tgoop.com/rehlatomoma/5717
Last Update:
نصيحة اليوم:
ما دزيش قبل ما تقولك القابلة.
ما دزيش قبل توسع كااامل لعنق الرحم.
حتى اذا عندك رغبة ملحة منذ بداية المخاض،
هذا يكون في بعض الحالات برك، وين عندهم هبوط في الرحم و مع ثقل الجنين يزيد ينزل اكثر و يبدا الضغط على المستقيم و بالتالي الشعور بالزحمة او الرغبة في الدفع...
ذركا نجيو لعلاااه؟؟ يخي باه نولد لازم نزحم ولا ما حبيتيش تولديني ؟😅
استهدي بالله كده و احسني الظن :
هي على حساب الكول، كاين طول ممحي، هش و طري، بمجرد ما يضغط عليه البيبي راح يتوسع بسرعة كبيييييرة و راح تتم الولادة، بصح هذا الكول متعوب عليه، و ما تشوفوش غير هذيك اللي تخلي كلللللشي طبيعي و يبدالها مخاض تلقائي و تدريجي ولا تكون تعاون روحها بسباسفون مثلا(رغم عدم وجود ابحاث علمية تثبت دوره لكن تجريبيا كاين نتيجة) كذلك الحركة و الترطيب المستمر. و غيرها من الامور اللي تسهل...
في الجهة الاخرى كاين هذيك اللي الكول تاعها مزال موصلش للنضوج التام، نلقاو الكول غليظ او طويل نقولولها مزال الحال، مبعد هي تبقى تعصر تعصر وحدها و مبعد تولد، و هي تبالها راهي تهنات، بصح مبعد نلقاو مفاجأة غير سارة، نزيف غير مطمئن، رغم ان الرحم مليح و بعد الفحص يتبين عنق الرحم مقطع، من شدة الضغط عليه و هو مزال ماهوش طري،
تقطع عنق الرحم مهوش امر بسيط كيما تقطع العجان او انسجة المهبل باه ما تقولوليش معلي شالمهم سلكت، لااااا، راهي تفوت دير تخذير في قاعة العمليات و تتخيط و تتراقب بشدة، تولي الأم كشغل زيدت طبيعي و قيصري مرة وحدة،
في حين هي تبالها رانا نقولولها ما دزيش لانو مناش حابينها تولد، و تبالها راهي تهنات، راح تبدالها معاناة من نوع اخر، هذا بلا ما نهدرو على المشاكل بعد الولادة وين لازم اعادة تاهيل العجان و مسحة عنق الرحم و عدة أمور غيرها...
#منال
BY رحلة أمومة🌸
Share with your friend now:
tgoop.com/rehlatomoma/5717