معروفه بالطور يافاطم الحور
يابنت الاطهار مخلوقه من نور

يابضعه من المصطفى ام الابو يلقبوها
يازهره ياقطر الندى اشلون العده يأذوها
اباب فاطم ياعجب نار الحقد وجوها
يالماخذه اطباع النبي بالعالمه ينادوها
النار بالباب والمحسن انصاب

والضلع مكسور
مخلوقه من نور


يانجمة اكليل النبي بهذا الوصف وصفوها
ياشمعه جانت فاطمه باحقادهم طفوها
فاطم وعاء المعرفه ماكدرو ايوصلوها
يا لعنة الله اعله الجمع حين الاجو وفزعوها

هجمو علدار وضربوها الشرار
والدمع منثور
مخلوقه من نور

زهرة فؤاد المصطفى الراضيه المضلومه
الشافعه جنة النبي الصائمه المعصومه
الصالحه الطاهره العالمه المهضومه
الزاكيه الداعيه الراقيه المحشومه

ابنة المختار هضمتها القدار
ياعالمه وسور
مخلوقه من نور


الواليه الوافيه مو آيه فاطم سوره
الناصية خير النسه المصلحه المنصوره
المنعمه نور العلم للدين فاطم سوره
ام العلوم اتلقبت ياهو الوصل لبحوره

مشكات الانوار ياسر الاسرار
يابدر البدور
مخلوقه من نور


ام الكتاب ام الحسن الحورية الانسيه
ام الخيار ام التقى ام الموانح هيه
ام العلوم ام العلا الزاهده المرضيه
اتكنة هواي وبعد بالقاب مامحصيه

ياام الاطهار بيها العقل حار
بنت النبي الحور
مخلوقه من نور

◇◇◇◇◇◇◇◇◇◇◇◇◇◇◇◇◇◇
#شاعرة_اهل_البيت(ام حوراء البركاوي)
#لااجيز_حذف_اسم_الشاعره

الليله مولد ام ابيها🌹الليله مولد أم ابيها

نحييها. ونجدد. 🌹 كل عام ونردد

الليله مولد ام ابيها🌹الليله مولد ام ابيها




الليله. مولد. فاطمه. عم البريه
لم حسن نعلگ شمع هاي الزچيه
ام التقى خير النسه الحره الأبيه
قدوه صارت فاطمه النه وهويه

للمصطفى انبارك🌹كل احنه ونشارك

الليله مولد أم ابيها🌹الليله مولد أم ابيها


ماكو مثلها.بالنسه فاطم عجيبه
الطاهره خير البشر هاي النجيبه
بالمولد انهني علي امولد حبيبه
لجروحنه هيه الدوه وهيه الطبيبه

جبريل من بشر🌹ياهلا بالكوثر

الليله مولد أم ابيها🌹الليله مولد أم ابيها


بقدومها ارض وسما بالبهجه هلت
أبكل گلب نسمة عشگ والروح خلت
الفرحه هالليله على الأكوان حلت
جن وانس طشت ورد وجفوف حنت

افديها وبروحي🌹يابالسم اجروحي

الليله مولد أم ابيها🌹الليله مولد أم ابيها



يا عالمه. يافاهمه. الحره التقيه
يارحمة. الله. للبشر. منه. هديه
لا مو انس. ما اعتقد معجزه هيه
ريحانة الهادي وعلي حامي الحميه

بريحانة الهادي. 🌹 اگلوبنا اتنادي

الليله مولد أم ابيها🌹الليله مولد أم ابيها

+±++±+±++±++++++++++++++++
تمت ببركة محمد وآل محمد
بقلمي المتواضع أم حوراء البركاوي
لاأجيز حذف اسم الشاعره

((موشح))

