🌸نورٌ على نور🌸

الحلقة الخامسة عشر💐

في اليوم التالي ذهب سراج إلى منزل الحاج علي سلم عليه وجلس قليلًا
الحاج علي: كيفك صرلنا زمان مش شايفينك يا شيخ
سراج:الحمدلله ماشي الحال، حبيبي يا حاج والله مش عم افضى
_:الحاج ترك معي ظرف وقلي أعطيك هوي ولما اتصلت عالبيت عرفت انك رجعت
_:لي تأخر
_:والله ما بعرف
_:ماشي أعطيني ياه لو سمحت لأن بدي امشي
_:ماشي يالله
أحضر الحاج علي الظرف وأعطاه لسراج
_:مشكور يا حاج
_:اهلا وسهلا
_:بالاذن
_:مع السلامة
ذهب سراج إلى البيت وأرسل رسالة لمحمد
سراج: أنا رايح عالبيت تعا لنحكي
محمد: ماشي بس ما بقدر طول عندي شغل
_:اوك ما باخرك
_:تمام
وصل سراج المنزل ووضع الظرف في غرفته ونزل إلى الحديقة منتظرًا محمد..
🌸🌸🌸🌸🌸

وصل محمد سلم على سراج وجلس
محمد: أي خبرني شو القصة
سراج: بس بدي اسالك شي قبل
_:تفضل
_:في بنت كنت تحكيها شي قبل؟
صمت قليلًا
سراج: شو لي سكتت
محمد: كنت بدي وحدي بس تركنا صرلا القصة شي ٣ سنين، وبس فتت عالبيت شي اسبوع وتركنا مش اكتر
_:بس هيك،وفش غيرها
_:لا، شو الموضوع
_:فاطمة شافتك واقف مع بنت بالمستشفى
_:شكيت انو هيدا السبب
_:بس مش كرمال هيك
_:لكن
_:هيدي البنت صارت تبعتلا رسايل وتهديد
_:شو عم تحكي
_:اي والله وشفت رسايل
_:بس هي البنت والله مش هيي لكنت بدي ياها وما بيربطني فيها شي
_:لكن مين هيي هي، احكيلي لساعدكن
_:وقت كان بدي لبنت لخبرتك عنها هيي هيدي كانت رفيقتها وشكلا كانت تحبني قبل او عندها مشكلة معي او في سبب تاني والله ما بعرف بس انا ما كنت اطلع فيها لان مش مناسبة وانا عرفت بعدان انو هيي السبب لحتى تركنا، ومن وقتها انا معاش شفتها لحتى طلعت بوجي بالمستشفى
_:هيك لكن
_:صدقني بس هيك
_:مصدقك
_:بس شو عملت هيي يعني
_:صارت تألف عني قصص مش مزبوطة لحتى نترك بس ما بعرف شو بهمها أنو ننفصل
_:انا عندي خطة لنكشفها
_:شو هيي
_:هيي هددت زينب اذا ما بتنفصلو راح تقتلني
_:اف لهيك واصلة معها
_:اي، لهيك انا قلت لزينب بس بعد تبعتلا رسايل تطلب منها موعد وراح نعتقلها ونفهم لموضوع اكيد في شي مش هيك لتوصل للقتل، وتضل تعمل هيك قصص معك، اكيد في سبب وراح نعرفو
_:اي حق معك، شاكك بشي
_:ما بعرف بس نشوفها منعرف كل شي
_:اي ماشي
_:بس ما بدي تعرف زينب بالخطة وتتلبك وتخاف، انا بس خبرتها تعطيني خبر وبتصرف
_:ماشي متل ما بدك
_:اذا بتروحو مشوار وبتغيرو جو بكون منيح
_:ماشي بتفق معها بس خلص شغلي
_:تمام
_:انا صار لازم روح
_:الله معك
وعاد سراج لغرفته ليرى ما في الظرف..
🌸🌸🌸🌸🌸

