نعي
مفجع

الأمام الحسن يوصي الأمام الحسين ع
من جائوا بأمير المؤمنين الى الدار


صـاح الـحـسـن يـحـسيـن ونّـه
خـافـن تـشـوفــه ام الـمـحـنــه
روح الــدارنــه وألــهــه تـعــنــه
وزيـنـب ابـــد لا تــطـلــع انـــه


اخـفـي الـخـبـر يحسين عـنـهـه
تـدري الـجـره ايـجـدد حـزنـهـه
هـاي الـيـشـيـب الـراس مـنـهـه
لـو شاهِـدت دمـعـه ابـوجـنـهـه


صـعـبـه العقيله اتشـوف هـامـه
يـنـزف دمـه وحـمـره العـمـامـه
بـلـگـي علي ايـگـوم ابـسـلامـه
وشـهـر الصيام أيـتـم صـيـامـه

*-------------------------*-------------------*

✍خادم أمير المؤمنين ع
الشاعر رعد الجريخي



https://www.tgoop.com/joinchat-UShxzSh6DyF31x9W

علي هاي احبابك
ما رحمهه امصابك
...........
ياعلي تدري النحبه مانريده ايسافر
علي وافركك مذله صعبه منه انكابر
ياعلي وهاي اليتامه اشلون بيهم باجر
عنهه لو طالت الغيبه تضل تكسر خاطر
تبجي وتكض بابك
علي هاي احبابك

.....................
يبو حسين الدنيا ضلمه وانته الامضويهه
انته يا اولهه حيدر وانته البتاليهه
انهيم بالدنيا وهضمهه وياكبر واديهه
لاجن اجفوفك ذخرنه والنزامط بيهه
آ يصعب اغيابك
علي هاي حبايك

......................
ياعلي الدنيا حزينه وناحت ولبست سواد
على امصابك ياحمانه كونهه معلن حداد
اشما يمر طرواه بينه شوك بينه الگبره زاد
الله ميزنه ابضريحك سيدي اتنور البلاد
نهوه طوف اعتابك
علي هاي احبابك

................
ياعلي لچمة مصابك ما ايشابهه اي جرح
يا لغز حير الدنيا وبسمك ايطول الشرح
كلمن ايعيدهه ابوهه اشلون بالعيد الصبح
العيد فرحه لجن بعدك بيه ابد ما ينفرح
يدي جرح اصوابك
علي هاي احبابك
....................
لاتخلينه وحدنه الدنيا ما ترحم يتيم
كلنه بغيابك يتامه وباجر ايشبعنه ضيم
ياعلي وسيفك نعرفه شيد الدين القويم
والله محتاجين جفك ياصراط المستقيم
والرجس ما هابك
علي هاي احبابك
....................
نبجي وي زينب ابحسره وبمدامع هامله
اله رب الكون عينه الغاب عنه امدلله
ها يزينب هاي دنيا اعليج هم امحمله
صيحي يابو حسين جفك رايدينه ابكربله
موت ابونه اشجابك
علي هاي احبابك

