tgoop.com/readbr7br/2008
Last Update:
قصة الحرب العالمية الثانية - حوار بين البراءة وصديقتها ج1:
في قهوة صغيرة قدام البحر، قعدنا قدام بعض، بنتكلم عن واحدة من أكتر الفترات المثيرة في التاريخ الحديث – الحرب العالمية الثانية... بعدما ناقشنا أحداث الحرب العالمية الأولى الي نشرتها على قناتي في التلجرام وهي أعجبت بأحداثها جدا - قلت لها وأنا بتستكمل أحداث الحرب العالمية الثانية بعد ربطها بالأولى: "تخيلي يا ليان معايا، كل ده بدأ من شخصيتين كبار: موسوليني في إيطاليا وهتلر في ألمانيا!
ضحكنا عليهم بسخرية وقالتلي : "موسوليني؟ ده اللي هرب لسويسرا عشان يهرب من الجيش، وبعد كده بقى اشتراكي متعصب وقلب الدنيا؟
-بالضبط! وليته قلبها بذكاء ده قلبها على الفاضي ،ده في الآخر حلق قرعة وقتلوه ومثلوا بجثته ..و تخيلي إنه كان ضد الحرب في الأول، لكن لما فكر إن الحروب ممكن تكون وسيلة عشان يقلب الأنظمة الملكية، غير موقفه تماماً. خرج من الحزب الاشتراكي وقال إن الحل هو الفاشية، وجاب فكرة جديدة إن إيطاليا لازم ترجع مجد الإمبراطورية الرومانية هه:)
قالتلي :والشعب الإيطالي صدقه؟" قلتلها: "آه طبعاً، بعد الحرب العالمية الأولى، الإيطاليين حسوا إنهم اتضحك عليهم من حلفاهم. الاقتصاد كان في الأرض والحكومة ضعيفة، فموسوليني ظهر كأنه المنقذ هو وصلعته الجديدة ..
قالتلي: وده تقريباً نفس اللي حصل مع هتلر، مش كده؟ ألمانيا كانت مدمرة بعد اتفاقية فرساي، والشعب كان غاضب، والاقتصاد في حالة انهيار. وهوب، ظهر هتلر اللي كان جندي في الحرب العالمية الأولى، وأقنع الناس إنه هو اللي هيصلح كل ده ويرجع ألمانيا عظيمة تاني."
قلت: بالضبط! هتلر استغل مشاعر الوطنية والغضب. أسس حزب سياسي جديد، ولما حاول يعمل انقلاب في 1923 وفشل، اتحبس. بس بدلاً ما شعبيته تقل، زادت. وفي 1933، بقى مستشار ألمانيا، ومن هنا الأمور بدأت تتحرك بسرعة. زيه زي موسوليني، بنى نظام ديكتاتوري على السيطرة الكاملة، وكان مقتنع إنه هو المخلص...
قالتلي : وكده بقى في أوروبا ديكتاتوريتين فاشيتين – إيطاليا وألمانيا. بس في لاعب تالت دخل اللعبة، مش كده؟!
قلتلها :أيوة، اليابان برضو كانت حاسة إنها اتظلمت بعد ما القوى الغربية فرضت عليها اتفاقيات مجحفة. ماكانش عندهم موارد طبيعية كفاية، فقرروا يغزوا الصين وكوريا عشان ياخدوا اللي ناقصهم. ولما الغرب تدخل، تراجعوا شوية، لكن بعد فوزهم في الحرب ضد روسيا في 1905، أدركوا إنهم أقوى مما كانوا متخيلين وبدأوا يتوسعوا أكتر... بس بتعرفي ايه الي بضحك والي خلاهم يصعبوا عليا ؟
قالتلي : ايش؟
قلتلها : انهم كانوا معتقدين ان الشركيات الي بتبعوها ومعتقداتهم هي سبب تقدمهم في الحرب والفوز في بعض المناطق رغم انهم في الاخر اخدوا على وشهم زيهم زي المانيا ..
قالتلي :يعني كده المحور بقى جاهز – إيطاليا الفاشية، ألمانيا النازية، واليابان الإمبريالية؟
- أجللل بضبط كداا، وكلهم كانوا مؤمنين إنهم أرقى من باقي الشعوب، وكان ليهم نفس الأعداء –( الحلفاء). كانوا عايزين يتوسعوا عسكرياً وياخدوا أراضي أكبر.
قاطعتني وقالتلي : "وهتلر بدأ يعمل جيش فوراً، مش كده؟ ضرب عرض الحائط بمعاهدة فرساي وبدأ يبني جيشه."
-أيوة، أسس أول سرب طيران ألماني، وخلّى التجنيد إجباري، والحلفاء ماعملوش حاجة. بعد كده، بعت جنوده للمناطق منزوعة السلاح، وبرضو الحلفاء ما ردوا عليه . بحلول سنة 1938، كان جاهز يتوسع أكتر. احتل النمسا، وبعدين طالب بمنطقة السوديت في تشيكوسلوفاكيا... وطبعا محدش انكر عليه علشان الناس مكنتش عايزة تبين ضعف عصبة الامم الي تم انشاءها بعد الحرب العالمية الاولى وعلشان كدا هنا بقى جات سياسة الترضية!
قالتلي : "الحلفاء كانوا فاكرين إنهم ممكن يرضوا هتلر شوية، لكن في الآخر فضّل يوسع أكتر، واحتل كمان بقية تشيكوسلوفاكيا.!
-صح، وبعد كده عينه على بولندا. بس المرة دي الحلفاء قالوا له: 'لو دخلت بولندا، يبقى في حرب.' بس هتلر كان عنده خطة عشان يضمن إنه مايحارب على جبهتين، فعمل معاهدة عدم اعتداء مع ستالين لتقسيم بولندا بينهم...
وفي الأول من سبتمبر 1939، غزا هتلر بولندا وبدأت الحرب العالمية التانية.
قالتلي : افا ده عمل الي في دماغه فعلا ومافي أرض سلمت منه !
"أيوة، وبريطانيا وفرنسا ردوا بإعلان الحرب على ألمانيا، بس في الأول كانت الحرب كأنها باردة، مفيش تحركات كبيرة... .
قالتلي :بس هتلر كان عنده خطط جريئة. استخدم تكتيكات الحرب الخاطفة ودخل بسرعة بلجيكا وفرنسا. عدّى خط ماجينو الدفاعي اللي بناه الفرنسيين، وباريس وقعت بسرعة...
- حصل وكانوا في صدمة. الفرنسيين ماكانوش متخيلين إن بلدهم تنهزم بالسرعة دي.
قالتلي:بالضبط. ومع سقوط فرنسا، هتلر افتكر إن بريطانيا هتفقد الأمل وتطلب السلام، لكن بريطانيا ما استسلمت. وهنا بدأ يخطط لغزو بريطانيا، بس قبل ما يعمل كده، كان لازم يسيطر على السماء الأول(الجويات)... وهكذا بدأت معركة بريطانيا.
BY براءةُ العقل~{قارئة}🤎📚
Share with your friend now:
tgoop.com/readbr7br/2008