فتح الظرف وقرأ ورقة أبيه
بسم الله الرحمن الرحيم
حبيبي سراج أنت سند هيدا العيلة من بعدي إذا رجعت أكيد حكون حدكن بس  إذا تأخرت او استشهدت بدي تنتبه لزينب وأمك وبدي وصيك بفاطمة إذا فاقت تجيبها عالبيت وتعالجها لحتى ترجع تشوف من أول وجديد وبتمنى تكون خطيبتك وتبقى معكن بالبيت لترجع تأسس حالها من الأول واذا هيي بعدان ما بدا تتزوج او كانت بدا حدا تاني اتركها هيي تختار بس ضلك جنبها وساعدها، وبس يمرق وقت على وفاة بيت عمك خليها محمد وزينب يتزوجو وساعدهم كمان وانا تركتلك مصاري بهيدا الظرف..
أبو سراج..
دمعت عيناه وقرر أن يكلم والدته بشأن علاج فاطمة وزواجه..

🌸🌸🌸🌸

أنهى محمد عمله واتصل بزينب لكي يتفقا على موعد للغداء في الخارج
محمد: سلام حبيبتي كيفك
زينب: سلام الحمدلله ماشي الحال أنت كيفك
_:الحمدلله، شو رأيك نضهر نتغدى برا ومنكزدر شوي بالحديقة
_:فينا ناجلها؟
_:لي في شي
_:لا
_:لكن
_:مش حابي اطلع
_:زينب لازم نطلع ونغير جو، وبوعدك ما بسالك شي
_:ماشي متل ما بدك
_:راح ميل عالبيت شوي وبرجع بجي وراكي بتكون جهزتي حالك
_:ماشي ناطرتك
_:تمام

إنتظرونا في الحلقات المقبلة...

✍israa ftouni♥️
♡♡♡♡♡♡♡♡♡♡

❗غير مُسامح شرعًا حذف الإسم عن القصّة أو التصّرف بمحتواها❗

يتبع..

🌸نورٌ على نور🌸

الحلقة السادسة عشر💐

جلس سراج مع والدته سلم عليها وناقش بعض الأمور
سراج: امي بدي احكيكي بموضوع
أم سراج: تفضل
_:بيي وصاني بفاطمة ولازم نبلشلا علاج كرمال عيونها
_:أي أكيد لازم
_:في شغلة تانية
_:بدي تحكي فاطمة أنو نكتب الكتاب كرمال ضل معكن بالبيت لأن بيي مش هون وممكن يتأخر ولازم أخدها عند الحكيم
_:ماشي حبيبي اليوم بحكيها وبردلك خبر
_:بس ما بدي تحس أنو شفقة وهيك
_:فهمت عليك ما تاكل هم
_:يالله بدك شي يا حجة
_:سلامة قلبك
_:الله يسلمك يا رب
🌸🌸🌸🌸🌸🌸🌸

جهزت زينب نفسها ووصلتها رسالة من محمد أنه في الخارج وبانتظارها فنزلت بسرعة
محمد: كيفك
زينب: الحمدلله
_:وين بتحبي نروح
_:محل ما بدك
_:ما في شي معين حابي نروح عليه
_:لا خلينا متل ما اتفقنا ما بدي نطول
_:ماشي بأمرك
ذهب إلى المطعم وتناولوا الغداء وبينما كانوا يشربون الشاي وصلت رسالة إلى زينب وعندما رأتها من الخارج تغيرت ملامحها وتذكرت كلام سراج فتحت الهاتف وأرسلت لها رسالة فأحس محمد بذلك وسألها
محمد: في شي، حاسك توترتي
زينب: لا
_:بتحبي نرجع
لم تشأ أن يشك محمد بشيء فقالت:
زينب: لا خلينا شوي ومنرجع منروح
علم محمد أنها لا تريد إخباره فأرسل رسالة لسراج
محمد: حسيت حدا بعت لزينب وردت شكلو هيي لبعتتلا لأن حسيت تغيرت طلبت نرجع بس ما قبلت لأن ما بدا ياني اعرف وانا بقيت كرمال ما تحس اني عرفت
سراج: منيح لما حسستها بشي، بس ترجعو حكيني وانا بجي لشوف القصة
محمد: تمام
فانتبهت انه منشغل بالهاتف فسألته
زينب: في شي
محمد: لا بس عم شوف رهف اذا بدها شي كانت حاكيتني
زينب: اي ماشي
محمد: بتحبي نروح عمحل
زينب: خلينا نروح عالحديقة
_:ماشي يالله
قضوا بعض الوقت في التنزه بالحديقة وطلبت العودة من أجل فاطمة لكي لا تبقى وحيدة..
🌸🌸🌸🌸🌸