خادم اهل البيت علي الزرگاني



https://www.tgoop.com/joinchat-UShxzSh6DyF31x9W

وين ماروح اسمع الكم فاجعه
وين ماروح قصة اكبور اربعه
اسمع اصريخ وسبي
قصص بيت ال النبي . وين ماروح
.
.
ماكو غيرك انته ماكو تاخذ الثار بيمينك
الك ننطر يبو صالح الحك النه انته وينك
الكبور و هدموهن ماكفه ذبحت حسينك
كل ليالي الجمعه بيهن يبو صالح ناطرينك
.
بدمع مسفوح ونقره يالمهدي الدعاء
بدمع مسفوح الفرج من رب السماء
المهدي احلفك بالعبي
قصص بيت ال النبي . وين ماروح
.
.
شفنه اشكال المصايب مابقه شي بعمرنه
احنه مو ايوب احنه خلص يالمهدي صبرنه
اكبور اهلك هدموهن مته تضهر يا ذخرنه
جرد البتار و طلع نشف بجفك دمعنه
.
كون موجود مابقبنه الهسه سكته
كون موجود الحاكم بجفه دفنته
بثار بيت الطالبي
قصص بيت ال النبي . وين ماروح
.
.
البقيع تريد نهضه تريد كلامه وصف قتال
الشمر يحكم يمهدي على عرشه لا يزال
حيل اذونه النواصب كام تحكمنه الجهال
هيه وحده الامل بيها نهضتك وينك تعال
.
حكم سفيان والبشر خرسه السان
حكم سفيان اشوكت نسعلك اذان
انته تسمع مطلبي
قصص بيت ال النبي . وين ماروح
.
.
ذبل عود الجان يزهي عمري كوطر للكبر
و انه مو ايوب حتى امتلك هلكد صبر
احنه كل يوم اليجينه نكول باجر بالفجر
واحنه نفس الحال نفسه كلي مولانه العذر
.
ليش مهدوم فاطمه الزهره كبرها
ليش مهدوم بس لبو صالح نضرها
يعيل بيها الناصبي
قصص بيت ال النبي . وين ماروح
.
.
العتب نعرف يغثك ندري بهمومك ثجيله
ندري ضيم شكثر شايل اهموم كلبك مو قليله
العذر منك يمهدي ماكو غيرك نشتكيله
غير وجهك يابو صالح تدري ما عدنه وسيله
.
الثار مطلوب مايضيع ولا يحروح
الثار مطلوب بيدك تشافي الجروح
تعلي راية مذهبي
قصص بيت ال النبي . وين ماروح


الشاعر حسن صالح العيساوي


https://www.tgoop.com/joinchat-UShxzSh6DyF31x9W

اهنا يالاحباب      راح اموت امن الهجر
طال الغياب      وانه كل ساعه انتضر
الياوكت اصبر وتاني // وين وداكم زماني
*
عيوني من يوم المشيتو عافت النوم
امكابله الباب ودمعتي تجري كل يوم
عادت المهموم تلجم جرحه الهموم
وانه من كد ضيمي راحت حته الرسوم

يهلي ضليت    وحدي وبعازت اهل
عنكم البيت      من مشيتو اشكد سأل
كامت اتمر الثواني // وين وداكم زماني
***
كبل لا تتركني ريض بويه اليه
هاك اخذ ترجيتي ونطيها الرقيه
كلها اختج بويه ودتلج هديه
اتكول خل تحتفظ بيها للمنيه

من تسافر     ما يضل لختي متن
بويه باجر     عالتراجي اتضل تون
اتكلك السلاب اجاني // وين وداكم زماني
*

كمت اعاين عالنجوم وكلبي ذايب
وعرضت اكبالي صوركم يالحبايب
جني اشوف اطفال مهظومه وتعاتب
وزينب اتكطع كلبها امن النوايب

شفت العيال     بكربله بحاله ذعر
واعله الاطفال     يفتر بصوطه الشمر
امذبحه اطيور الاماني // وين وداكم زماني
****
يا حبيبي اليل عثره وجسمي خاوي
ليش ماشوفن كمر دنياي ضاوي
وحدي بذراع المصايب كمت الاوي
الدنيه ربع امن البجيته ما تساوي

يالتحملون      وين ناوين السفر
من تشيلون      بويه يكتلني القهر
والحزن ما فاركاني  // وين وداكم زماني
****

كلبي يابويه اشكثر فرفح وراكم
من مشيتو العبره خنكتني بجفاكم
عني يالوليان شنهو العطلاكم
اركض اعله الباب من اشتم هواكم

بويه يحسين      شحجي واهواي الحجي
ياضوه العين     عمري خلص بس بجي
فاض هليله حناني // وين وداكم زماني
*
انه لو اندل دربكم جا مشيته
كافي مو دمع النواضر وشليته
بويه وينك توه جرحي نوميته
من زمان الفرح اذكر فاركيته

