نزله : محدثه 1442
ليلة الأنصار رضوان الله عليهم أجمعين
.................
دكو صدر --  لم الخدر
يا زينب -- أو داعت علي

لمن يطر -- خيط الفجر
هاي -- العساكر تنولي

يا زينب -- أو داعت علي
يا زينب -- أو داعت علي
....................
1
يام عون أرتاحي منه
الصوت أجاها من حبيب

واثقين الخطوه أجينه
النصرة حسين الغريب

النصر أما الشهاده
يا هي من عدهن نصيب

نعمه من رب الجلاله
والأجر بيها عجيب

نترقب .. ناده ودموعه تهل
يا  زينب .. ولكم أبهايه الفضل
للمذهب ..  بالعمر نكتب وصل

من المهد -- حيدر مدد
فوك -- الشفايف تعتلي
ول هالصدد -- نوكع جسد
يا زينب -- أو داعت علي
....................
2
هسه لو تردين زينب
صوت غيرتهم دوه

والله نكلب عالعساكر
كل شبر من نينوه

جاوبت بنت الرساله
والنعم منكم سوه

أبزودكم باجر أملح عيني
وي ضي الضوه

شجعانها .. أتباهو أبهالغانمه
عنوانها .. بت علي أو بت فاطمه
بلسانها  .. غبشه تطلع بالسمه

عافو ترف -- عشكو شغف
باجر -- مراجل تنتلي
للطف هدف -- حبكم شرف
يا زينب -- أو داعت علي
....................
3
أمني بالله أو نبيه
أرواحنه ألكم فده

الليل ما نتخذه غايه
أو بيكم أنشمت العده

الراد بيكم نيه سوده
أبعون الله أنبريده

أو تنكلب نيته عليه
أبموت المحتم غده

نطرينه .. فوك تل الزينبي
أتشوفينه .. أو جدج الهادي النبي
أتواصينه .. دون الحسين الأبي

ظهر أبظهر -- نجلي الخطر
والحومه -- بالدم تنملي
بالطف حضر -- داعي الفخر
يا زينب -- أو داعت علي
....................
4
من بزغ فجر المنايا
أنصار أبو اليمه أنتخت

الكاع من خطوة جدمهم
ماجت أو حيل أرتخت

جن سفينة نوح صارو
يوم عالجودي أستوت

أدبو جرذان أميه
أحجايه بالحظ والبخت

سبعينهم .. حيرو سبعين ألف
تلقينهم .. حيدري ما ينوصف
بيمينهم .. سيف عالرقبه يهف

حاصب حصب -- قص الرقب
هذا أليه -- أو ذاكه ألي
شاط العصب -- عز الطلب
يا زينب -- أو داعت علي
.....................
5
الهمه شدوها أبجلاده
أو معدن الغيره أنتله

هذا عاليمنه يغير
أو ذاكه باليسره أختله

أعلام حربي للمنايا
زلزله أبصف زلزله

صارو أبسوح الحريبه
تشهد لهم كربله

دخلوها .. الحومه والجيش أرتعب
خلوها .. نايره أبمعنى العجب
علوها .. الرايه والجف ماتعب

هذا العشك -- هوه الصدك
عشك -- الولايه الأزلي
لمن يطك -- من العرك
يا زينب -- أو داعت علي
...................
6
كاونو حد ما تساوو
موته كلهم عالثره
حسين بدموعه نعاهم
فاتحه ألهم قره
صد عله أخته أو يكلها
أو بالدمع غص ناظره
ماكو من أصحابي أوفى
الحين يوم الأخره

هنيالهم .. حسين أب نهم دمع
يبرالهم .. باجر أبيوم الجمع
بفعالهم .. كربله كعبه أوتشع

غيره أوعزم -- نعمه الزلم
بالحومه -- موقفهم جلي
ما ننهزم -- من نحتدم
يا زينب -- أو داعت علي
...................
خادم أهل البيت
الشاعر : أسماعيل الجوراني
الخميس : 13/8/2020

نزله : محرم 1442
لمديح شجاعة قمر العشيره أبا الفضل العباس عليه السلام
.....................
أذن آذان المنايا هذا ميدان الحرب
والعساجر من رعبها عدها خفكه بالكلب
وبو فاضل مبتسم
رازم الحومه رزم
والعساجر من رعبها عدها خفكه بالكلب
....................
1
راجله أو فرسان داخت يوم أبو فاضل نزل
جلجله ما ألها تالي بينهم صار الجدل
ضجه صفنه غبره كامت دورو ما ألها حل
صحت أرض الغاضريه والجثث متكومه تل

نادت الحره أو نعم
يا بو فاضل يا شهم
خويه لا عابت يمينك حيل أترسهم رعب
.....................
2
حمله شنها عاليمين أو حمله شن عالميسره
أو سيفه بجساد العساجر سوه بالطف مجزره
الما شطر نصين طوله الغاد راسه أيكتره
نشمي أبن نشمي الغضنفر الله بيهم قدره

ما رجع خطوة جدم
واثق أو كله عزم
سد عله الرايدله شرده كل نياسيم الدرب
......................
3
سيف بيده بيده جربه عنوه للشاطي أعتنه
الكتايب عالكتايب ظل يصفها أبرهدنه
يبن أختنه الشمر كله وبو فاضل لاسنه
ما يشرفني نسبكم  والله يا شمر الخنا

شمر يا عار الزلم
أعلم الشي المهم
حسين أميري ما أعوفه لو على الشط أنصلب
.....................
4
كزبرت شعرة جلدهم من دخل ماي النهر
أحنه جيش أو هوه واحد كيف واحد ونتصر
ساعة السوده الأجينه الكربله أين المفر
شيبت منه اللحايا أوبينه ما مر هالخطر

