tgoop.com/qqweee/64
Last Update:
قصيده للعليله عليه السلام
بالحن ؟قصيدة امي كلش صافيه
اهلي من عافوني.......وبالحزن خلوني
واني اترجاهم.........ارد اروح وياهم
اهلي من عافوني
✰❥ــــــــــــــــ✰❥ــــــــــــــــــــ❥✰
اهلي من حملو ماكالو خطيه
اهلي ماكالو عليله صار بيه
اهلي من يوم لمشو بعدو عليه
اكولن يروجعولي.........بعاد ميسمعولي
وانه مانساهم............ارد اروح وياهم
اهلي من عافوني
✰❥ــــــــــــــــ✰❥ــــــــــــــــــــ❥✰
ردت امشي وي لضعن ماصح بديه
صحت مثل لغرب ريضولي شويه
شلون ياناس الابو ينسى لبنيه
بويه روحي شلونه......هل تغير لونه عتابي ضل ينعاهم......ارد اروح وياهم
اهلي من عافوني
✰❥ــــــــــــــــ✰❥ــــــــــــــــــــ❥✰
ليش اطلع هدومي ويلمون بيه
من امس وترجه كلمت كوميه
بداعت لعباس عمه انتي حجيه
عمه فرحي كليبي......ولزمي انتي بيدي
وامشي وي ممشاهم.....ارد اروح وياهم
اهلي من عافوني
✰❥ــــــــــــــــ✰❥ــــــــــــــــــــ❥✰
بويه وياكم اريدن للمنيه
ارد اروحن انه وي اختي رقيه
شلون اضل بداركم هاي لمسيه
بويه الم هدومي......وانت حمل ضعوني
وانه اضل انخاهم......ارد اروح وياهم
اهلي من عافوني
✰❥ــــــــــــــــ✰❥ــــــــــــــــــــ❥✰
بويه من صار لغروب اذكر كعدتك
وذكر مجانك يبويه وفر سبحتك
وصرت مثل لطير انه افتر بحجرتك
فوك مرض لبيه ......اهلي كطعو بيه
انه اكول شمالهم........ارد اروح وياهم
اهلي من عافوني
✰❥ــــــــــــــــ✰❥ــــــــــــــــــــ❥✰
الشاعره والمـلا أم اســد المحمداويه www.tgoop.com/qqweee
#غير_مبري_الذمة_اليحذف_الرابط_ 👆👆👆👆👆👆
BY ,الشاعره✍ والمله 🎤ام اسد المحمداويه🌹
Share with your friend now:
tgoop.com/qqweee/64