tgoop.com/roaeaattre/13709
Last Update:
_*#حيـاه نـيفـيـن♡*_
_*#By:Rowa Awad*_
*part:{{ 5 }}#*
رفعت راسي لقيتو مستر غضبان قال لي انتي مابتشوفي سكته ومارديت عليه قاال لي بتكلم معاك عاينت ليه و واصلت طريقي بس مسك لي يدي انا هنا خلاص فاض بي مسكت يدو ونتلتها من يدي وقلت ليو الله قدرك وارجع امسكها عشان ترجع ليك مكسوره ومرقت وصلت مكتب وضاح دقيت الباب لقيت معاه سلمى دخلت سلمت عليهت وقعدت اداني كيس لونو اسود فتحت الكيس و القروش كانت كتيره قلت ليه وضاح دي حقت شهر كامل ولاشنو وقالت لالا دا حق سنه عديل وضاح قال لينا دا عشان شغلكم عجب ماما تهاني شديد وبابا عبد الرحيم زادووو ليكم القروش لانو انبسطووو شديد و من بكره هتبدو شغل عديل وبراتب شهري ومرات يومي شكرنا وطلعنا ضربت لي امي قلت ليها حاتاخر وقبلوني في الشركه امي قالت لي انشالله يابتي محل ماتقبلي تتفتح عليك قلت ليها آمين قفلت الخط سلمى قالت لي حتتاخري ماشه وين انتي
قلت ليها هنمشي السوق قالت لي تصدقي فكره ورح
قلت ليها تعالي نخش المطعم دا ونطقق وبعدين نقعد برواق ونشوف هنعمل شنو دخلنا المطعم وقعدنا طلبنا وعلى بال م يصل قعدنا نتونس قالت لي انا اول شي هاعدل بيتنا شكلُ القروش كتيره واملي حاجات في المطبخ قلت ليها اي شي في وقتو حلو خلينا نمش خطوه خطوه اول خلينا نملي كرشنا دي ونملي مطبقتنا قروش عشان بي وشنا والسوق طوالي عملنا كدا ووالمهم الطلب وصل اكلنا ومرقنا ركبنا مواصلات وعلي السوق وصلنا مسكنا ايادي بعض ودخلنا لانو السوق زحمه مبالغه اول فكرت في امي وابوي معندهم شي قلت ل سلمى ارح دا محل تياب وسبحان الله طلع فيو جرد السوق يعني حاجه واو دخلنا و سلمى اشترت لامها هي وحيده امها وابوها زيي المهم بقينا نعزل شلت 3تياب بي تطقيمتهم تاني اشترينا كم جلباب و اشترينا شباشب بعدين قبلنا علي الجلاليب علي الله مشينا اشتريت واحده سمنيه وواحده بيضا بي شالهم ومركوبهم وطواقيهم يعني كل شي واشترينا عراريق وسراويل وشبشب بيت وكدا واشترينا ساعات لينا كلنا واشتريت مصالي وسبح وبعدين قبلنا لي روحنا نحنا و غيرنا تلفوناتنا
بعد خلصنا امجاد ورجعنا البيت وصلنا بتاع الامجاد ساعدنا دخلنا الحاجات و سلمى طلعت حاسبتو وشكرناه دخلت البيت لقيت امي سلمت عليها و مشيت الحمام اخد شور بارد ولبست بجامه مرسوم فيها ميكي من الحاجات الجبتها اتمسحت بلوشن وعملت ضفيرتين جمايكا وجيت مارقه عاينت لي قلت ليها يادوب بقينا ناس صح قالت لي اي دخلت مبسوطه شديد يخخ انا رتحت راحه مبالغه رتبت الحاجات كلها ابوي جا شافنا قال لينا د شنو قلت ليه ابوي كيفك قال لي كويس الحمد الله امي قالت ليو بتعاين لينا كدا مالك قال ليها لالا ولاشي دخل شاف الحاجات في الدولاب بتاعو جا باس راسي يعني نعمه والله المهم نمنا علي كدا الصباح مشيت الشغل وكان في مرتب مقدم للناس رجعت البيت بالقروش وركبنا انا وامي وابوي ومشينا السوق بتاع المواد الغذائيه جبنا الحاجات المحتاجنها كلها شهر وبكره المرتب قالت لي عاد تمام المهم اخدت اجازه من الشغل بعد مااستلمت الراتب عشان نظبط بيتنا اول شي رممناه و طلعنا الحاجات القديمه كلها وبعناها وابوي استلم القروش و جبنا عفش جديد و رحلنا في بيت لصق بيتنا القديم اكبر من دا و بالإيجار رتبنا ديوان الرجال وبعدين النسوان بعد شهر بقى بيت كامل الحمد لله❤️.
استلمت الراتب كنت بمش الشغل وبجي نشتغل في البيت المهم واليوم الجمعه اجازه من الشغل نحنا بنشتغل 6ايام في االاسبوع كنت ف غرفتي وماسكه التلفون زهجت طلعت لقيت سلمى وامها وابوها وامي وابوي قلت ليهم لمه في الحرم قالو لي اامين دخلنا المطبخ انا و سلمى المطبخ عملت ليهم جبنه وفنكوش وهي عملت لقيمات انا وديت منهم لديوان الرجال قاعدين هناك عمو احمد ووابوي ومرقت رشيت الحوش والمهم اليوم مر بخيرو صحيت
لقيت سلمى جمبي وانا عين مفتحه وعين مغمضه قمت عشان استوعب انا منو ودي منو طلعت الحمام اخدت شور وطلعت صليت و مشيت المطبخ عملت شاي شلت بسكويت ورجعت غرفتي قيت سلمى بتحضر قلت ليها مالك من الصباح معانا اللهم اجعله خير قالت لي معانا ضيوف قلت ليها والمناسبه شنو قالت لي جونا زياره ليهم زمن ماجونا قلت ليها وانتي جايه ليه ؟؟ قالت لي…
*#يـــتــــبــــع.......*
*#تنسيق :* Aya Hisham
BY مـٰڪتبـه اݪࢪوُايات 💜🥀
Share with your friend now:
tgoop.com/roaeaattre/13709