محمد نور شع العلي وطاه
جنح جبريل لجل النبي وطاه
وصل خط انعرف ممنوع وطاه
تقدم للعرش وده التحيه
****
خادم سيد الكونين صلى الله عليه واله
السيد محمد الموسوي الجابري

عَنْ مُحَمَّدِ بْنِ عَرَفَةَ قَالَ : سَمِعْتُ أَبَا الْحَسَنِ الرِّضَا (علیه السلام ) يَقُولُ : كَانَ رَسُولُ اللَّهِ (صلّى الله عليه وآله ) يَقُولُ‌ : إِذَا أُمَّتِي تَوَاكَلَتِ (١) الْأَمْرَ بِالْمَعْرُوفِ وَالنَّهْيَ عَنِ الْمُنْكَرِ فَلْيَأْذَنُوا بِوِقَاعٍ مِنَ اللَّهِ تَعَالَى.

📚المصدر الكافي الشريف ج٥ ص ٥٩


١) تواكلوا : أي تقاعدوا، وتواكل القوم : أي اتكل بعضهم على بعض. وأريد بالوقاع : النازلة الشديدة أو الحرب.

ناده جبريل        يفاطم          يفاطم
مدمع يسيل      يفاطم           يفاطم
   مابينچ وبين * حيدر تنادين
****
هذاصوت من ألسمه جبريل ناده
حان توديعچ يفاطم للشـــــهاده
أنتي مابين ألعـــــمر عمرألولاده
لابد يكون أنتي عمرچ بالسعاده
هذا مكتوب                     يفاطم          يفاطم
وضلع مصيوب                يفاطم           يفاطم
       مابينچ وبين  * حيدر تنادين
****
أنتي أول بالبشر مكســــــور ضــلعه
شحال حيدر من يغسلچ خلص دمعه
فاطمه ينادينه صــــــــوتچ مانسمعه
رادنه نعشچ نشــــيله أحنه ونودعه
حيدر بساع                   يفاطم               يفاطم
وكع عالكاع                    يفاطم               يفاطم
       مابينچ وبين * حيدر تنادين
****

فاطمه صاح ألمنادي صحنه وياه
گال زهرتكم ياشيــعه طاحت هناه
چنه حيدرنه نـــــشوفه يجر بلآه
شلون ضلعچ يالزچيه أحنه ننساه
شلون ننساچ                  يفاطم             يفاطم
كلنه وياچ                     يفاطم             يفاطم
          مابينچ وبين * حيدر تنادين
****
بينچ ومابين حيدر أنـــــــتي طحتي
چني تخيل مصــــــابچ علي صحتي
لاكن أنتي من كتـــمتي صـوتچ أنتي
خفتي عالكرار يالزهره أنتــي خفتي
يم أبوحسين               يافاطم         يافاطم
تكوم ألبين                  يفاطم           يفاطم
     مابينچ وبين * حيدر تنادين
****
تكوم ألبين على حـيدر ربنه يعلم
ياعلي وصاه محمــــــــــد ما تكلم
چم صنم معروف حيدر سيفه حطم
لئن من ربنه ألوصـــــــــيه  ماتندم
ربنه يوصيه                  يفاطم            يفاطم
كفو يدريه                    يفاطم           يفاطم
         مابينچ وبين * حيدر تنادين
****
صحتي مابينچ وبينه يازمــــــــاني
ليش حيدر أبو ألغيره  مااجاني
شلون حاله من ســــمع بيه ولگاني
گال يابضعة محمد حــــــــــيدر آني
گومي وياي                     يفاطم             يفاطم
أبوليت اعداي                  يفاطم            يفاطم
      مابينچ وبين  * حيدر تنادين
****
بوليت أعداي وزماني خان بيه
مچتف وتدرين فاطـــم بالوصيه
نارچ ألحركت دليلي تضل سريه
مگيد بگيد ألمـــــصايب يالـزجيه
بگيد ألحباب                       يفاطم             يفاطم
بعصرت ألباب                    يفاطم               يفاطم
         مابينج وبين * حيدر تنادين

