هوسات
لذكرى ولادة
فخر المخدرات زينب عليها السلام
....................
الليله كل شيعة علي لله الحمد
أمعيده أوفرحانه شيبان أو ولد
والأجه أيهنيها تهديله ورد
ها ها ( عندج سجليها )
يازينب عندج سجليها
......................
فجر خامس جمادي البيه هلينه
ما خذله مساحه أبوسط داعينه
يكفينه فخر هاليوم يكفينه
ها ها ( صارت مولوده )
بي زينب صارت مولوده
......................
يا أم الخدر والعفه والغيره
أبحق عباس أخوج الطيب السيره
عينج عالعراق الطايح أبحيره
ها ها ( أتحضرينه )
كون أبهالشده أتحضرينه
.....................
خادم أهل البيت
الشاعر : أسماعيل الجوراني
الثلاثاء : 31/12/2019

عظم الله أجورنا وأجوركم
في أليم مصاب أستشهاد كوكبةخيره
من جراء العدوان الأمريكي الغاشم
.......................
شيعي وتباها الحشد عنواني
أو قائدي السيد علي السستاني

مستحيل أمريكا تنجه أمنالعقاب
وانه شلوة حيدر أبحصد الرقاب
أو قائدي السيد علي السستاني
.....................
راح أزرع كل شبر بيهم ممات
راح أعيشهم رعب ذولي الجناة
أبد مو أنه اليحب ذل الحياة
أو عندي آل البيت مركب للنجاة

للشهاده أنفاسي ناذرها ثواب
أوداعت البيهم دمه كلبي المصاب
أبو مهدي أو قاسم سليماني
.....................
ويلهم من عندي ألف يا ويلهم
أنهارهم أسود يصير أو ليلهم
أبنفس ما جالو أجيلن جيلهم
أنتقم منهم أو كلمن ذيلهم

ما تشل عزمي أبد أعتى الصعاب
أمريكا وأسرائيل أفقدهم صواب
أب وين ما توجع أطكهم أني
.....................
أبو مهدي أو قاسم الفيض الجنان
أرتقو هاليوم من غدر الجبان
ألف قاسم والمهندس نوره بان
لا أمان أيكول للماله أمان

أبمرجعيتي يكتمل كل النصاب
بلسم أجروحي يظل منها الجواب
جندي مخلص بالمحن تلكاني
.....................
خادم أهل البيت
الشاعر : أسماعيل الجوراني
الجمعه : 3/1/2020

نعي مجاريد
لذكرى أستشهاد
سيدة نساء العالمين
فاطمة الزهراء عليها السلام
.....................
من دفعت المحسن ضريبه
أستلهمت عظم المصيبه
ندبت رسول الله أو حبيبه
أو مدمعها ظل يكطر نحيبه
يا والدي حالي صعيبه
ووليدي ساكط عالتريبه
أوغايب ( علي ) ليث الحريبه
........................
الباب حبتر من كسرها
واحد عله الحايط عصرها
أو واحد عله خدها سطرها
أو واحد أبسوطه طك ظهرها
أو وكعت أو من وكعت دفرها
واحد وهي أمسلمه أمرها
لله العلي والله يبرها
ويلي الزجيه لله درها
مابان خصله من شعرها
.....................
خادم أهل البيت
الشاعر : أسماعيل الجوراني
الأثنين : 6/1/202

أبيات أبوذيه
لذكرى أستشهاد
أم أبيها الزهراء عليها السلام
......................
ضلعين
الكسر بابي كسرلي أوياه ضلعين
أوسطرني أوخله فوك العين ظل عين
ظل عن ساعه يشتم غاد ظل عن
ساعه أبسوط زروك متني أليه
....................
بيداه
ساعه أو لن زنيم الذات بيداه
سطرني أو خله ضلعي أيصير بي داه
عمت عيني أعله محسن حلم بيداه / بداه
أبحين الباب ظل يعصر عليه
.....................
بابي
يعيني أعله الزجيه أدموم بابي
أو كأنها أتوصي أبو الحسنين بابي / بأأبي
عليه لا يصلي الكسر بابي
ولا تابوت بيده أيشيل أليه
.......................
خادم أهل البيت
الشاعر : أسماعيل الجواراني
الأثنين : 6/1/2020

