ندبه
لمديح وزيارة أنيس النفوس
الامام علي أبن موسى الرضا عليه السلام
.......................
من بعيد أقره الزياره
للرضا عالي المناره
يدري أبو محمد حبيبي
عمري من دونه خساره
.................
أغسل أذنوبي أمنزوره
يعمر أبكلبي حضوره
وجهت وجهي أكله
جني أشوف أبعيني نوره
ياعلي موسى أبن جعفر
بالقبر لو جاني منكر
فدوه أريد أوياي تحضر
شخصك أيهمني حضوره
حبه ويه الله تجاره
كون أحصلنه أبجداره
يدري أبو محمد حبيبي
عمري من دونه خساره
من زغر عمري هويته
حبه عالفطره لكيته
تارس أنفاسي مشاعر
فدوه أروح الطاري صيته
مانخيته أله أوحضرني
عله كل نيبه نصرني
أبد ما مره نكرني
أبحالي وبمالي فديته
من محمد سر وقاره
من علي حكمة قراره
يدري أبو محمد حبيبي
عمري من دونه خساره
.....................
ثامن أقمار الهدايه
حيدري أبكل النوايه
هاشمي أبخلقه أو فعاله
وارث أخلاق الوصايه
طالبي أبكل أنتمائه
مانكث عهده الولائه
الله حتمله جزائه
كعبه وتحجها البرايه
للعلم ترجم حضاره
يستحق هاي الصداره
يدري أبو محمد حبيبي
عمري من دونه خساره
....................
الطوس ياخذني غرامي
للرضا الغالي أمامي
أرفع أيدي بالتحيه
يا هوى بلغه سلامي
صاحب الحب والترافه
البيني أوبينه مسافه
باب شرع للضيافه
غايتي أبهذا كلامي
منه رايدلي أماره
صبري طول أنتظاره
يدري أبو محمد حبيبي
عمري من دونه خساره
....................
ثامن أبدور الأمامه
دربه تاليته السلامه
من أحلفه بالزجيه
أله بالشده علامه
بالعشك ياروحي زودي
حيل محتاجه أبوجودي
أولو ذبل بالدنيا عودي
يشفع أبيوم القيامه
الرضا مولى الحياره
ألف هنياله الجواره
يدري أبو محمد حبيبي
عمري من دونه خساره
.................
خادم أهل البيت
الشاعر : أسماعيل الجوراني
الأربعاء : 10/7/2019
لمديح وزيارة أنيس النفوس
الامام علي أبن موسى الرضا عليه السلام
.......................
من بعيد أقره الزياره
للرضا عالي المناره
يدري أبو محمد حبيبي
عمري من دونه خساره
.................
أغسل أذنوبي أمنزوره
يعمر أبكلبي حضوره
وجهت وجهي أكله
جني أشوف أبعيني نوره
ياعلي موسى أبن جعفر
بالقبر لو جاني منكر
فدوه أريد أوياي تحضر
شخصك أيهمني حضوره
حبه ويه الله تجاره
كون أحصلنه أبجداره
يدري أبو محمد حبيبي
عمري من دونه خساره
من زغر عمري هويته
حبه عالفطره لكيته
تارس أنفاسي مشاعر
فدوه أروح الطاري صيته
مانخيته أله أوحضرني
عله كل نيبه نصرني
أبد ما مره نكرني
أبحالي وبمالي فديته
من محمد سر وقاره
من علي حكمة قراره
يدري أبو محمد حبيبي
عمري من دونه خساره
.....................
ثامن أقمار الهدايه
حيدري أبكل النوايه
هاشمي أبخلقه أو فعاله
وارث أخلاق الوصايه
طالبي أبكل أنتمائه
مانكث عهده الولائه
الله حتمله جزائه
كعبه وتحجها البرايه
للعلم ترجم حضاره
يستحق هاي الصداره
يدري أبو محمد حبيبي
عمري من دونه خساره
....................
الطوس ياخذني غرامي
للرضا الغالي أمامي
أرفع أيدي بالتحيه
يا هوى بلغه سلامي
صاحب الحب والترافه
البيني أوبينه مسافه
باب شرع للضيافه
غايتي أبهذا كلامي
منه رايدلي أماره
صبري طول أنتظاره
يدري أبو محمد حبيبي
عمري من دونه خساره
....................
ثامن أبدور الأمامه
دربه تاليته السلامه
من أحلفه بالزجيه
أله بالشده علامه
بالعشك ياروحي زودي
حيل محتاجه أبوجودي
أولو ذبل بالدنيا عودي
يشفع أبيوم القيامه
الرضا مولى الحياره
ألف هنياله الجواره
يدري أبو محمد حبيبي
عمري من دونه خساره
.................
خادم أهل البيت
الشاعر : أسماعيل الجوراني
الأربعاء : 10/7/2019
ندبه
لمديح أنيس النفوس الأمام
علي أبن موسى الرضا عليه السلام
.....................
يزوار الرضا أبشباكه أذكروني
أريد أبحضرته تتبارك أعيوني
..................
أريد أبحضرته أتنسم أعطوره
وشم شباك قبره ونعم أبنوره
وحلفه أبجده حيدر حامي الجوره
أنته أو فاطمه المعصومه أحضروني
.....................
يزوار أبو محمد ضامن الجنه
من صرت أو درت أوصله أتمنه
عسر حالي منعني أزياره أزورنه
أحجيها أبصراحه ونتو أعذروني
...................
ألتمسه الدعاء الهسه بالحضره
الله أيوفقه ويبارك أبعمره
عني بالنيابه أيزور أنتظره
أوخيعوني أبدعائه أهناك خيعوني
.....................
يدري الله أشكبرها حسره البصدري
أخاف ألفظ أنفاسي أوينتهي عمري
أو يلفوني أبجفن وتوسد أبقبري
أوتموت آمال عمري من يدفنوني
....................
السلطان الغريب اليحضر الشده
أشكيله وكله طالت المده
يبن موسى التسمم بالرطب جبده
أطلبني أزورك هذا مظموني
.................
يالمشهد زهت عالدنيه بنوارك
سجلني حبيبي أبسجل زوارك
راودني أبحلم خليني أتبارك
وكولن بالحلم شفته أويهنوني
..................
يا طوك النجاة أبدنيا وبمحشر
منك يبو محمد واجب أتشكر
من كد ماأحبك أعشك المنبر
وبجدك صدر مرسوم بجنوني
....................
خادم أهل البيت
الشاعر : أسماعيل الجوراني
الأربعاء : 10/7/2019
لمديح أنيس النفوس الأمام
علي أبن موسى الرضا عليه السلام
.....................
يزوار الرضا أبشباكه أذكروني
أريد أبحضرته تتبارك أعيوني
..................
أريد أبحضرته أتنسم أعطوره
وشم شباك قبره ونعم أبنوره
وحلفه أبجده حيدر حامي الجوره
أنته أو فاطمه المعصومه أحضروني
.....................
يزوار أبو محمد ضامن الجنه
من صرت أو درت أوصله أتمنه
عسر حالي منعني أزياره أزورنه
أحجيها أبصراحه ونتو أعذروني
...................
ألتمسه الدعاء الهسه بالحضره
الله أيوفقه ويبارك أبعمره
عني بالنيابه أيزور أنتظره
أوخيعوني أبدعائه أهناك خيعوني
.....................
يدري الله أشكبرها حسره البصدري
أخاف ألفظ أنفاسي أوينتهي عمري
أو يلفوني أبجفن وتوسد أبقبري
أوتموت آمال عمري من يدفنوني
....................
السلطان الغريب اليحضر الشده
أشكيله وكله طالت المده
يبن موسى التسمم بالرطب جبده
أطلبني أزورك هذا مظموني
.................
يالمشهد زهت عالدنيه بنوارك
سجلني حبيبي أبسجل زوارك
راودني أبحلم خليني أتبارك
وكولن بالحلم شفته أويهنوني
..................
يا طوك النجاة أبدنيا وبمحشر
منك يبو محمد واجب أتشكر
من كد ماأحبك أعشك المنبر
وبجدك صدر مرسوم بجنوني
....................
خادم أهل البيت
الشاعر : أسماعيل الجوراني
الأربعاء : 10/7/2019
هوسات جنوبيه
لذكرى ولادة أنيس النفوس وشمس الشموس الساكن أرض طوس الأمام علي أبن موسى الرضا عليه السلام
.....................
نجمه أبيوم طلكت جابت السلطان
أو فرحت بالولاده كل بني عدنان
أو باسه أبحلكه أبوه أو كبر الآذان
ها ها
كبر ودموعه أبخده
أو كال أبني الوارث جده
يحضر ساعات الشده
يحضر ساعات الشده
ها ها ( أيسمونه )
ضامن للجنه أيسمونه
........................
يبن البالحرب معروف فقاره
أجينه اليوم منك نطلب أبشاره
صك الجنه كون أو صك الزياره
ها ها
بالزهره أنحلفك جينه
أو جدك حيدر والينه
يابو محمد تنطينه
يابو محمد تنطينه
ها ها ( عيديه )
من جيس المولد عيديه
......................
خادم أهل البيت
الشاعر : أسماعيل الجوراني
الجمعه : 12/7/2019
نجمه : هي والده الأمام علي أبن موسى الرضا
وأسمها أيضا ( تكتم ) وهي من بلاد المغرب العربي
لذكرى ولادة أنيس النفوس وشمس الشموس الساكن أرض طوس الأمام علي أبن موسى الرضا عليه السلام
.....................