صعدت أم سراج لغرفة فاطمة وطرقت الباب
أم سراج: فايقة
فاطمة: اي حبيبتي تفضلي
_:بدي احكيكي بموضوع
_:في شي
_:كل خير، بعرف انو هلا الوقت مش مناسب بس سراج طلب مني احكيكي
_:اليلي مرت عمو
_:صار الوقت كرمال تتعالجي لترجعي تشوفي متل الاول
_:اي ان شاءالله
_:بس الموضوع التاني، سراج طلب انو تنخطبو اذا ما في مانع
_:حق معو نحن مش حلال واكيد ما عم ياخد راحتو
_:تحكيش هيك
_:اذا حابب يرجع عالبيت برجع انا عبيتنا
_:انا عم احكيكي عشان الخطبة مش لتحكي هيك وترجعي عالبيت معاش بدي اسمعك عم تحكي هيك، انا حابي ضلي معنا وعطول كمان
_:بس انا ما بدي اربطو فيني وانا هيك..
لم تكمل كلمتها حتى قالت:
_:له يا بنتي تحكيش هيك والله بعتبرك متل بنتي زينب
_:تسلمي
_:فكري بالموضوع وما تستعجلي
_:ماشي بوافق بشرط بتفق فيه مع سراج
_:ماشي بس يرجع بخبرو لكن، يالله ارتاحي
_:حبيبتي
🌸🌸🌸🌸🌸🌸

وصلت زينب المنزل ودخلت غرفتها وفتحت الهاتف تقرا رسالة وتبكي سمعتها فاطمة
_:شو بكي حبيبتي
_:ما في شي
_:كأن عم تبكي
_:لا
_:اذا متخانقين او شي اليلي منحلها
_:لا حبيبتي تعبانة شوي بس ومشتاقة لبابا
وعندما سمعت فاطمة ذلك بدات تبكي وتتذكر والديها، فضمتها زينب
_:سامحيني ما قصدي ذكرك بل لصار
_:لي انا نسيت مش قادرة انسى بس ما بدي تعب لحوليي
_:حبيبتي احكي وفضفضي عم اسمعك
_:خسرت اهلي ونظري وتعباني..
_:يا عمري خلص كلو بينحل وان شاءالله بتتعالجي وبترجع احسن من الاول
_:ان شاءالله
_:خلصي نامي وارتاحي وانا ححاول نام
_:ماشي
تظاهرت كل واحدة بالنوم ولكن اغمضا أعينهم والدمع تملأهم..
🌸🌸🌸🌸🌸

أخبر محمد سراج بعودة زينب لكي يستعلم منها ما حصل
محمد: انا من شوي وصلت زينب عالبيت
سراج:خلص ولا يهمك بليل بروح وبحكيها بكون خلصت شغل
_:تمام وبتخبرني دغري ما تشغل بالي
_:ماشي ولا يهمك

إنتظرونا في الحلقات المقبلة...

✍israa ftouni♥️
♡♡♡♡♡♡♡♡♡♡

❗غير مُسامح شرعًا حذف الإسم عن القصّة أو التصّرف بمحتواها❗

يتبع..

