مولد
بطاقة تهنئه بمناسبة
ميلاد قمر العشيره أبا الفضل العباس
الى سماحة المرجع الأعلى
الأمام السيد علي السيسستاني حفظه الله
.....................
أبميلاد الكمر عباس والينه
لبو محمد رضا نرفع تهانينه
....................
لل نشتم عشك عباس بنفاسه
أو شيبة لحيته وعمامه البراسه
أو خلقه أو هيبته أو جلماته وحساسه
مبروك الولاده اليوم ودينه
...................
نرفعلك تهاني أبمولد العباس
يا بر الأمان البي ملاذ الناس
شكرآ سيدي يا وارث النوماس
من عباس جدك صافي الطينه
....................
حا خام اليهود البوذي واليسوع
سدو بابهم صاير شهر وسبوع
أو بابك بالوبا مفتوح للي أيجوع
وبفتوى التكافل خير يلفينه
....................
عسى عمرك طويل أو غانم أو سالم
وارث كلشي وارث من كمر هاشم
الوادم بس نفسها أو أنته بالوادم
تفكيرك صفه أو تشهد نياشينه
....................
أبميلاد الكمر جدك أبو الغيره
زحمه أمنالعواطف عدنه وبحيره
أشنهديلك نحس ما يوفي تقديره
الشخصك يابو شخص العفه بجبينه
...................
يا سيد علي السيسستاني أبو الفقره
يا سامي المقام أو زاكي الفطره
من داخل ضريح الكافل الحره
لجلك نبتهل بثنين أيادينه
..................
أزمتنه تعدي أو تكضي كورونا
بس طيبك يظل للناس مظمونه
خيعونه التمسك بيك خيعونه
أو خله أحجايتك أول براهينه
...................
خادم أهل البيت
الشاعر : أسماعيل الجوراني
الأحد : 28/3/2020
4/شعبان /1441ه

هوسات
لذكرى ولادة وشجاعة قمر العشيره
أبا الفضل العباس عليه السلام
....................
خبر خوش أبيوم صار
الحيد سبع الكنطره
بالمهد وعيونه تنشد
عن وليدة حيدره
جنا يسئل وين زينب
ليش عني أمكتره
الهامتي أوعيني فداها
أو ميمني والميسره
أن جان ما شوفنها هسه
راح أسوي الما جره
أومن أجت زينب أكباله
أبعينه صارت غرغره
ها ها ( أمن أكماطه )
وخته أيباريها أمن أكماطه
................
واثق الخطوه أبو فاضل
جن علي فارس مضر
لو شهر فقاره بيده
علي أو فقاره شهر
مضرب الأمثال صارت
والمثل يوم الكمر
بيد سيف أو بيد جربه
أو كاصد الماي النهر
عبست أوجوه العساجر
ونكسر منها الظهر
ها ها ( أو عباس )
أبكامل عافيته عباس
......................
خادم أهل البيت
الشاعر : أسماعيل الجوراني
الأحد : 29/3/2020
4/شعبان /1441ه

هوسات
لذكرى ولادة ومديح
الأمام زين العابدين
علي السجاد عليه السلام
................
يا أبن الحسين أو يا أبو الباقر
مدحي أشما تسامى أبحضرتك قاصر
طلبتك ونته حاشا تكسر الخاطر
خل عينك علي يوم الحشر باجر
ها ها
خاف أبمعباري
ها
يعثر مقداري
ها
وتجوى أبناري
ها
وتجوى أبناري
وتجوى أبناري
أو أهلي أتبرت مني
.................
يا زبور آل المصطفى العدنان
أبجف تطعم يتيم أبجف شلت قرئان
حقي أشما يهل كل خامس أبشعبان
اصير أبالذة الله أمن القلب فرحان
ها ها
بسمك أتغنه
ها
وكعد وتمنه
ها
تظمنلي الجنه
ها
تظمنلي الجنه
تظمنلي الجنه
يبن الزهره أوحيدر
.................
خادم أهل البيت
الشاعر : أسماعيل الجوراني
الأحد : 29/3/2020
4/شعبان /1441ه

مولد
بطاقة تهنئه للأمام الحسين عليه السلام  بمناسبةذكرى ولادة الأمام علي السجاد عليه السلام
..................
هلهوله هلهوله .. لحسين هلهوله
أبمولد علي السجاد .. مبروك كلوله
...................
مية ألف عالخير يا والد الساده
أبنك علي السجاد وافانه ميلاده
فرحتنه صوره أو صوت هاليله بعياده
ما نخلف الميعاد والرقبه سداده