جيش وبهذا الحجم
خوش صيد أشكد دسم
شارب العباس رف أو سيفه يحصبهم حصب
........................
5
عاجل الأخبار شاعت عمر شمر أو حرمله
أجيوشنه أبكامل قواها صعبه تكدر توصله
والله لو ما حسين وصه خلي للطف منزله
( جا ) يكولون الخريطه بيها جانت كربله

بيه لحد يحتدم
طلبو هدنه للسلم
أمراية الخوه النظيفه أبكربله أصبح قطب
.......................
6
أبسابق أصرار الجريمه وبعلو شمس النهار
بالغدر جفه اليمين أو بالغدر جفه اليسار
بالبواشط كطعوهن والسهم بالجربه صار
والبساتين أبفعلهم لبسوها أهدوم عار

ظلت أزنوده تزم
دمها وتهيكل جسم
أو سكنه ما روت عطشها والدمع عالخد يصب
....................
خادم أهل البيت
الشاعر : أسماعيل الجوراني
السبت 15/8/2020

ندبه : محرم 1442
ندبه للسيده فاطمه العليله عزيزة قلب الحسين عليه السلام
-----------------
يبنت أهل الفضيله -- أنذبح شيخ القبيله
مثل أم الخدر -- تحلي بالصبر
يا فاطمه العليله  -- يا فاطمه العليله
---------------
1
عجيد الكوم بات  أبهالمسيه
أعله رمضة كربله جثه رميه
أنصبي مأتمه أو زيدي العزيه
ولبسي الثوب الأسود للمنيه

الخليل أبلا خليله -- تظل روحه نحيله
وكت طرة الفجر -- صفه العاشر قدر
يا فاطمه العليله -- يا فاطمه العليله
---------------
2
أبوج حسين يا بنت المعالي
كضى نحبه أو نحب كل الغوالي
أنخسف بدر الفضيله أبهاليالي
تعالي الكربله شوفي تعالي

جرم ما حل مثيله -- الدوافعهم نبيله
ولا منهم بدر -- الج خاطر يسر
يا فاطمه العليله  -- يا فاطمه العليله
--------------
3
نشامه الطالبيه أو آل هاشم
جثث ذبلانه من عدها المعالم
علي الأكبر أخوج أبصفه جاسم
على نفس الحصيره أبموته جاثم

وبو فاضل دخيله -- عله الشط ماله حيله
كطع سيف الكفر -- أدينه بالغدر
يا فاطمه العليله -- يا فاطمه العليله
---------------
4
عمر أبن سعد شمر الضغينه
سيوف ألهم صفت تنهش وتينه
أبرزايه كربله بلوه أبتلينه
نريده الصوت يوصل للمدينه

سهم شاعب دليله -- عمر أبن الرذيله
الى المدعو شمر -- صدر منه أمر
يا فاطمه العليله -- يا فاطمه العليله
-----------------
5
صعد شمر الخنا صدره أو تربع
12 طبره أبحقد بعضاه وزع
كطع من القفا راسه التشبع
بحاديث النبي أو صولات الأنزع

أبو الذات الأصيله -- الرمح راسه يشيله
كسر ماله جبر -- يظل طول العمر
يا فاطمه العليله -- يا فاطمه العليله
----------------
6
بعد حر الرياحي أو بن مظاهر
حوافر راحت أو ردت حوافر
تهشمله الصدر من دون ناصر
أو سيوف الوذرت جسمه أو خناجر

الدفن منعو سبيله -- الظهر شمسه ثكيله
أبالهب شمس الظهر -- ذبل جسمه الطهر
يا فاطمه العليله -- يا فاطمه العليله
-----------------
7
نياشين الأسى ترس الملامح
أثرها أشما يهل عاشور واضح
أبالطم فوك الصدر صوت النوايح
نتاني يظهر المهدي أبو صالح

نتاني أبلايه حيله -- ظهوره أبأي وسيله
جمع يامه أشكثر -- نعدها أو ننتظر
يا فاطمه العليله -- يا فاطمه العليله
----------------
8
عزانه قايم أو دايم عزانه
الظهور المهدي أبو صالح رجانه
الترفرف رايته غاية منانه
أو يوفي أبثاره من أهل الخيانه

نون أو نشتكيله -- أبكثر ما نندعيله
أبدمع عالخد يدر -- أباكلب يلهب جمر
يا فاطمه العليله -- يا فاطمه العليله
---------------
خادم أهل البيت
الشاعر :أسماعيل الجوراني
الخميس 20/8/2020

محرم 1442
ندبه لسيد الشهداء
الأمام أبا عبد الله الحسين عليه السلام
..................
كل دمعه أو كل ونه أو زفره
سجل عندك يبن الزهره
................
عاشورك مد ظل أهمومه
يومك ماصح يوم أبيومه
جسمك جثه أبأرض الحومه
والخيل أتهشمله أبصدره
................
سهم أمثلث كلبك شاعب
نهر أبكربك مي ما شارب
عن ملتك والدين أتحارب
يا وجه الأسلام أو فخره
.................
فوك الذاري أيذري الذاري
ثلث أيام أو جسمك عاري
منعو دفنك منع أجباري
أو بالكاع أشلائك متوذره
..................
كل جامع كل أحسينيه
قام أقرايات أو لطميه
هذا أبحقك والله أشويه
ما يوصل من فضلك قطره
...................
وينه الحارب ذكرك وينه
خله أيشوف الشيعه أبعينه
حتى البعده أزغيره أسنينه
مجنونك صاير بالفطره
.................
اللاطم صدره الهل أدموعه
والذب حسره أبزفره أو لوعه
والونته أبمجلس مسموعه
من عينك غايتهم نظره
.................
يابو أسكينه أو يابو الأكبر
غاية كل خادم للمنبر
منك نظره أبيوم المحشر
عند الخالق ترفع قدره
..................
كل دمعه أبمجلس سجلها
والشيعه أبظلك ظللها
كملها أفضالك كملها
أحضر من والاك أبقبره
..................
يا عبره أو عبره أو يا آيه
الحد الموت أتشدلك رايه
نهر أمصابك ما جف مايه
وجروحك ما تدمل خضره
....................
عهد أوياك أتوقع بالدم
للموت أيظل بسمك مأتم
ما نهتم للموت أو نهتم
يسكت كل الكون أبأسره
.....................
خادم أهل البيت
الشاعر : أسماعيل الجوراني
السبت : 21/8/2020