نجمه أبيوم طلكت جابت السلطان
أو فرحت بالولاده كل بني عدنان
أو باسه أبحلكه أبوه أو كبر الآذان
ها ها
كبر ودموعه أبخده
أو كال أبني الوارث جده
يحضر ساعات الشده
يحضر ساعات الشده
ها ها ( أيسمونه )
ضامن للجنه أيسمونه
........................
يبن البالحرب معروف فقاره
أجينه اليوم منك نطلب أبشاره
صك الجنه كون أو صك الزياره
ها ها
بالزهره أنحلفك جينه
أو جدك حيدر والينه
يابو محمد تنطينه
يابو محمد تنطينه
ها ها ( عيديه )
من جيس المولد عيديه
......................
خادم أهل البيت
الشاعر : أسماعيل الجوراني
الجمعه : 12/7/2019
نجمه : هي والده الأمام علي أبن موسى الرضا
وأسمها أيضا ( تكتم ) وهي من بلاد المغرب العربي
مولود
لذكرى ولادة
شمس الشموس وأنيس النفوس
الأمام علي أبن موسى الرضا عليه السلام
.....................
من فضل رب الجلاله
هلا هلا يا جماله
ب 11 ذو القعده صار
محور الحب والعداله
....................
للرضا شمس الشموس
التأنس أبذكره النفوس
الليله نحيي هالطقوس
والمنى في أرض طوس
نبتهل لله تعاله
كلمن أيحصل مناله
ب 11 ذو القعده صار
محور الحب والعداله
..................
ثامن أنوار الهدايه
نوره شعشع عالبرايه
يامن أتحب الولايه
شارك أبهالفرحه هايه
قلبك أيحصل سؤاله
أجرك أيضيع أستحاله
ب 11 ذو القعده صار
محور الحب والعداله
..................
الضامن الجنه أو ضواها
صلو عالمبعوث طه
الواحده أبعشره جزاها
هالصلا الطيبه صداها
بالحشر خيط الدلاله
هالصلا صك الكفاله
ب 11 ذو القعده صار
محور الحب والعداله
....................
ثامن أنوار الأمامه
يبقه مبدء للسلامه
قمر هاليله أبتمامه
للعلم فارق علامه
هاشمي أبخلقه أوفعاله
أفنى عمره للرساله
ب 11 ذو القعده صار
محور الحب والعداله
...................
مشهد الليله بهيه
با لولاده الرضويه
واجب أنهني الزجيه
أو حيدره حامي الحميه
اليحتفل يهدي أحتفاله
لبو صالح ببتهاله
ب 11 ذو القعده صار
محور الحب والعداله
....................
خادم أهل البيت
الشاعر : أسماعيل الجوراني
الأحد : 14/7/2019
لذكرى ولادة
شمس الشموس وأنيس النفوس
الأمام علي أبن موسى الرضا عليه السلام
.....................
من فضل رب الجلاله
هلا هلا يا جماله
ب 11 ذو القعده صار
محور الحب والعداله
....................
للرضا شمس الشموس
التأنس أبذكره النفوس
الليله نحيي هالطقوس
والمنى في أرض طوس
نبتهل لله تعاله
كلمن أيحصل مناله
ب 11 ذو القعده صار
محور الحب والعداله
..................
ثامن أنوار الهدايه
نوره شعشع عالبرايه
يامن أتحب الولايه
شارك أبهالفرحه هايه
قلبك أيحصل سؤاله
أجرك أيضيع أستحاله
ب 11 ذو القعده صار
محور الحب والعداله
..................
الضامن الجنه أو ضواها
صلو عالمبعوث طه
الواحده أبعشره جزاها
هالصلا الطيبه صداها
بالحشر خيط الدلاله
هالصلا صك الكفاله
ب 11 ذو القعده صار
محور الحب والعداله
....................
ثامن أنوار الأمامه
يبقه مبدء للسلامه
قمر هاليله أبتمامه
للعلم فارق علامه
هاشمي أبخلقه أوفعاله
أفنى عمره للرساله
ب 11 ذو القعده صار
محور الحب والعداله
...................
مشهد الليله بهيه
با لولاده الرضويه
واجب أنهني الزجيه
أو حيدره حامي الحميه
اليحتفل يهدي أحتفاله
لبو صالح ببتهاله
ب 11 ذو القعده صار
محور الحب والعداله
....................
خادم أهل البيت
الشاعر : أسماعيل الجوراني
الأحد : 14/7/2019
نزله
لذكرى أستشهاد الأمام محمد الجواد عليه السلام
....................
أمشونه خالنحفر كبر مولانه
أو خل نشيع للدفن جثمانه
....................
محمد الجواد جبده أمسممه
خالنشيعه القبره ونعد مأتمه
ولبني العباس ننصب محكمه
كلمن أبخده نحط أطيانه
.....................
عوشرت دمعاتنه أبخد أوجفن
أوغيمت بغداد هاليله أبحزن
واجب الميت مراسيم الدفن
الكاظميه أتحشم الدفانه
.....................
تاسع أقمار الهدايه الزاخره
سممت جبده زوجته الغادره
قتلت النفس الزكيه الطاهره
الفاجعه ماتنتهي لهنانه
...................
مات مسموم أوغريب أبلا أهل
أو مانعت دفنه شياطين الدجل
ظل ثلث تيام مجهول الأجل
صارت أسطوح النزل زنزانه
..................
يابو جعفر يابحر من العلم
علمك أيقظ نار حقد المعتصم
ماتكفه أوشخصك الطاهر يسم
عنده رغبات أشكثر شيطانه
....................
هالمناير فوك قبرك شاهده
المعتصم وم الفضل شرهم غده
ألنه داير حول عهد أنجدده
أحساسنه حبك يظل سلطانه
...................
أبعلمك الموروث من سابع ظهر
الكاظميه اليوم منقب للفخر
كعبه للأخلاق في شتى الصور
بيها أملاك السمه السدانه
....................
حالتك يبن الرضا أو لب مهجته
كالحسن جدك السمو جبدته
أو كالحسين الدمه خضب شيبته
أوجثته أبحر الشمس ذبلانه
......................
أمرايه للتاريخ صيتك والنعم
خل يموت أبغيضه خله المعتصم
صاحب الثارات باجر ينتقم
واليواكحنه نكص ألسانه
......................
خادم أهل البيت
الشاعر : أسماعيل الجوراني
الثلاثاء : 30/7/2019
لذكرى أستشهاد الأمام محمد الجواد عليه السلام
....................
أمشونه خالنحفر كبر مولانه
أو خل نشيع للدفن جثمانه
....................
محمد الجواد جبده أمسممه
خالنشيعه القبره ونعد مأتمه
ولبني العباس ننصب محكمه
كلمن أبخده نحط أطيانه
.....................
عوشرت دمعاتنه أبخد أوجفن
أوغيمت بغداد هاليله أبحزن
واجب الميت مراسيم الدفن
الكاظميه أتحشم الدفانه
.....................
تاسع أقمار الهدايه الزاخره
سممت جبده زوجته الغادره
قتلت النفس الزكيه الطاهره
الفاجعه ماتنتهي لهنانه
...................
مات مسموم أوغريب أبلا أهل
أو مانعت دفنه شياطين الدجل
ظل ثلث تيام مجهول الأجل
صارت أسطوح النزل زنزانه
..................
يابو جعفر يابحر من العلم
علمك أيقظ نار حقد المعتصم
ماتكفه أوشخصك الطاهر يسم
عنده رغبات أشكثر شيطانه
....................
هالمناير فوك قبرك شاهده
المعتصم وم الفضل شرهم غده
ألنه داير حول عهد أنجدده
أحساسنه حبك يظل سلطانه
...................
أبعلمك الموروث من سابع ظهر
الكاظميه اليوم منقب للفخر
كعبه للأخلاق في شتى الصور
بيها أملاك السمه السدانه
....................
حالتك يبن الرضا أو لب مهجته
كالحسن جدك السمو جبدته
أو كالحسين الدمه خضب شيبته
أوجثته أبحر الشمس ذبلانه
......................
أمرايه للتاريخ صيتك والنعم
خل يموت أبغيضه خله المعتصم
صاحب الثارات باجر ينتقم
واليواكحنه نكص ألسانه
......................
خادم أهل البيت
الشاعر : أسماعيل الجوراني
الثلاثاء : 30/7/2019
موشح
أستهلال هلال شهر عاشوراء
.....................
الشيعه مالومه أو تدك أصدورها
أبيوم نيبتكم وصل عاشورها
...................
يال بيت المصطفى طوك النجاة
أنتم الشيعة علي ماي الحياة
والثلث تنعام وكت الموزمات
فزعه ألكم ما يجي أبمنظورها
....................
فزعه ألكم بيها كل هم ينجلي
لليحس مضنوك وبهم مبتلي
يامحمد فاطمه حيدر علي
ياحسن يحسين خير أبدورها
....................
ياحسن يحسين عباس الكمر
أهلال عاشورا على زينب ظهر
أو عاودت أحزانها أبكل الصور
أخوانها أنذبحت تشوف أنحورها
.....................
أخوانها أنذبحت تشوف أبكربله
أجسادها أبذاري التريبه أمرمله
أمعلعله ياحيف بت عقد الوله
أو نار الخيام أستعر تنورها
.....................