وصلوله وصلوله .. هالبيعه وصلوله
أبمولد علي السجاد .. مبروك كلوله
.....................
صوب المدينه اليوم صدينه بالنظره
كالو علي السجاد مد سفره للفقره
باليوم ألف مسكين تربية الزهره
تطعم يمينه أبحيث ما تعلم اليسره

كبروله كبروله .. آذان كبروله
أبمولد علي السجاد  .. مبروك كلوله
..................
بشفافه بس قرائان آيه شذى أنفاسه
قال رسول الله حجه أعله جلاسه
يم اليتامه أيذوب من جدمه حد راسه
يشبه علي الكرار بفعاله وحساسه

أهدوله أهدوله .. الصلا أهدوله
أبمولد علي السجاد .. مبروك كلوله
....................
صلو على المختار وال النبي المختار
هاليله ليلة عيد يا شيعة الكرار
مليان وجه أحسين فرحه أبضناه الصار
أو برض المدينه اليوم عم الفرح كل دار

ذبحوله ذبحوله .. قربان ذبحوله
أبمولد علي السجاد .. مبروك كلوله
..................
نعمه أو تحب شكران مولد علي السجاد
للجنه صك غفران يوم الحشر ينراد
العنده حاجه أيكول بالجف يخلي أمراد
حاشا علي السجاد ما يخلف الميعاد

مدوله مدوله .. الجفين مدوله
أبمولد علي السجاد .. مبروك كلوله
.................
خامس شهر شعبان هالمحفل أبكل عام
الفقره تحضر بي أو بي تحضر الأيتام
ذمه عله الشبعان لو جاره جايع نام
هذا الشعار أيصير للخدمه أسمى أوسام

عقدوله عقدوله .. النيه عقدوله
أبمولد علي السجاد .. مبروك كلوله
..................
خادم أهل البيت
الشاعر : أسماعيل الجوراني
الأثنين : 30/3/2020
5/شعبان/1441ه

مولود
بطاقة تهنئه للنبي الأكرم
بمناسبة ذكرى ولادة الشباب الهاشمي
الأمام علي الأكبر عليه السلام
والأمام القاسم أبن الحسن المجتبى عليه السلام
.............................
بالولاده الأكبريه
بالولاده القاسميه
نرفع آيات التهاني
للنبي سيد البريه
......................
أبذكرى ميلاد الشبيبه
نسمت نسمات طيبه
يا رسول الله أوحبيبه
أمبارك أبهاي المسيه

أبمولد أبدور الأمامه
ترتجي أهل الخدامه
تشفع ألها بالقيامه
الخاطر الزهره الزجيه
....................
للحسن سبط الرساله
القاسم الليله أبجماله
صار والداعي أعتناله
أيبارك النفس الزكيه

يا سلام الله أو صلاته
القاسم الليله أشحلاته
النخوه والغيره صفاته
بحر علم المرجعيه
..................
الحسن هاليله عيده
حاضن أبحضنه وليده
يعصر أبجف أيده أيده
أبكربله وفي الوصيه

لامتك والسيف عندي
والوصي الكرار جدي
أبكربله لحسين جندي
الكاع أخسفها أباأميه
...................
الأكبر الليله أبحضوره
نور الدنيا أبضهوره
بالخلق والمعنه صوره
شابهك بالميه ميه

بالمهد ودموعه مربد
يا رسول الله محمد
بسمك الليله تشهد
صاحب الذات الوفيه
...................
لقنه أحسين أبسعاده
أسمى آيات العباده
أتشاهد أباأذنه الشهاده
قربه لله أو نبيه

هاشم أتباهي أبشبابه
عطرك الزاكي أبثيابه
جنا أنته بالنيابه
فخر كل الجعفريه
....................
صاحب الغيره الموالي
أمعيد أبهاي الليالي
للحسن مولود غالي
أوغالي مولود ال أخيه

تهنئه الكل الفواطم
تهنئه الكل الهواشم
نختم أبهاي المراسم
دعوه للحجه البقيه
...................
خادم أهل البيت
الشاعر : أسماعيل الجوراني
السبت : 4/4/2020
10/شعبان /1441

مولد
لذكرى ولادة
قائم آل بيت محمد
الأمام الحجة أبن الحسن
عجل الله فرجه الشريف
.....................
الليله عدنه كرنفال
واليجي أنشبعه دلال
عاشك المهدي هلا بك
بايع المهدي تعال
...................
يا هلا أبكلمن لفانه والتحايا أمشكله
أتفضل أهنانه يغاتي مرحبا أو مية هلا
كل أثر خطوه الحفلنه بي نفس رابط صله
بالنجف ويه المدينه والبقيع أو كربله