نسئلكم الدعاء
وقراءة سورة الفاتحه لروح والدينا جزاكم الله خير الجزاء

نزله محرم 1442
لشجاعة وذكرى أستشهاد سفير الحسين
الأمام مسلم أبن عقيل عليه السلام 
..................
مسلم أبيوم الدخل ميدانها
ختلت أركاب الزلم ببدانها
....................
بينهم ما بين مسلم بالحرب
بس صليل السيف تسمعله ظرب
روس من الجيش كامت تنشطب
الكوفه حمره أمنالدمه تربانها
....................
هاشمي الأخلاق ما يطعن غدر
يطعن اللاكاه بس صدر أبصدر
أبيوم صال أو جال نجمات الظهر
شوف أعيان العدا أو فرسانها
...................
ظل يزم شفه أو يهد ثابت عزم
أو وين ما شاف الزلم هد عالزلم
واحد أو مقداره كد هذا الحجم
غيرته غيرة علي نيشانها
...................
سوه ذاك اليوم بالكوفه العجب
لا تعب مسلم ولا سيفه تعب
صرصر أمنالموت صرصرهم حطب
النار ألهم شرعت بيبانها
..................
أبسيفه جز الروس جز صوف الغنم
لا شمال الجيش لا ميمن سلم
أشلون مدري أشلون خطط مرتسم
والجيوش الوحده شل ذرعانها
....................
خله صنديد الحرب بيهم وجل
الما ينوشه السيف بالخوف أنجتل
بين شارد صارو أو بين الختل
بالجثث بيها أنخبص دفانها
...................
خاطهم خوط أولعب بيهم لعب
أحزابهم ظلت حزب يلعن حزب
هذا سب أيزيد والثاني اليسب
آل أميه و التبع عربانها
...................
بين ثالوث الفتن هاتف هتف
هذا عمه المندفن برض النجف
لو بحر من الدمه منكم نزف
مو عجيب الهاشم أو فتيانها
..................
من بده بيهم الساعة مقتله
عاد أمجاد الوصي عقد الوله
كربله بالكوفه تشبه كربله
أمرايه للتاريخ ظل عنوانها
....................
خادم أهل البيت
الشاعر : أسماعيل الجوراني
الجمعه : 31/7/2020

شيله : ختامية مجلس
الأنصار رضوان الله عليهم أجمعين
....................
أويلاه يسيدي

صوت الأنصار أبكربله

أو يلاه يسيدي

لجلك عمرنه أنسبله

أو يلاه يسيدي

هذا العهد منبدله

أو يلاه يسيدي

يحسين أبن عقد الوله

أو يلاه يسيدي
....................
1
عابس طلع من خيمته

أو يلاه يسيدي

ناده أو تخنكه عبرته

أو يلاه يسيدي

أو جدك الهادي أو عترته

أو يلاه يسيدي

شخصك حياتي فدوه أله

أو يلاه يسيدي
...................
2
جون أو وهب ركضو سوه

أو يلاه يسيدي

شمس الشهاده أبنينوه

أو يلاه يسيدي

لمن يبان ألها ضوه

أو يلاه يسيدي

زود الي بينه أتخيله

أو يلاه يسيدي
.................
3
خليها زينب تبتشر

أو يلاه يسيدي

ويلوح أبيرق نصر

أو يلاه يسيدي

أبن الرياحي لنه حر

الغيره جابته هله

أو يلاه يسيدي
.....................
4
أو يلاه يسيدي

لنه حبيب أبلا وعي

أو يلاه يسيدي

ما أبقى ساعه أبمخدعي

أو يلاه يسيدي

كبل أضلعك أله أضلعي

أو يلاه يسيدي

تتهشم أبهذا البله

أو يلاه يسيدي
...................
5
أنصار ضنوة فاطمه

أو يلاه يسيدي

واحد حمل واحد حمه

أو يلاه يسيدي

نهران خلوها الدمه

أو يلاه يسيدي

ذاذو عن حسين أوهله

أو يلاه يسيدي
..................
6
كل واحد أبغيره هتف

أو يلاه يسيدي

عفنه ملذات الترف

أو يلاه يسيدي

والمندفن برض النجف

أو يلاه يسيدي

لجلك عمرنه أنحلله

أو يلاه يسيدي
....................
7
دمهم عله السيف أنتصر

أو يلاه يسيدي

أمرايه صارو للفخر

أو يلاه يسيدي

وحفادهم للمنتظر

أو يلاه يسيدي

تنصر ثورته الباسله

أو يلاه يسيدي
..................
8
يا سر عشكها الأزلي

أو يلاه يسيدي

للمهدي رايه تعتلي

أو يلاه يسيدي

ثارات ألك يابو علي

أو يلاه يسيدي

المال هيه تعدله

أو يلاه يسيدي
.................
خادم أهل البيت
الشاعر : أسماعيل الجوراني
الثلاثاء : 25/8/2020

شيله ختامية مجلس
أستشهاد قمر العشيره أبا الفضل العباس عليه السلام 
........................
أو يلاه يبو الفضل