نار الخيام أو خطب دخانها
أطفال منها أرتاعت أو نسوانها
فوك تل الزينبي أعله أخوانها
زينب أتنادي الظليمه أو جورها
........................
زينب أتنادي أو تحشم يخوتي
جاوبوني أو خل تكوض حسرتي
حسين يا عباس صارت سفرتي
عالهزل بعد الخدر وظهورها
......................
عالهزل بعد الخدر بنت النبي
أخلافكم عانت معاناة السبي
أبسوطه يجلدها الزنيم الناصبي
أو روسكم سن الرمح ناخورها
....................
روسكم فوك الرمح تكطر دمه
يا أبطال الهيجا يا أهل الحمه
بت علي أو بنت الزجيه فاطمه
أشلون ترضون العدو ناطورها
....................
خادم أهل البيت
الشاعر : أسماعيل الجوراني
الجمعه : 14/6/2019
أستهلال هلال شهر عاشوراء
.....................
الشيعه مالومه أو تدك أصدورها
أبيوم نيبتكم وصل عاشورها
...................
يال بيت المصطفى طوك النجاة
أنتم الشيعة علي ماي الحياة
والثلث تنعام وكت الموزمات
فزعه ألكم ما يجي أبمنظورها
....................
فزعه ألكم بيها كل هم ينجلي
لليحس مضنوك وبهم مبتلي
يامحمد فاطمه حيدر علي
ياحسن يحسين خير أبدورها
....................
ياحسن يحسين عباس الكمر
أهلال عاشورا على زينب ظهر
أو عاودت أحزانها أبكل الصور
أخوانها أنذبحت تشوف أنحورها
.....................
أخوانها أنذبحت تشوف أبكربله
أجسادها أبذاري التريبه أمرمله
أمعلعله ياحيف بت عقد الوله
أو نار الخيام أستعر تنورها
.....................
نار الخيام أو خطب دخانها
أطفال منها أرتاعت أو نسوانها
فوك تل الزينبي أعله أخوانها
زينب أتنادي الظليمه أو جورها
........................
زينب أتنادي أو تحشم يخوتي
جاوبوني أو خل تكوض حسرتي
حسين يا عباس صارت سفرتي
عالهزل بعد الخدر وظهورها
......................
عالهزل بعد الخدر بنت النبي
أخلافكم عانت معاناة السبي
أبسوطه يجلدها الزنيم الناصبي
أو روسكم سن الرمح ناخورها
....................
روسكم فوك الرمح تكطر دمه
يا أبطال الهيجا يا أهل الحمه
بت علي أو بنت الزجيه فاطمه
أشلون ترضون العدو ناطورها
....................
خادم أهل البيت
الشاعر : أسماعيل الجوراني
الجمعه : 14/6/2019
قصيده نوحيه : أساسيه
( شنهو شفتي الغاضريه )
......................
آآآ يزينب .. يالعقيله الهاشميه
آآآ يزينب .. شنهو شفتي الغاضريه
شفتي منحر منذبح
راس مشيول أبرمح
آآآ يزينب .. شنهو شفتي الغاضريه
....................
1
زينب أسئل والجواب أكبالي صار
أيعينج الله على كل ذرة غبار
شفتي موت أو شفتي خيمه أو بيها نار
أو سكنه عطشانه أوذبحها الأنتظار
فارس الماي .. تنتظر مامنه جيه
أسمه سقاي .. أيموت بيها وبرقيه
شفتي عباس الكفيل
عالنهر واكع قتيل
آآآ يزينب .. أشكد تحملتي أذيه
....................
2
جسم الأكبر عالترايب وذره وذره
القاسم أباليلة زفافه أنطاج عمره
شفتي عبد الله أوسهم ذابحله نحره
أو من حلاة الروح فر لحسين فره
غصت العين .. بالدمع هاي المسيه
طفل الحسين .. ينسكي كاس المنيه
شفتي شوغات الرباب
ليلى رمله أبهالمصاب
آآآ يزينب .. أيكسرن الخاطر خطيه
.........................
3
نار تلهب شفتي ومهشم صدر
طفله تركض حافيه أو تسحك جمر
أم مصايب أنتي لو أم الخدر
يوم عاشر آآآ يمشكاة الصبر
أبهل الظلامه .. وهلج أنذبحو سويه
أم يتامه .. انتي لو أم الرزيه
شفتي عباس أو نهر
لو سهم شالع ظهر
آآآ يزينب .. فوك تل الزينبيه
.......................
4
زينب أسئل والدمع عالخد كناطر
شفتي صدر حسين سحكنه الحوافر
بعده صدره أمن السحك مكسور خاطر
لو تشافه أبمرهم أدموع المنابر
اشهاي الآهات .. يخت الحسين الوفيه
يا معاناة .. السبيه الخارجيه
شفتي بدروب السبي
أحجي يابنت النبي
آآآ يزينب .. وضحي العله الخفيه
........................
5
أحبال خشنه أو تاكل أبجلد الطفوله
هزل عرجه أو بالمشي جدأ كسوله
شفتي أهل الشام ما عدهم رجوله
أو شفتي علويات يا زينب خجوله
تحبس الصوت .. تنجلد بسياط أميه
أتمنت الموت .. عدها عفت طالبيه
شفتي ضربات السياط
ونتي مكطوعه النياط
آآآ يزينب .. رايحه الديره أجنبيه
......................
6
آآآ يزينب يا مصيبه بالخرابه
شفتي من فزت رقيه أتصيح بابا
أوجابو ألها الراس متحني أبخضابه
لعنة الله الدايمه الذيج العصابه
حاجت الراس .. بويه يحسين الشفيه
كطعت أنفاس .. فركتك عزت عليه
شفتي دفنوها أبلحد
أمتون زركه أمنالجلد
آآآ يزينب .. صبرج الوحده قضيه
............................
خادم أهل البيت
الشاعر : أسماعيل الجوراني
السبت : 13/7/2019
( شنهو شفتي الغاضريه )
......................
آآآ يزينب .. يالعقيله الهاشميه
آآآ يزينب .. شنهو شفتي الغاضريه
شفتي منحر منذبح
راس مشيول أبرمح
آآآ يزينب .. شنهو شفتي الغاضريه
....................
1
زينب أسئل والجواب أكبالي صار
أيعينج الله على كل ذرة غبار
شفتي موت أو شفتي خيمه أو بيها نار
أو سكنه عطشانه أوذبحها الأنتظار
فارس الماي .. تنتظر مامنه جيه
أسمه سقاي .. أيموت بيها وبرقيه
شفتي عباس الكفيل
عالنهر واكع قتيل
آآآ يزينب .. أشكد تحملتي أذيه
....................
2
جسم الأكبر عالترايب وذره وذره
القاسم أباليلة زفافه أنطاج عمره
شفتي عبد الله أوسهم ذابحله نحره
أو من حلاة الروح فر لحسين فره
غصت العين .. بالدمع هاي المسيه
طفل الحسين .. ينسكي كاس المنيه
شفتي شوغات الرباب
ليلى رمله أبهالمصاب
آآآ يزينب .. أيكسرن الخاطر خطيه
.........................
3
نار تلهب شفتي ومهشم صدر
طفله تركض حافيه أو تسحك جمر
أم مصايب أنتي لو أم الخدر
يوم عاشر آآآ يمشكاة الصبر
أبهل الظلامه .. وهلج أنذبحو سويه
أم يتامه .. انتي لو أم الرزيه
شفتي عباس أو نهر
لو سهم شالع ظهر
آآآ يزينب .. فوك تل الزينبيه
.......................
4
زينب أسئل والدمع عالخد كناطر
شفتي صدر حسين سحكنه الحوافر
بعده صدره أمن السحك مكسور خاطر
لو تشافه أبمرهم أدموع المنابر
اشهاي الآهات .. يخت الحسين الوفيه
يا معاناة .. السبيه الخارجيه
شفتي بدروب السبي
أحجي يابنت النبي
آآآ يزينب .. وضحي العله الخفيه
........................
5
أحبال خشنه أو تاكل أبجلد الطفوله
هزل عرجه أو بالمشي جدأ كسوله
شفتي أهل الشام ما عدهم رجوله
أو شفتي علويات يا زينب خجوله
تحبس الصوت .. تنجلد بسياط أميه
أتمنت الموت .. عدها عفت طالبيه
شفتي ضربات السياط
ونتي مكطوعه النياط
آآآ يزينب .. رايحه الديره أجنبيه
......................
6
آآآ يزينب يا مصيبه بالخرابه
شفتي من فزت رقيه أتصيح بابا
أوجابو ألها الراس متحني أبخضابه
لعنة الله الدايمه الذيج العصابه
حاجت الراس .. بويه يحسين الشفيه
كطعت أنفاس .. فركتك عزت عليه
شفتي دفنوها أبلحد
أمتون زركه أمنالجلد
آآآ يزينب .. صبرج الوحده قضيه
............................
خادم أهل البيت
الشاعر : أسماعيل الجوراني
السبت : 13/7/2019
نزله
عن لسان حال العقيله زينب عليها السلام
وهي تخاطب اللعين أبن اللعين يزيد عليه لعائن الله
.........................
كيد كيدك يا يزيد
سوي أشعندك تريد
أنه بت وخت الشهيد
ما أقر قر العبيد
......................
