ابو ذيات👆 للأنصار رضوان الله عليهم

مولاتي زينب ع تقول

وعد دمعي عگب عينك مينشاف

ومثل شوفي باليالي الطف من اشاف

طولي الچان بوجودك مينشاف

بنص السوگ بعدك مشو بيه

جديدي أم حوراء البركاوي ونسألكم الدعاء

‏بصوت الموفق
ملا ظاهر الخيگاني

كل من يحتاج الى لحن الملا جزاه الله خيرا موجود

موفق ملا بحق محمد وآل محمد
جعلتني اكسب معك الثواب
الموفق ملا فلاح الغانم

شلون اصبر لا محال. اتمنه كل هذا خيال

اتصيح ياعباس خويه وينك انت يا ابي
شلون ترضاها عليه بعدك انه انسبي
امشي بين اجيوش اميه ويحدي بيه اجنبي
الرايه بعدك ستر صارت سند صارت للعبي

حايره بعدك اصير. وحدي امشي بالمسير
حافيه فوگ الرمال. اتمنه كل هذه خيال




يبو فاضل يوم اجينه گتلي ياخويه وعد
انتي والعيله برگبتي هذا وعدي للابد
اِنكسر ظهر حسين بعدك وحده ماظله سند
لا اخو ظل اليعينه ولا بقه صاحب بعد

انكسر ظهر الولي  صاح بويه ياعلي
انظر وعاين الحال. اتمنه كل هذا خيال



انه بعدك يخو زينب بعد ماريده العمر
تدري  عكبك يبو فاضل امشي حافي عالجمر
عالمتن خويه ضربني بسوطه يا وسفه الشمر
انه بت فاطمه الزهره يفتخر بيه الخدر

بعدك وبعد الحسين   بينه يحدي الحادي وين
بينه ويگود العيال.  اتمنه كل هذا خيال



صبر ماظل بعد عندي وانه اشوف القافله
تسري بينه واحنه يسره ابين شمر وحرمله
صحت وينك گمر  هاشم يا ابن عقد الوله
خويه ما اكدر اروحن شلون اعوفن كربله

صحت ياخويه تعال. اتمنه كل هذا خيال

قلمي أم حوراء البركاوي

شرد اقدم راح اقصر بيا جرح ابدي واروف

من نحر حزو وريده من سهم طفل الرضيع
من الاكبر من عريس اصبح صريع

من لواء اتكطعت منه الزنود
من سبي وحرك الخيام اطفال مرعوبه وقيود

انه ادري راح اقصر وادري خجلانه الحروف

لو اظل كل عمري اكتب ما اوفي شماكتبت اعله الطفوف

بقلمي خادمة آل محمد ام حوراء البركاوي

جديدي 👆👆👆تمت ببركة محمد وآل محمد

رساله لبعض الاقلام والرواديد

ياقائد  مسيره  شنكتب  اعليها
زينب بالوصف محد وصل ليها
اخت البطل عباس
زينب رفعت الراس
يخدام       يخدام
¤¤¤¤¤¤¤¤¤¤¤¤¤¤¤¤¤¤¤¤¤¤¤
يخدام   القلم   من  يكتب احروفه
كلام  وبي  مذله    الزينب  ايعوفه
يشاعر خلي وحيك واقعه ايشوفه
هاي  اول  خطيبه   الهزت  الكوفه

هزت جمع الارجاس
زينب  رفعت الراس

يخدام     يخدام
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
يخدام   المنابر من   توصفوها
بستذلال     زينب     لاتخلوها
هاي اخت الكمر عباس تدروها
ياهيبة    علي   لا     مايذلوها

الضلام الجهل نبراس
زينب رفعت   الراس

يخدام يخدام
¤¤¤¤¤¤¤¤¤¤¤¤¤¤¤¤¤¤¤¤¤¤¤
حورية الجنان   الباري   خصاها
يشجرة طيب طاها النبي سماها
عقيلة  بني  هاشم  ياهو  يدناها
خصال امها وابوها تجري بدماها

اكتب عنها بحساس
زينب رفعت الراس

يخدام       يخدام
¤¤¤¤¤¤¤¤¤¤¤¤¤¤¤¤¤¤¤¤¤¤¤
يا أم الاخوها من صغر  سنها
بالعز والفخر من ينكتب عنها
حته بالأسر  زينب علي جنها
لا سوط اليذلها ولا عدو ذلها

اتربت عله النوماس
زينب رفعت  الراس

يخدام        يخدام
¤¤¤¤¤¤¤¤¤¤¤¤¤¤¤¤¤¤¤¤¤¤¤
من حجر  البلاغه    بدت   نشئتها
شلون وما تهز   اعروش   خطبتها
اميره وكل خصال اخوتها جمعتها
الجموع  ابمجلس  ابن ازياد ذلتها

كطعت منهم انفاس
زينب رفعت الراس

يخدام       يخدام
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
#اللهم_صل_على_محمد_وال_محمد

¤========¤☆¤========¤
قلمي ام_حوراء_البركاوي_

                

قصيده فزاعيه للدفن


يدفان اعله خوي بهيده وياه
مرضوض الضلع والحافر أذاه


مرضوض الضلع لاتلچمه بهيده
ورجع خنصره من تدفنه الأيده
ظل    نايم   ثلث  تيام  بالبيده
مطروح الشمر  عالغبره   خلاه


ظل مطروح منه مسلبه هدومه
وكل اخوانه ظلت عالترب نومه
انظر عالجثث متوزعه بالحومه
گبر  حسين  يم   عباس   ادناه



يم عباس گبر حسين لتبعده
تدريبه عزيز الاخو شكد عنده
يا حيدر علي ياحاضر الشده
يريت اليوم تحظر بويه الواه




تحضر يا علي وسجادك اتعينه
وبايدك تشيل حسين والينه
وبالدفنه تيزيح اتراب الي بعينه
وعله حاله تصيح الويل ويلاه

✍أم حوراء البركاوي
ـــــــــــــــــــــــــــ

مقطوعه من وزن النصاري

عل طف لو كتبتم ثقفو الاقلام
واعـظـم شـرف لـليكتب ينولـه

خـل اول درس نيـران الخيـام
وسلب ترجيه واحلام الطفوله

لاينسب ابكيفه ويكتب اوهام
ويحذر من كلامه الـي  يگولـه

عظيمه الواقعه بيها العقل حار
ابوضع الذله  ليخـلي البـطولـه

قلمي أم حوراء البركاوي

دارميات على لسان مولاتي زينب ع تقول

من صغري شلت هموم ما الهن حساب
طفله وبدن وياي من عصرت الباب

كبرن وثگلن حيل يشهدلي محراب
وجرح البكلبي عليك يابويه ماطاب

يدي الجرح ماطاب  بعدك يكرار
وتلاحگاه بچلاي جرح الحسن صار

بعد الحسن احتار شيعد الجروح
وكبرها جرح حسين من شفته مذبوح

بقلمي ام حوراء البركاوي

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tgoop.com/ahmed_alziwar1