جسمك عله جرف النهر

أو يلاه يبو الفضل

الهام من عنده أنطبر

أو يلاه يبو الفضل

جف يمنه جف يسره أنبتر

أو يلاه يبو الفضل
..................
1
أو يلاه يبو الفضل

جسمك خوى أمن أسنينه

أو يلاه يبو الفضل

سهم المنيه أبعينه

أو يلاه يبو الفضل

الله يعين أسكينه

أو يلاه يبو الفضل

طفله أو زغيره أعله القهر

أو يلاه يبو الفضل
......................
2
أو يلاه يبو الفضل

عباس صكار الزلم

أو يلاه يبو الفضل

بدر الهواشم يا شهم

أو يلاه يبو الفضل

كفيت والله والنعم

أو يلاه يبو الفضل

مدعاة زينب للفخر

أو يلاه يبو الفضل
.....................
3
أو يلاه يبو الفضل

للدين وفيت العهد

أو يلاه يبو الفضل

غرت أو صحت حيدر مدد

أو يلاه يبو الفضل

الجيش من عندك شرد

أو يلاه يبو الفضل

واحد وكع واحد عثر

أو يلاه يبو الفضل
.....................
4
أو يلاه يبو الفضل

عباس أبن عقد الوله

أو يلاه يبو الفضل

تشهد الزودك كربله

أو يلاه يبو الفضل

شمر الخنا أبن السافله

أو يلاه يبو الفضل

مرسومه أبغدرك صدر

أو يلاه يبو الفضل
.................
5
أو يلاه يبو الفضل

لمن طحت عالمشرعه

أو يلاه يبو الفضل

وجفوف أديك أمكطعه

أو يلاه يبو الفضل

أشلون واجه مصرعه

أو يلاه يبو الفضل

لمن عله الكاع أنهطر

أو يلاه يبو الفضل
........................
6
أو يلاه يبو الفضل

عباس سبع الكنطره

أو يلاه يبو الفضل

لمن طحت فوك الثره

أو يلاه يبو الفضل

حال العقيله أتصوره

أو يلاه يبو الفضل

صلت جلوس أمن الخبر

أو يلاه يبو الفضل
....................
7
أو يلاه يبو الفضل

زينب نعت زينب بجت

أو يلاه يبو الفضل

عالكاع جوجت ونتجت

أو يلاه يبو الفضل

يسره ألتفت يمنه ألتفت

أو يلاه يبو الفضل

أحسين مكسور الظهر

أو يلاه يبو الفضل
....................
8
أو يلاه يبو الفضل

بيد الزجيه فاطمه

أو يلاه يبو الفضل

جفينك التكطر دمه

أو يلاه يبو الفضل

والزهره تنصب محكمه

أو يلاه يبو الفضل

أب20 من شهر الصفر

أو يلاه يبو الفضل
....................
9
أو يلاه يبو الفضل

صنديد بالحومه أو كلف

أو يلاه يبو الفضل

بالخوه شفاف أو ترف

أو يلاه يبو الفضل

خضره الجروح أو ما تجف

أو يلاه يبو الفضل

حد ما يبان المنتظر

أو يلاه يبو الفضل
....................
خادم أهل البيت
الشاعر : أسماعيل الجوراني
الأربعاء : 26/8/2020

أعكيلي : 1442
ليلة قمر العشيره
أبا الفضل العباس عليه السلام
...................
يا عباس أبن البدويه
...................
يمراية تاريخ الشيعه
صيتك ما حاجه أحنه أنذيعه
يوم الجسمك تم تكطيعه
صيتك نتفيه أحنه أبفيه
..................
منهو المثلك ضحى أسنينه
خاطر تنسد فجوووة دينه
انته الضحى أبجفه أو عينه
والضحه أبروحه المرضيه
..................
حمله أتشن أو تبدي أبحمله
أوحل بالعسكر موت الجمله
وختك زينب فوك التله
أتهلهل هلوهلت نشميه
.................
راعي الرايه أو راعي الجربه
بس المجبل ليك أتظربه
ما ي الشط حرمت أتشربه
وجفوفك بالمي ممليه
................
داعي الغيره البيك أستفرد
يالجسمك عالشط أتفرهد
جفك عينك راسك والخد
صارن من دمك مدميه
................
يبن الما ثنى أبضرباته
أو شيد دين الله أبصولاته
قلب أختك زادت شوغاته
أو تتأمل من عندك جيه
..................
كافلها أو يا نعمه الكافل
صيتك بالطف جدآ حافل
كم فارس بالحومه الجافل
منك و محير داعيه
..................
خير الناصر لبن الزهره
شانك عند الله أشكبره
يا هو المثلك أصبح قبره
كعبه أبصف كعبه أو مبنيه
..................
أكرم ونعم يوم المحشر
بيد الزهره أجفوفك تحضر
وهل الجنه أتشيد منبر
وتقيم أبأسمك لطميه
...................
مجلس بسمك هاي الليله
بيه الشيعي أمجند حيله
يلطم صدره أو دمعه أيسيله
عندك سجل هاي النيه
..................
عاشور أشما هل أهلاله
سابع يوم أيترجم حاله
مهما العشق الشيعي أتغاله
ما وفه العباس أشويه
.................
خادم أهل البيت
الشاعر : أسماعيل الجوراني
الجمعه : 14/8/2020