الليله ميلاد الكمال
الحاجه مكضيه منال
عاشك المهدي هلا بك
بايع المهدي تعال
.....................
بالولاده المهدويه الليله كل شيعة علي
شرعت باب العوافي والعواذل تصطلي
طشو حلال المشاكل يوم ميلاد الولي
فاطمه الزهره تراها حضرت المحفل بلي

ما قبل وقت الزوال
تنتظر منك وصال
عاشك المهدي هلا بك
بايع المهدي تعال
....................
أبيوم ميلاد البقيه حجة الله أبن الحجج
كف عله الهامه نخلي أو عجل الله الفرج
كف نرفعه للدعاء أبجاه من أسرى أوعرج
ربنه عجل في ظهوره أو خلها تنسر المهج

للفرح نظرب مثال
نختم الفرحه أبتهال
عاشك المهدي هلا بك
بايع المهدي تعال
...................
15 شعبان ليله بيها تجديد العهد
والذي اندبه أبشددنه يا علي حيدر مدد
للأبد جندي أبو صالح وبقه جندي للأبد
فاز كلمن عله صوته أو رتل آيات السعد

عافيه أبطعم الزلال
كشخه بصدور الرجال
عاشك المهدي هلا بك
بايع المهدي تعال
......................
كرنفال الليله عدنه وحلا ما بالكرنفال
دمعه عالفطره تسيل بيها مسحه أمنالجمال
و المواهب رافضيه أو جعفريه بالخصال
راية العباس شدت قالت الكلمه الحلال

دوله شيعيه الظلال
للظلم ماكو مجال
عاشك المهدي هلا بك
بايع المهدي تعال
...................
خادم أهل البيت
الشاعر : أسماعيل الجوراني
الأربعاء : 8/4/2020
14/شعبان /1441ه

مولد
لذكرى ولادة
طفلة الأمام الحسين
السيده رقيه عليها السلام
(لحن من التراث )
..................
ذرية الزهره
هاليله مبتشره
صارت رقيه لحسين .. صارت رقيه
.....................
ب17شعبان
شاء العلي الرحمن
يولد حسن فتان .. لبن الزجيه
أحلى هديه لحسين .. صارت رقيه
...................
يا ليلة الميلاد
ليلة سعد وعياد
لحسين أبو السجاد .. جد البقيه
روح أو هويه لحسين .. صارت رقيه
..................
سبط النبي المختار
ضنوة علي الكرار
وياها أله تذكار .. بالغاضريه
مبدأ قضيه لحسين .. صارت رقيه
.................
كعبه أو عليها أدور
أملاك من الحور
أبشعبان و بعاشور .. للحب سجيه
أبهاي المسيه لحسين .. صارت رقيه
...................
نفحة خلق فواح
لال النبي يا صاح
آية نذير أفراح .. بالعز أبيه
حجه أعله أميه لحسين .. صارت رقيه
.................
قبل الشمس متغيب
طشو الفرح والطيب
بلكي الشفاعه أنصيب .. نعم العطيه
يهل التقيه لحسين .. صارت رقيه
...................
خادم أهل البيت
الشاعر : أسماعيل الجوراني
الجمعه : 10/4/2020
16/شعبان/1441ه

مولد
لذكرى ولادة عزيزة الحسين
السيده رقيه عليها السلام
........................
للطفله رقيه بنت الحسين
علوها الهلاهل يا موالين
..................
رقيه أو يا جمال الله العليها
شبيه الزهره ماخذ كلشي بيها
عبادتها أو علمها أو نص حجيها
صارن عالخلك حجه أو براهين
...................
سرور أحسين ما يوجد سروره
سجد سجدة شكر وبئحلا صوره
وكف يم المهد وتلاله نوره
أللاهي أبحق علي وفقها للدين
..................
سلام الله أو صلاته أعله العزيزه
رغم أسنينها الجدآ وجيزه
صارت باب للغيره أو ركيزه
أو ذكرها خالد  أبصدر الدواوين
.....................
مغرم أفتخر والحب سجيه
أبيوم 17 صارت رقيه
ملاك أو نازل أبهئية تقيه
نوراني الوجه سامي العناوين
....................
أجيت الليله أفرح فرحت أحباب
وهني المصطفى وي داحي الباب
شذى الميلاد نسم بحلا الأطياب
أو شداني الغرام أبدمعة العين
......................
مبارك ثم مبارك ثم مبارك
علي بالعافيه الهاليله شارك
بقت يمك حبيبي و بختيارك
أذا رايد شفاعه أبساعة البين
.....................
خادم أهل البيت
الشاعر : أسماعيل الجوراني
السبت : 11/4/2020
17/شعبان /1441ه