أنه زينب بت علي أو بت فاطمه
وانه أخت المات جبده أمسممه
وخت أبو السجاد أبن حامي الحمه
والكمر عباس راعي الغانمه
حقدك الأعمى الشديد
مايهز عكلي الرشيد
أنه بت وخت الشهيد
ما أقر قر العبيد
....................
أنته أصلك كلي من ياهو أنحدر
ياهو أبوك أنجان طالع من ظهر
أنه زينب بت علي فارس مضر
هاشميه أو جدي سيد عالبشر
أستمع بيت القصيد
جدي مرسول الحميد
أنه بت وخت الشهيد
ما أقر قر العبيد
....................
نعمه من رب السمه عندي أهل
الكعبه ألهم بيت من عمر الأزل
عمره ما عابد مناة أو لا هبل
واحد أمنهلي الوحيهم من نزل
ذبح أخوي أمنالوريد
يبقه للعالم نشيد
أنه بت وخت الشهيد
ما أقر قر العبيد
.....................
أنه زينب بت نبي أبهيبة نبي
عشت عملة كربله أو درب السبي
ما رخى أحجابي ولا هدلت عبي
خاف ماتدري أبعفافي الطالبي
أمي الزهره أكيد
علمتني العفه عيد
أنه بت وخت الشهيد
ما أقر قر العبيد
........................
انه شفت أبعيني عبد الله أبسهم
نحره مذبوح أو شفت نار أبخيم
أو فوك صدر حسين شمرك من جثم
أو عالنهر مجتول شيال العلم
صبري أصبحلي عضيد
عززت هذا الرصيد
أنه بت وخت الشهيد
ما أقر قر العبيد
.......................
أنته تسكت وانه الحجي أبهل المقام
الشام أخليها عله راسك حطام
أشما تباهي أبمنصبك يبن اللئام
أبخطبتي العصماء أذلك بالكلام
عالمه وانه وليد
بحري قرئاني المجيد
أنه بت وخت الشهيد
ما أقر قر العبيد
.......................
خادم أهل البيت
الشاعر : أسماعيل الجوراني
الأثنين : 12/8/2019
عن لسان حال العقيله زينب عليها السلام
وهي تخاطب اللعين أبن اللعين يزيد عليه لعائن الله
.........................
كيد كيدك يا يزيد
سوي أشعندك تريد
أنه بت وخت الشهيد
ما أقر قر العبيد
......................
أنه زينب بت علي أو بت فاطمه
وانه أخت المات جبده أمسممه
وخت أبو السجاد أبن حامي الحمه
والكمر عباس راعي الغانمه
حقدك الأعمى الشديد
مايهز عكلي الرشيد
أنه بت وخت الشهيد
ما أقر قر العبيد
....................
أنته أصلك كلي من ياهو أنحدر
ياهو أبوك أنجان طالع من ظهر
أنه زينب بت علي فارس مضر
هاشميه أو جدي سيد عالبشر
أستمع بيت القصيد
جدي مرسول الحميد
أنه بت وخت الشهيد
ما أقر قر العبيد
....................
نعمه من رب السمه عندي أهل
الكعبه ألهم بيت من عمر الأزل
عمره ما عابد مناة أو لا هبل
واحد أمنهلي الوحيهم من نزل
ذبح أخوي أمنالوريد
يبقه للعالم نشيد
أنه بت وخت الشهيد
ما أقر قر العبيد
.....................
أنه زينب بت نبي أبهيبة نبي
عشت عملة كربله أو درب السبي
ما رخى أحجابي ولا هدلت عبي
خاف ماتدري أبعفافي الطالبي
أمي الزهره أكيد
علمتني العفه عيد
أنه بت وخت الشهيد
ما أقر قر العبيد
........................
انه شفت أبعيني عبد الله أبسهم
نحره مذبوح أو شفت نار أبخيم
أو فوك صدر حسين شمرك من جثم
أو عالنهر مجتول شيال العلم
صبري أصبحلي عضيد
عززت هذا الرصيد
أنه بت وخت الشهيد
ما أقر قر العبيد
.......................
أنته تسكت وانه الحجي أبهل المقام
الشام أخليها عله راسك حطام
أشما تباهي أبمنصبك يبن اللئام
أبخطبتي العصماء أذلك بالكلام
عالمه وانه وليد
بحري قرئاني المجيد
أنه بت وخت الشهيد
ما أقر قر العبيد
.......................
خادم أهل البيت
الشاعر : أسماعيل الجوراني
الأثنين : 12/8/2019
مولود
لمديح وذكرى تنصيب
أمير المؤمنين علي عليه السلام
في يوم الغدير الأغر عيد الله الأكبر
....................
أبصم أبجفين أديه .. هذا صوتي للمنيه
علي مولا علي مولا .. نصبه رب البريه
....................
صاحب الخوه النظيفه .. نصبه الباري خليفه بلغ أو بلغ محمد .. شنهو مظمون الصحيفه
مكه تشهد والمدينه .. شال أبو القاسم نبينه
جف يساره أبجف يمينه .. بالضحى أرتفعن سويه
....................
حيدري يبقه أنتمائي .. ولعلي خالص ولائي
من حليب أمي رضعته .. حبه وتشرف غذائي
رابط أبحيدر مصيري .. وفتخر حيدر أميري
صورته أبكلبي وضميري .. بالشدد تجايه أليه
......................
بالغدير العيد الأكبر .. للفرح أنصبلي منبر
من صميمي أنثر سعاده .. عالحفل والبيه يحضر
هالعشك بيه تجسد .. يوم أبو الزهره محمد
خده بالفرحه تورد .. من تلى شرع الوصيه
......................
رافضي أفخر هويتي .. عاشك المله أبسجيتي
علي علمني أعله حبه .. وانه ماعوفه المنيتي
يعلم الله بالنوايه .. أفدي روحي للولايه
عندي حجه عندي آيه .. علي أولى بالقضيه
.........................
أعلن البيعه أبقناعه .. يا علي سمعآ وطاعه
بالعلم مصدر مراجع .. بالحرب كلك شجاعه
علي حلال المشاكل .. تنطي ما تاخذ مقابل
وين أكو مثلك مماثل .. عنده هالكد عاطفيه
.....................
علي عالفطره عرفته .. بالحلم مرات شفته
نور وجها أهواي قدسي .. أنته ياهو من سئلته
أنه أبو الكل اليتامه .. كبل ميكمل كلامه
كمت أشكيله الظلامه .. يا علي عينك عليه
.......................
بالنجف كلما أزوره .. أعلن البيعه أبحضوره
روحي تتنفس غرامه .. تنتشي أبالذة عطوره
فدوه أروحله أمامي .. بيه يتسامه مقامي
بعد ما خصه أبسلامي .. أستعد واخذ تحيه
.....................
خادم أهل البيت
الشاعر : أسماعيل الجوراني
الأثنين : 12/8/2019
لمديح وذكرى تنصيب
أمير المؤمنين علي عليه السلام
في يوم الغدير الأغر عيد الله الأكبر
....................
أبصم أبجفين أديه .. هذا صوتي للمنيه
علي مولا علي مولا .. نصبه رب البريه
....................
صاحب الخوه النظيفه .. نصبه الباري خليفه بلغ أو بلغ محمد .. شنهو مظمون الصحيفه
مكه تشهد والمدينه .. شال أبو القاسم نبينه
جف يساره أبجف يمينه .. بالضحى أرتفعن سويه
....................
حيدري يبقه أنتمائي .. ولعلي خالص ولائي
من حليب أمي رضعته .. حبه وتشرف غذائي
رابط أبحيدر مصيري .. وفتخر حيدر أميري
صورته أبكلبي وضميري .. بالشدد تجايه أليه
......................
بالغدير العيد الأكبر .. للفرح أنصبلي منبر
من صميمي أنثر سعاده .. عالحفل والبيه يحضر
هالعشك بيه تجسد .. يوم أبو الزهره محمد
خده بالفرحه تورد .. من تلى شرع الوصيه
......................
رافضي أفخر هويتي .. عاشك المله أبسجيتي
علي علمني أعله حبه .. وانه ماعوفه المنيتي
يعلم الله بالنوايه .. أفدي روحي للولايه
عندي حجه عندي آيه .. علي أولى بالقضيه
.........................
أعلن البيعه أبقناعه .. يا علي سمعآ وطاعه
بالعلم مصدر مراجع .. بالحرب كلك شجاعه
علي حلال المشاكل .. تنطي ما تاخذ مقابل
وين أكو مثلك مماثل .. عنده هالكد عاطفيه
.....................
علي عالفطره عرفته .. بالحلم مرات شفته
نور وجها أهواي قدسي .. أنته ياهو من سئلته
أنه أبو الكل اليتامه .. كبل ميكمل كلامه
كمت أشكيله الظلامه .. يا علي عينك عليه
.......................
بالنجف كلما أزوره .. أعلن البيعه أبحضوره
روحي تتنفس غرامه .. تنتشي أبالذة عطوره
فدوه أروحله أمامي .. بيه يتسامه مقامي
بعد ما خصه أبسلامي .. أستعد واخذ تحيه
.....................
خادم أهل البيت
الشاعر : أسماعيل الجوراني
الأثنين : 12/8/2019
مولود
لذكرى عيد الغدير الأغر وتنصيب أمير المؤمنين علي عليه السلام خليفه للمسلمين
......................