نزله محرم 1442
ليلة أستشهاد الأمام القاسم العريس عليه السلام
....................
يمه يا جسام دش ميدانها
والطويله ألسان كص ألسانها
..................
يبني يا صنديد يا ليث الحرب
خلها تتبريد زلمها أمنالرعب
بيهم أضرب حيل حد ما تنضرب
أو جثتك يكطر دمه جثمانها
....................
أبحومة الميدان أريدك قسورة
كرتك كرات جدك حيدره
كوه تاخذ روسهم كص بالسره
أو كربله أتغص بالجثث تربانها
.....................
نشمي يا مغوار يا شبل الحسن
أنصر حسين الغريب المرتهن
وكشف الكربات عن وجه الضعن
كربله أتريدك تخلد شانها
.....................
أبلامتك والسيف وعمامة نبي
أبغيرة الحيد الهمام الطالبي
فوت ليهم فوت وسبيهم سبي
خلي هاشم تفخر أبشبانها
....................
يا أهديب العين يا لب الكلب
بالوفه لحسين أريدنك خصب
أبني ودريبك نجر يوم الحرب
غيرتك غيرة علي عنوانها
....................
سرعف أعليهم سراعيف الغضب
ولجهنم كام يرسلهم حطب
ما يثني الضربه جم فارس شطب
أسمه والعسكر نعت فرسانها
...................
هاشمي الأنفاس عاشوري الهوه
أبفضائل فاطمه الزهره أرتوه
جندي عند حسين بالخدمه أنطوه
نعمه هاي أو تستحق شكرانها
....................
عيت أو صحت عياية كربله
راجله أو فرسان كلها أمجتله
أو صوت رمله أيصيح يا جاسم هله
بيك يتباها عميد أعيانها
....................
واجب أبهاليله جاسم ينخدم
عمره ما ناهز تكاليف الحلم
لا ضعف لا خاف لا رجع جدم
كربله يشهد أله وجدانها
....................
خادم أهل البيت
الشاعر : أسماعيل الجوراني
السبت : 11/7/2020

نزله : محرم 1442
لشجاعة وأستشهاد الأمام علي الأكبر عليه السلام
.....................
هذا الأكبر هذا .. لو جده علي
الخله ميدان الحرب .. يغلي غلي
..................
من صلب فارس مضر يشبه نبي
مفعم أبروح الشباب الطالبي
ناوي عالعدوان يسبيهم سبي
فدوه أروح المقدمه .. أنه أو هلي
...................
دلهمت سوح الحرب لمن نزل
وب سجال الموت معشرهم جتل
هالفحل جنا علي جده الفحل
والثلث تنعام .. من ذكر الولي
..................
هذا ميدان الحرب وين الزلم
ناده والشفه على الشفه يزم
لا سلم للما مشى أبدرب السلم
يا شمر أعربلي .. معنى ما يلي
.....................
كرت الكرار كر أعله المله
راس أبوه حسين شاله أبكربله
عاد أمجاد الوصي عقد الوله
هلهلي ياليلى .. لبنج هلهلي
...................
حمله بعد الحمله شن ليث الحرب
بيك ما تخطيك حاذر لا تطب
جيش أبن سفيان ناده أمنالرعب
يا شمس غيبي .. أو يدنيا ل يلي
..................
ساكهم سوك الغنم للمحتضر
بين راسه الطار والراسه أنطبر
الحاطمه المغوار وداهم شجر
أوحاطمه بشجارهم .. تصلي صلي
...................
شل يمين الجيش ويه الميسره
ياهو بيهم حيد راسه أيكتره
الخاف منه والشرد صد ناظره
عنه والمغزى الشرد .. مو ند ألي
...................
كود فوك الكود كودها الجثث
لا تعب سيفه ولا عهده حنث
سوه بيهم نايره حد ما لبث
السيف بعد السيف .. جسمه يعتلي
....................
خادم أهل البيت
الشاعر : أسماعيل الجوراني
الأثنين : 29/6/2020

أعكيلي : محرم 1442
في مديح ورثاء الشباب الحسيني
الأمام علي الأكبر عليه السلام
.................
يا الأكبر غير أعله العسكر
.................
يا عطشان أو يلهب جبدك
غير أبغيرة حيدر جدك
يخسى الجيش أيصير أبكدك
ونته البالنوماس أمعتبر
................
ذلهم خلهم واحد واحد
زاد السيفك جندي أوقائد
بين الميت بين الشارد
بين اليلعن حظه الأغبر
...............
خلي الجيش أبكل تعداده
لو ذكرو كدامه الساده
يذكر من ضيع مشراده
يوم الباشط بيدك عتور
...............
ضد أيزيد أو ضد أعوانه
أو ضد أهل الذات الخوانه
حيفك خله أيبرهن شانه
هاليوم أنه الموت الأحمر
................
صيتك محد واصل صيته
الطاها الهادي أبعترة بيته
أشبه خلق الله أبشخصيته
نور الهادي أبوجهك أزهر
................
أفزع لحسين أو ضحيله
أو سر قلب الزهره أبهاليله
باب الجنه أمشرع حيله
لجلك ياالأكبر ومبخر
...............
أمك تدعي أو تجري الدمعه
أبجاه الدين أونهجه أو شرعه
يارب سالم ردلي أبسرعه
أبني أبجاه الزهره الكوثر
...............
من عالي السبعه العلويه
صوت أيأذن بحسينيه
ناعي أو رادود أو لطميه
مجلس وجدادك بي تحضر
...............
شاب أو توها أسنينك خضره
أو واجب دين الهادي أتنصره
جاسم كبلك ضحى أبعمره
شاهدت أبعينك هالمنظر
...............
صاحب نخوه أو صاحب غيره
طيب ذات أو طيب سيره
بيك النيبه اليوم أجبيره
وحسين الفكدك يتحسر
................
كرت جدك حيدر كرها
أو هالثوره أبدمك أنصرها
أمك عاد الله أيصبرها
لو جسمك بالحومه أتوذر
.................
شد الهمه أو غير أبهمه
محد ينسالك هالخدمه
جف أيلزمه أوشفه أتشمه
شباكك واليفياف أخضر
.................
خادم أهل البيت
الشاعر : أسماعيل الجوراني
الجمعه : 28/8/2020