قناة الشاعراسماعيل الجوراني
https://www.tgoop.com/sMailAljorae

نزله :
للوضع الراهن بسبب جائحة كورونا
( الحنين لزيارة قبر الحسين )عليه السلام
...................
خادمك يحسين يدري  الله حاله أشلونه
عالزياره أيون دليله  والدمع بعيونه
...................
والله محتاجه الجوارح ياخضيب الشيبه
بيك يتسامه قدرها بالفرح والنيبه
أبنسمه من كوكب ضريحك خادمك تدريبه
يحلم أو تمنع وصوله  جائحة كورونه
...................
يا أبن سبع المثاني الما ثنيت الغايه
أو ثورتك جابت ثمرها والدليل أبهايه
رايه يم الرايه صفت راية المشايه
والدروب أيغص صدرها  أوهيه ألك ممنونه
...................
بس شريط الذكريات أهنا كعد بكتارك
أهنا توجه للزياره أونادمك خطارك
ياأبو سكنه أورقيه تنطي كلمن زارك
حاجته أو كل الحوائج  تنكظي مظمونه
..................
يانديم أشواق خادم لفته من لفتاتك
جائحة كورونا تكظي أبحرمة أبنياتك
خادمك دك باب جودك والشهامه أبذاتك
أحسين قربان الشهاده  مدله جف العونه
...................
حاشا يبن الزهره حاشا رغبته أتجافيها
ونته أبو الأولى ولوله أتزامط أبراعيها
خادمك سالت دمعته أوعطرك أشتم بيها
والدمعته بيها عطرك وادمه أيحسدونه
.................
عالزياره أيون دليله أوروحه ألك محتامه
أجفوفه يعصرها أبحسرته أوصورتك كدامه
يا غريب أبقلبه غربه رغبه يمته أجدامه
أبكربله طابع أثرهن زاير أيسمونه
..................
كعبة العشق الألاهي بيك ألف هنياله
التحضر أبعازاته كلها أو بالحشر تبراله
الشافك أبعينه حقيقه أو لامست دلاله
يشبه الشاكري عابس بالظبط بجنونه
..................
والله يامولى الحياره الحيره ترس أحساسه
الما يزورك هالدقيقه أو مرقدك نوماسه
أو مرقد العباس لو دش تنحبس أنفاسه
يذكر أجفوفه الكطيعه أو هامته المثخونه
....................
خادمك يحسين شايل حسره ألك فحواها
طالت الفركه أو تمادت ونته ما ترضاها
كربله أم المصايب يعني ما معناها
مستحيل الشيعه لحظه قبرك أيهجرونه
....................
الداعي كل لحظه تحنلك ياحسين أطباعه
صدك يحسين اليعيشه خادمك هالساعه
جائحة كورونا منعت واجبات الطاعه
أبحضرتك حتى الزياره الجامعه مرقونه
...................
خادم أهل البيت
الشاعر : أسماعيل الجوراني
السبت : 20/6/2020

ندبه للأمام الثامن الضامن علي أبن موسى الرضا بمناسبة ميلاده عليه السلام
.......................
يوم ميلادك علينه أنواره
هلت أو جينه نريد أبشاره
....................
يا علي الجدك علي خير العمل
أبمولدك جيناك كاتلنه الخجل
لا ملامح فرحه لا بلسم أمل
داء كورونا سبتنه أخباره
...................
ضامن الجنه علي موسى الرضا
هالأمر جبناه يمك نعرضه
كم عزيز أبهالمرض نحبه كضه
أبجاه ميلادك نريد الجاره
..................
يا مشاهد مشهد المشهود ألك
وارث الفزعات من غيرة هلك
أنحلفك بالمارعو حقها أبفدك
فزعتك لرواحنه المحتاره
...................
يا أنيس أنفوسنه أبدنيا أو حشر
نلتمس هاليوم من عندك عذر
نحتفل والحسره نامت بالصدر
فدوه تعذرنه يراعي الشاره
....................
يا طبيب العله يا شمس الشموس
يا وجيهآ أستقر في أرض طوس
نظرتك هاليوم محتاجه النفوس
ضامن الجنه الحميده أخباره
.....................
ويه نسمات الهوى نرسل غرام
يبدي بسم الله مختوم أبسلام
سيدي أو مولاي ياأبن الكرام
شانك الخالق رفع مقداره
....................
ياأبو محمد هلا أو مية هلا
أبذكرى ميلادك يبن عقد الوله
صوت فرحتنه عله الداء أعتله
الشيعي بالميلاد زين داره
...................
حبنه صوره أو صوت جينه أنترجمه
ب 11 ذو القعده يابو الغانمه
تهنئه الطاها أو بضعته فاطمه
نرفع أو نرجاها هاي أزياره
...................
خادم أهل البيت
الشاعر : أسماعيل الجوراني
الأربعاء : 1/7/2020