الواحد الفرد الصمد .. يبرالك
بيد الوحي جبريل .. لمن جالك
تاج الولايه يا علي .. ودالك
مية ألف عالخير .. يا هنيالك
مية ألف عالخير .. يا هنيالك
........................
جبريل خصك والحجي بالسان رحماني
أبجف الحبيب المصطفى جف يرتفع ثاني
لو غير جفك رشحت ينشل عسى ألساني
أنته الخليفه يا علي أبمرسوم رباني
قيمه أوحشيمه خالقك .. خلالك
يالبلحرب كلها تخاف .. أخيالك
أوروس الخصم بالغانمه .. منوالك
مية ألف عالخير .. يا هنيالك
مية ألف عالخير .. يا هنيالك
........................
مرسوم رباني صدر يوم الغديريه
يابو الزجيه فاطمه الراضيه المرضيه
نصب علي المرتضى أبحكام شرعيه
من كنت مولاهو العلي لا يخلف النيه
بالخيمه كاعد والنبي .. يقرالك
حق الخلافه ترجمه .. بفعالك
فوك الحصيره خالتنام .. أعيالك
مية ألف عالخير .. يا هنيالك
مية ألف عالخير .. يا هنيالك
.........................
المشهود ألهم بالجرم نعرف هويتهم
غصبو حقوقك يا علي أو خانو عقيدتهم
يوم الغدير البخ بخو عقدو سقيفتهم
حيدره ميصير الوصي خلوها نيتهم
فدوه يروحون الشسع .. أنعالك
نادرآ مايوجد شخص .. بمثالك
ولهذا ربك هالقدر .. خصالك
مية ألف عالخير .. يا هنيالك
مية ألف عالخير .. يا هنيالك
......................
أيتام بالكوفه أشكثر محرومه جوعانه
أومن جفك الينكط عشك مهجتها شبعانه
حته الفقير أدلله شنهو أنته مولانه
قيراط عدلك ما غلط فد يوم ميزانه
الجاع والسائل شبع .. بسلالك
أيتام وتنام أبئمان .. أبجالك
اليعلم الله يا علي .. بحوالك
مية ألف عالخير .. يا هنيالك
مية ألف عالخير .. يا هنيالك
.......................
ياصافي نيه ياعلي لصنام ما ساجد
أعقولهم خزرف خزف عقلك فقط راشد
أمراية محمد بالخلق وبهيبة الساعد
فقارك أبسوح الحرب بالنصر متواعد
أبعيد الغدير أعوايدي .. تبقالك
أصدح وصفك بالفرح .. لجلالك
طاعه أو محبه وقهر .. أبعذالك
مية ألف عالخير .. يا هنيالك
مية ألف عالخير .. يا هنيالك
.....................
خادم أهل البيت
الشاعر : أسماعيل الجوراني
الأربعاء : 14/8/2019
لذكرى عيد الغدير الأغر وتنصيب أمير المؤمنين علي عليه السلام خليفه للمسلمين
......................
الواحد الفرد الصمد .. يبرالك
بيد الوحي جبريل .. لمن جالك
تاج الولايه يا علي .. ودالك
مية ألف عالخير .. يا هنيالك
مية ألف عالخير .. يا هنيالك
........................
جبريل خصك والحجي بالسان رحماني
أبجف الحبيب المصطفى جف يرتفع ثاني
لو غير جفك رشحت ينشل عسى ألساني
أنته الخليفه يا علي أبمرسوم رباني
قيمه أوحشيمه خالقك .. خلالك
يالبلحرب كلها تخاف .. أخيالك
أوروس الخصم بالغانمه .. منوالك
مية ألف عالخير .. يا هنيالك
مية ألف عالخير .. يا هنيالك
........................
مرسوم رباني صدر يوم الغديريه
يابو الزجيه فاطمه الراضيه المرضيه
نصب علي المرتضى أبحكام شرعيه
من كنت مولاهو العلي لا يخلف النيه
بالخيمه كاعد والنبي .. يقرالك
حق الخلافه ترجمه .. بفعالك
فوك الحصيره خالتنام .. أعيالك
مية ألف عالخير .. يا هنيالك
مية ألف عالخير .. يا هنيالك
.........................
المشهود ألهم بالجرم نعرف هويتهم
غصبو حقوقك يا علي أو خانو عقيدتهم
يوم الغدير البخ بخو عقدو سقيفتهم
حيدره ميصير الوصي خلوها نيتهم
فدوه يروحون الشسع .. أنعالك
نادرآ مايوجد شخص .. بمثالك
ولهذا ربك هالقدر .. خصالك
مية ألف عالخير .. يا هنيالك
مية ألف عالخير .. يا هنيالك
......................
أيتام بالكوفه أشكثر محرومه جوعانه
أومن جفك الينكط عشك مهجتها شبعانه
حته الفقير أدلله شنهو أنته مولانه
قيراط عدلك ما غلط فد يوم ميزانه
الجاع والسائل شبع .. بسلالك
أيتام وتنام أبئمان .. أبجالك
اليعلم الله يا علي .. بحوالك
مية ألف عالخير .. يا هنيالك
مية ألف عالخير .. يا هنيالك
.......................
ياصافي نيه ياعلي لصنام ما ساجد
أعقولهم خزرف خزف عقلك فقط راشد
أمراية محمد بالخلق وبهيبة الساعد
فقارك أبسوح الحرب بالنصر متواعد
أبعيد الغدير أعوايدي .. تبقالك
أصدح وصفك بالفرح .. لجلالك
طاعه أو محبه وقهر .. أبعذالك
مية ألف عالخير .. يا هنيالك
مية ألف عالخير .. يا هنيالك
.....................
خادم أهل البيت
الشاعر : أسماعيل الجوراني
الأربعاء : 14/8/2019
هوسات جنوبيه
...................
لذكرى بيعة عيد الغدير وتنصيب أمير المؤمنين علي عليه السلام
......................
أحنه عاهدنه الصميده لو يصير أشما يصير
غيره منبايع خليفه أوغيره مانقبل أمير
الهالسبب عيد الله الأكبر عدنه بالفطره الغدير
ها ها
عيد الله الأكبر جانه
رباط الفرحه أهنانه
خلي أنعايد مولانه
خلي أنعايد مولانه
ها ها ( أبتنصيبه )
ونهني الزهره أبتنصيبه
....................
من بعد حج الوداع الله حتم ما يلي
بالغدير أتصير بيعه الدين بيها يعتلي
جف أبو القاسم محمد شال جف حيدر علي
ها ها
أبمرسوم الله الرباني
أبجف الهادي الرحماني
جف حيدر جان الثاني
جف حيدر جان الثاني
ها ها ( أمزكيها )
هالبيعه الباري امزكيها
...................
يالتضد حيدر أمامي اسمع أحجاياتي هاي
أبحب علي أنه أبقه الأول ونته دوم أظل وراي
أوشيلها كطنه أمن أذانك لحظه توصل مستواي
ها ها
حيدر فتحلي أعيوني
باجر متخيب أظنوني
هوه أو ولده أيحضروني
هوه أو ولده أيحضروني
ها ها ( أبتزكيته )
ويهون أحسابي أبتزكيته
...................
خادم أهل البيت
الشاعر : أسماعيل الجوراني
الجمعه : 16/8/2019
...................
لذكرى بيعة عيد الغدير وتنصيب أمير المؤمنين علي عليه السلام
......................
أحنه عاهدنه الصميده لو يصير أشما يصير
غيره منبايع خليفه أوغيره مانقبل أمير
الهالسبب عيد الله الأكبر عدنه بالفطره الغدير
ها ها
عيد الله الأكبر جانه
رباط الفرحه أهنانه
خلي أنعايد مولانه
خلي أنعايد مولانه
ها ها ( أبتنصيبه )
ونهني الزهره أبتنصيبه
....................
من بعد حج الوداع الله حتم ما يلي
بالغدير أتصير بيعه الدين بيها يعتلي
جف أبو القاسم محمد شال جف حيدر علي
ها ها
أبمرسوم الله الرباني
أبجف الهادي الرحماني
جف حيدر جان الثاني
جف حيدر جان الثاني
ها ها ( أمزكيها )
هالبيعه الباري امزكيها
...................
يالتضد حيدر أمامي اسمع أحجاياتي هاي
أبحب علي أنه أبقه الأول ونته دوم أظل وراي
أوشيلها كطنه أمن أذانك لحظه توصل مستواي
ها ها
حيدر فتحلي أعيوني
باجر متخيب أظنوني
هوه أو ولده أيحضروني
هوه أو ولده أيحضروني
ها ها ( أبتزكيته )
ويهون أحسابي أبتزكيته
...................
خادم أهل البيت
الشاعر : أسماعيل الجوراني
الجمعه : 16/8/2019
هوسات
في مديح ومحبة
أمير المؤمنين علي عليه السلام
...................
علي أبسوح الحرب معروف مقداره
شطر مرحب الى نصفين فقاره
وبن العاص بعده أيكلكل أبعاره
ها ها ( وجها أسود )
يبقه التاليها وجها أسود
...................
عله أعناد الدواعش و الوهابيه
أتباع أبن باز أو أبن تيميه
أبايع جيت أبايع بالغديريه
ها ها ( بس حيدر )
أنتخبه أبصوتي بس حيدر
........................