موشح
لشجاعة الأمام
علي الأكبر عليه السلام
....................
اليوم نجل حسين شلوة حيدره
أيطالب أبثارات سبع الكنطره
....................
أيطالب أبثارات عمه العالنهر
أمكطع الجفين والهام أنطبر
علي الأكبر كربله نادت حضر
الجيش ناده أدخيله ليث القسوره
....................
الجيش ناده الجيش هالنشمي النزل
بالحرب مغوار جن جده الفحل
بيها شردت بيها كاتلها الوجل
بيها دفنت روسها أبنص الثره
..................
بيها مدري أشبيها من كد الرعب
صعد للزرودم من عدها الكلب
حكها لنها أتشوف كامت تنشطب
أكبالها الروس أو جثثها أموذره
...................
الروس فوك الروس تله أبكربله
صارت أو جم فارس أبعاها أبتله
والله نشمي أو حيد أبن عقد الوله
راجله أو فرسان خله أمجزره
...................
راجله أو فرسان صيت ألهم أمس
جثه طاحو عالأرض ما بيها حس
الثار عمه الحيد خالسهم خلس
بالخيم هلهلت جم أمخدره
.................
بالخيم صوت الهلاهل لن دوه
عمته فدوه الثار شيال اللوا
خل يتك بنفاسهم عذب الهوا
الشور شورك ونته بيهم قرره
..................
الشور شورك قرره أبهمه أو حزم
المو زلم خليها لنها مو زلم
أو داعتج يا عمتي أثلمهم ثلم
من زمان اليوم هذا أتخطره
....................
من زمان أو سيفي يسئلني أشوكت
تلفي عملة كربله أو صبرآ كلت
بالغمد يا صاحبي من كد ما نمت
جاوب أستحيف لأن حيلي أنهره
....................
جاوب أستحيف مثل هذا العدد
اليوم ما خليه بالحومه قدد
من سمعني صحت يا حيدر مدد
كيف أو يا كيف كيفه أتصوره
..................
خادم أهل البيت
الشاعر : أسماعيل الجوراني
الجمعه : 28/8/2020

نزله : محرم 1442
لذكرى أستشهاد
الأمام عبد الله الرضيع عليه السلام
....................
هلهلي الحلو الشمايل هلهلي
كومي يا زينب يبت حيدر علي
..................
مثل أخوته أبكربله كبش الفده
بالسهم مذبوح من نحره غده
والله عبد الله شهم هوه البده
أو كال نبلة حرمله ودوها ألي
..................
يوم شاف حسين محد ناصره
كطع أكماطه كرامه الخاطره
شرع أجفوفه أو دمع عينه جره
غيرة الساده البيه أتخيلي
...................
ضد أميه الماجنه بيرق نصر
عالي صار أبكربله لله الشكر
صار صيته أبصيت ربات الخدر
أنعم أو أكرم مكارم تنتلي
...................
عمره 6 أشهر ولكن غيرته
ما رضت لحسين تخمد ثورته
مو ذبح نحره أبسهم بس سيرته
سيرته أكبر بعد مما يلي
....................
كثر الله خير عملة كربله
كشفت الحقد الحقيقي أبمقتله
ماي من يسكونه سهله المسأله
ليش نحره أبحر سهمهم ينصلي
....................
أمن الوريد أو للوريد أبيا ذنب
دمه بيد حسين ظل يشخب شخب
أبكثر ما نحره ترف غيره خصب
أبجيشهم يا كربلاء أتزلزلي
...................
مات عبدالله أوبعد ما منه حس
والجسد ذبلان من حر الشمس
هذا يا زينب ترى أبذاته درس
آل هاشم مشعل الكل مبتلي
...................
كومي يخت يحسين زيدي النايبه
للرباب أدموع عالخد ساجبه
يمه عبد الله تون وتعاتبه
أمك أبهالساعه موقفها جلي
.....................
يا بعد أمك ألك فدوه رحت
أبجي ليل أنهار بفراكك صرت
من صبر زينب صبر بعدك ردت
كون كبلك يالولد حل مقتلي
....................
صورة الطف خالده اليوم الجمع
أهلال عاشور أشيهل نوره يشع
للشمع مقيات مقيات الدمع
أبحضرة الكاروك جي منه خلي
.....................
خادم أهل البيت
الشاعر : أسماعيل الجوراني
الجمعه : 28/8/2020

نزله : حماسيه /
عن لسان حال خدام الحسين لأحياء مئاتم العزاء
...............
دمعتنه تظل دمعه حسينيه
كل لحظه ابعمرنه عدنه لطميه
..............
نترسهه الشوارع رايه يم رايه
نوصل للمجالس نحضر أقرايه
نندب يا قتيل العبره مولايه
وبداعي الوفه نحيي مراثيه
................
ما تبرد أبد للدوم همتنه
ونمني نفسنه أبهاي خدمتنه
تحضرنه الزجيه أبحين شدتنه
وبزود الزجيه الحاجه مكضيه
.................
عالفطره هوينه حسين عالفطره
شايب شاب حيله أومنكسر ظهره
وزغيرون عمره ما وصل عشره
أوحته البالمهد حسراته شيعيه
.................
شكرآ ياحسين أيترجم أحساسه
خادم بالمجالس جابه نوماسه
طاسة ماي بيده أوبيده مكناسه
ويداوم عله هالحال يوميه
................
يحسين أبخدمتك يعله نوماسي
عالي أبخدمتك ما نزلت راسي
ما ناسي العهد وياك ما ناسي
ما دام الجسد حلوه معانيه
.................
كل مهجة موالي أتبات مهضومه
لو كال الخطيب أمسلبه أهدومه
يوم حسين أبد ماكو مثل يومه
صرختنه أبدمع صرخه كفائيه
...............
تبقه كربله أومحد يمر بيهه
دكينه صدرنه الروح نفديهه
يا ويله اليمد جفه التراجيهه
يا ويله اليفكر تمشي مسبيه
...............
يا والد رقيه أو والد أسكينه
أبعون الله أومحمد علي والينه
للموت العهد وياك ناوينه
اوماخاب التمسك بيك داعيه
................
خادم أهل البيت
الشاعر : أسماعيل الجوراني
الثلاثاء : 11/9/2018