🌸نورٌ على نور🌸

الحلقة السابعة عشر💐

حل الليل عاد سراج إلى المنزل ليعرف جواب فاطمة وليتصرف في حال كان الجواب قبولًا أو رفضًا وليعلم ما حصل مع زينب وصل وسلم على والدته وطلب منها الجلوس معًا
سراج: أي حجة خبريني شو قالتلك فاطمة
أم سراج: بالبداي ما قبلت وصارت بدا ترجع عالبيت بس رجعت حكيتها وقبلت بس شرط بتتفق معها أنت قال
_:ماشي مش مشكلة
_:بدك تحكيها هلا
_:لا خليها لبكرا بدي شوف زينب كيفها
_:اجت وطلعت دغري عغرفتها
_:فيكي تطلعي تخبريها بدي احكيها شوي لأن ما فيي اطلع وفاطمة فوق
_:ماشي يالله
صعدت الوالدة ونادت لزينب
أم سراج: زينب، سراج بدو يحكيكي شوي قال
زينب: ماشي يالله نازلي
نزلت زينب وجلست مع سراج
سراج: كيفك
زينب: ماشي الحال
_:حاسك تعباني
_:ما تاكل هم
_:كيف ما بدي اكل همك
_:انا منيحة
_:خبريني في شي صاير
_:اي
_:احكيلي
_:بعتتلي رسالة وقت كنت مع محمد
_:شوقالتلك وشو قلتيلا
_:بعتتلي انو معي ٣ ايام لكون منفصلي عن محمد، بعتلا انو بدي شوفها ونحكي
_:اي شو قالت
_:معاش ردت
_:شو هالحظ
_:ممكن ترجع تبعت؟
_:ممكن
فجاة وصلها رسالة
زينب: هياها بعتت
سراج: شوفي شو كاتبة
_:بتجي لحالك بكرا ساعة ٣ عالحديقة، وبعتتلي لينك وين
_:حلو هالحكي
_:بس خايفي
_:لي
_:لان طولت لردت يعني عم تخطط لشي وخايفة تأذيك
_:انا معك ما تخافي بس بتعملي لعم قلك ياه، بكرا بتروحي محل ما قالتلك وانا بتصرف بس ما حدا يعرف شي ولا تحسسيها انو انا راح كون هونيك قبل بوقت
_:ماشي، ان شاءالله خير
_:كلو خير، قومي طلعي ارتاحي
_:ماشي تصبح على خير
_:أنت بخير
عادت زينب إلى غرفتها واستاذن سراج من والدته وعاد إلى المركز..
🌸🌸🌸🌸🌸🌸

أرسل سراج على مجموعة (محمد وحسين وحسن )وطلب منهم الإجتماع في المركز
سراج: شباب بدي شوفكن بعد شوي بالمركز بدي احكيكن بموضوع
عرف محمد أن السبب متعلق بزينب
محمد:خلص بجي لحالي
سراج: لا يجي الكل أفضل
محمد: يالله جاي
حسين وحسن: مسافة طريق
🌸🌸🌸🌸🌸

جلست فاطمة تفكر أنها قبلت بسراج هل سيقبل هو بشىرطها؟ وكيف ستمر هذه المرحلة؟ هل ستعود كما السابق؟ كل ذلك سيتضح في الوقت اللاحق، التوكل عالله، وستنحل جميع الأمور..
في الجانب الآخر تجلس زينب وهي تفكر ماذا سيحل غدًا؟ هل سينجح سراج؟وكيف سأتخلص من هذه المشكلة؟وأفكار وأفكار تدور في رأسها..
🌸🌸🌸🌸🌸


