tgoop.com/roaeaattre/13703
Last Update:
_*#حيـاه نـيفـيـن♡*_
_*#By:Rowa Awad*_
*part:{{ 1 }}#*
حاتكلم بلسان البطله
اسمي نيفين ناس البيت والحله بنادوني نينا يلا اوصف ليكم شكلي شعري طويل ولونه بني حواجبي غزيره رموشي طويله عيوني كبار مربوعه لوني قمحي واحده عند امي وابوي امي ربه منزل وابوي بشتغل في التجاره وضعنا تعبان شويه لاكن الحمد الله(ماخاب من قال يارب🥀)
اتخرجت من الجامعه قريت اداره اعمال وشهادتي في الدولاب
و ف يوم كنت بقلب في الفيس لقيت اعلان بتاع شغل لشركه منظمه اعراس ف قلت اشوف لانو بعرف انظم اعراس وكدا
كنت عايز اتصل ع الرقم بس لقيت م عندي رصيد ف لبست لي عبايه وطلعت نزلت رصيد وضربت في الرقم و رد لي ولد
قلت ليو سلام رد لي وعليكم السلام اتفضلي قلت ليو في اعلان في الفيس عن شغل عاوزه الشغل دا
قال لي تمام تعالي شركه (.... )للمناسبات قلت ليو سؤال بس الشركه دي بتقع وين بالظبط قال لي في اركويت قلت ليو تمام قفلت علي كدا حصلت بيتنا لقيت أمي ف المطبخ بتعمل ف شاي مشيت ليها وين وين الزلابيه قالت لي الزيت خلص قلت ليها بتتجازف
(بتتجازف عشان حنواصل بتتجازف عشان نحنا اقويا۽ بتتجازف عشان بتتجازف وحنكمل🍃✨)
قالت لي ارح طلعي معاي السراير مشيت معاها يلا اوصف ليكم بيتنا عباره عن حووش كبير فيو حمام وصالون للنسوان وواحد للرجال ومطبخ واوضتين واحده لي وواحده لي امي وابوي ناس امي بنومو في الحوش مرات
فرشنا السراير وقشيت الحوش ورشيتو جات امي ناولتني كبايه الشاي وانا بشرب
جات طالعه لي وعد سلمت علي امي وجات قعدت جمبي عاينت ليها وقلت انا مابسلمو علي ولا بايته معاك وانا ماعارفه
قالت لي ابيت قلت ليها ببو+ماوريتك قالت لي اها قلت ليها لقيت شغل قالت لي كضابه قلت ليها جد والله قالت لي الشغل عباره عن شنو? قلت ليها تخيلي تنظيم اعراس قالت لي جاك لحدي عندك قلت ليها رايك شنو نمشي للمعاينه مع بعض قالت لي ماعندي مشكله خالص
قلت ليها هاك دا الرقم اضربي وشوفي شالت الرقم وقامت ضربت اتكلمت وانا قمت كبيت ليها شاي وجيت لقيتها خلصت عاينت ليها نظام اها بقت تعاين لي قلت ليها مالك بتعايني كدا انا حلوه للدرجه دي قالت لي حلوه شنو قال لي تجي يوم الخميس شركه( .... ) للمناسبات لاكين هيعينوك فنانه في التنظيم قلت ليها وعد انتي هبله قولي يارب وخلي الباقي للزمن قالت لي حنقنع اهلنا كيف قلت ليها دا انتي و ذكائك قالت لي الله اعلم انا غايتو حوريهم واشوف
(يلا نقيف شويه دي وعد صحبتي التوين بناديها وودي قرينا انا وهي اداره اعمال وهي بت جيرانا بحبها موت)
نرجع
اتونست معاي حبه ومشت بيتم انا اتحركت علي ناحيه امي قلت ليها امي عاوزاك في موضوع قالت لي اها قلت ليها لالا تعالي اقعدي هنا واشرت ليها علي السرير جات قعدت وبقت تعاين لي المهم حكيت ليها بي موضوع الشغل عملت لي درامات كذا وقلت ليها الشغل هنا مابعيد يعني نص ساعه ساعه بلكتير ياامي المهم وافقت حضنتها قالت لي الكلام كلام ابوك الجمله دي بتعمل لي وجع بطن
قلت ليها تمام قمت دخلت اوضتي سرحت شعري كعكتين سمعت صوت ابوي وهو بسلم علي امي طبعا بحب اشرب القهوه البعملها انا.
طلعت سلمت عليو ودخلت المطبخ عملت ليو قهوه و جبت ليه كبايه واتونست معاه حبه وفتحت ليه موضوع الشغل وحنستو وقلت ليه معاي وعد قال لي ماف يعني ماف قلت ليه ابوي فيها شنو لو اشتغلت ياابوي عليك الله والشغل قريب المهم ساعه انا ببكي وبحنس فيه ف النهايه وافق بست يده وراسهو مشيت غرفتي اتصلت علي وعد وقالت لي
ابوي وافق قلت ليها الحمد لله قالت لي هنمشي الشركه متين متحمسه قلت ليها يوم الخميس قالت لي والليله شنو قلت ليها الليله الثلاثاء قالت لي اوك قفلت منها ورجعت للولد لقيتو مشغول انتظرت حبه رجعت ليه قلت السلام عليكم قال لي وعليكم السلام اي خدمه قلت ليو انا القبيل القلت ليك عاوزه الشغل وقلت لي تعالي يوم الخميس قال لي ايوا اتزكرتك اتفضلي قلت ليو بس انا وصحبتي حنجي الشركه هي برضو عاوزه الشغل قال لي تمام
قفلت الخط ورقدت نمت تاني يوم صحيت صليت طلعت لقيت وعد و امها قاعده مع امي دخلت المطبخ عملت القهوة وطلعنا السراير انا و وعد وفرشناهم ورصينا الحاجات
( امي مشكات وابوي اسمو عبد الرحمن او م وعد اسمها هديل وابوها احمد )
اتونسنا و ختينا الفور لما الظهر أذن قمنا صلينا أمي وأم وعد طلعوا ل نسوان الحِله عندهم جمعيه فضلنا أنا و وعد دخلنا رتبت الحاجات الماشه بيهم لانو بكره المقابله وهي قالت رتبت حاجاتها من الصباحبعد خلصت قالت لي ارح نمشي البحر قلت ليه تمام
لميت شعري كعكه و لبست توب وطلعت وصلنا البحر قعدنا تحت شجره المنظر كان حلو شديد اتونسنا و بعد زمن طلعنا وصلنا مع آذان العصر صلينا و وعد مشت بيتهم وانا دخلت الفيس قلبت كدا زهجت طلعت لقيت أمي جات وبتصلي انتهت قبلت علي قالت لي اها موضوع الشغل حصل فيه شنو والمقابله بمتين قلت ليها بكره الخميس المقابله وادعي لي ياعسل قالت لي دعواتي معاك يابتي مشيت حضنتها
BY مـٰڪتبـه اݪࢪوُايات 💜🥀
Share with your friend now:
tgoop.com/roaeaattre/13703