هوسات جنوبيه
لذكرى ولادة سيدة نساء العالمين
فاطمة الزهراء عليها السلام
...................
يا بضعة محمد فاطمه الزهره
نظره الهالمحافل يم حسن نظره
وين الله أو محمد عشره من عشره
ها ها
أبذكرى المولد نتوسل
كل واحد حاضر محفل
عندج يالزهره أمسجل
ها ها ( أتحضرينه )
لو طاح أبشده اتحضرينه
..................
يا أم الحسن وحسين يا بنت النبي العدنان
يا زوج الشطر بالسيف مرحب شاطر الفرسان
جينه أبمولدج هاليوم نرسم للفرح عنوان
ها ها
جابتنه الفرحه أو جينه
أنجدد بيعه المهدينه
والعايل نفكس عينه
ها ها ( وفايه )
حد كطع المنحر وفايه
.................
حقها الشيعه حقها الليله تتباها
أبميلاد التي خالقها سماها
أوتمم نعمته ولحيدر أنطاها
ها ها
فاطم تفاح الجنه
أطلب منها أشتتمنه
متخيبلك أي ظنه
ها ها  ( تكظيها )
كل حاجه العندك تكظيها
..................
خادم أهل البيت
الشاعر : أسماعيل الجوراني
الخميس : 13/2/2020

هوسات
لذكرى ولادة سيدة نساء العالمين
أم أبيها الزهراء عليها السلام
..................
إنا أعطيناك كوثر وبتشر قلب الرسول
على أعناد الكال أبتر والمنافق والعذول
أو يوم 20 أبجمادي أنولدت الزهره البتول
ها ها ( أمغذيها )
وعلومه الباري أمغذيها
......................
يا محمد كوم صلي الحين ما يطلع فجر
وسجد الربك وحمده وقره آيات الذكر
الراضيه المرضيه فاطم نعمه واجبها الشكر
ها ها  ( باهل بيها )
ربك كل حي باهل بيها
....................
خادم أهل البيت
الشاعر : أسماعيل الجوراني
الجمعه : 14/2/2020

هوسات جنوبيه
لذكرى ولادة الامام
محمد الجواد عليه السلام
....................
دك باب الجواد أو كول أريد أمراد
يا أبن الرضا الجدك أسد بغداد
أطلبك حاجتي وبليلة الميلاد
ها ها
أبجاهك عند الله الواحد
تنطيني اليوم أشرايد
لمحمد تلكه الشاهد
ها ها ( يكضيها )
كل حاجه العندك يكضيها
....................
يجواد الأئئمه أو صاحب الهده
أو يبن البالشدايد يحضر الشده
الفقير الماله غيرك غيرك أشعنده
ها ها
كلها أبمحفل ميلادك
تتمنى أتنال أمرادك
أبجاه أبائك وجدادك
ها ها ( أنطيها )
مد جفك ومراد أنطيها

....................
عالأصابع عمره ينعد بالعلم عقله جبير
المسائل عده حلها بالرغم ماهو زغير
حير أقطاب المجالس أو صار للعصمه سفير
ها ها
وارث حيدر بالسيره
نوماس أو صاحب غيره
محد يعرف تفسيره
ها ها  ( وخلاقه )
تربية حيدر وخلاقه
..................
خادم أهل البيت
الشاعر : أسماعيل الجوراني
الجمعه : 6/3/2020

مولد
لذكرى ولادة
أمير المؤمنين ويعسوب الدين الأمام علي أبن أبي طالب عليه السلام
...................
يا أبا الحسنين يا حيدر علي
يا ولي الله يا نعمه الولي
..................
أبيوم ميلادك تعنت شيعتك
ترفع آيات التهاني الحضرتك
أتعاهدك تفدي عمرها الملتك
عالعهد بالدم توقعلك بلي
..................
يا أبا السبطين يا حامي الحمه
البيك تتباها ملائكت السمه
أنشق جدار الكعبه لمك فاطمه
أتفضلي يم الصميده أتفضلي
..................
طلكت أو جابت ولد نعم الولد
أسمه باالأنجيل والتوراه ورد
كعبه للأخلاق للشده مدد
والندب بسمه همومه تنجلي
...................
يا وليد الكعبه ليث القسوره
يا ملاذ الشيعه دنيا أو أخره
بالصلاة أعله النبي أنعطره
محفل الميلاد بالحب ممتلي
..................
يا علي يا نور يا سر الهيام
ليلة الميلاد شدانه الغرام
بينك أو ما بينه يحلا الكلام
والعشك عالفطره جدآ أزلي
...................
للفرح محفل ولا مثله سده
أو قائم آل البيت جينه أنعايده
أمبارك أو عالخير جدك مولده
أوصوت فرحتنه أبسعاده يعتلي
....................
علي يا كرار يا فارس مضر
يا أنيس أنفوسنه أبداء أو سفر
بالقلب وبيوتنه أنحطلك صور
ولي ميعجبه أبجهنم يصطلي
..................
رافضه أو نرفض ميول الناصبي
ولي ميوالي علي جدآ غبي
علي زوج الزهره أبن عم النبي
يا عقيم الراي أعرب ما يلي
..................
خادم أهل البيت
الشاعر : أسماعيل الجوراني
الجمعه : 6/3/2020

