tgoop.com/qgjkk/2130
Last Update:
مسلم غـار والكوفه ارتجت من حيله
ايد حسين وعيون العــــباس ادخيله
خياله خياله
هاشم دوم ومسلم ياكوفه التدناله
اجه شـــيخ الرساله
رسول احسينه واله
ابو طاهر اجه شاهر گبل سيفه كتابه
وصل بيهم مراحل
ينكرون الــــرسايل
يخاوونه ويطعنـــونه ونزل بيهم عذابه
مسلم تأسه بحـــيدره يعرفهم ايــغدرونه
تتعدد اشبـــــــاه الزلم ومسلم يدير عيونه
والكوفه غربلها اشكثر مايلكه بيهم عــونه
والبايعوه لمن وصــــل اجتمعو ايبـــيعونه
شاف الناس والچان اوياه باعـه ابليله
مسلم غـــار والكوفه ارتجت من حيله
لقه الحـــجه عليهم
نزل امـــر الله بيهم
انا المُرسلَ على العزّل فلا ارفع حسامي
حچه وخلّص كلامه
ونزل يـــوم القيامه
انا الغالب امر واجب ادافع عن امامي
للگاصد ابضـــعنه وهله اثبت لخير انفاسي
بيه امن ابو الاكبر عزم والغيره من عباسي
الكوفه ازلزلهه وعلــي والهاشميه ابراسـي
ليل اگلب انهار الزلــم من حيدره نوماسي
بالميـــدان ياهو الگــــابل مسلم ويله
مسلم غار والكوفه ارتجت من حيله
اجت عده وعددهه
عزم مســـلم يردهه
انا الاوحد اذا تنعد مراجلنه اشكثرها
يطوعه اليوم اذلهه
واذا عگــدت احلهه
وذا وحدي والف ضدي الزلم والخيل اطرها
كلما يســــدون الدرب خيل وزلم اكشفهه
ياطوعه لو يمچ دنـو بيهم الگاع اخسفهه
ذاع اسمي بالكوفه وشفت الوادم وموقفهه
طول الشوارب مو زلم طوعه اسمچ ايشرفهه
تسوه ارجال وابن ازياد اگــداره الشيله
مسلم غــــار والكوفه ارتجت من حيله
الحرب شمرة ومراجل
اطــــــــبهم وانا راجل
الاگيهم واراويهم علي بالكـــــوفه ثاني
عبيد وگــــــومه وينه
حياطــــــــين المدينه
عليهه اشمر اذا اسطر رگبهم عالمــــــباني
كلما يشد بيه العطش تلكاني اشد واحملهه
والعركه تثگــل بالزلم كلما تمــــيل اعدلهه
انه الوحيد الماله اخو وانه اليدگ صدره الهه
منطي لبن عمي حچي والروح الـــه ابذلهه
درب الموت لحسين امغمـــض امشيله
مسلم غــــار والكوفه ارتجت من حيله
يطگ مهره اعله مهره
گلبها الكـــــوفه حمره
عدد جابو عليه دارو ولاهمه ابو طاهر
يشد جرحه ويـحارب
ولا رف عنده حاجب
سهم يدفع سهم يطلع وحيد وماله ناصر
يتوچ ه عالسيف ويـرد يتلاوه وي عدوانه
وبصدره مخنوگ الحچي ياحيرته ابميدانه
يتلافت ومامش عرف لا ربعه لا خــــــوانه
شيوصله لحسين الخبر مسلم غريب اهنانه
رد مــولاي وارجع بضعونك والعــــيله
مسلم غار والكوفه ارتجت من حــيله
خادم القصيده
شاكر الصيمري
BY شاكر الصيمري
Share with your friend now:
tgoop.com/qgjkk/2130