وصلوا الشباب إلى المركز وجلسوا مع سراج
محمد: سراج فينا نحكي شوي عجنب بالاول
سراج: تفضل
_:لي دخلت الشباب بالقصة
_:شو باثر
_:مش حابب لكل يعرف بالموضوع
_:بس ما حدا حيعرف
_:وكيف هيك
_:ما راح جيب سيرتك انت و زينب، بخبرهن بس انو شاكين فيها وهيك
_:طيب ماشي
سراج: اي يا شباب بدي منكم هالخدمة
الشباب: تفضل
سراج: في بنت وبديش فوت بالاحداث بس شكيت بامرها
حسين:اي؟
_:اتفقنا بكرا حدا يلتقي معها، وراح نجيبها ونحقق معها
حسن: بركي ما طلع عليها شي
سراج: بس صرت واثق انو في وراها شي لو ما هيك ما بفوت بهل قصة
حسين: ماشي بس شو منا نعمل
سراج: بكرا عالساعة ٣ بالحديقة ببعتلكن لينك وين بالزبط هيي راح تجي راح نكون نحن موجودين قبل هونيك وبدون ما حدا يعرف وبس تلتقي هيي بالبنت نحن راح ندخل وناخدها
حسن: بس ما فيها هيك مسوؤلية وخصوصًا أنها بنت كمان
سراج: شو منا نعمل ما بدي وسع الموضوع اكتر
حسين: الأفضل تحكي الحاج
سراج: ماشي هل بدقلو وبحكيلو القصة
حسن: أفضل بكون
سراج: تمام، صار فيكن تروحو وانا بحكيه للحاج وبس يقلي اوك ببعتلكن عالمجموعة
الشباب: ماشي ناطرين ردك
عادوا الشباب إلى منازلهم وبقي سراج في المركز وحينها إتصل بالحاج محمود..

إنتظرونا في الحلقات المقبلة...

✍israa ftouni♥️
♡♡♡♡♡♡♡♡♡♡

❗غير مُسامح شرعًا حذف الإسم عن القصّة أو التصّرف بمحتواها❗

يتبع..

إنتظرونا مع الحلقة ١٨ بعد قليل..

Israa.f:
🌸نورٌ على نور🌸

الحلقة الثامنة عشر💐

وافق الحاج محمود على خطة سراج بعد أن أخبره بالقصة كاملة لأنه هو أيضًا بدأ يشك بالموضوع من فترة قصيرة حين أغتال أحد الإخوة فأراد أن يتحقق من الأمر فأرسل رسالة إلى المجموعة
سراج: بكرا عموعدنا يا شباب
شباب: بالانتظار
عرف محمد أن الحاج قد وافق على الخطة فلم يستطيع النوم في تلك الليلة من كثرة التفكير فقام وصلى ركعتين على نية التوفيق وحل الأمور..
لم ينم أحد هذه الليلة ليس فقط محمد، إستيقظت زينب على كابوس مزعج فكانت ترى محمد يسقط من أعلى الجبل فقامت وصلت ركعتين وتصدقت، كما حال سراج صلى صلاة الليل ودعى الله بتييسير الأمور غدًا..
🌸🌸🌸🌸🌸