يالتناصبني العداوه أو تحب تذبح منحري
أسمع أشراح أنه أكلك وفتهم من جوهري
شيعي أوحيدر أمامي أومذهبي أيظل جعفري
ها ها ( واليته )
بكماطي أو حيدر واليته
....................
خادم أهل البيت
الشاعر : أسماعيل الجوراني
السبت : 17/8/2019
في مديح ومحبة
أمير المؤمنين علي عليه السلام
...................
علي أبسوح الحرب معروف مقداره
شطر مرحب الى نصفين فقاره
وبن العاص بعده أيكلكل أبعاره
ها ها ( وجها أسود )
يبقه التاليها وجها أسود
...................
عله أعناد الدواعش و الوهابيه
أتباع أبن باز أو أبن تيميه
أبايع جيت أبايع بالغديريه
ها ها ( بس حيدر )
أنتخبه أبصوتي بس حيدر
........................
يالتناصبني العداوه أو تحب تذبح منحري
أسمع أشراح أنه أكلك وفتهم من جوهري
شيعي أوحيدر أمامي أومذهبي أيظل جعفري
ها ها ( واليته )
بكماطي أو حيدر واليته
....................
خادم أهل البيت
الشاعر : أسماعيل الجوراني
السبت : 17/8/2019
مولد
لذكرى بيعة عيد الغدير الأغر
عيد الله الأكبر وتنصيب
أمير المؤمنين علي عليه السلام
.....................
بخن بخن ياعلي بخن بخن
بخن بخن ياعلي بخن بخن
......................
يمدلل الشيعه تظل مدلولها
علي علي
تارس نفسها بالعشك وعقولها
علي علي
غصبآ على أبطون الحقد وذيولها
علي علي
كلما يهل عيد الغدير أنكولها
علي علي
حيدر عشكنه الأزلي
بخن بخن ياعلي بخن بخن
بخن بخن ياعلي بخن بخن
.....................
تشهد الجحفه والغدير أوياها
علي علي
النصبه بيده محمد طاها
علي علي
من كنت مولاها صفه مولاها
علي علي
أكمال دين أو معتقد معناها
علي علي
بيها الشدد تنجلي
بخن بخن ياعلي بخن بخن
بخن بخن ياعلي بخن بخن
.......................
الكعبه مهده والكرم عنوانه
علي علي
الفقرى والأيتام بس صحبانه
علي علي
أمراية محمد والشهود أهنانه
علي علي
قرءان رباني أنولد بالسانه
علي علي
راعي الوصايه والولي
بخن بخن ياعلي بخن بخن
بخن بخن ياعلي بخن بخن
.....................
مرسوم تتويجه أمر رباني
علي علي
جبريل حملته كلام ألساني
علي علي
نصب خليفه يالنبي العدناني
علي علي
البي تمسك يستحق رضواني
علي علي
ترجم غديره مايلي
بخن بخن ياعلي بخن بخن
بخن بخن ياعلي بخن بخن
.......................
زوج الزجيه فاطمه المرضيه
علي علي
شمعات تنصيبه تظل مضويه
علي علي
يشفي المريض الحالته مضنيه
علي علي
والعنده حاجه حاجته مكظيه
علي علي
رحمه أئلاهيه بلي
بخن بخن ياعلي بخن بخن
بخن بخن ياعلي بخن بخن
....................
خادم أهل البيت
الشاعر : أسماعيل الجوراني
الأثنين : 19/8/2019
...................
عد أشكثر ما بيك طيب العلي الدر
لو تعد عشر أسنين ما توصل أضفر
.................
نسئلكم الدعاء
وقراءة سورة الفاتحه لروح والدينا
لذكرى بيعة عيد الغدير الأغر
عيد الله الأكبر وتنصيب
أمير المؤمنين علي عليه السلام
.....................
بخن بخن ياعلي بخن بخن
بخن بخن ياعلي بخن بخن
......................
يمدلل الشيعه تظل مدلولها
علي علي
تارس نفسها بالعشك وعقولها
علي علي
غصبآ على أبطون الحقد وذيولها
علي علي
كلما يهل عيد الغدير أنكولها
علي علي
حيدر عشكنه الأزلي
بخن بخن ياعلي بخن بخن
بخن بخن ياعلي بخن بخن
.....................
تشهد الجحفه والغدير أوياها
علي علي
النصبه بيده محمد طاها
علي علي
من كنت مولاها صفه مولاها
علي علي
أكمال دين أو معتقد معناها
علي علي
بيها الشدد تنجلي
بخن بخن ياعلي بخن بخن
بخن بخن ياعلي بخن بخن
.......................
الكعبه مهده والكرم عنوانه
علي علي
الفقرى والأيتام بس صحبانه
علي علي
أمراية محمد والشهود أهنانه
علي علي
قرءان رباني أنولد بالسانه
علي علي
راعي الوصايه والولي
بخن بخن ياعلي بخن بخن
بخن بخن ياعلي بخن بخن
.....................
مرسوم تتويجه أمر رباني
علي علي
جبريل حملته كلام ألساني
علي علي
نصب خليفه يالنبي العدناني
علي علي
البي تمسك يستحق رضواني
علي علي
ترجم غديره مايلي
بخن بخن ياعلي بخن بخن
بخن بخن ياعلي بخن بخن
.......................
زوج الزجيه فاطمه المرضيه
علي علي
شمعات تنصيبه تظل مضويه
علي علي
يشفي المريض الحالته مضنيه
علي علي
والعنده حاجه حاجته مكظيه
علي علي
رحمه أئلاهيه بلي
بخن بخن ياعلي بخن بخن
بخن بخن ياعلي بخن بخن
....................
خادم أهل البيت
الشاعر : أسماعيل الجوراني
الأثنين : 19/8/2019
...................
عد أشكثر ما بيك طيب العلي الدر
لو تعد عشر أسنين ما توصل أضفر
.................
نسئلكم الدعاء
وقراءة سورة الفاتحه لروح والدينا
مولد
لذكرى ولادة أسد بغداد
الأمام موسى أبن جعفر عليه السلام
.......................
هاليله عالمعموره
كاظمنه شعشع نوره
......................
كاظمنه راعي الغانمه
نوره ملى أرض أو سمه
مسرور بي حامي الحمه
والزهره بي مسروره
.....................
جعفر أبوه أبصيرته
دمعات فرحه أبشيبته
شاله أبيساره أويمنته
ظمه أله بحروره
....................
كاظمنه هاليله أنولد
كاضي الحوايج والشدد
بالدنيا والمحشر سند
شيعة علي منصوره
.....................
مبروك ياشيعة علي
كل الشدايد تنجلي
الكاظم أنتي أتخيلي
ينثر عليج أعطوره
......................
محفلنه ندري أتشاهده
أمه البتول العابده
شبينه وحنه أنعايده
شمع الفرح وبخوره
...................
الهذا الأمام الطالبي
ياشيخ ياشاب أوصبي
واجب تصلي عالنبي
والفرحه صوت أوصوره
....................
ميلاده للشيعه نصر
والراد بالجنه قصر
خله أبموسى يبتصر
بالكاظيمه أيزوره
.....................
يابو الرضا ياغايتي
هاليله طالب حاجتي
أنخاك ونته نخوتي
فزعات ألك مذكوره
.....................
بسم الأمام المنتظر
للفرحه ترجمنه صور
ياربنه يسر ماعسر
أبحامي الحمه والجوره
...................
خادم أهل البيت
الشاعر : أسماعيل الجوراني
الأربعاء : 21/8/2019
لذكرى ولادة أسد بغداد
الأمام موسى أبن جعفر عليه السلام
.......................
هاليله عالمعموره
كاظمنه شعشع نوره
......................
كاظمنه راعي الغانمه
نوره ملى أرض أو سمه
مسرور بي حامي الحمه
والزهره بي مسروره
.....................
جعفر أبوه أبصيرته
دمعات فرحه أبشيبته
شاله أبيساره أويمنته
ظمه أله بحروره
....................
كاظمنه هاليله أنولد
كاضي الحوايج والشدد
بالدنيا والمحشر سند
شيعة علي منصوره
.....................
مبروك ياشيعة علي
كل الشدايد تنجلي
الكاظم أنتي أتخيلي
ينثر عليج أعطوره
......................
محفلنه ندري أتشاهده
أمه البتول العابده
شبينه وحنه أنعايده
شمع الفرح وبخوره
...................
الهذا الأمام الطالبي
ياشيخ ياشاب أوصبي
واجب تصلي عالنبي
والفرحه صوت أوصوره
....................
ميلاده للشيعه نصر
والراد بالجنه قصر
خله أبموسى يبتصر
بالكاظيمه أيزوره
.....................
يابو الرضا ياغايتي
هاليله طالب حاجتي
أنخاك ونته نخوتي
فزعات ألك مذكوره
.....................
بسم الأمام المنتظر
للفرحه ترجمنه صور
ياربنه يسر ماعسر
أبحامي الحمه والجوره
...................
خادم أهل البيت
الشاعر : أسماعيل الجوراني
الأربعاء : 21/8/2019
هوسات جنوبيه
لذكرى ولادة الأمام موسى أبن جعفر عليه السلام
.................
أذا بعضاك عله أو منها تتكدر
الطبيب العلل قصدي موسى أبن جعفر
روح أو أشكي يمه شكوة المضطر
ها ها
علتك بيده أيداويها
أو من أولها التاليها
كل حاجاتك يكظيها
كل حاجتك يكظيها
ها ها ( بس حلفه )
أبيبة الزهره بس حلفه
....................
