اصغر_کمالی_یانار
@qanadli_duyqular
ایتیررسن بیردن منی.
من دئمیرم هرگون آرا،
یوخلا گولوم هردن منی.
سنسیز، یانیب یاخیلیرام،
گونو گوندن، یوخ اولورام،
دوروب یئنه ییخیلیرام،
گل ییغیشدیر یئردن منی.
سن گله‌نه ، چتین قالیم،
حسرتیندن پوزقون حالیم،
یوبانما چوخ آغرین آلیم،
بلکه سون کز، گؤردون منی!
بو سئوگینین ، پایی , ایزی،
سول دؤشومده سانجان سیزی،
بئله گئتسه گئجی - تئزی،
اؤلدوره‌جک دردین منی.
#اصغر_کمالی_یانار
@qanadli_duyqular
یاواش – یاواش گئجه کئچر
هئچ بیلمیرم نئجه کئچر
سنی دویوب دوشوندوکجه
قوشون چکر خاطیره لر
شیرین گونلر – شیرین چاغلار
بیر – بیر گلیب دوشر یادا
اورک دئیر آیریلیغین
اوزو دؤنسون بو دونیادا
آی چکیلیر یوخو کیمی
بیر اووچونون اوخو کیمی
هامی دئیر – هامی گولر
من گولمه رم چوخو کیمی
چؤلده توفان هارای چکر
سالار فغان هارای چکر
یئرده دوروب سوسارام من
گؤیده بولود هالای چکر
شیرین گونلر – شیرین چاغلار
بیر – بیر گلیب دوشر یادا
اورک دئیر آیریلیغین
اوزو دؤنسون بو دونیادا
#جابیر_نوروز
#گئجه_نیز_دینج
@qanadli_duyqular
هئچ بیلمیرم نئجه کئچر
سنی دویوب دوشوندوکجه
قوشون چکر خاطیره لر
شیرین گونلر – شیرین چاغلار
بیر – بیر گلیب دوشر یادا
اورک دئیر آیریلیغین
اوزو دؤنسون بو دونیادا
آی چکیلیر یوخو کیمی
بیر اووچونون اوخو کیمی
هامی دئیر – هامی گولر
من گولمه رم چوخو کیمی
چؤلده توفان هارای چکر
سالار فغان هارای چکر
یئرده دوروب سوسارام من
گؤیده بولود هالای چکر
شیرین گونلر – شیرین چاغلار
بیر – بیر گلیب دوشر یادا
اورک دئیر آیریلیغین
اوزو دؤنسون بو دونیادا
#جابیر_نوروز
#گئجه_نیز_دینج
@qanadli_duyqular
Forwarded from کانال رسمی تبادلات آذربایجان via @vyubbot
This media is not supported in your browser
VIEW IN TELEGRAM