في الصباح الباكر عاد سراج إلى المنزل حيث كانت زينب بإنتظاره، جهزت القهوة وجلست على الشرفة
سراج: شو مستعدة اليوم
زينب: خايفة
_:ما بدنا نخاف لنحل الموضوع
_:شفت منام بشع
_:تصدقتي؟
_:اي اكيد
_:لكن اتكلي عالله وما تخافي
_:ونعم بالله
_:فاطمة فايقة؟
_:اي
_:بدي إحكيها بموضوع، قومي استاذنيلي منها
_:ماشي يالله
صعدت إلى غرفة فاطمة وطرقت الباب
فاطمة: تفضلي
زينب: سراج بدو يحكي معك
علمت أن الموضوع يتعلق بالخطبة
_:ماشي راح البس ويتفضل
_:طيب حساعدك وعيطلو
_:ماشي
بعد أن أنهت فاطمة ارتداء عبائتها نادت له زينب فصعد وطرق الباب مستأذنًا
سراج: بقدر فوت
فاطمة: تفضل
_:حابب إحكيكي بموضوع
_:بظن فهمت عليك، ممكن نحكي بالحديقة عالانفراد
_:ماشي حانزل، وزينب ساعديها
زينب: ماشي يالله
جلس سراج وفاطمة في الحديقة وزينب تنظر من بعيد
سراج: كنت بدي إحكيكي منشان الخطبة
فاطمة: بعرف بس خبرت مرت عمي انو بدي احكيك بس ما بدي حدا يعرف، لأن ممكن ما حدا يقبل بالشرط
_:شو هوي
_:انا ما عندي مشكلة نخطب بس في حال تعالجت ومشي الحال بدي ننفصل و ارجع عبيتنا وكمل دراستي، وفي حال ما مشي الحال كمان بدي ننفصل وتروح تكمل حياتك مش مضطر تبقى معي، انا ما بدي تكون مجبور فيي انا وافقت لان ما بدي تترك البيت وتبعد عن عيلتك خصوصًا عمي مش هون
_:خلص فهمت عليكي مش مشكلة انا موافق ولبعدان لبدك ياه اذا بتحبي ننفصل مننفصل
_:ماشي شكرًا لتفهمك
_:اهلًا وسهلًا، بدي استأذن لأن عندي شغل
_:الله معك
ودع زينب ووالدته ورحل..
🌸🌸🌸🌸

مر الوقت بطيئًا في هذا اليوم خصوصًا بالنسبة لمحمد وزينب وعند الساعة الثانية ونصف أرسل سراج الموقع لرفاقه
سراج: هيدا الموقع، خلينا نتحرك ونوصل قبل بوقت
شباب: ماشي راح نمشي يالله
بعد دقائق وصل الشباب وأخذ كل واحد منهم موقعه وعندما أصبحت الساعة ٣ بعد أن أرسل سراج لزينب بالقدوم قبل بضع دقائق من الموعد، تقدمت زينب وجلست على المقعد تتنظر سمر وفجأة أقدمت سمر ومعها شابين لأنها شكت في أن زينب قد أخبرت أحد ما
سمر: انت زينب
زينب وهي خائفة: اي
_:معك حدا
_:لا مش شايفتني لحالي، بس لي معك حدا أنت
_:لأن ما صدقتك تجي لحالك
_:لي يعني
_:لأنك ضعيفة
_:هلا شو بدك
_:أنت لطلبتي تشوفيني
_:خليي لمعك يروحو هياني لحالي، ما بوقف مع رجال
_:ماشي
أمرت الشباب بأن يعودوا إلى السيارة حيث كانت مركونة في آخر الحديقة هذا الأمر سهل على الشباب المهمة
سمر: هياهن راحو
زينب: انت شو بدك فينا ما بدي ننفصل
_:مش عذوقك أعطيتك وقت وصار راح يخلص ووقتها حتندمي
وقامت لتهم بالذهاب
_:روقي ما خلصنا حكي
_:شو بدك بعد، معاش في حكي بيناتنا سلام
وما إن أدارت وجهها لتعود إلى السيارة تقدم حسن وحسين وألقوا القبض عليها ووضعوها في السيارة لكن الشباب إنتبهوا لذلك فنزلوا لمساعدتها فتعاركوا مع محمد وسراج فرفع محمد سلاحه ليطلق النار عليهم ليتراجعوا فغدر به وأصابت الرصاصة رجله، حيث أجبر سراج على حمل سلاحه لإخافتهم فما إن رأوه حتى هربوا..
وكل ذلك أمام أعين زينب حيث ركضت نحو محمد وهي تبكي وتصرخ
زينب: صرلك شي
محمد: تخافيش أنا منيح
سراج: خليني أخدك عالمستشفى
زينب: بدي روح معكن يالله بسرعة
سراج: ماشي
أدخل محمد المشفى وخضع لعملية ليخرج الطبيب بعد نصف ساعة ويطمأنهم وطلب بأن يبقى لليوم التالي
وبعد أن تحسنت حالته دخلت زينب وسراج للإطمئنان عنه
زينب: حمدلله عسلامتك
سراج:الحمدلله عالسلامة
محمد: الله يسلمكن ،زينب فيكي تخبري رهف أنو حأسهر عندكن ونام بالشغل كرمال ما يقلقوا، ما بدي حدا يعرف بالقصة
زينب: ماشي يالله حابعتلا
أرسلت لها رسالة لكي لا ينشغل بالهم
زينب: سلام كيفك  محمد حيسهر عنا وينام بالشغل قلي إحكيكي لأن تلفونو فضيت البطارية وخبري بيت عمي حتى ما يقلقوا وسلميلي عليهن
رهف: أهلين حبيبتي ماشي، الله يسلمك
محمد: زينب أنت روحي عالبيت وارتاحي
زينب: وانت بتركك لحالك
سراج: انا بضل هون مش زابطة تبقى انت راح وصلك وارجع
زينب: ماشي، الحمدلله عسلامتك
محمد: الله يسلمك يا رب
خرج سراج وزينب من الغرفة
زينب: كيف عرف محمد
سراج: قصة طويلة بعدان بيحكيليك هيي محمد
_:ماشي
أوصلها إلى المنزل وعاد إلى المشفى..