نزله : وداعيه
ختامية مجلس ليلة العاشر من محرم
....................
أويلاه يفاطمه
أويلاه يفاطمه
...................
1
يا ثالث أقمار الهده .. أويلاه يفاطمه
حسين ظل الوحده

ما بين ثكنات العده
ماله معين أيسانده

أنصاره صرعى أمدده
والدم بحر منها غده

كربله بحر أمنالدمه .. أويلاه يفاطمه
...................
2
جايب رضيعه البالمهد .. أويلاه يفاطمه
يطلبله ماي أوتالي رد

بالسهم مذبوح الولد
دمه عله نحره جمد

يا فاطمه شاحب جسد
دلال أبو اليمه أنمرد

من شافه ذابل مبسمه .. أويلاه يفاطمه
....................
3
شبان كلهم مرجله .. أويلاه يفاطمه
جدهم علي عقد الوله

جاسم والأكبر قابله
عالكاع جثه أمرمله

ناده الحسين المبتله
هديتي حيلي كربله

ابحالة شبابي الصادمه .. أويلاه يفاطمه
.....................
4
يا فاطمه عندك خبر .. أويلاه يفاطمه
عباس مدعاة الفخر

شلوة علي فارس مضر
مغدور والراس أنطبر

مكطوعه جفين الكمر
وحسين مكسور الظهر

ميت عضيده أو خادمه .. أويلاه يفاطمه
......................
5
حانت سويعات الصفر .. أويلاه يفاطمه
باجر أذا طر الفجر

فوك الصدر يكعد شمر
والخيل تسحك عالصدر

وخدود ربات الخدر
بجفوف عسكر تنسطر

بالخيمه نار أو ضارمه .. أويلاه يفاطمه
.....................
6
يا فاطمه بنت النبي  .. أويلاه يفاطمه
بالنار مجويه العبي

عالهزله تمشي للسبي
الحره النسبها الطالبي

من الهظم تحبي حبي
تصعد التل الزينبي

ليلة الوحشه القادمه .. أويلاه يفاطمه
.....................
7
عاشر محرم بالحزن .. أويلاه يفاطمه
نستقبله نلطم نون

الداعي منه ممتحن
والدمعه تجري عالوجن

يافاطمه الزهره يمن
مكسوره ضلعينج غبن

رزقينه حسن الخاتمه .. أويلاه يفاطمه
........................ .
خادم أهل البيت
الشاعر : أسماعيل الجوراني
الأثنين : 9/9/2019

حماسيه
للمشايه وذكرى أربعينية
الأمام الحسين عليه السلام
....................
رغم أجوائاها هاي الوبائيه
مشت مشايتك مشيه كفائيه
...................
من أولايه طلعت تتبع أولايه
مشايه أعله مد الشوف مشايه
وفايه أو ترفرف بيدها الرايه
تتحدى الوبا أبغيره ولائيه
....................
أبيوم الأربعين أتزور عن فطره
من أبعيد تشتم نسمة الحضره
بتراب الدروب أووجوه متعفره
أمجنده أرواحها لجلك فدائيه
....................
تكصد كربله كل خطوه تخطيها
للمهدي أبو صالح هيه تهديها
والزهره الزجيه أمك تعزيها
وتهل عالوجن دمعه عزائيه
.....................
أفواج المشت تتحده كل عله
دربك عافيه أو مابيه أبد خله
ياظل العوافي الماكو من ظله
حبك للعلل وصفه دوائيه
.....................
يا ماي الوجه يحسين أبو اليمه
نعمه أنته أو شكر تستوجب النعمه
سجلها المشت في دفتر الخدمه
أو كفيها شرر كل أبتلائيه
.....................
مهجوره المدن لو شبه مهجوره
ديرة كربلا أبعون الله معموره
وينه الحاربك فجر أوطلع نوره
تسمعله صدى أبنبره رثائيه
....................
كورونا شني أوشنهو وبا غيره
يجعل شيعتك يابو الوفه أبحيره
يالحبك مناعه أبكل حذافيره
حجة مرقدك حمله وقائيه
....................
قربان الشهاده حسين أبو الأكبر
تدري أبشيعتك حد كطعت المنحر
وفايه أو أملها أبدنيا و بمحشر
تلكه أبنصرتك رحمه سمائيه
......................
خادم أهل البيت
الشاعر : أسماعيل الجوراني
الجمعه : 25/9/2020

نزله : عهديه
عن لسان حال السائرين لأحياء ذكرى أربعينية الأمام الحسين سيد الشهداء عليه السلام
....................
يمولاي .. يا عزيز  الزهره
تعنيت .. ماشي الك عالفطره
أبمشية المشايه
بيدي شايل رايه
تعنيت .. ماشي الك عالفطره
.....................
يالحسين .. الله يدري أشبيه
عشك صار .. لجلك أوحنيه

وحقها .. زينب المسبيه
رضعته .. أمن أمي الشيعيه

والكفيل أو مايه
أبحبك الجوايه
تحديت .. كل عدو للعتره
....................
يمولاي .. يابو نحر الدامي
لونها .. تجري دم أجدامي

مسافات .. أمشي لجلك ضامي
وجيلك .. بالعشك مترامي

روحي ألك وفايه
جيت أدكلك ثايه
ترقيت .. بالدمع والحسره
........................
يمن بيك .. أشعر أبالذاتي
إنه أدريك .. سجلت خطواتي

طلبتك .. تكظي ألي حاجاتي
أو بجاهك .. تنقبل دعواتي

بيدي هايه أوهايه
لله رب أسمايه
تنخيت .. بالحسين أونحره
.....................
أبأدب تام .. خطوتي أخطيها
المواكب .. زينب أشعر بيها

