tgoop.com/royaye_bad_borde1/6223
Last Update:
کتوپڕنووسی شاعیرانی کۆڕی ئەدەبیی زایەڵە،
دووشەممە بەرواری 10ی بەفرانباری 2724
ــــــــــــــــــــــــــــ
لە ژێر ڕەهێڵەی بارانا
وەها تەڕ بووم و خووساوم
لە پشت پەنجەری نەکراوەت
بە بێ چەتر
بە تاسەی ماچێ وێستاوم.
#خۆشناو
ــــــــــــــــــــ
وردەبەزمی هەورامانە
بە پەنجێرەکەیوە، ڕنەی ئەم بارانە...
منی کرد بە نەیژەنێک و
سییەکانیشم بە سی نەی!
بەتاسەی ماچۆ ئەیژەنم
شمشاڵی عەشق لەنێو سینەی
#فەلاح_وەیسی
ساڵ وەگەڕە شەستەباران دای لە پەنجەرەی ماڵی یار
تاسـە بارە بۆجێی ژوانو گەرمەلانەکەی ســـاڵی پار
بەیادی ئەو مــاچـەوە بــو فراندی لە لێوی شیرین
ساڵێکم ژین پێ بەڕێکرد خەیاڵم لێی نەچوە کەنار
#خاڵەی_ملا ...
#تاپەنجەرەی لای دیوەخان لێم واکە یار
تاقەی لەسەر تاکوو بنی با بێتە خوار
با داکەوێ ڕێژنەی بەهار #بارانی خۆش
#تاسەی دەروون ساڕێژی کەم #ماچی کەنــار
#قەلەندەر
بریا...
ئەو ئێوارە لێوەکانت لە تاسەم دوور دەخستەوە
با بارانمان وا ئاشقی پەنجەرەکان نەکردایە...!
#زایەڵە
تاسەی دووریت
نمە بارانی ماچێکتە
پەنجەرەی دڵم ئەکوتێ
کاتێ وتت :
هۆ نووستووی ناو دڵی تەنیا
بیکەرەوە ئەوە منم ، بیکەرەوە
من تەڕترین بیانووی بوونتم ،
تۆیش تینووترین ئاشقی بەر پەنجەرەی
چاوەڕوانیت .
#هەوراز
تاسەم،
تەژنەو ماچێت بۆ
وەختێوە واران
دەم منیۆ لچوو پەنجەرەی
شارۆ
#شارۆ
بارانی عەشقت
پەنجەرەی هەستم دەکاتەوە و
من
بە ماچی دڵۆپ بە دڵۆپی
تاسەی تینووی لێوم دەشکێنم
#زیوەر_عەبدووڵڵاھی
چپەی باران
لە بناگوێی پەنجەرەدا
شەو ئاهەنگی دڵتەنگییە
ماچێ لە من، ماچێ لە ئەو
تاسەیەکی شەوڕەنگییە...!
#مەهناز_شەمس
تاسەخوازی تۆم چاو لە ئاسمانم
لەبەر پەنجەرە لە شەو میوانم
باران نەباڕێت بی بۆ جێگەژوان
تێردڵ ماچت کەم نووری چاوانم
#ڕامان
هەوای هەوری یادەکانت
بە پێچەوانەی حەز
بە دەستی فەرامۆشی ئەسپێرم
ئاخ چی بکەم
باران ئەبارێ
باران ئەبارێ...
#سۆران_کەریمیان
ماچێک بە تاسە لە سەر جێژوانێ
چەندە بەتامە لە بن شیپانێ
لە پشت پەنجەرە بەڵکیس پێم دەڵێ
ماچت نادەمێ بەوێ بارانێ
#مەلای_حاجی_ڕەسووی
لە شووشەی پەنجەرەی بەختم بە تاسە
لــە بـارانـی نـیـگاکانـت دەنـۆڕم
بە ماچێکی خودایت هەرچی خولیاس
وەکوو ماسی لە چەم، دەینێمە تۆڕم
#ڕەبەن
لە چاوان وا دەبارێنم بەخوڕ من ئەشکی خوێنینم
وەرە ماچێ خەڵاتم کە وەرە ئەی ڕۆحی شیرینم
لە تاسەی دیتنتدام من، جەفاو جەورت دەبا بەسبێ
دەواکە پەنجەرەی ژوورت، نیگایەک بەڵکو بتبینم
#غائیب
ئێوارەیە و بارانی ماچ،
ڕوانینی گشت، پەنجێرەکان دەشواتەوە!
ئێوارەیە و
تاسە لە ڕووم هەڵنیشتووە،
بۆ خووسانێک بێ کۆتایی....
#جەماڵ_مەریوانی_هەڵبەست
وەکوو بارانی ماچی بێ هەناسە
دەبێ جارێک لەمن بشکێنە تاسە
دەبا دەنگی شکانی گاتە ئاسمان
زەوی تێگا لە ژير باران چ باسە
#زیوەر_عەبدووڵڵاھی
هێندە لەبەربارانی
پەنجەرەی ژووری تەنیایی
بەتاسەی دیتنت وێستام
لەجیاتی تۆ
فرمێسک گۆنامی ماچباران
کردوو ئازیز هەرنەهاتی
#دڵنیا،(دڵی کوردستان)
تەمەن دەڕوا و ئەمن هەروا، بە تاسەی ماچێکی یارم
وەکوو شیرینی بێ فەرهاد، بەدایم ناڵەیە کارم
لە چاو دەڕژی بەخوڕ باران، له پشت پەنجێرە چاوەڕوان
وەرە و ئەی شاهەڵۆی خەونم، بکە لەو بەندە ڕزگارم
#ماهـــمونیر
@royaye_bad_borde1
BY بەرهەمەکانی: ماریاو سۆران کەریمیان
Share with your friend now:
tgoop.com/royaye_bad_borde1/6223