مرلي لحضات     خل اشوفك مبتسم
بالسلامات     يمن نسيانك حلم
تدري بفراكك عماني // وين وداكم زماني
تمت
تحسين الخفاجي


https://www.tgoop.com/joinchat-UShxzSh6DyF31x9W

مناجاة ...
من مناجات التائبين

يمن لذنوبي غافر وعَلَيّ ياربي ساتر
ذليل واشكي ذنبي تشاهدني يربي
يمن لذنوبي غافر
=================
بعدتني الذنوب وساء حالي
مسكين واناجيك بسؤالي
عني من تصد انة شبقالي
لطفك بية ياربي يعالي
بذنوبي الگلب مات ما تنساني هيهات
بتوبة احييلي گلبي تشاهدني يربي
===================≠
اذا تطردني من بابك الهي
بعد بيمن اعوذ من الدواهي
عن ذكرك يربي گلبي ساهي
امارة النفس بالسوء ما هي
يمن تقبل اذا نتوب رحيم وتغفر ذنوب
الهي انت حسبي تشاهدني يربي
==================
لمن يدعي الك مضطر تجيبة
وتكشف عنة كل سوء بنحيبة
بحبيبك طه أسالك وبحبيبة
بجاه حسين واشما بي مصيبة
اسألك عن خطياي تكفرهن يمولاي
وانة ادري دوم قربي تشاهدني يربي
=========================
أسالكم الدعاء رائد الاسدي



https://www.tgoop.com/joinchat-UShxzSh6DyF31x9W

لبيك ياحسين ع

شد حزام ،،،،ياضرغام،،، كوم وطشر العسكر
        000000000000000
يبن الحيد هاي الكوم  غيرك محد  إيردها
شد  حزام   ورفع هام    ياعباس    قائدها
كلها تريد نصر يزيد وإنته ابن الفحل كدها
رج الكون  بالميدان  خل خيولهم  تعثر
      000000000000000
هاي  وهاي   تاه  الراي   منها  ودوم   ماتندل
يبن حيود    كلك زود     شابعهم  مرار    وذل
لمها وصول  شد وجول وجن الموت بيهم حل
إفزع  فزعت  الكرار   لوصال عله  أهالي الشر
         00000000000000
يل معروف بين الناس   من هاشم نسل طيب
حكها تلوذ   من إصول   نار  وبالحرب    تلهب
يا فرسان    بالميدان   فنها  التوصله  إوتكرب
شابعهم  مرار  الموت  محد   يوصله   يكدر
       00000000000000000
جن كرار   بالميدان    طبها  وضل   يخز  بيها
سد حلوك   ذيجه الكوم    واحد  بس يلاويها
راس إبراس  حطها وداس دون حسين افديها
فدوه تصير الك يحسين هاي جموعها التفتر
         0000000000000000
سيف ونار   تطلب ثار  من  حيدر  ابو اليمه
يدري حسين  لصعبات  نشمي والحرب ضمه
همه وزود   مثل العود   لقنهم  درس  خصمه
راعي السيف  ياخذ حيف  طشاها عله كبر البر
          0000000000000000
تجامل عليه تريد   هو وحيد  كون محمد يحضره
بس بعيد   عنه عباس     لويدري    يجي    ينصره
صار الصار       والمحتوم      والباري    نفذ   أمره
لاكن مثل   هذا اليوم    زينب   فشله   تتيسر

       الشاعر خالد الناصري


https://www.tgoop.com/joinchat-UShxzSh6DyF31x9W

السيده زينب وهي واقفه على التل وتكلم اخاها الحسين بعد مصرعه

انادي ابن امي من علتل  .. صحـتـلا
يمغشي اعلــيك علغـبـره .. صحت لا؟
صـــوبك خيلهم ركـــضن .. صحت لا

بصـوتـي وفـرفـحت وشـصار بـيـه

=========================

ادموعي اتخلصن توشلن  .. ولمچـن
آه بلـــوعـــــة الـعـــاشــر  .. ولم چان
ابن أمـي غـيّر الطـيـحـه   .. ولمچان

اجـنـك راكـــضـات الاعــوجــــيـه

==========================
✍️عباس مالك العفريت

#محرم_الحرام١٤٤٦هـ


https://www.tgoop.com/joinchat-UShxzSh6DyF31x9W