مولد
لذكرى ولادة الامام الثامن الضامن
الأمام علي أبن موسى الرضا عليه السلام. ........................
بالولاده الرضويه
تهنئتنه مهدويه
حبآ أو سمعآ وطاعه
يا بو صالح للمنيه
..................
ترجمان الفرحه بينه
تهنئه الطاها نبينه
الفاطمه الحيدر ولينه
للحسن وحسين أخيه
.................
ثامن أقمار الهدايه
نوره شعشع عالبرايه
للعهد حضرنه رايه
أحمديه حيدريه
...................
يا جماله أومحلا نوره
تارس الكون ابحضوره
الليله هنياله اليزوره
واليزور الكاظميه
...................
ضامن الجنه الشفاعه
عدنه بالمحشر قناعه
ما تخلي الشيعي ساعه
اكرم أو نعمه العطيه
...................
زاهيه الليله المشاعر
واجب أبحبنه نفاخر
أبمشهد أتهيم الخواطر
بيعه تعقد للبقيه
..................
تحيي لحظات الولاده
مشهد الليله أبسعاده
وحنه نعلنها القياده
اليوسف الزهره الزجيه
..................
بالولاده أنزف تهاني
ويه نسمات الأماني
يالرضا يعجز لساني
شيعتك تندب سويه
.................
العشك بينه تجسد
غرد الدلال غرد
مرحبا أبصفوة محمد
الرضا راعي الحميه
.................
ألف هنياله الموالي
اليحيي مولد هاليالي
حاشا يرجع جفه خالي
غانم أيرد بالعطيه
.................
خادم أهل البيت
الشاعر : أسماعيل الجوراني
الخميس : 2/7/2020

نسألكم الدعاء
وقراءة سورة الفاتحه لروح والدينا

هوسات جنوبيه
لندبة الأمام الضامن أبا الحسن علي أبن موسى الرضا عليه السلام
.................
أبهالحظه السعيده جفي أرفعنه
وبمشهد تسير أجدامي أتمنه
وندب يا علي يا ضامن الجنه

ها ها
يبن الزهره المرضيه
مني أتقبل هالنيه
أو صد أبنظراتك ليه

ها ها  ( خليني )
بالجنه أتنومس خليني
..................
مولاي الغريب الساكن أخريسان
ياصفوة محمد صفوة الرحمن
أبميلادك طلبتك من قلب ولسان
ها ها

شيعة حيدر تلفيها
شر الداء أتكفيها
أدري الطلبه أتلبيها

ها ها  ( أو كورونا )
تكسر شوكتها أو كورونا
...................
خادم أهل البيت
الشاعر : أسماعيل الجوراني
الخميس : 2/7/2020

أعكيلي
لذكرى أستشهاد
الأمام محمد الباقر عليه السلام
...................
عالباقر أنحب وتحسر
..................
باقر علم الدنيا الباقر
سمه أبهذا اليوم الغادر
فاضت روحه أو جبده الطاهر
طاح أبطشت النيبه أموذر
...................
اليوم العاشر شاهد جده
صدره أمهشم مترب خده
هاليوم السم مرعد جبده
والموت المحتوم أتقدر
.................
ألطم وسجب دمعي أو أندب
أو بمصابه أبكد ما متعذب
أشلون الشيبه اليمشي أمحدب
أمشي أو بالخطوات أتعثر
....................
صورة موته الليله أكبالي
تتراوالي أو يتراوالي
باجر بالمحشر يبرالي
أو من جفه أشرب ماي الكوثر
...................
صمام الدوله الشيعيه
سم الظالم غيب ضيه
ليلة وحشه أبصافي النيه
واجب عالشيعي أو عالمنبر
....................
صاحب هاي النيبه أدخيله
دم أعيوني الليله أبجيله
وطلب حاجاتي أبهاليله
أو حاشاه الباقر يتعذر
......................
عالباقر أنحب كل عمري
وسجب دمعي وألطم صدري
متأكد لو صرت أبقبري
عني الباقر ما يتأخر
.....................
يا لباقر يا أبن الزهره
يم جدك جانتلك حضره
نفسه السمك عاد أبغدره
يهدم بالحضره أو يتبختر
..................
هذا اليوم ألعن بالساني
كل مرواني أو كل سفياني
وتباع الوقف الشيطاني
البيهم زرعو نزعات الشر
...................
خادم أهل البيت
الشاعر : أسماعيل الجوراني
الأثنين : 27/7/2020