الى خادم الزهراء ع 
السيدمحمد الموسوي الجابري

دمع عيني على خدي يريته
ابوي وحاضر مصابي يريته
اخذت الباب من عدهم يريته
وبيني وبينهم باب المنيه
****
السيد محمد الموسوي الجابري

نبارك لكم ولادة السيدة زينب عليها السلام

مولوده الكرامه    *   لبوة الامامه
                بزينب نفتخر
****
بزينب نفتخر يازين ابوها
مولوده الكرامه بشروها
حيدر والزچيه قبلوها
تربيت الامامه رىتبوها
حيدرنه بحُسامه    *    لبوة الامامه
           بزينب نفتخر
****
بشرى للرساله تصح هديه
مولوده الرساله الهاشميه
نبارك حيدره وامها الزچيه
ياشيعة علي يالجعفريه
هنوها بسلامه *   لبوة الامامه
                بزينب نفتخر
****
هنوها بسلامه وذخر الاطياب
زينب بنت ابوها وداحي الباب
مولوده الرساله وصوت النجاب
فرحة هالمسيه كل الحباب
فرحه مستدامه *   لبوة الامامه
                بزينب نفتخر
****
يامحله الفرح بيت النبوه
نجمات السمه عالارض تهوه
مولودچ سعاده اليوم ضوه
شيعه ونفتخر بسمچ يحوه
والكون ونضامه *   لبوة الامامه
                بزينب نفتخر
****
بزينب نفتخر ياسر نبينه
يالبوة محمد من تجينه
يهلال الولاده ايهل علينه
مبروك العلي ومبايعينه
بفراح وهيامه *   لبوة الامامه
                بزينب نفتخر
****
الى خادم زينب ع
السيد محمد الموسوي الجابري

مع خدام الزهراء عليها السلام بعد الانتهاه من المجلس في حسينية عمار بن ياسر رحمه الله

يافاطمه الشهيده * بعمر الورد اكيده
       يافاطمه * يافاطمه * يفاطم

يافاطمه عمر الورد خلصت حياتچ
نار العده لمن سرت سترچ عباتچ
هذا الجره وبكربله اعليهن بناتچ
اول حرگ دارچ تشب حرگوها بابچ
ذاك الزمن بعيده * بعمر الورد اكيده
      يافاطمه * يافاطمه * يفاطم

دار ام حسن ليها اجوا شبوها  بالنار
چي فاطمه وجه النبي وبضعة المختار
لمن اجوا يم ام حسن ريتك ياكرار
تشوف الضلع من انكسر وبمحسن اصار
يلمس ضلعها بيده * بعمر الورد اكيده
       يافاطمه * يافاطمه * يفاطم

ذاك الزمن وي هالزمن منطقهم الثار
وعلى النبي وآل  النبي هجموا الاشرار
شنهو السبب يم فاطمه هالفتنه تندار
والمعتقد عند الكفر مصلح وثوار
يامصلح وعقيده * بعمر الورد اكيده
       يافاطمه * يافاطمه * يفاطم

محسن وگع يافاطمه من عصرت الباب
بيوم الذي ابوها ارتحل وتم الغياب
واضح نسئلك يا زمن دونها السباب
وشحاله صاير حيدره من شاف المصاب
حچي الصدگ نريده * بعمر الورد اكيده
    يافاطمه * يافاطمه * يفاطم

لمن اجه ذاك الخبر الحيدر عجيبه
وشتعتقد هيّن جره قصه رهيبه
من جرحچ وضلعچ صدگ ايس طبيبه
بنت النبي بين العده تصبح غريبه
طاغي وصطرها بيده * بعمر الورد اكيده
    يافاطمه * يافاطمه * يفاطم

هذا الجره على ام حسن بأمر الخليفه
چن ماسمع شوصه النبي يلعب بكيفه
لمن نصب الها الحقد بيوم السقيفه
وتزايدت على آل النبي وبنته الشريفه
عساها شلت ايده * بعمر الورد اكيده
    يافاطمه * يافاطمه * يفاطم
**
الى خادم مولاتنا فاطمة الزهراء ع
السيد محمد الموسوي الجابري