هوسات جنوبيه
لذكرى ولادة
يعسوب الدين أمير المؤمنين أسد الله الغالب علي أبن أبي طالب عليه السلام
....................
بسم الله أو محمد والد العتره
هاي الليله ليلة عيد للفقره
نبديها أبعلي أو نختمها بالزهره
ها ها
أبمولد حيدر مولاها
الفقره الليله أشمحلاها
كلها أمعيده أو تتباها
ها ها  ( أبميلاده )
وتهني الزهره أبميلاده
....................
وليد الكعبه صار أو شعت أنواره
وحنه أبهالمحافل كلنه خطاره
مدينه الجفوف. أنريد البشاره
ها ها
يوم المحشر يلفينه
صك الجنه أبجفينه
من الشده أيعدينه
ها ها ( أبفزعاته )
نطمع هاليله أبفزعاته
....................
خادم أهل البيت
الشاعر : أسماعيل الجوراني
الأحد : 8/3/2020

ومضات
في حب وموالاة أمير المؤمنين
وسيدة نساء العالمين عليهما السلام
......................
حط أيدك أعله الكلب وبلهفتك ناغمه
وصفن عله دكته صفنت عشك حالمه
أو داعت محمد تره تلكاه بالخاتمه
دكه يدك يا علي أودكه يدك فاطمه
صلووووات
....................
تدري ليش الفاطمه ماكو قبر
ينذكر عالكاع حته أنوسمه
أنه أكلك ليش وئدآ للجدال
حيدره الكرار حماي الحمه
مادفن بضعة محمد بالتراب
أبقلبه أبو الحسنين دافن فاطمه
.....................
خادم أهل البيت
الشاعر : أسماعيل الجوراني

أعكيلي
لذكرى أستشهاد العقيله زينب عليها السلام
......................
 يا بت حيدر يا مولاتي
......................
زينب يا زينب يا زينب
من أذكر أسمج أتأدب
كون أتوضه أبحب المذهب
ويفيضن عالخد دمعاتي
......................
يا بنت الزهره المرضيه
يا آيه أو حجه أو علويه
الله العالم هسه أشبيه
أو يا حسره التتربع ذاتي
......................
يم عون الحره المظلومه
شفتي حسين أبأرض الحومه
مذبوح أو مسلوبه أهدومه
أو كلبج بالعباس أيحاتي
.....................
عباس أعله الشط جفينه
طاحن منه أو نبله أبعينه
ونتي أبيا حاله أتندبينه
عسكرهم يحرك خيماتي
....................
عالهزله أجفوفج مجتوفه
والروس أكبالج مصفوفه
مسبيه أدخلين الكوفه
هالصوره أتهيج شوغاتي
.....................
بالشام أبيا حال أو حاله
شفتي الظالم ظلمه أتغاله
راس حسين أبطشت أتعاله
يا زينب جرحو شفاتي
......................
حالج بعد أخوانج صعبه
طيحت موت أبدار الغربه
محله المات أخوانه أبكربه
وتشيعه المثواه الأتي
...................
قبرج يابت حامي الجوره
مشعل ضوه الكون أبنوره
قطب أمن أقطاب المعموره
عالمله أيثبت خطواتي
...................
يا بت حيدر بنت الزهره
نظره الهذا المجلس نظره
الهل أدموعه اليلطم صدره
حاجتهم أكظي أو حاجاتي
....................
خادم أهل البيت
الشاعر : أسماعيل الجوراني
الثلاثاء : 10/3/2020
نسئلكم الدعاء
وقراءة سورة الفاتحه لروح والدينا

