tgoop.com/qgjkk/2138
Last Update:
يهداد الخــــــــــيمه والمشيم
يعباس الثـــــــــاني اذا دمدم
بالملاگه اعيـونك جمر تجدح
وصل يومك خلي الزلم تندم
گوم استحلهه ولوي الحواجب
يامجــــــتبانه وشبل المـلاعب
بيك الشهـامه وكل الرجــــوله
كون العمامك اتعزب شـوارب
ياهيبه وگـــــــدام حسين شمرها الوادم
طب الهه ابزود العــباس حيالله القاسم
مايرخى اگبال الفرسان من طب ابحيله
واحد هذا وطگ اظهور شيكظهم هاشم
كلف من اخيــامه طلع هيبه
هزم كل من لاگـاه ابو النيبه
واليشوفه ابعــيد وشرد منه
اذا فــر الرايه الهوى ايجيبه
شبل الهـواشم وناصر عمـــامه
يوم الكــــلافه ذب العــــــمامه
واتــــوزر الهم والغيره فاضت
اجـــمل مقاتل شايل وســــامه
يوم الكلفه ايريد الحــــيل والهمه ابهمه
حسين ايگول وعينه اتشوف قاسم بالخدمه
بيهم راح اتميل الگــــــاع وافنيهم بيدي
وماردن اله اعله الروس والسيف ابدمه
يرجال الحـــــــومه والمعدل
حرام ايلاگـــــــونه اذا يزعل
نزل وبكل حطوه زرع خوفه
نزل مـن المهره واجه اترجل
كر بيـــهه وافتر دايـــــــر زلمهه
طب اعله جيمه ابجيـمه ردمهه
قاســــــم كلفهه والكلــــفه لهله
والعركه سبــحه طشهه ويلمـهه
شاب ومن يدخل ميدان صفــــــين ايعادل
ماشايف مثـــــــــــلك رجال عاركهم راجل
اتناوشهم من فوگ الخيل ضل يسطر بيهم
هذا القاســـــــــــــــم بالميدان رداد العايل
وگف بين العســـــــكر حلو الوگفه
اذا ذب الثامه الشـــــــــمس تطفه
يالمحــــــــــــير كلمن يصد عينك
على اخيامه الشاله وعلي ايگطفه
خزره اعله عينك تكطـــــع بزرهم
بالعاشر اشـــــگد كاسر ظــــهرهم
مثلك شســـــميه يوم الحرب دم
ابشـــــسعه يعدل مامهـــــتم الهم
لو تكثر گدامه الخــــيل موت ايشوفونه
من وجهه وبگفاه فنـــــــان مادار عيونه
هاي الگاع اتريد اثگال والقاسم گـــدهه
حيل الله وحـــيل العباس شايل بمتونه
خادم القصيده
شاكر الصيمري
BY شاكر الصيمري
Share with your friend now:
tgoop.com/qgjkk/2138