هاليلة شعلنه شمعة الميلاد
أومن أرض المدينه تهنئه البغداد
يا موسى أبن جعفر بسمك الأعياد
ها ها
بسم أعيادك دكينه
بابك ونته أتكفينه
حاشا الليله أتخلينه
حاشا الليله أتخلينه
ها ها (يالكاظم )
ياباب الحاجه يالكاظم
...................
خادم أهل البيت
الشاعر : أسماعيل الجوراني
الأربعاء : 21/8/2019
لذكرى ولادة الأمام موسى أبن جعفر عليه السلام
.................
أذا بعضاك عله أو منها تتكدر
الطبيب العلل قصدي موسى أبن جعفر
روح أو أشكي يمه شكوة المضطر
ها ها
علتك بيده أيداويها
أو من أولها التاليها
كل حاجاتك يكظيها
كل حاجتك يكظيها
ها ها ( بس حلفه )
أبيبة الزهره بس حلفه
....................
هاليلة شعلنه شمعة الميلاد
أومن أرض المدينه تهنئه البغداد
يا موسى أبن جعفر بسمك الأعياد
ها ها
بسم أعيادك دكينه
بابك ونته أتكفينه
حاشا الليله أتخلينه
حاشا الليله أتخلينه
ها ها (يالكاظم )
ياباب الحاجه يالكاظم
...................
خادم أهل البيت
الشاعر : أسماعيل الجوراني
الأربعاء : 21/8/2019
موشح
أستهلال هلال شهر محرم الحرام
...................
أهلال عاشورك على الكون أنتشر
أو بيه أثر للنايبه أو دم النحر
...................
نايبه أبصف نايبه أبوجها رسم
نحر منحور أبسهم جف أو علم
أو خيل حافرها نهب منك لحم
يوم صدرك أصبح أمهشم وذر
.....................
يوم صدرك داسته أخيول العده
أو فوك وجه الكاع جثه أمدده
أعمامه مسلوب أوسليب أنته الرده
أوسهم المثلث شعب صدر أوظهر
....................
سهم المثلث يبن عقد الوله
فوك عملة كربله حط كربله
أشحال زينب يوم شافت هالبله
ولها كافل جثته أبجرف النهر
....................
ألها كافل جثته أبنهر الفرات
أثنين أديه أمن الزنود أمكطعات
من جلوس أشلون متصلي الصلاة
الراح منها الحيد عباس الكمر
....................
الراح منها أحيود حكها أبهالمصاب
تلطم أعله الراس وتهيل التراب
أعزازها أجساد أنفصل منها الركاب
أفراكها أوياها لعد أخر صفر
....................
أفراكها أوياها عمر من السبي
الله يلعن كل زنيم أو ناصبي
الخارجيه كال عن بنت النبي
مادره بالدم على السيف أنتصر
...................
مادره بالدم الى يوم المئال
صار فرقان الحرام أمن الحلال
أذكر العطشان من تشرب زلال
أومن يهل عاشور تتجسد صور
...................
من يهل أهلال عاشور الضمه
بالمجالس تلكه حضرت فاطمه
أتسجل اليبجي أعله أبنها أوخادمه
واللطم صدره أو يون ونة قهر
......................
خادم أهل البيت
الشاعر : أسماعيل الجوراني
الثلاثاء : 13/8/2019
أستهلال هلال شهر محرم الحرام
...................
أهلال عاشورك على الكون أنتشر
أو بيه أثر للنايبه أو دم النحر
...................
نايبه أبصف نايبه أبوجها رسم
نحر منحور أبسهم جف أو علم
أو خيل حافرها نهب منك لحم
يوم صدرك أصبح أمهشم وذر
.....................
يوم صدرك داسته أخيول العده
أو فوك وجه الكاع جثه أمدده
أعمامه مسلوب أوسليب أنته الرده
أوسهم المثلث شعب صدر أوظهر
....................
سهم المثلث يبن عقد الوله
فوك عملة كربله حط كربله
أشحال زينب يوم شافت هالبله
ولها كافل جثته أبجرف النهر
....................
ألها كافل جثته أبنهر الفرات
أثنين أديه أمن الزنود أمكطعات
من جلوس أشلون متصلي الصلاة
الراح منها الحيد عباس الكمر
....................
الراح منها أحيود حكها أبهالمصاب
تلطم أعله الراس وتهيل التراب
أعزازها أجساد أنفصل منها الركاب
أفراكها أوياها لعد أخر صفر
....................
أفراكها أوياها عمر من السبي
الله يلعن كل زنيم أو ناصبي
الخارجيه كال عن بنت النبي
مادره بالدم على السيف أنتصر
...................
مادره بالدم الى يوم المئال
صار فرقان الحرام أمن الحلال
أذكر العطشان من تشرب زلال
أومن يهل عاشور تتجسد صور
...................
من يهل أهلال عاشور الضمه
بالمجالس تلكه حضرت فاطمه
أتسجل اليبجي أعله أبنها أوخادمه
واللطم صدره أو يون ونة قهر
......................
خادم أهل البيت
الشاعر : أسماعيل الجوراني
الثلاثاء : 13/8/2019
موشح
أستهلال هلال شهر عاشوراء
.....................
الشيعه مالومه أو تدك أصدورها
أبيوم نيبتكم وصل عاشورها
...................
يال بيت المصطفى طوك النجاة
أنتم الشيعة علي ماي الحياة
والثلث تنعام وكت الموزمات
فزعه ألكم ما يجي أبمنظورها
....................
فزعه ألكم بيها كل هم ينجلي
لليحس مضنوك وبهم مبتلي
يامحمد فاطمه حيدر علي
ياحسن يحسين خير أبدورها
....................
ياحسن يحسين عباس الكمر
أهلال عاشورا على زينب ظهر
أو عاودت أحزانها أبكل الصور
أخوانها أنذبحت تشوف أنحورها
.....................
أخوانها أنذبحت تشوف أبكربله
أجسادها أبذاري التريبه أمرمله
أمعلعله ياحيف بت عقد الوله
أو نار الخيام أستعر تنورها
.....................
نار الخيام أو خطب دخانها
أطفال منها أرتاعت أو نسوانها
فوك تل الزينبي أعله أخوانها
زينب أتنادي الظليمه أو جورها
........................
زينب أتنادي أو تحشم يخوتي
جاوبوني أو خل تكوض حسرتي
حسين يا عباس صارت سفرتي
عالهزل بعد الخدر وظهورها
......................
عالهزل بعد الخدر بنت النبي
أخلافكم عانت معاناة السبي
أبسوطه يجلدها الزنيم الناصبي
أو روسكم سن الرمح ناخورها
....................
روسكم فوك الرمح تكطر دمه
يا أبطال الهيجا يا أهل الحمه
بت علي أو بنت الزجيه فاطمه
أشلون ترضون العدو ناطورها
....................
خادم أهل البيت
الشاعر : أسماعيل الجوراني
الجمعه : 14/6/2019
أستهلال هلال شهر عاشوراء
.....................
الشيعه مالومه أو تدك أصدورها
أبيوم نيبتكم وصل عاشورها
...................
يال بيت المصطفى طوك النجاة
أنتم الشيعة علي ماي الحياة
والثلث تنعام وكت الموزمات
فزعه ألكم ما يجي أبمنظورها
....................
فزعه ألكم بيها كل هم ينجلي
لليحس مضنوك وبهم مبتلي
يامحمد فاطمه حيدر علي
ياحسن يحسين خير أبدورها
....................
ياحسن يحسين عباس الكمر
أهلال عاشورا على زينب ظهر
أو عاودت أحزانها أبكل الصور
أخوانها أنذبحت تشوف أنحورها
.....................
أخوانها أنذبحت تشوف أبكربله
أجسادها أبذاري التريبه أمرمله
أمعلعله ياحيف بت عقد الوله
أو نار الخيام أستعر تنورها
.....................
نار الخيام أو خطب دخانها
أطفال منها أرتاعت أو نسوانها
فوك تل الزينبي أعله أخوانها
زينب أتنادي الظليمه أو جورها
........................
زينب أتنادي أو تحشم يخوتي
جاوبوني أو خل تكوض حسرتي
حسين يا عباس صارت سفرتي
عالهزل بعد الخدر وظهورها
......................
عالهزل بعد الخدر بنت النبي
أخلافكم عانت معاناة السبي
أبسوطه يجلدها الزنيم الناصبي
أو روسكم سن الرمح ناخورها
....................
روسكم فوك الرمح تكطر دمه
يا أبطال الهيجا يا أهل الحمه
بت علي أو بنت الزجيه فاطمه
أشلون ترضون العدو ناطورها
....................
خادم أهل البيت
الشاعر : أسماعيل الجوراني
الجمعه : 14/6/2019
شوط كربلائي
لنصرة ومديح سيد الشهداء الأمام الحسين عليه السلام
...................
ياماي الوجه يحسين .. يا بن فاطمه الزهره
ناس البالمجالس هاي .. منك تطمع أبنظره
.......................
ملهوفه عليك الناس .. ونته أدرى أبمشاعرها
مو دمعه أولطم جفين .. أوثوب أسود مظاهرها
أمن الذله أبد هيهات .. منحوته أبظمايرها
لو كطعو نحر وجفوف
منها أو هددوها أبخوف
توصل للضريح أزحوف
وتجدد عهدها أوياك .. تنصر قائم العتره
...................