إنتظرونا في الحلقات المقبلة...

✍israa ftouni♥️
♡♡♡♡♡♡♡♡♡♡

❗غير مُسامح شرعًا حذف الإسم عن القصّة أو التصّرف بمحتواها❗

يتبع..

رأيكم؟

إنتظرونا مع الحلقة ١٩ بعد قليل..

🌸نورٌ على نور🌸

الحلقة التاسعة عشر💐

في صباح اليوم التالي ذهبت زينب للإطمئنان على محمد وبعد أن طمئنه الطبيب بأنه يمكنه الخروج اليوم، جهز سراج كل الأوراق وساعدته زينب للصعود في السيارة
سراج: راح وصلك عالبيت ووصل محمد عالمركز وبرجع بجي بشوف امي
زينب: وصل محمد قبل ومنرجع فرد مرة
سراج: شو رأيك يا محمد
محمد: متل ما بدك
سراج: ماشي حوصلك وزينب بضل بالسيارة
محمد: أنا حأحكي أهلي وقلن حنام كم يوم هون أحسن ما بدي يشوفوني ويعرفو بشي
سراج: تمام، وانا حنام معك
زينب: انتبه عليه
سراج: تكرمي ست زينب
أوصل سراج محمد إلى المركز وانتظرته زينب في السيارة فساعده الشباب للدخول والاستراحة..
🌸🌸🌸🌸🌸🌸

أثناء العودة:
سراج: اي ست زينب شو رتحتي ان شاءالله
زينب: اي الحمدلله انتهت القصة على خير
_:اي الحمدلله وبالنسبة لمحمد ما تاكلي همو
_:بس شو بدها من محمد، معقول بتحبو
_:القصة شكلها أكبر من هيك بالتحقيق كلو ببين
_:ان شاءالله
_:بس ما بدي هيدا القصة تأثر على علاقتك مع محمد، وتفكري انو كان مخبي عليكي شي او تبطلي توثقي فيه
_:أكيد لا حتى هوي ما بكون متوقع يصير هيك
_:هيك بدي ياكي تضلك حدو عطول
_:اكيد
_:الله يرضى عليكي
_:حبيبي شو اشتقت لبابا كان يقلي هالجملة، لي تأخر
_:والله ما بعرف بس أكيد جد عليه الشغل لهيك تأخر
_:خيفاني يكون في شي
_:تخافيش لو في كنا عرفنا، بس هوي بكون بمنطقة ما في تلفون
_:ان شاءالله بيرجع بالسلامة
_:يا رب، يالله وصلنا نزلي وحصف السيارة وبجي
_:ماشي
دخلت زينب المنزل وركن سراج سيارته ودخل إلى والدته وجلس معها..
🌸🌸🌸🌸🌸🌸