الليله ولادة فاطمه * ابشاره من رب السمه
ابآية القرآن * كوثر وبرهان
ابشاره من رب السمه
****
آية القرآن كوثر فاطمه من السمه
بيها ابشر يامحمد هالكلام انتممه
سرها اسرار الامامه والعقيده فاطمه
بشرى للهادي نبينه والكتاب انعممه
معجزة لكوان * كوثر وبرهان
ابشاره من رب السمه
****
معجزة لكوان فاطم ربنه سلم للرسول
يامحمد هاي كوثر بيها اتحده العقول
سرها مابين النبوه والامامه ولاصول
فرحة الشيعه يفاطم نورهم نور البتول
انكسرة الاوثان * كوثر وبرهان
ابشاره من رب السمه
****
الي گال ابتر نبينه هو مبتور الاصل
الله انطاها المحمد كوثر وگول وفعل
سور والقرآن شاهد مصدر عليها يدل
ولي يتحده الرساله جاهل بلايه عقل
جاهل وطغيان * كوثر وبرهان
ابشاره من رب السمه
****
بشرى من رب السمه فاطمه خصها الجليل
نزلة بسورة الكوثر خير تصبح لا مثيل
يعني قدمها المحمد ولي گال ابتر ذليل
ابشاره يا امة محمد خير زايد مو قليل
فرحه ياشبان * كوثر وبرهان
ابشاره من رب السمه
****
نور فاطم من تجله نور اركان السماء
لوله فاطم ما بقينه ولا بقة كل الحياء
والنبي من وصه بيها كوثر والها انتماء
بكل زمن شيعه وفرحنه هيه ام الاوصياء
عالي الايمان * كوثر وبرهان
ابشاره من رب السمه
****

الى خادم الزهراء ع

السيد محمد الموسوي الجابري

نهني مولانا صاحب العصر والزمان ومراجعنا العظام والامة الاسلامية بمولد امير المؤمنين عليه السلام
****

نولد بالكعبه حيدر وسماها

وبيت الله نفتحله وسماها

الله اختارها ام حيدر وسماها

وانطه بت اسد افضل هديه

****
نلهج ياعلينه دوم بسماك

والك رايه ترف عالكون بسماك

انطر الها جدار البيت بسماك

وعلى كل النسه تفتخر هيه
****

السيد محمد الموسوي الجابري

الكعبه حملتك حيدر وسمها
بشخصك شاءت القُدره وسمها
انتَ وفاطمه امك وسمها
نرفع صيتك لعد هام الثريه
****
بيت الله نفتح بابه وسوره
والك آيات نقراها وسوره
محمد هاجت افراحه وسوره
لان انولد بالكعبه وصيه
****
نولد حيدر بيت الله ولطاف
الله اختار اله براهن ولطاف
ولي زار حيدر علي ولطاف
يحصلها الشفاعه الحيدريه
****
السيد محمد الموسوي الجابري

  انا زينب    انا زينب  بت علي
  انا زينب   انا هاضمني السبي
     انا زينب  انا زينب
******
انا زينب انا محتاره بيتامه
انا زينب هايمه مثل الحمامه
ساعه اصد لحسين اركان الامامه
ساعه اصدن عالنهر مفطوره هامه
انا زينب انا زينب لوعتي * انا زينب انا اون بغربتي
               انا زينب انا زينب
******
انا زينب من اعد احزان عمري
ولمصايب من زغر وي دمي تسري
انا خمس اعوام عمري دمعي يجري
واجهت كل المصايب جبل صبري
انا زينب بالصبر مثل الجبل.* انا زينب دمعي مايوم ارتحل
            انا زينب انا زينب
******
انا متوزره بمصيبه جم مصيبه
فاطمه امي الزجيه ياغريبه
اتورثت ميراثها الحره النجيبه
شفت مكسور الظلع صطره عجيبه
انا زينب شفت كسرات الظلع*  انا زينب بتوت گلبي تنشلع
             انا زينب انا زينب
******
من بعد ذيج المحن مرت عليه
اخذت دورج فاطمه امي الزجيه
طبرت المحراب خلتني سبيه
من وصايا حيدره اسمع وصيه
انا زينب منك انا تعلمت*  انا زينب ردت اگومن مگدرت
        انا زينب  انا زينب
*****
ردت اگومن مگدرت لمن گلتلي
خلي اسولف عالحسن نزلت دمعتي
بويه اخوج المجتبى الم مهجتي
للجبد لمن شفت تكسر عبرتي
انا زينب صوبو نعشه بسهم * انا زينب من گبر جده نحرم
         انا زينب  انا زينب
****
 انا زينب بالسبي لمن سبوني
انا بحبال المصيبه جتفوني
على الهزل ويه الارامل ركبوني
شفت عباس النفل يحدي ظعوني
انا زينب عمه صاحت عيلتي*  انا زينب سكته تنزل دمعتي
انا زينب  انا زينب
***