يا ثوره على الطاغوت .. يا برد أو سلام النار
ما دام الجسد بي روح .. ما يخمد لهيب الثار
مجنونه الهواجس بيك .. مهما أندارت الأقدار
مثل أنصارك السبعين
شبان أشكثر حلوين
ضحولك عمر يحسين
و تضحي بعد شبان .. بالدم تبصم أبعشره
....................
حبك محور الخدام .. يا ملهم ثقات الكون
عبره أومدرسة أخلاق .. أبيض بيها وسود لون
نيتها الفناء الروح .. تتباها تظل أم عون
عاشورك مدارس نور
بيها أمنالعلوم أبحور
ولهذا السبب عاشور
أصلاح أوفيافي أخلاق .. تشرح للمحب صدره
....................
شدت راية العباس .. ناسك يا بعد ناسك
ما تسبى العقيله النوب .. ما يرفع رمح راسك
لادمعه الرقيه أطيح .. تترك حسره بحساسك
يا كعبة عشك مولاي
نحرك والعطش والماي
صوره ألها معاني أهواي
للمؤمن جواز أتصير .. باجر من يحل حشره
...................
يمراية بني عدنان .. ياسبط النبي يحسين
نصرآ للصلا والصوم .. نصرآ للعدل والدين
بالدم وثقت دستور .. وينه الحاربك جا وين
صوت أبكربله الهاليوم
واويلي على المظلوم
من ماي الشرب محروم
نحره أمن القفا منحور .. وبجسمه 12 طبره
.....................
خادم أهل البيت
الشاعر : أسماعيل الجوراني
الأربعاء : 3/7/2019
لنصرة ومديح سيد الشهداء الأمام الحسين عليه السلام
...................
ياماي الوجه يحسين .. يا بن فاطمه الزهره
ناس البالمجالس هاي .. منك تطمع أبنظره
.......................
ملهوفه عليك الناس .. ونته أدرى أبمشاعرها
مو دمعه أولطم جفين .. أوثوب أسود مظاهرها
أمن الذله أبد هيهات .. منحوته أبظمايرها
لو كطعو نحر وجفوف
منها أو هددوها أبخوف
توصل للضريح أزحوف
وتجدد عهدها أوياك .. تنصر قائم العتره
...................
يا ثوره على الطاغوت .. يا برد أو سلام النار
ما دام الجسد بي روح .. ما يخمد لهيب الثار
مجنونه الهواجس بيك .. مهما أندارت الأقدار
مثل أنصارك السبعين
شبان أشكثر حلوين
ضحولك عمر يحسين
و تضحي بعد شبان .. بالدم تبصم أبعشره
....................
حبك محور الخدام .. يا ملهم ثقات الكون
عبره أومدرسة أخلاق .. أبيض بيها وسود لون
نيتها الفناء الروح .. تتباها تظل أم عون
عاشورك مدارس نور
بيها أمنالعلوم أبحور
ولهذا السبب عاشور
أصلاح أوفيافي أخلاق .. تشرح للمحب صدره
....................
شدت راية العباس .. ناسك يا بعد ناسك
ما تسبى العقيله النوب .. ما يرفع رمح راسك
لادمعه الرقيه أطيح .. تترك حسره بحساسك
يا كعبة عشك مولاي
نحرك والعطش والماي
صوره ألها معاني أهواي
للمؤمن جواز أتصير .. باجر من يحل حشره
...................
يمراية بني عدنان .. ياسبط النبي يحسين
نصرآ للصلا والصوم .. نصرآ للعدل والدين
بالدم وثقت دستور .. وينه الحاربك جا وين
صوت أبكربله الهاليوم
واويلي على المظلوم
من ماي الشرب محروم
نحره أمن القفا منحور .. وبجسمه 12 طبره
.....................
خادم أهل البيت
الشاعر : أسماعيل الجوراني
الأربعاء : 3/7/2019
نزله
لمديح شجاعة الأمام
علي الأكبر عليه السلام
......................
سيفه حده
بيده مده
أو بيهم الأكبر تغده
هوه جده
ياهو كده
من يعد لعداه عده
.....................
صفنه صارت ذبلك أبره
وين طاحت صوت يظهر
رويه طكت رويه بالطف
من شهر صمصامه الأكبر
أكو بيها أبسيفه ماتت
بيها ماتت لحظت الكر
علي سوح الحومه عيده
نشمي أبن نشمي الغضنفر
رفعت أجفوف الدعاء
ليلى لبواب السماء
رده سالم
كون غانم
شال كل روس الفواطم
هوه جده
ياهو كده
من يعد لعداه عده
......................
ناس تسئل هذا الأكبر
لو علي جده الصميده
ناس فرت من رعبها
الروح مو هينه أكيده
غار يمنه غار يسره
يا حلاته سيفه بيده
ثغره باسم عزمه ثابت
جيش كامل ظل يبيده
علي شمعة كربلاء
شرف أدوار الولاء
جيش أميه
أبلا خطيه
صار للأكبر ضحيه
هوه جده
ياهو كده
من يعد لعداه عده
......................
غيم دلهم راسه دخن
من نزل سوح المنيه
زم أشافه رفله شارب
ناده من غيره وحميه
أنه أبن سبع المثاني
أنه أخو سكنه ورقيه
اليوم أحامي عن أمامي
حسين أبن خير البريه
روحي لحسيني فداء
بيهم أتحول بلاء
كص ركبهم
غاد ذبهم
عاود النوب أو ضربهم
هوه جده
ياهو كده
من يعد لعداه عده
..................
ريح صرصر صار الأكبر
الله سخرها أعله زمره
من تشرك من تغرب
من تكظ عايل تهطره
ياهو لاحه ذاري منها
أعجاز نخله خاوي عمره
تك نفسهم من لفاهم
كربله جن ميبر أبره
أبعينهم ضاك الفضاء
غركو أبسيل الدماء
ساعة الكر
علي الأكبر
جيشهم بالحومه أدبر
هوه جده
ياهو كده
من يعد لعداه عده
.....................
ساعه أخذ والنوب ساعه
رد عليهم سيفه شرع
سوه بيهم خوش عمله
جثه فوك الجثه مصرع
راسه حاسر كله غيره
عفيه الأنزع أبن الأنزع
من دخل سوح المعارك
لما حد وافاه مصرع
أعتلى صهو الأباء
وستحق هذا الرثاء
بي شهامه
من عمامه
الضحو النهج الأمامه
هوه جده
ياهو كده
من يعد لعداه عده
.....................
خادم أهل البيت
الشاعر : أسماعيل الجوراني
الجمعه : 23/8/2019
لمديح شجاعة الأمام
علي الأكبر عليه السلام
......................
سيفه حده
بيده مده
أو بيهم الأكبر تغده
هوه جده
ياهو كده
من يعد لعداه عده
.....................
صفنه صارت ذبلك أبره
وين طاحت صوت يظهر
رويه طكت رويه بالطف
من شهر صمصامه الأكبر
أكو بيها أبسيفه ماتت
بيها ماتت لحظت الكر
علي سوح الحومه عيده
نشمي أبن نشمي الغضنفر
رفعت أجفوف الدعاء
ليلى لبواب السماء
رده سالم
كون غانم
شال كل روس الفواطم
هوه جده
ياهو كده
من يعد لعداه عده
......................
ناس تسئل هذا الأكبر
لو علي جده الصميده
ناس فرت من رعبها
الروح مو هينه أكيده
غار يمنه غار يسره
يا حلاته سيفه بيده
ثغره باسم عزمه ثابت
جيش كامل ظل يبيده
علي شمعة كربلاء
شرف أدوار الولاء
جيش أميه
أبلا خطيه
صار للأكبر ضحيه
هوه جده
ياهو كده
من يعد لعداه عده
......................
غيم دلهم راسه دخن
من نزل سوح المنيه
زم أشافه رفله شارب
ناده من غيره وحميه
أنه أبن سبع المثاني
أنه أخو سكنه ورقيه
اليوم أحامي عن أمامي
حسين أبن خير البريه
روحي لحسيني فداء
بيهم أتحول بلاء
كص ركبهم
غاد ذبهم
عاود النوب أو ضربهم
هوه جده
ياهو كده
من يعد لعداه عده
..................
ريح صرصر صار الأكبر
الله سخرها أعله زمره
من تشرك من تغرب
من تكظ عايل تهطره
ياهو لاحه ذاري منها
أعجاز نخله خاوي عمره
تك نفسهم من لفاهم
كربله جن ميبر أبره
أبعينهم ضاك الفضاء
غركو أبسيل الدماء
ساعة الكر
علي الأكبر
جيشهم بالحومه أدبر
هوه جده
ياهو كده
من يعد لعداه عده
.....................
ساعه أخذ والنوب ساعه
رد عليهم سيفه شرع
سوه بيهم خوش عمله
جثه فوك الجثه مصرع
راسه حاسر كله غيره
عفيه الأنزع أبن الأنزع
من دخل سوح المعارك
لما حد وافاه مصرع
أعتلى صهو الأباء
وستحق هذا الرثاء
بي شهامه
من عمامه
الضحو النهج الأمامه
هوه جده
ياهو كده
من يعد لعداه عده
.....................
خادم أهل البيت
الشاعر : أسماعيل الجوراني
الجمعه : 23/8/2019