صلوات
لذكرى عيد الغدير الأغر وتنصيب أمير المؤمنين علي عليه السلام خليفة للمسلمين
.....................
أرد أذب أثياب حزني
وفرح أبعيد الغدير

أشلون ما أفرح وعيد
هذا عيد الله الجبير

هذا يوم البيه حيدر
نصبه الخالق أمير

ورسل الوحي النبيه
يا رسول الله البشير

ربك أيخصك سلامه
أو يأمر أبوكت الهجير

بشر أبهاي الرساله
من سنامات البعير

من كنت مولاهو بعدي
علي مولاهو يصير

صلوات
....................
علي بالزينات بس جايب نقش
أو علي ذات الدوم ما تعرف تغش

علي دين أو مذهب أو حكمه أو علم
علي وجه العافيه البي تنتعش

الفقره والأيتام أذا مر بيها عوز
كبل لاتطلع شمس يغبش غبش

جف يحس الدمعه من خد اليتيم
جف ينكط مستحه أوبس حب يرش

علي حلال المشاكل للثواب
يشهد أبهايه أله رب العرش

أعجاز رباني علي الكل الصعاب
غيره ما يعرف يهش أو لا ينش

حب علي جنه أو عبادة ثقلين
عمي كلمن ما رضى أيطبه هرش

ولقضاء الحاجه أزكى الصلوات
عالنبي آو آل النبي خلو نطش
...................
خادم أهل البيت
الشاعر : أسماعيل الجوراني
الأثنين : 3/8/2020

مولد
لذكرى عيد الله الأكبر عيد الغدير الأغر وتنصيب أمير المؤمنين علي عليه السلام خليفه للمسلمين
...................
فرحتي أبعيد الغدير
فرحه ما ألها نظير
علي مولاي أو أمامي
نصبه الباري أمير
.....................
علي وتنصب خليفه
أشلون ما عيد أذن
والله أعيد من صميمي
ونسه شوغات الزمن
18 ذو الحجه صوتي
يصدح أب وجه الفتن
عيدك أمبارك حبيبي
يا أبو حسين أو حسن

تهنئه من الظمير
بيعه وتنسم عبير
علي مولاي أو أمامي
نصبه الباري أمير
....................
يا سلام أعله طوله
من سنامات الجمال
شعشع أبنوره محمد
جف وصيه أبجفه شال
علي من بعدي خليفه
أهلال عيد الليله هال
بالحمد أثنى أو تبسم
يا علي أبحضني تعال

للنبي الهادي البشير
صار بمثابة وزير
علي مولاي أو أمامي
نصبه الباري أمير
...................
أحله لحظات السعاده
وحله ليله الليله هاي
الليله من دون الليالي
أرمي كل همي أبكفاي
رافضي أتباها أبهويتي
أحجي وبكامل قواي
غير حيدر ما أبايع
لو يحرموني هواي

الليله تحديد المصير
قاسم الجنه أو سعير
علي مولاي أو أمامي
نصبه الباري أمير
......................
أبحلكه حلوه أحجاية الله
أو ما تلوك الغيره أبد
أو هوه يا سلطان مثله
ما هنه أبالحظة رغد
علي ينشد عاليتامه
ينشد أعليمن بعد
عالفقير الجاسه عوز
أو ما طلب واحد أبد

كرصة الخبز الشعير
تنفرش فوك الحصير
علي مولاي أو أمامي
نصبه الباري أمير
.....................
فرحتي فرحة موالي
أبكل شبر من الأرض
أبدوله شيعيه الملامح
رغم أنف اليعترضا
يحلم أو جل الأماني
عالسقيفه ينتفض
أشهد أن عليآ
شكو جامع بالفرض

هانت أوراح الكثير
ما بقى أئلا اليسير
علي مولاي أو أمامي
نصبه الباري أمير
......................
مكه باجر والمدينه
والنجف وي كربله
كلها تشهد بالولايه
يعني خصم المسئله
عادل الميله أبو صالح
منبر الكوفه أعتله
حق فدك للزهره رده
أو حق علي عقد الوله

