tgoop.com/resuscitatedhopeinhk/124
Last Update:
#admin專欄 #政府假借抗疫為名打壓及分化香港人我們如何自處？ @windseasonbro
呢個話題，近來都有唔少手足Pm我傾，我發覺大家對武肺抗疫做法同心態嘅唔同，而分別同手足或朋友有少少爭拗，所以我今日想借呢篇 #admin專欄 ，分享下我對抗疫嘅睇法。
各位，誠如我之前分析，政府掌控香港嘅魔爪隨着第四波疫情愈發向上，繼健康碼、疫廈檢測，借英國疫情而限制英國香港人回港須隔離外，政府疑似想辦法強推「安心出行」及強制接種疫苗，而亦借專家袁國勇之口講香港人唔交出唾液樣本，似乎政府可能會借此增加罰則，如果樣本搵唔到人類嘅唾液，可能會犯法如欺詐罪、故意播毒罪都唔出奇。
而眾所周知，我哋嘅對手係一個善於分化嘅政權。香港被殖民初期，明明係中国新移民問題，呢個政權將佢Spin為「地產霸權」、「港男港女」、「老夫少妻」、「天水圍城」問題，但其實個癥結所在一直在於「中国」呢個問題，而「大家點看待武肺」亦係佢新一個Spin嘅Issue。
對家知道我哋點都知道係中国問題，但佢就係要製造或多或少嘅爭拗點，引我哋討論，引導我哋分裂。
例如有手足覺得要嚴謹看待武肺，原因係如果香港武肺疫情因為「香港人抗疫不作為」而變得嚴重，其他海外國家想接收香港難民會難上加難：該國國民未必會支持。
同時又有手足認為唔好畀政權有藉口掌控香港。手足們認為，如果恐懼撚愈來愈多，咁樣會Facilitate同Encourage大家跟政府果套做，咁就好多人乖乖地安裝安心出行同主動申報健康碼，同鼓勵檢測風氣，變相政權更事無忌憚地打壓「不合作抗疫嘅市民」。
我想講嘅係，其實兩者都係正確態度。我希望各位唔好中政權計，被佢二元化，再次分化香港人。可能你哋會覺得呢兩種睇法矛頭都係指向中国，其實你哋錯晒，而家係同矛頭指向地產霸權而忽視主因係每日150個中国人嘅例子係一模一樣。
喺我眼中，抗疫係必要，而前者喺國際戰線大局中係有其正當性：西方國家未必會接收一個來自一個大量爆發武肺疫情嘅地區嘅難民，而同時我哋必須堅守抗疫。講真，香港人戴口罩都唔係因為呢個政權啦！記唔記得林鄭叫下屬唔好戴口罩？又記唔記得當初只係香港人自救，民間同中国人搶口罩？
但後者嘅憂慮都唔係無的放矢，我希望各位都唔好主動注射疫苗，因為就算係輝瑞mRNA疫苗都有伏！
簡而言之：
1⃣ 心態上要嚴守抗疫：君子不立危牆之下，而且牆一冧咗，其他國家未必接收香港人，到時係害咗手足走唔到。而且抗疫唔係為政權，而係為摯愛親朋、更係為自己－－－唔好話疫苗會改變DNA，更甚嘅係無人知道武肺對人有乜長遠嘅壞影響，例如In Long Term會唔會令到器官衰竭。
2⃣ 心態上要抗拒不合理嘅合作：疫苗有問題唔好打；健康碼同安心出行唔好裝，如果多人Endorse政權呢一套管治，根據去除法，會好容易搵到「唔合作嘅市民」，到時變港豬嘅大家會害咗深黃手足。
講咗咁耐，我只係想大家唔好因為抗疫嘅理解點看待武肺嘅唔同演繹而被政權Spin到互鬥。
如果同意，請分享畀你身邊所有朋友，感謝。
BY Resuscitated Hope in H.K
Share with your friend now:
tgoop.com/resuscitatedhopeinhk/124