اللسان فاطم ياعلي ترديده
وبكتاب الله صبح تغريده
◇◇◇◇◇◇◇◇◇◇◇◇◇◇
آه ياحيدر علي يابو التراب
ابين نهران الدمع لوعة عذاب
النار يافاطم الج صارت حجاب
وعهده ابو الحسنين نار ايزيده
◇◇◇◇◇◇◇◇◇◇◇◇◇◇
العهده ابو الحسينين مايكدر يعوف
وسفه زمرة حقد تربطله الجفوف
علي حته الموت يرجف منه خوف
بطل خيبر للنبي صنديده
◇◇◇◇◇◇◇◇◇◇◇◇◇◇
بطل صنديد العرب قالع الباب
ليث صارم للعده يحز الركاب
شتضن يسكت من سطر ابن الغراب
وجه بنت المصطفى ابجف ايده
◇◇◇◇◇◇◇◇◇◇◇◇◇◇
بجف اديه اشلون يسطرها البتول
ويمها حماي الحمه فحل الفحول
لولا الوصيه اتذكره ابعهد الرسول
كطع راس المعتدي من اوريده
◇◇◇◇◇◇◇◇◇◇◇◇◇◇
من الوريد الراس يكطع حيدره
بيده قالع باب تشهد خيبره
والله مو هين عليه هذا الجره
لكن اوصاية علي تقييده
◇◇◇◇◇◇◇◇◇◇◇◇◇◇
#شاعرة_اهل_البيت(ام حوراء البركاوي)
#لااجيز_حذف_اسم_الشاعره

تم القائها ليلة شهادة الزهراء "ع"
تجمع شاعرات اهل البيت "ع"
#الزيارة_الفاطمية_الكبرى
#النجف_الاشرف
٣جمادى الاخرة
#١٤٤٣_هـ

عندي حاجه يامولاي. محتار واهم بيها
الك ياسيد محمد اجيتك معتني عليها



يمك حاجتي مولاي دخيلك سيد محمد
المعاجز انت تگضيها الك كل البشر تشهد
ياسبع الدجيل ادري العنده حاجه ماينرد

يابضعة علي الهادي. بس باسمك انادي

الحاجه ماتخليها. اجيتك معتني عليها




دخيلك سيد محمد اجيتك معتني عناي
اريدك حاجتي اتفضها وتوگف سيدي وياي
واني ادريك متقصر وتگضي الحاجه يامولاي

بعد ماواصل اعتابك تنفض واني يم بابك

قبل لا احجي تگضيها. اجيتك معتني عليها




يبو البرهان متقصر يبحر العلم وسراره
روحي اتلوب يامولاي لتخليها محتاره
ابجاهك يا ابو جعفر منك رايد ابشاره

تدري سيدي بنيتي. قبل لا اوصل البيتي

مخلصه حاجتي الگيها. اجيتك معتني عليها



اعتنيت ابن الرساله اليوم ماخاب التعناله
وجيتك والدموع انهار عالخدين سياله
يكفيني شرف مولاي يمك اعرض الحاله

الحاجه سيدي يمك تگضي لونخيت اسمك

رب العرش يگضيها. اجيتك معتني عليها



ياسبع الجزيره وباب للينخاك مترده
بس يمك يبو الغيره يشرح حالته العنده
صدگني ابد ماخاب شباجك الي يگصده

شباجك عطر جنه. وحزنه ينكشف عنه

الحظره من يطب ليها. اجيتك معتني عليها

+±++±+±++±++++++++++++++
تمت ببركة محمد وآل محمد
بقلمي المتواضع أم حوراء البركاوي
لا أجيز حذف اسم الشاعره

يادنيه هونچ بينه فراگ المحب ياذينه
عيوني اعله جيته تراقب من آل هاشم راهب


شوف الجره يامعركه الماحملت اسيوف
رغم السلاسل والسجن مايعرف الخوف
ابن الرساله الطاهره متقيده اچفوف
جدران سجنك چم ملك يالكاظم ايطوف

جبريل الهم ناده. نوحو اعله ابن الساده
الحزن اصبح واجب من آل هاشم راهب


بقلمي/أم حوراء البركاوي
لا اجيز حذف الاسم

بقلمي ام حوراء البركاوي
آداء الموفق ملا عدي الربيعي

دعاء الفرج ✨

♡اَللّهُمَّ♡
♡کُنْ لِوَلِیِّکَ♡
♡الْحُجَّةِ بْنِ الْحَسَنِ♡
♡صَلَواتُکَ عَلَیْهِ وَعَلی آبائِهِ♡
♡فی هذِهِ السّاعَه وَفی کُلِّ ساعة♡
♡وَلِیّاً وَحافِظاً وَقائِداً وَناصِراً وَدَلیلاً♡
♡وَعَیْناً حَتّی تُسْکِنَهُ أَرْضَکَ♡
♡طَوْعاً وَتُمَتِّعَهُ فیها♡
♡طَویلا♡

تصميمي☝️