يوسف الزهره المجير
للعدل يصفه سفير
علي مولاي أو أمامي
نصبه الباري أمير
...................
خادم أهل البيت
الشاعر : أسماعيل الجوراني
الأحد : 26/7/2020

هوسات جنوبيه
لذكرى بيعة عيد الغدير الأغر وتنصيب أمير المؤمنين علي عليه السلام خليفة للمسلمين
....................
رجع عيد الغدير أو أحنه عالعاده
رجعنه أنعايدك يا والد الساده
كلمن باسط أيده أو يطلب أمراده
ها ها
يا حيدر يا والينه
أبيوم البيعه أتعنينه
كلمن باسط جفينه
كلمن باسط جفينه

ها ها ( فد  جف خالي )
حاشاك أترد فد جف خالي
..................
رغم داء الكرونا أو شدة أللامه
أبفجر عيد الغدير أو لذة أيامه
أجينه أنبايعك برواح محتامه
ها ها
نصدح بالصوت العالي
يا بو الحسنين الغالي
منبايع غيرك  والي

ها ها ( طك أبطك )
للكل نحجيها طك أبطك
....................
يوم أبو القاسم محمد
شال جفه جف علي
رتلت كل الخلايك
أكرم أو نعمه الولي
مدد يا صاحب البيعه
البي الشده تنجلي
ها ها
وحنه اليوم أبتنصيبه
نتذكر فضله أو طيبه
أنهني الطول بالغيبه

ها ها ( و نعليها )
صفكات الفرحه أنعليها
....................
أحجايه طك أبطك أطكها
وحجي بالخط العريض
يالتضد حيدر أمامي
أنته من ساسك مريض
بالوراثه الحقد عندك
والعكس هوه النقيض
ها ها
الفارق بينك ما بيني
حيدر أدب تلقيني
أو تلقينك أنته أشطيني

ها ها ( واليحكم )
كلمن ناموسه واليحكم
....................
خادم أهل البيت
الشاعر : أسماعيل الجوراني
الأربعاء : 5/8/2020

مولد
لمديح وتهنئة أمير المؤمنين علي عليه السلام في ذكرى عيد الغدير الأغر عيد الله الأكبر
..................
يا بو شبر و شبير
كل عام أنته بخير
يا بو شبر و شبير
كل عام أنته بخير
...................
يا خليفه أبلا حمايه
الشيدت أعظم ولايه
أنته من دون البرايه
الله خصك بالوصايه
شكرآ الهاي الرعايه
حكنه نهتف للنهايه

يا بو شبر و شبير
كل عام أنته بخير
يا بو شبر و شبير
كل عام أنته بخير
...................
علي حلال المشاكل
تنطي ما تاخذ مقابل
بالحرب لمن تنازل
دوم ماتعرف تخاذل
لليتامه أيصير كافل
وين أكو مثلك مماثل

يا بو شبر و شبير
كل عام أنته بخير
يا بو شبر و شبير
كل عام أنته بخير
.......................
من فضل رب الجلاله
طه ناده أودمعه لاله
صوته بالفرحه تعاله
ربي خصاني أبرساله
أبلا علي الدين أستحاله
يصبح أبذروة كماله

يا بو شبر و شبير
كل عام أنته بخير
يا بو شبر و شبير
كل عام أنته بخير
.................
يا علي الساكن صريفه
يا علي الذاتك نظيفه
يا علي العامر مضيفه
يا علي اليطعم رغيفه
أنته بس أنته الخليفه
والعدل أنته رديفه

يا بو شبر و شبير
كل عام أنته بخير
يا بو شبر و شبير
كل عام أنته بخير
...................
يا علي حامي الدخيل
أقسم أبربي الجليل
الغير شخصك ما أميل
لو يغركني جميل
أرضه منك بالقليل
يا علي شكرآ جزيل

يا بو شبر و شبير
كل عام أنته بخير
يا بو شبر و شبير
كل عام أنته بخير
.................
كل عام أنته أمامي
يالغرامك بيه سامي
أبعث الشخصك سلامي
أو بيك يتجدد هيامي
اليوم أترجملك غرامي
أو للنجف يوصل كلامي

يا بو شبر و شبير
كل عام أنته بخير
يا بو شبر و شبير
كل عام أنته بخير
..................
للنبي شوكي خذاني
بالغدير أرفع تهاني
وعلن البيعه تراني
لو قسه بيه زماني
تبقه ترنيمت لساني
حيدري أبكل المعاني