أعكيلي
لذكرى أستشهاد راهب آل محمد
الأمام موسى أبن جعفر عليه السلام
................
يالكاظم يا بو المعصومه
................
أبظلمات السجن أمغيبينك
كم عام الما شافت عينك
شمس الله أو قيد أبرجلينك
كم رمضان أبسجن أتصومه
...............
طامورة سجنك يا لكاظم
شاهد يفضح حقد الناقم
هارون العباسي الظالم
وجحاف الزمره المشئومه
...............
حمالين أبيوم الجمعه
شالو نعشك يبن البضعه
لا صوت  أيعزي أو لا دمعه
هارون أمصدر مرسومه
................
نعشك عالجسر أمخلينه
حاجز بين الشيعه أو بينه
وين الناكر ذاته أو دينه
حراس أصطفت مزحومه
...............
تتنسم نبرات أنفاسك
يوم الجمعه أتمنت ناسك
مو ميت مخنوكه أنفاسك
أو ناسك من شوفك محرومه
.................
يا ثار الله أو يا بن ثاره
فكد أمصابك تلهب ناره
بينه أو دمع العين أتجاره
من كالو جبدك مسمومه
................
بغداد أتباهي أبيمانك
سجنك جامع لفظ ألسانك
رضوانك يارب رضوانك
أو تسبيح الزهره المظلومه
................
أدخيلك يا مولانا أدخيلك
من واقع مؤلم نشكيلك
ابداعت سجنك عتمة ليلك
تحضرنه أو صيتك ونعومه
................
خادم أهل البيت
الشاعر : أسماعيل الجوراني
الثلاثاء : 17/3/2020

ندبه : فزاعيه
للخلاص من وباء ( كورونا )
للأمام موسى أبن جعفر عليه السلام
...................
يا باب الحوايج موسى أبن جعفر
يا باب الحوايج موسى أبن جعفر
....................
يالجدك علي أو بيبتك الزهره
أبكورونا أبتلينه أو بالقلب حسره
نظره الشيعتك يابو الرضا نظره
أبجاه أمصيبتك وبحرمة المنبر
...................
دكتور العلل من داء كورونا
خلص شيعتك و الشيعي خيعونه
بيك أنته طبيبه يعني مظمونه
خير العاقبه بالدنيا والمحشر
...................
أبفيروس أبتلينه أوساعة النيبه
نعرف يا هو ندعي أو ياهو ندريبه
ماخذ علمه من الساكن أبطيبه
أومن جده علي الكرار المشكر
...................
مو قبه أو مناره أو هيكل أنزوره
قبرك يابو طلبه العافيه أبنوره
مشهوده اله بالصوت والصوره
يا هو اليشتكيله أوجاعه تتبخر
...................
محجوبه الزياره أو طالت المده
الغيرك ماكو عنده غيرك أشعنده
فدوه أنروحلك يا صاحب السجده
ترضه أبهالوباء أعليك نتأخر
....................
مسموم الجبد و جنازه مطروحه
أبظلمات السجن خطفو نفس روحه
قبرك للمكارم أشرف أطروحه
تمتاز القيم لو شافتك منظر
....................
يا بو الغانمه البالعازه تكفينه
وجهنه وجهنا أبكل أمل بينه
من شر البلاء الساعه تنجينه
وبجدك نحلفك دامي المنحر
....................
بدموع التوسل بيك نتوسل
راهب آل بيت المصطفى المرسل
مهجوره المساجد والوضع مختل
هد يابو النماير شيعتك تنضر
...................
خادم أهل البيت
الشاعر : أسماعيل الجوراني
الثلاثاء : 17/3/2020

زنجيل هوسات
للجوانب السلبيه
التي نتجت من جراء وباء كورونا
.....................
خابرني صديقي حالك أشلونه
أذا محتاج أي شي أنه بالعونه
ونطاني حظر من كتله كورونا
( مستفحل خويه أبشارعنه )

أتقشمر جنت وياه حسبالي
مثل ما علي غالي أنه هم غالي
عنده والقبض يا حيف بالتالي
( يحظرني وينكر وكفاتي )

يامه أو يامه جف العون مديته
أله بيام شده أو عيب خليته
يحتار أبمرض لو عوز طك بيته
( ونطيته أشكد قوت أطفالي )

نمت جوعان مره من جهب زادي
أو كلت واجب الصاحب أبدى يولادي
أثاري أبوادي أنه أو صاحبي أبوادي
( الدسمت ماعوني أمخاويني )

أغمنها الصداقه التنبني الماعون
وعقم منها أيدي أبزاهي وبصابون
أخاف أكرونا بيها أوتجلب الطاعون
( أو بالحجر الصحي أيحجروني )
....................
خادم أهل البيت
الشاعر : أسماعيل الجوراني
السبت : 20/3/2020

