زياد الرحباني_Ziad Al Rahbani

زياد الرحباني_Ziad Al Rahbani

Photo

بالنسبة لَلّيوم شو ؟
اليوم بليل و عيت الصبح ، مش ذاكر شي غير عجقة الشارع، اوه مأَخّر صح ، مش مشكل " منجرب اليوم ما نعصب " ، قمت عمهلي متل المجنون يعني ، فتت عالحمام تغسل وجي بتعرفو واعي من النوم و إذْ ما في مَيّ ، قلت يا صبي ما بِأثّر بِتْغسل بالشغل، و من كتر الدفا رحت أضْوي الدفايه قلت باخُد شوية طاقة قبل ما فل و إذ ما في كهربا …. قلْت هَيْني ما في برد لهدرجه ، فتت عالمطبخ فتحت البراد قلت باكل لقمة عالصبح و إذ بتستقبلني صحفة الزعتر الفاضية و ربطة الخبز البايته ، قلت مش قصة بتقطع للغدا بيفرجا الله ، أخدت غراضي و نزلت ، فتحت باب السيارة ، ضويت المسجلة ، و إذ صوت فيروز " هالسيارة مش عم تمشي" و فعلا مش عم تمشي لأن ببساطة ما فيا بنزين ، كمان بتقطع مسكت تلفوني ترن لرفيقي يقطع عليي و إذ ما في شبكة ، قلت يلا بسيطة هلأ بوقف تكسي مهم أوصل عالشغل ، أنا و عم أقطع الشارع تذكرت انو المصاري لِمعي ما بِكَفوني لآخر الشارع ، شردت شوي ، كتير يعني، ما لقيت حالي غير عم غني بنص الشارع : " أنا مش كافر، بس الجوع كافر، بس المرض كافر، بس الفقر كافر" ، بيقاطعني جاري السئيل " طول بالك يا خيي بكرا بتفرج" ، ضحكت قلتلو " بلا مواعظ عالريق يستر ععرضك" طلع فيي بعصبية " خيي شو عم تجرب تعمل " ايه شو عم جرب اعمل قلتلي؟ "عم جرب بس ما خلي هالبلد يغيرني !"
"ايه قوم فوت نام و صير حلام انو بلدنا صارت بلد…"

Reem Daher

www.tgoop.com/rahbaniziadlover/1191

4.8K viewsFeb 4, 2022 at 12:50

بالنسبة لَلّيوم شو ؟
اليوم بليل و عيت الصبح ، مش ذاكر شي غير عجقة الشارع، اوه مأَخّر صح ، مش مشكل " منجرب اليوم ما نعصب " ، قمت عمهلي متل المجنون يعني ، فتت عالحمام تغسل وجي بتعرفو واعي من النوم و إذْ ما في مَيّ ، قلت يا صبي ما بِأثّر بِتْغسل بالشغل، و من كتر الدفا رحت أضْوي الدفايه قلت باخُد شوية طاقة قبل ما فل و إذ ما في كهربا …. قلْت هَيْني ما في برد لهدرجه ، فتت عالمطبخ فتحت البراد قلت باكل لقمة عالصبح و إذ بتستقبلني صحفة الزعتر الفاضية و ربطة الخبز البايته ، قلت مش قصة بتقطع للغدا بيفرجا الله ، أخدت غراضي و نزلت ، فتحت باب السيارة ، ضويت المسجلة ، و إذ صوت فيروز " هالسيارة مش عم تمشي" و فعلا مش عم تمشي لأن ببساطة ما فيا بنزين ، كمان بتقطع مسكت تلفوني ترن لرفيقي يقطع عليي و إذ ما في شبكة ، قلت يلا بسيطة هلأ بوقف تكسي مهم أوصل عالشغل ، أنا و عم أقطع الشارع تذكرت انو المصاري لِمعي ما بِكَفوني لآخر الشارع ، شردت شوي ، كتير يعني، ما لقيت حالي غير عم غني بنص الشارع : " أنا مش كافر، بس الجوع كافر، بس المرض كافر، بس الفقر كافر" ، بيقاطعني جاري السئيل " طول بالك يا خيي بكرا بتفرج" ، ضحكت قلتلو " بلا مواعظ عالريق يستر ععرضك" طلع فيي بعصبية " خيي شو عم تجرب تعمل " ايه شو عم جرب اعمل قلتلي؟ "عم جرب بس ما خلي هالبلد يغيرني !"
"ايه قوم فوت نام و صير حلام انو بلدنا صارت بلد…"

Reem Daher

BY زياد الرحباني_Ziad Al Rahbani