الى خادم زينب ع
السيد محمد الموسوي الجابري

يلله ياشيعة علي شيعوها
جنازة الكاظم بهمه اخذوها
****
اخذوها من ذاك الجسر وعلى الچتاف
اوصيحوا يامظلوم وبأعلى الهتاف
ونتخة شيعة علي بتقوى وعفاف
والمواقف انتم تسجلوها
****
والمواقف سجلوها بلا ملل
هالغريب وهالسجين بلا اهل
الكاظم المسموم ابن خير العمل
والجنازه لا تضل رفعوها
****
يلله ياشيعة علي شيعوا الحبيب
الكاظم من سنين ومگيّد غريب
مات مسجون اوعليه كثروا النحيب
امه فاطم كلكم اتعرفوها
****
كلكم اتعرفون امه ام الحسن
مات مسموم بسجن اهل الفتن
يلله شيعوا اجنازته بلوعه او شجن
والغريبه اعلى الجسر خلوها
****
الف وسفه اويا هضيمه اعلى الجره
جنازة المسموم تبقه محيره
هم ثلث تيام باقي على الثرى
شلون حاله هالعده ورثوها
****
مات مسموم بسجن گيد ومصاب
تلوع بأيامه بالوان العذاب
عاش مسجون وخلص ذاك الشباب
صاحب السجده الطويله خذوها
****
صاحب السجده الطويله قصته
عاصمة بغداد تبقه گبته
والمناير بالسمه ترف رايته
باب للحاجات ويسموها
****
خادم الامام الكاظم عليه السلام
السيد محمد الموسوي الجابري

بزغ نور بسمانه          ابن حيدر اجانه
           نهني فاطمه * او علي حامي الحمه
            ابن حيدر اجانه
****
ابن حيدر اجانه ومولده صار
اله نقدم تهاني ونكتب اشعار
فرحانه العوالم والفرح دار
مسروره الامامه وبيت الطهار
اله نقدم تهاني * ولليله الاماني
            ابن حيدر اجانه
****
ولليله الاماني بمولد حسين
والجن وانس فرحانه صوبين
من امه فاطمه وارث نبييّن
ياصفوة محمد وابو الحسنين
جوهر الامامه * دين الله بسلامه
             ابن حيدر اجانه
****
مولود الحسين وشعة انوار
امبارك فاطمه والده الكرار
زينه بالسمه وجده المختار
واملاك السمه اتقدمله لزهار
بميلادك فرحنه * ياعزنه وفخرنه
            ابن حيدر اجانه
****
الليله ياسمين وعطر قداح
ونهني الزچيه انقدم افراح
بيه عطر النبوه وبالسمه لاح
نشتم ياعطر عطرك الفواح
محلاها الولاده * وتلوگ القياده
              ابن حيدر اجانه
****
محلاها الولاده بشهر شعبان
يارحمة الباري فتح بيبان
ياصبط النيوه وانتَ براهان
فرحان الموالي اليوم فرحان
ونهني نبينه * فاطمه وعلينه
           ابن حيدر اجانه
****
السيد محمد الموسوي الجابري

مبارك عليكم الولادات
*
الف على الخير نهديله تهاني
ابو السجاد سر بينه تهاني
باقة ورد للزهرة تهاني
اريد هناك اطش بثنين ادية
****
يهل عباس مولودك بشعبان
ملائكة السمه فرحة بشعبان
يوم الرابع بعطره بشعبان
نولد عباس سبع الغاظرية
***