نوحيه
لذكرى أستشهاد راهب أهل البيت
الأمام موسى أبن جعفر عليه السلام
..................
الديره مو ديرة هلك
ديرة غرب
ونته أبسجن يا بو الرضا
أو وضعك صعب

بس الحمامه الجانت أبغار النور
تنحب أذا تقره زيارة عاشور

ونته أبسجن يا بو الرضا
أو وضعك صعب
.......................
يا كاظم الغيظ أشكثر شلت أهموم
أو عانيت ما عانيت جي لن محروم
من أربعين حسين جدك وتحوم
فوكك منايا أو جبدك أيتم مسموم

جثه الدفن ممنوعه ظلت بالحر
والشيعه تندب موسى يابن جعفر

أو دمع الحزن لاهب جمر
عالخد يصب
....................
يا صاحب السجده الطويله أبيا حال
تتلوه بالسم والوجه ينطي أشكال
هذا الغريب أمنين تذبح من كال
الشاف الجنازه أعله الجسر بيها أغلال

بعد السجن مجتوف جف أو رجلين
مثلو بيك أبكربله أشلون حسين

جي لنه جدك عاملوك
أبها الخطب
....................
بالغربه وحدك آيا ينار الغربه
أو ضدك زنيم الذات شدد حربه
غاياته من حربه يوجه ضربه
أشلون الفواطم من سبوها الخربه

سجنك خرابه والخرابه البالشام
يتشابهن من جور أظلم حكام

أو جن عمتك زينب حصير
ألها الترب
...................
يالذة الله البيك يابن جعفر
البرد شلته أبضلعك أو شلت الحر
أو فصلت من أعمامتك أتصور
يفياف وتراب طامورة سجونك منبر

مأتم عزا حتى ظهور القائم
ترفع شعار أبوجه ذاك الظالم

أو عنبر أنفاسك عطر جنه
من يهب
...................
يا سابع الأقمار من أهل البيت
أو يا راهب آل المصطفى أبخلق أو صيت
أخجل أذا بدموعي أزورك ما جيت
وستحقر أنفاسي أذا ما ونيت

هارون ذاك الحاربك بيه أشصار
يامن ضريحك صار كعبة زوار

أو ذكرك براء الداء ينعش
كل قلب
.....................
خادم أهل البيت
الشاعر : أسماعيل الجوراني
السبت : 21/3/2020

مولد
لذكرى المبعث النبوي الشريف
....................
بعث الله نبيآ عربي
طاول العلياء مذ كان صبي
..................
روض أخلاق  ومنقب للأدب
بالأمين الصادق أتكنى لقب
والده عبد الله والأم بت وهب
قرشي الأصلاب من أمآ وأب
..................
أحمد محمود في غار حراء
عاكف لله صبحآ ومساء
وأتى جبريل في أبهى ضياء
يحمل البشرى بوحي الأنبياء
...................
أيها المبعوث من ربآ كريم
أستعذ بالله من رجس رجيم
كن رحيم القلب والغيظ كظيم
وسموح الوجه في الذكر الحكيم
...................
لدلو الشمس في فجر غداة
أدعو لله وقم فرض الصلاة
ونهى عن لات وعزى ومناة
أنك المنقذ و أكسير النجاة
...................
لذوي القربى و  أعراب البواد
أغدو في البعث نذيرآ للعباد
أن يجبك الداعي فالجنه مراد
ولمن يعصي ففي النار رقاد
....................
يا حبيبآ ليس مثله أي حبيب
شاء رب الكون في هذا المغيب
أن تكن للناس في الكعبه خطيب
وكفى بالله في البعث حسيب
...................
أشرقت شمس هدى الأمي الأمين
وستوى الجودي للدين المبين
سيد الأنام فينا قر عين
فالغير الله لا نحني الجبين
...................
خادم أهل البيت
الشاعر : أسماعيل الجوراني
الأحد : 22/3/2020
26/ رجب / 1441ه

مولد
لذكرى ولادة كعبة العاشقين وملاذ الحائرين الامام الحسين عليه السلام
.................
حسين أبو الساده .. في ذكرى ميلاده
نتعاود العاده ..  ونعيد أعياده
................
ياس أو شمع وبخور .. وسط الصواني أنذور
مية هلا أبهالنور .. يهتف صدى الجمهور

أبصوت التهاني الحار .. هذا العهد بصرار
للمهدي حي الدار .. رقبتنه سداده
................
ميلاد أبو السجاد .. حب أو سعد وعياد
وحنه على الميعاد .. نحيي شذى الميلاد

