tgoop.com/rassomlar/693
Last Update:
"Oltin kuz"
Isfandiyor Haydarov
Luvr muzeyidan joy olishga muyassar bo'lgan sanoqli rassomlardan biri Isfandiyor Haydarovdir. Rassomning asari Luvr muzeyidan joy olishi tarixda qoldi va bunga siyosat va san'at ham sabab bo'lgan.
Ushbu asar 1994-yil I.A.Karimov tomonidan Fransiyaning o'sha paytdagi prezidenti Fransua Mitteranga sovg'a qilingan.
O'sha paytda birinchi prezidentimiz Fransiyaga tashrif uchun tayyorgarlik ko'rayotgan edi. I. Karimov Fransua Mitteranni tasviriy san'at shaydosi bo'lganligini xisobga olgan holda, o'zbek rassomlarining albomlarini ko'zdan kechiradi va I.Haydarovning asarlari yoqib qoladi. Shundan keyin rassomni suhbatga taklif qiladi. I. Karimov bilan bo'lgan uchrashuvda rassom ikkita asar sovg'a qiladi. Bu asarlardan biri prezidentning o'zida qolgan, ikkinchisi esa Fransiya prezidentiga sovg'a qilingan.
"Oltin kuz" asari Fransiya prezidentiga juda yoqqan va Parijda san'atshunoslarning olqishlariga sazovor bo'lgan. Natijada esa, bu asarga Luvr muzeyi xaridor bo'ladi. Asar Luvr muzeyidan joy olgach, muzeydan O'zbekistonga katta sarmoya keladi. Lekin shuni ham afsus bilan aytib o'tish kerakki, rassom hanuzgacha bu pulni ololmagan.
"Xullas, bu asarim zamona zayli bilan Fransiyaga bordi, Luvr muzeyiga munosib ko'rildi. Tajribada esa bu muzey hali hayot bo'lgan rassomlardan ish sotib olmagan" - deb eslaydi rassom I.Haydarov.
O'zbek rassomchilik maktabining iste'dodli vakili I.Haydarov yurt tabiatini mahorat bilan aks ettirgan.
"Oltin kuz" asarida ham O'zbekistonning oltin kuz manzarasi tasvirlangan.
Rassomning asarlari orasida AQSHning prezidenti Jorj Bush portreti ham bor. Bu ishini Bush nomidagi muzeyga yuborgan va ish juda yoqqani haqida javob ham olgan.
@Rassomlar
BY Rassomlar
Share with your friend now:
tgoop.com/rassomlar/693