**

الخادم اهل البيت
السيد محمد الموسوي الجابري

نور وشراقة محمد * وبعلي الاكبر تجدد
نوره من نور النبي * بالشجاعه چن علي
                وبعلي الاكبر تجدد
          ****
             نوره من نور الرساله        
             چن محمد بجماله        
               علي الاكبر وكماله            
             اليوم مولوده العداله        
بعلي الاكبر فرحتي * بالشجاعه چن علي
                وبعلي الاكبر تجدد
           ****
               اليوم تاريخ الولاده
              علي الاكبر وسعاده
             اليوم فرحتكم يساده
             وكل موالي وعتقاده
بنور الاكبر نقتدي * بالشجاعه چن علي
                وبعلي الاكبر تجدد
            ****
              و 11 شعبان بينه
              والعلي نرفع ادينه
               نفرح العترة نبينه
              نزلت الفرحه علينه
اول احفاد الوصي * بالشجاعه چن علي
                وبعلي الاكبر تجدد
            ****
               اول احفاد الامامه
           خُلقه واخلاق التزامه
             چن محمد ابكلامه
            علي الاكبر والسلامه
فدوه اولادي وهلي * بالشجاعه چن علي
                وبعلي الاكبر تجدد
           ****
            علي الاكبر يشع نوره
            من محمد اخذ صوره
           رحمة الباري وسروره
           محفله اواجب حضوره
     حبنه يبقه ازلي * بالشجاعه چن علي
                  وبعلي الاكبر تجدد
                ****
                ازلي نبقه على دربك
               بالگلب مو صدفه حبك
                نبتهل ياربي عطفك
                وبولادة علي انخصك
انتَ عهدي الاولي * بالشجاعه چن علي
              وبعلي الاكبر تجدد
            ****
        الى خادم علي الاكبر ع
       السيد محمد الموسوي الجابري

نعشك باليل القدر  * ياعلينه نودعه
آخر ايام الشهر * تحل بينه الفاجعه

فاجعه واكبر مصاب راس حيدر ينطبر
وآنه زينب والعذاب حتى ملاني الصبر
مو جرح بويه جروح آنه خلصت العمر
من ظلع امي البتول كل جرح ماينجبر
آخر ايام الصيام * عيني ماتغفه وتنام
                 تحل بينه الفاجعه

نعشك باليل القدر ياعلي عنه بتعد
هايمه بويه وراك روحي ما الها سند
آنه زينب چم مصاب بويه احسبها وعدد
حايره بعد الفراگ حايره طول الامد
عالمصاب تعودت  * بويه آنه تمرمرت
                تحل بينه الفاجعه

بويه احنه نشيعك باليلة ايام القدر
تمم اصيامك يبوي بعد ماگاضي الشهر
چنه ماكوا عيد الي بويه حظّرت السفر
مايمرها عيني نوم لازمه عيني سهر
آخر ايامي عذاب * والجرح ماضنه طاب
                 تحل بينه الفاجعه

نعشك باليل القدر ياعلي شال ورحل
مابقى عدنه الولي ولايضل عدنه أمل
صافي حبك ياعلي انته ياخير العمل
هذا حبنه الاولي حبنه هذا من الازل
ليلة اوداعك عجيب * مايصح عندي طبيب
                تحل بينه الفاجعه

ليلة اوداعك علي خلصت بونه ونحيب
شلون ابن ملجم يجيك يطبرك والله عجيب
والحسن يصبح وحيد والحسين يضل غريب
وشفت راسك يلولي والجرح دامي وخضيب
بچت بويه العايله * والمدامع هامله
                    تحل بينه الفاجعه

ناده جبريل بعويل ردد بين السماء
جرح حيدر ياعجيب خضب الشيب بدماء
طبرتك اولا تزال هدمت ركن الهُداء
ياعلي حتى النجوم والشمس لبست رداء
اليله حزنان الگمر * ياعلي وحتى القَدر
                   تحل بينه الفاجعه

الى خادم امير المومنين ع
السيد محمد الموسوي الجابري