مية هلا أبعطره .. نحيي شذى الذكره
يم الحسن نظره .. للطالب أمراده
................
أبثالث شهر شعبان .. من باطن الوجدان
فرحه أباألف عنوان .. بيها المحب فرحان

فرحان من كلبه .. يسجد على التربه
يشكر فضل ربه .. والفطره ولاده
..................
مولد أميري حسين .. للزهره قرة عين
وينه اليبارك وين  ..آل النبي الطيبين

باجر حشر وحساب .. والمولى داحي الباب
للجنه ينطي أكتاب .. وجفوفه جواده
...................
هذا النفير العام .. لحسين أبو الايتام
نتباها ألك خدام .. والخدمه رفعة هام

خلونه صوره أو صوت .. نكتب عهد للموت
خافن يفوت الفوت  .. والملحد أوساده
....................
خادم أهل البيت
الشاعر : أسماعيل الجوراني
الجمعه : 27/3/2020
2/ شعبان/ 1441ه

مولد
لذكرى ولادة كعبة القلوب سيدي ومولاي
أبا عبد الله الحسين عليه السلام
.................
هلا أو مية هلا .. يكعبة كربله
يسبط المصطفى .. يشبل المرتضى

يراعي الأوله .. يكعبة كربله
...............
1
أجينه أبهالجمع .. نضويلك شمع
نبديلك دمع .. وحق كسر الضلع

ابذكرى مولدك .. أجينه أنعايدك
نحج أبمرقدك .. يبن عقد الوله

يراعي الأوله .. يكعبة كربله
................
2
يبن بنت النبي .. فداك أمي وبي
فخر كل طالبي .. يبو الغيره الأبي

أذا طحت أبشدد .. يبو أسكينه مدد
كلت عطرك ورد .. وجد همي أنجله

يراعي الأوله .. يكعبة كربله
...................
3
خدمتك من زغر .. ولي حق أفتخر
الى يوم القبر .. ألك عمري نذر

رجائي أبكل محل .. أمل بس يا أمل
أذا حان الأجل .. أحس بيك الصله

يراعي الأوله .. يكعبة كربله
.................
4
عشكتك من صدك .. صدى صوت العشك
شبك روحي شبك .. أبدمع عيني أختنك

وحق طه أو علي .. لون بيه أصطلي
يظل حبك ألي .. خلاص أمن البله

يراعي الأوله .. يكعبة كربله
..................
5
يبن حامي الحمه .. عطر وجه السمه
عله أمك فاطمه .. صلاتي أمحتمه

عله أعناد الطلح .. ألك صوتي أبفرح
ترى الليله صدح .. الفرج كل معظله

يراعي الأوله .. يكعبة كربله
.....................
خادم أهل البيت
الشاعر : أسماعيل الجوراني
الجمعه : 27/3/2020
2/ شعبان /1441

هوسات
لشجاعة سيد الشهداء
الأمام الحسين عليه السلام
..................
من برز شبل الصميده 
أو كام بشفافه يزم
أو حط جدم برض المعاره
أو ما نكل ثاني جدم
خله عسكر آل أميه
جسم يردم بالجسم
أو زلم ما تندل دربها
أو زلم تختل بالزلم
يعني ما معناه والله
أحسين خلاهم فلم
ها ها  ( هنياله )
والشارد منهم هنياله
..................
غيمت أرض المعاره
أو دلهمت كل كربله
هذا يسئل ذاك يسئل
دب رعب بين المله
احسين هذا البيده سيفه
لو علي عقد الوله
أن جان حيدر رد زمانه
والله طحنه أبمشكله
والحسين أن جان هذا
داعيه أمه عليه اليوصله
ها ها  ( موت أحمر )
مو سيف أبئيده موت أحمر
.................
خادم أهل البيت
الشاعر : أسماعيل الجوراني
الجمعه : 27/3/2020
2/ شعبان /1441ه

هوسات
لمديح وشجاعة قمر العشيره
أبا الفضل العباس عليه السلام
..................
نخل منخل نخلهم والدليل أبهاي
طب شط الفرات  أبجوده عبه الماي
المثل عباس تشكم من تكول أهواي
ها ها ( ومه البدويه
بس واحد ومه البدويه
....................
واهس موت عنده العنده واهس موت
ميهاب المنايا أو لا يفوته الفوت
لذلك من خزرهم ما طلع حس صوت
ها ها ( مشراده )
خيرهم ضيع مشراده
...................
خادم أهل البيت
الشاعر : أسماعيل الجوراني
السبت : 28/3/2020
3/شعبان/1441ه