مئاتم .. نصبت أتعزيها
والأعلام .. شدت أبساريها

بيها لطم أقرايه
قارئ أو ملايه
تهاويت .. عالصدر بالعشره
....................
ألك جاي .. والدمع نيشاني
أعزيك .. من صميم أشجاني

يالصحاب .. ولدي يا أخواني
تنادي .. أو موقفك أذاني

تحجي يمها أحجايه
أجسادها أمدمايه
تأذيت .. ما بقتلك نصره
.......................
يقربان .. يا ذبيح المنحر
أجيلك .. ماشي لو أتوذر

فدائك .. ياعزيز الكوثر
حياتي .. تستحق منها أكثر

فضلك أنته أهوايه
حسين يا مولايه
توضيت .. شبدي بسمك أقره
....................
خادم أهل البيت
الشاعر : أسماعيل الجوراني
السبت : 26/9/2020

فزاعيه
لذكرى أربعينية الأمام الحسين سيد الشهداء عليه السلام  وفضائلها الحميده
...................
بربعين حسين شيعة  حيدره
الكربله مشايه كلها أمسيره
مختلف أعمار
أكبارها  وزغار
الكربله مشايه كلها أمسيره
.....................
يا حلاته الصوت بيكم يا هلا
يلي هميتو المسير الكربله
بربعين حسين أبن عقد الوله
أبو فاضل ينتظر كل قافله
أمعزب الخطار
أبو راس الحار
والنعم عباس سبع الكنطره
.....................
والحسن شيخ الكرم مد سفرته
الجاع والعطشان كل شي أبخدمته
كام منها أبأيده يطعم شيعته
أو خدر الدله أو بده أيصب كهوته
الحسن شب نار
منتظر مسيار
على جيس الزهره كهوه أمخدره
........................
علي وياكم علي هان التعب
بمتحان الخدمه ما واحد رسب
أبدفتر الزهراء كل أسم أنكتب
يعني كل شي أمسجل أو كلشي أنحسب

أو شوغة البسمار
ما يضيع أتغار
لل الوجوه البالتراب أمعفره
.....................
المحني ظهره الشاب واليحبي حبي
كاصده حسين الولي أو سبط النبي
أو كاصده العباس أبو الغيره الأبي
أبمعنى تطلب ثار شوغات السبي

للظلم أنذار
هذا درب الثار
النصرة المهدي عزمها أتحضره
......................
صوت من أهل المواكب يعتلي
على حب المصطفى أو حيدر علي
أتغده وشرب جاي يا بعدي أو هلي
من تزور حسين دعواتك ألي

بيتي بيتك صار
حتى بيت الجار
بيتك  أو بيك الولايه أمنوره
....................
الظيف ظيف الله المواكب كبرت
فدوه أجالك ليل وجدامك خوت
بات عدنه الليله يا راعي البخت
بيك نتعشم حوايجنا أنكظت

الليل هدله أستار
الخدمة الزوار
الشيبه بالسبعين ناصب سيطره
........................
أزغير عمره أهواي بالخدمه نجر
بيده طاسة ماي عالزاير يصر
هاك أشرب ماي يابعد العمر
ولعن أيزيد أو عبيدالله أوشمر

ولعن الغدار
الحرك بالنار
منزل الزهره الزجيه الطاهره
.....................
كربله كعبه عشك دوله أوعلم
جامعة أخلاق وتخرج خدم
الباكي لجل حسين والصدره لطم
ورثه وراث رسول الله الحشم

أبهيبة الأنصار
صيته بالأمصار
بربعين حسين خلقه أستشعره
.......................
خادم أهل البيت
الشاعر : أسماعيل الجوراني
الأحد : 27/9/2020

موشح
لذكرى أستشهاد النبي الأكرم أبا القاسم محمد عليه وعلى آل بيته أفضل الصلاة وأتم التسليم
................
اليوم أبو الزهره لفظ نفسه الأخير
أوعالجسد حيدر علي جوجه حسير
.................
عالجسد حيدر علي خير العمل
جوجه حاسر راسه ودموعه همل
والد الزهره عن الدنيا رحل
الجان توئم دنيته أبعسر أو يسير
....................
توئم الدنيا النبي السامي المقام
روحه فاضت والجسد ذاك الهشام
أمسجى والوجه أنشحب بدره التمام
أو مغرب الوحشه هدل ستره المرير
.....................
الليله ليلة وحشه متخومه أبخبر
28 من أخر صفر
طول أبو أبراهيم بالكاع أندثر
وآل عبد المطلب خسرت جثير
.....................
آل عبد المطلب شيب أو شباب
لو تهيل أسنين عالراس التراب
ما تجي الحزن الزجيه أبهل المصاب
لو صفه عدها الحزن عام النفير
......................
لو صفه عدها الحزن ليل أو نهار
ما تجي الحزن أم حسن ذرة غبار
أبحين أبوها شافته أبحال أحتضار
شوغه بعد الشوغه واتبها المصير
.....................
شوغه بعد الشوغه كم طالب طمع
ينسى أصول الدين و يغره الجشع
أبموت أبوها المصطفى أبحين السمع
أغراب شوم الدين ينعق بالهجير
....................
أغراب شوم الدين أبو الراي البدد
أبنص سقيفة ساعده لمن كعد
ويه كم هافي بخت شئومه عكد
لعنة الله أعليه معدوم الظمير
....................
لعنة الله أعله النكر حق البتول
والمشى مشيه أو ظلم آل الرسول
مدري لله الناصبي شنهي اليكول
من يصير أحسابه عند الله عسير
....................
خادم أهل البيت
الشاعر : أسماعيل الجوراني
الأربعاء : 14/10/2020