أثناء التحقيق مع سمر من قبل الجهات المختصة
الحاج: شو بدك تحكي أو لا
سمر: ما في شي إحكيه
_:إعترفي بكل شي بكون أحسن لأن على كل حال طلعة من هون ما في
_:شو هالحكي، أنا ما عملت شي
_:اي احكي شو بدك من محمد مش أول مرة بتعملي هيك قصص
_:اذا حكيت بتخليني فل
_:انت احكي بالاول لنشوف
_:من ٣ سنين كان بدو وحدي وهيي رفيقتي ولما عرفت انو بيو لمحمد كان سبب قتل بيي قررت انتقم منو وصرت الف عنو قصص لحتى البنت تركتو وبعدان سافرت وبس رجعت التقيت فيه بالمستشفى وعرفت انو خطبت ورجعت قررت انتقم منو
_:شو عرفك انو بيو السبب
_:عرفت ومشي الحال
_:ادي صرلك راجعة
_:من كم شهر
_:مين بكون بيك
_:طارق
_:اها لكان انت بنت العميل وتاجر المخدرات وحاول يغتال أبو محمد لهيك انقتل
_:بيي ما كان عميل
_:مبلا كان عميل ونحن تأكدنا من القصة
_:اوعك تحكي هيك عن بيي
_:وهالمرة مين لمسوؤل عن اغتيال الحاج عباس
_:شو دخلني انا
_:انا عم اسالك
_:ما خصني بالموضوع
_:ليكي اذا بتحكي كل شي ممكن ساعدك بس اذا ما بتعترفي راح تبقي هون
_:والله ما دخلني ها عمي هوي لقلي انو ابو محمد سبب قتل بيي ولازم انتقم منو وهوي لقتل الحاج عباس
_:يعني هوي كمان عميل
_:ما بعرف ما دخلني
_:ماشي منشوف راح تبقي هون لنتأكد أنو ما دخلك
_:ما بقدر بموت والله
_:لا راح تبقي
_:بعد سؤال
_:شو كمان
_:لي بدك تقتلي سراج كنتي
_:مجرد تهديد لتترك محمد بعرف بتحب خيها كتير
_:بس هيك
_:اي
_:حاسك عم تكذبي
_:لا
_:شو بهمك اذا انفصلوا حب ام انتقام
_:ل ٢ سوى
_حنكمل تحقيق بعدان
🌸🌸🌸🌸🌸🌸🌸

طلب سراج من والدته أن تكلم فاطمة بشأن تحديد موعد الخطبة
أم سراج: امتا راح تكتب الكتاب
سراج: عم افكر اجل كم يوم بس لخلص هالشغلة
_:ماشي حخبرها هيك
_:انت بالاول اساليها امتا بناسبها واذا ما حددت شي قليلها بس هالكم يوم وبجيب الشيخ
_:ماشي حبيبي اسا بخبرها، شو قصة زينب كأن عم تقضيها معك رايحة جايي في شي
_:لا ما في شي، بس قلت بتغير جو  كرمال ما تتعب بس
_:ماشي، راح تبقى هون؟
_: بتروق معكن وبفل
_:يالله راح جهز ترويقة
_:ماشي خبري زينب تساعدك
_:يالله
نادت الأم لزينب لتساعدها في إعداد الفطور وجلسوا الجميع على الطاولة
سراج: انا شبعت الحمدلله حروح حدا بدو شي
أم سراج: صحتين، ما اكلت شي
سراج: عقلبك، الحمدلله
زينب: لا سلامتك
سراج: اذا بدكن شي احكوني
زينب: ماشي
وأثناء ذهاب سراج توقفت سيارة أمامه فجأة وهذا ما لم يتوقعه..

إنتظرونا في الحلقات المقبلة...

✍israa ftouni♥️
♡♡♡♡♡♡♡♡♡♡

❗غير مُسامح شرعًا حذف الإسم عن القصّة أو التصّرف بمحتواها❗

يتبع..