يا بو شبر و شبير
كل عام أنته بخير
يا بو شبر و شبير
كل عام أنته بخير
....................
الفاطمه الزهره الزجيه
للحسن وحسين أخيه
الحجة الله البقيه
بالغدير أزكى التحيه
أدرري مذخوره أليه
من توافيني المنيه

يا بو شبر و شبير
كل عام أنته بخير
يا بو شبر و شبير
كل عام أنته بخير
...................
خادم أهل البيت
الشاعر أسماعيل الجوراني
الجمعه : 7/8/2020

أستهلاليه
لهلال شهر محرم الحرام 1442
ومديح أنصار الأمام الحسين رضوان الله عليهم أجمعين
...................
يا سلالة عابس أو جون أو حبيب
نادو يا مظلوم يحسين الغريب
.................
يا أحفاد أنصار أبن عقد الوله
الليله هل أهلال عاشور البله
كل أرض خلوها تصفه كربله
أوخلو كل أيامكم لوعه أونحيب
..................
يا أحفاد أجداد من دكو صدر
سطرو أروع ملاحم للنصر
زرعو الحومه جثث من الفجر
العسكر السفياني راووه العجيب
..................
سبط أبو القاسم وبن خير العمل
أبكربله أم البله يوم النزل
أنصاره السبعين واحدهم جبل
حارب الحد ما وكع بالدم خضيب
.....................
بالرغم سبعين واحد بالعدد
من يندبون أبعلي حيدر مدد
بين ميت منجرح بين الشرد
بين ثكل النايبه أيترجم ثغيب
...................
أجدادكم للغيره عزه أو مفخره
اليوم أبو السجاد حزو منحره
أو ظل ثلث تيام جسمه أعله الثره
والدليل أبسهم المثلث شعيب
...................
الليله عاشور الحزن شكبن حزن
جثه مهشومه الصدر ما تندفن
أو على تل الزينبي صعدت تون
زينب أم الظيم ما قبل المغيب
...................
خالنشيع حسين لحضان القبر
والمدامع عالوجن تهمي جمر
أبصرخه شيعيه أبالطم يوجع صدر
وا خضيب الشيب والخد التريب
...................
واحسين الصوت خل يدوي دوي
أو يطرش أذن الناصبي والأموي
أوبالحزن خلو المشاعر تنجوي
أو خالنعلي النايحه أبهذا المصيب
....................
أبيا فناء أجسادهم حلت مقام
مع مرتبة الشرف بعد السلام
كعبه للعشاق وجوب ألها أحترام
سئلو الله أيصيبكم هذا النصيب
.....................
خادم أهل البيت
الشاعر : أسماعيل الجوراني
الثلاثاء : 28/7/2020

نزله : محرم 1442
لذكرى تبديل الرايه الحسينيه المباركه وأستقبال شهر الأحزان والدموع
..................
رايتك يحسين بدلناها
والمجالس بسمك أعلناها
..................
يا سبط طه الأمين المصطفى
يا شبل حيدر علي المرتضى
أو خامس أصحاب العبا وهل الكسا
من دمعنه الرايه رويناها
.....................
مو قصدنه ساريه أو بيها علم
رايتك نوط أبصدر كل الخدم
راسي عالي أبخدمتك خط القلم
واضح المظمون من معناها
....................
راية العز والشرف تبقه شعار
الكل شريف البايت أبدلاله ثار
يرتجي المهدي بعد طول أنتظار
بيعه ألك يالمهدي بايعناها
.....................
ما نذل هيهات منه الذله أبد
نهتف أمن الذات ونوفي العهد
لو جزاء أمحبتك تصبح قدد
أجسادنه أو داعت علي أقبلناها
....................
راية الطف خالده أو بيها عطر
من نحر مذبوح ومهشم صدر
عام كامل ننتظر هذا الذكر
والهواجس كلها جندناها
.....................
فدوتك يا ماي عين أم الحسن
بينه مهما أيدور دولاب الزمن
الما كو عنده حسين ما عنده وطن
خارطه أبنص القلب شلناها
....................
أشما يرد عاشور وهلاله يهل
أبكل شبر من الارض رايه تطل
فوك راس الشايب أو راس الطفل
ألها قدسيه أشكثر شفناها
...................
يال ثارات الحسين أبن علي
يبقه هذا الصوت للعالم جلي
الناصبي من القهر تغلي غلي
روحه من هالصوت خليناها
..................
يا نشيد الشيعه كعبة كربله
أحنه غير حسين ما نتوسله
أبجاه جدك والوصي عقد الوله
الحاجه بالرايه ترى أعكدناها
..................
خادم أهل البيت
الشاعر : أسماعيل الجوراني
السبت : 15/8/2020